You&Me - Exploring the World

Living OUR dream, finally! Read more

Follow Insights Calendar Photos Share

You&Me - Exploring the World
3
Into the Wild 🐊🦥🐒🦎
September 27, 2021 in Costa Rica ⋅ 🌧 26 °C
Mer send gester ond höt sowohl z‘Fuess als au metem Böötli dur de Nationalpark gschlenderet ond hend stuuuuundelang wildi Tier gsuecht. Die Tier ide freie Wildbahn chönne z‘erlebe ond z’beobachte macht richtig Spass & esch super beidruckend. 🤩
Zwei Fuultier send eus au no öber de Weg gloffe - sie send aber leider soooo langsam xii, dass sies ned ofs Foti gschafft hend. 🤣
Ond de Jaguar het sich leider ned welle blicke loh - sini Beuti (zwoi grossi Meeresschildchröt) aber hemmer gfonde… Natur pur!Read more
See translation
Traveler Nei, esch e Boumstamm …
10/2/21Reply
Traveler🤣 Danke förs Filmi! de esch suuuper 🤣
10/2/21Reply
Traveler Neei, esch es Kroki..
10/2/21Reply
29 likes
You&Me - Exploring the World
3
Costa Caribeña 🏝
October 1, 2021 in Costa Rica ⋅ ☀️ 28 °C
Die letzte paar Täg semmer ade Ostküste vo Costa Rica onterwegs xii: Cahuita - Puerto Viejo - Manzanillo. Bi schönstem Sommerwetter ☀️hemmer z‘Fuess ond metem Velo d‘Stränd ond d‘Nationalpärk erchundet. Nebst wörkli paradiesisch schöne Stränd werd eus d’Begegnig metem Fuultier in Erinnerig bliibe. 🦥Read more
See translation
Traveler ❤️❤️❤️🦥
10/3/21Reply
TravelerEure Fotos und Beiträge bringen uns etwas Abenteuerfeeling ins Haus. So schön
10/3/21Reply
Traveler Sone schöni Ufnahm👌🦥❤️!!
10/3/21Reply
Traveler Jöööh! 🥰
10/12/21Reply
23 likes
You&Me - Exploring the World
1 2
La Fortuna 🍀
October 5, 2021 in Costa Rica ⋅ 🌧 26 °C
Nach Puerto Viejo hemmer d‘Küste verloh ond send wiiter is Landesinneri greist. De neui Ort, La Fortuna, esch sehr vielsiitig. Bis jetzt semmer dur de Nationalpark gwanderet, hend de Vulkan bestuunt ond send erere riesige Würgeschlange öber de Weg gloffe. Erholt hemmer eus denn i natürliche, heisse Quelle - de ganzi Fluss werd vom Vulkan „gheizt“.
Met de ÖV eschs ned emmer ganz eifach ond mer verlürt oft chli vell Ziit. Um bitz flexibler z’sii hemmer drum höt es Auto gmietet - das werd eus jetzt die restlichi Ziit in Costa Rica begleite.Read more
See translation
Traveler riiiiiiiisig🤪
10/6/21Reply
Traveler Lässig gäll 🥰 - die git‘s in Island ja au wie Sand am Meer😉🏞
10/6/21Reply
TravelerMega guuet ☺️ eifach super entspannend!
10/6/21Reply
2 more comments
26 likes
You&Me - Exploring the World
Río Celeste ☔️
October 6, 2021 in Costa Rica ⋅ ⛅ 24 °C
Siit höt wössed mer jetzt au, was es bedütet, ide Regeziit onterwegs z’sii 💦 s’het eus höt sicher 5x ganz verregnet, zwöschedure eschs aber emmer weder schön xii & zom Glöck au emmer warm!

Mer hend höt en Usflug zum Río Celeste gmacht. De Legende no esch s’Wasser vom Fluss so blau, will Gott bim Mole vom Himmel de Pinsel e dem Fluss tünklet het. ☺️ Höt weiss mer, dass die blaui Farb entstoht, will zwei Flüss mit unterschiedliche Mineralie ufenand treffed. Wegem velle Rege hemmer de Wasserfall leider ned e sinere blaue Pracht chönne bewundere - zom Glöck aber hemmer bitz wiiter obe bim Zämefluss d’Magie doch no dörfe erlebe. ✨Read more
See translation
Travelerdanke velmol för die tolle Brecht ond Föteli. fröi mi emmer druf😘
10/7/21Reply
TravelerDanke Helen 😘
10/7/21Reply
TravelerMegaaa spannend 😁, han gar ned gwüsst dass Gott au gmalet häd😂!! Es git so viel Magie 🪄ider Natur - und ihr fanged sie mit eune Föteli wunderschön ii. Danke - ich gnüss es immer z‘luege und mitstuune😮. Und de Räge isch wohl di natürlich Duschi😉💦💦
10/8/21Reply
TravelerDanke vell mol Gotti 😘 d’Natur machts einem au eifach ✨.
10/8/21Reply
Travelereifach mega schön die bilder 😍 esch spannend euchi bricht z'läse die natur esch eifach herrlich 😀 vel spass witerhin 😘
10/10/21Reply
25 likes
You&Me - Exploring the World
2
Roadtrippin‘ & Surfin‘ 🌊
October 10, 2021 in Costa Rica ⋅ ⛅ 29 °C
Vo Tamarindo us semmer die letzte Täg bitz de Küste noche ufe ond abegfahre ond hend so s‘Guanacaste-Gebiet erkundet. D‘Strosseverhältnis send ned emmer die Beste xii 🤣, aber lueget selber. Ahhh, ond natürlich hemmer do au eusi erste Welle 🏄🏻‍♂️🏄🏼‍♀️ verwötscht - oder ebe au ned… 😅
Pura Vida!Read more
See translation
Traveler 🥰
10/12/21Reply
Traveler 😍
10/25/21Reply
24 likes
You&Me - Exploring the World
1
Santa Teresa & Crocodiles 🐊
October 13, 2021 in Costa Rica ⋅ 🌧 27 °C
Mer hend euses Auto no bitz gnützt ond während de letzte paar Täg au no de südlichi Teil vode Nicoya Halbinsle, unter anderem Santa Teresa, bsuecht. D‘Welle dete send grad nomol bitz grösser ond drum “no” nüüt för eus 😅.
Mer send denn met de Fähri vo Paquera nach Puntarenas ond vo dete us zur “Crocodile Bridge” - ond tatsächlich hemmer en chlini Family gfonde 🐊🤩.
Fun fact: Wenn d’Körpertemperatur vomne Krokodil zfest absinkt, denn muess es sich ide Sonne go erwärme. Damit s’Hirn bim Sonne tanke aber ned öberhitzt, tuets vo Ziit zo Ziit s’Muul wiit öffne ond mer xeht die grosse, scharfe Zäh! Sie send gueti 3-4m gross & mer hend paar Mol denkt, dass mer so eim bim Schwömme ned wetti begegne.Read more
See translation
Traveler en Traum 😍
10/25/21Reply
27 likes
You&Me - Exploring the World
Tamarindo
October 16, 2021 in Costa Rica ⋅ ⛅ 29 °C
Nach doch bald 2.5 Mönet reise tuets eifach guet, mol weder chli länger neumets stationär z’sii. 😊 Mer hend eusi Chleider usem Rucksack in Schrank gruumet ond fühled eus im Hostel scho rechtig “Deheime”. Mer gnüssed jede Tag s’schöne Wetter ond die heisse Temperature, gnüsseds ide Hängematte z’baumele, am Strand z’spörtle oder im Wasser de Welle noche z’jage, durs Dörfli Tamarindo z’schlendere, feiin z’esse ond eifach vell Ziit z’ha zom “sii”: Pura vida halt. 🤩Read more
See translation
TravelerVon ganzem Herzen: geniesst es in vollen Zügen.
10/19/21Reply
TravelerDanke Philippe 💜
10/20/21Reply
29 likes
You&Me - Exploring the World
Adiós Tamarindo 🏄🏼‍♀️🏄🏻‍♂️
October 20, 2021 in Costa Rica ⋅ ⛅ 27 °C
…ond scho send eusi „Ferie“ in Tamarindo verbii 🥲😉. Mer hend d‘Ziit mega gnosse ond hends eus eifach guet goh loh.
Eusi Surf-Künst stecked no ide Chinderschueh, aber mer hend super vell Spass gha debii ond werdet dra bliibe.
Top erholt gohts morn jetzt wiiter. Am Nomitag hemmer en Shuttle nach San José (6 Stond) ond am 12i ide Nacht fahrt de Bus nach Panama City (17 Stond!!). In Panama werdet mer nome ganz churz sii, trotzdem freued mer eus ond send gspannt, was eus erwartet. ✨Read more
21 likes
You&Me - Exploring the World
Panamá 🚢⚓️
October 24, 2021 in Panama ⋅ ⛅ 29 °C
Nach 30 Stond Reise ond praktisch kei Schlof, semmer froh xii, wo mer denn endli in Panamá City acho send. De Grenzübergang esch zwar astrengend, aber au mega spannend xii: Dank eusem 🇨🇭- Pass eschs eus, vergliche mit anderne, dütlich eifacher gfalle izreise. Scho verruckt! 😵‍💫

In Panamá acho hemmer am erste Tag d’Stadt erkundet: Sowohl d‘Altstadt (Casco Viejo) als au de moderni Teil mit beidruckender Skyline het eus wörkli gfalle ond mer hend de Kontrast recht faszinierend gfonde. Am zweite Tag semmer denn mitem ÖV (send wohl die einzige Touriste im Bus xii) zode Miraflores Docks ond hend dete dene wörklich monströse Schiff zuegluegt, wie sie au no die letzte Meter vom 80km lange Kanal hinter sich bringed. Do no es paar interessanti Zahle zom Panamakanal:
* 1914 esch de Kanal eröffnet worde / 28‘000 Arbeiter sind bim Bau ums Lebe cho
* 4-5% vom See-Welthandel laufed via Kanal
* 15‘000km spared d‘Schiff a Weg
* 26m Höhedifferenz zwösche Kanal & Meer: Zom die Differenz z’öberbrücke bruchts 197 Millione Liter Wasser pro Schiff
* 40 Schiff passiered de Kanal pro Tag
* 400‘000 USDollar zahled die gröschte Schiff för d‘Durchfahrt 💰

Jetzt gnüssed mer no zwie wiiteri Täg s‘Grossstadtlebe bevors denn ab ufs Wasser goht ⛵️.Read more
TravelerSuper Zeitraffer, könnte stundenlang zuschauen. Liebe Grüsse euch zwei.
10/26/21Reply
26 likes
You&Me - Exploring the World
Off we go ⛵️✨
October 26, 2021 in Panama ⋅ ⛅ 29 °C
Mer send jetzt am Hafe vo Puerto Lindo ond hend euses „Dihei“ för die nächste 5-6 Täg scho kenneglernt: „La Gitanita“. ☀️
Mer freued eus riesig of das Abentüür.
Machets au ganz guet & ganz liebi Grüess 😘Read more
30 likes
You&Me - Exploring the World
1
1 2 5 2
Sailing San Blas ⛵️🏝
October 28, 2021 in Panama ⋅ 🌧 28 °C
San Blas - just WOW!! 🤩 De Weg zo dene 365 Insle hemmer eus aber zerst müesse verdiene: Nach 8 Stond segle, 6 Stond es mulmigs Gfühl im Mage ha, 3x 🤮 (s‘het aber nome öpper verwötscht - wer säged mer ned 🤣) ond fascht kei Schlof semmer am Morge am 6i im Paradies acho & met jedere Insle esch das Paradies no bitz schöner worde! Während dene Täg hämmer au no döffe Jubiläum fiire ond fended, dass das verflixte 7. Johr eigentlech no eeewig hätt chönne so wiiter go 🥳.
De Segeltrip esch es einzigartigs Erlebnis xii för eus, das au wegem beste Captain (de Cesar) ond de fliessigste Crew (Mike & Angie), wo eus jede Tag rechtig verwöhnt hend. Es absoluts Highlight send die indigene Fischer xii: Jede Tag sends à la „floating market“ be eusem Boot verbii cho ond hend eus ihri Tagesfäng präsentiert. So hemmer die Woche vom Wasser direkt of de Teller super feini Gricht met Tintefisch, Shrimps, Barrakuda, Hummer, Thunfisch, etc. dörfe gnüsse. 🐟🐙🦞
D‘Überfahrt vo San Blas bis Cartagena het denn genau 30 Stond duuret ond mer hend zom Glöck super Glöck gha metem Wetter/Wellegang ond s‘esch allne ofem Boot vell besser gange als ide erste Nacht. Ond glich send denn alli happy xii, wo mer endli weder feste Bode onter de Füess gha hend.
„Bienvenidos a Colombia“ 🇨🇴Read more
See translation
Traveler das wär nüt gsi för me.....
11/1/21Reply
Traveler und sinder sat worde grüessli
11/1/21Reply
TravelerNatüüüürlich 😉☺️ Ganz en liebe Gruess zrogg 😘
11/1/21Reply
11 more comments
31 likes
You&Me - Exploring the World
Cartagena 🇨🇴✨
November 3, 2021 in Colombia ⋅ ☀️ 29 °C
Cartagena het eus meeega gfalle ond mer hends gliebt, dur die farbige Strosse z‘spaziere. D‘Lüüt send extrem offe, hilfsbereit ond mer gspürt ganz vell Lebensfreud ☺️. Mer hend im Hostel zwei Kolumbianer kenneglernt ond d’Stadt ond d’Umgebig met ihne erkundet. Hesch en Local debii, esch plötzli alles ganz eifach ond no vell günstiger 😅. Es Highlight esch de Bsuech vom Bazurto Mercado xii: Mer send gfühlt di einzige Touriste xii - s‘het gwimmlet vo Lüüt, s‘esch super luut xii ond die velle verschiedne „Düft“ hend einem fast umghaue 🤣 eifach idrücklich!

Nach dem „Appetizer“ freued mer eus beidi riesig, Kolumbie ab Mitti Dezember zäme metem Dario ond de Irina z‘bereise. 🥳

Bis es so wiit esch, warted Ecuador of eus & mer send mega gspannt. 🤩Read more
See translation
Travelermier freued üüs! 🥳😍
11/3/21Reply
Travelerhola saludos
11/19/21Reply
30 likes
You&Me - Exploring the World
3 1 4
Quito & Rucu Pichincha
November 6, 2021 in Ecuador ⋅ ⛅ 14 °C
Chum glandet in Quito, hemmer weder eusi dicke Jagge müesse vöresueche. Met 2850 M.ü.M. esch Quito di höchstglegendsti Hauptstadt vode Welt ond mer zwei Gfrörli müend eus jetzt zerst weder dra gwöhne. 😅

Wenn mer scho mol so nöch am Äquator esch, denn wett mer natürli au vode einte Hemisphäre e die anderi gumpe. Bim „Mitad“ del Mundo esch d‘Linie symbolisch markiert - leider het sich aber en Fehler igschliche ond d‘Linie liit rund 230 Meter nebem eigentliche Äquator. 🤣 Es tolls Foti hets trotzdem geh.

D‘Höchi ond die velle Berge ladet ii zom Wandere ond das hemmer denn au gmacht. S‘Highlight esch euse ersti 4000er xii! De Rucu Pichincha het 4696 M.ü.M. ond s‘Ufechlettere het rechtig Spass gmacht. Zom Glöck hemmer d‘Höchi beidi sehr guet vertreit.

Trotz de tüüfere Temperature also hemmer eus scho voll is Land verliebt 🥰. Ecuador esch mega vielsiitig ond mer freued eus uf alles was no chonnt! Morn Obiig gohts för 5 Tääg ab is Amazonasgebiet: Wandere, böötle, schlofe - alles tüüf im Jungle 🐒🦟🐍🐬🦦🌿. Mer meldet eus weder, wenn mer zrogg send.Read more
See translation
Traveler 😍
11/8/21Reply
Traveler so cool 👍
11/8/21Reply
Traveler uhhh das gseth jo gföhrlich us 😱
11/8/21Reply
6 more comments
26 likes
You&Me - Exploring the World
Amaz - OH! - nas 🦋
November 12, 2021 in Ecuador ⋅ ⛅ 30 °C
5 Täg ond 4 Nächt zmittst im Urwald: Fern ab vode Zivilisation ond ohni Internet loht sichs rechtig guet abschalte, eifach NATUR PUR! Die Dichtheit a Flora & Fauna ond die Rueh trotz gaaanz velle verschiedne Grüsch esch eifach beidruckend! 🤩

För alli Erlebnis esch de Platz do leider z’chli ond mer hend au ned alles uf Bilder, aber s’esch en schöni Zämefassig vo eusere Ziit im Jungle. Jede Tag semmer ganz früeh metem Böötli los ond hend die sehr aktivi Morgestimmig gnosse. Ide Nacht ond am Morge früeh lebt de Wald am meiste ond mer hends gnosse, dere Lebendigkeit zuezlose. ☺️ Ofem Wasser oder z’Fuess hemmer zäme met eusem Guide am Tag ond au ide Nacht de Wald erkundet ond debii ganz vell glernt.

S’Amazonasgebiet esch riesig ond mer brucht vell Ziit ond Geduld zom d’Tierwelt z’entdecke. E dere Dichtheit chan mer sich super verstecke ond drum esch jedes Tier, wo mer findet, es Gschenk. Es paar vo eusne Highlights findet ehr ide Fotis 🐍🐒🐬🦇.

För eus heissts jetzt 1x Schlofe in Quito ond denn gohts ab of e Trekkingtour: 3 Täg Wandere & debii d’Natur gnüsse.Read more
See translation
32 likes
You&Me - Exploring the World
1 1
Quilotoa Loop Trail 🥾
November 15, 2021 in Ecuador ⋅ ⛅ 11 °C
2 Täg - 43 Kilometer - 2600 Höhemeter

Mer hend die zweitägig Trekkingtour vo Sigchos via Isinliví ond Chugchilán bis zur Lagune vo Quilotoa mega gnosse 🤩. Natur pur & nome ganz wenig anderi Touriste, wo mer jewils erst am Obiig im nächste Hostel atroffe hend.
Am Schluss vom Trail semmer in Quilotoa no zmittst ines Dorffest ineplatzt, wo mer traditionelli Chleider ond Brüch hend chönne beobachte.
Ide Nacht hemmer denn of 3800 M.ü.M. pfuuset. Jetzt semmer langsam aklimatisiert ond freued eus of wiiteri (höcheri) Abentüür. 🥳Read more
See translation
Traveler 😍
11/23/21Reply
TravelerIch stune was er zwei alles mached grüessli
11/24/21Reply
Traveler woww so schöön die ussicht 😍
11/26/21Reply
30 likes
You&Me - Exploring the World
1 1 1 2 1
Volcán Cotopaxi 🌋
November 19, 2021 in Ecuador ⋅ ☁️ 8 °C
5897 Meter über Meer - gschafft!! 🥳
Gester um Mitternacht semmer met Stirnlampe bewaffnet vom Refuge Camp losgloffe ond hend am Morge früeh de Gipfel vom Cotopaxi (eine vode höchste aktive Vulkän vo de Welt!), erreicht. Unterwegs hemmer mit Schneefall, Wind und chalte Temperature zimmli garstigi Bedinginge atroffe ond well mer die ersti Gruppe xii send, het euse Guide (mit bitz Hilf vo eus) de ganzi Weg müesse vorspure. 😅
Mer beidi hend d’Höchi sehr guet vertreit, send relativ schnell vorwärts cho & natürlich super happy xii, wo mer denn z’oberst gstande send. Mer hend euch es chlises Video wies bi Sonneufgang chönnti usxeh - ond es Gipfelfoti vo eus, wies tatsächlich usxeh het. 🤣 Leider hemmer ganz obe ned vell xeh, trotzdem hemmer die ganzi Tour in volle Züüg chönne gnüsse. Es eimoligs Erlebnis! 🥰Read more
See translation
Traveler wow was für es Erlebnis 😄👏
11/20/21Reply
Traveler Wow, ich bewundere euch!
11/20/21Reply
TravelerGeil, dört bini 2016 gsi aber dä gipfel hämmer nur vo witem gseh… schöns Bärgli!
11/20/21Reply
5 more comments
38 likes
You&Me - Exploring the World
4
1 1
Baños de Agua Santa 💦🛁
November 23, 2021 in Ecuador ⋅ ☁️ 18 °C
Nach eusem “Gipfel-Erlebnis” semmer wiiter greist nach Baños, es Städtli bekannt för sini heisse Quelle - was natürli perfekt esch xii nach sonere Vulkanbestiigig. 😉
Sowohl z’Fuess als au metem Velo hemmer d’Natur rund um Baños gnosse ond eus jewils mit feinstem ecuadorianischem Kaffi oder heisser Schoggi gstärkt. 😋
Morn Morge früeh gohts wiiter nach Cuenca, mer send gspannt was eus dete erwartet.Read more
See translation
Traveler 😍
11/24/21Reply
TravelerSchön! Dört simmer im 2019 au gsi. Scho e Fondue im Swiss Restaurant gässe?🤣 alles Gueti witerhin! Falls ihr nach Cuenca gönd, unbedingt im Café Austria e feine Capuccino trinke und dr Monica e Gruess sage. 😘
11/25/21Reply
TravelerAlso es Fondue semmer ned go esse 🤣 aber, mer send gester in Cuenca acho ond das metem Café Austria machi gern. Ich schrib der no schnell persönlich 😉
11/25/21Reply
5 more comments
30 likes
You&Me - Exploring the World
1
Cuenca 🤠👒
November 26, 2021 in Ecuador ⋅ ⛅ 18 °C
D‘Altstadt vo Cuenca esch es UNESCO Weltkulturerb ond entzückt mit herzige Strosse, wo zum Flaniere ond käfele iiladet.

Nebst au no andere Handwerkskünst esch Cuenca vor allem för d‘Produktion vode „Panama Hats“ bekannt. Die Hüet stammed ursprünglich us Ecuador, send aber bem Bau vom Panamakanal erstmols entdeckt ond drufabe unter dem Name bekannt worde. Obwohl alli Hüet do produziert werdet (immerno mehrheitlich vo Hand), hets Ecuador nie meh gschafft, de Name z‘ändere.

Höt Obiig gohts för eus wiiter ad Küste, gnauer nach Montañita. Mer lönd also s‘Ande-Hochland hinter eus ond freued eus, vor allem ide Nächt, of weder wärmeri Temperature.Read more
TravelerSo schön, no richtigi Huetmacher👍👒❤️
12/1/21Reply
Traveler hesch de andrin zom kafitrenke bricht, Liebi corinne😘
12/2/21Reply
24 likes
You&Me - Exploring the World
2
2
Diving 🤿 & Ruta del Sol ☀️
November 30, 2021 in Ecuador ⋅ ⛅ 24 °C
Vor es paar Täg semmer also weder uf Meereshöchi acho ond gnüssed die wärmere Temperature. ☺️

Montañita ond Puerto Lopez send beides herzigi, chlini Dörfli entlang de berüehmte Ruta del Sol.

D‘Corinne het d‘Täg in Puerto Lopez vor allem im Wasser verbrocht: Als Vorbereitig för d‘Galapagos Insle het sie no s‘Advanced PADI absolviert & paar super schöni ond au lehrrichi Tauchgäng dörfe erlebe. 🐠🐢🐡Read more
See translation
TravelerMega!!🐢💦 - gäll die Unterwasserwält 🐠🐡🦀🐬…isch total faszinierend! Gnüsseds💕
12/1/21Reply
Traveler yaaay! gratuliere🎉
12/1/21Reply
TravelerGratuliere au👍🐠
12/1/21Reply
3 more comments
27 likes
You&Me - Exploring the World
1
1
Machalilla Parque Nacional 🌵
December 2, 2021 in Ecuador ⋅ ⛅ 23 °C
De vorletzti Tag ufem Festland hemmer im Machalilla Nationalpark verbrocht. Wunderschöni chlini ond grossi Buchte mit teils wisse Sandstränd - echt paradiesisch 🤩.

Höt semmer denn mitem Bus zrogg uf Guayaquil ond hend s‘erst Mol (trotz Impfig) zuesätzlich en PCR Test müesse mache. Das gschafft, hoffed mer jetzt of es negativs Ergebnis, sodass mer morn Morge am 10i denn au dörfed abflüüge uf d‘Galapagos…
…mer chönds nämli chuum erwarte 🤗🥳!Read more
See translation
Traveler 🤩🥰
12/3/21Reply
Traveler hihi😆
12/11/21Reply
29 likes
You&Me - Exploring the World
1
1 1 1
San Cristobal, Galápagos 🤩
December 5, 2021 in Ecuador ⋅ ☀️ 23 °C
FASZINATION PUR! 🤩
Mer hend emmer gwösst, dass es sehr schön muess sii uf dene Insle, aber wie speziell dass es wörkli esch, merkt mer erst vor Ort. Sowohl d‘Landschaft als au d‘Tierwelt send extrem idrücklich ond s‘esch unglaublich schön, wie nöch mer de Tier esch, well sie eifach kei Angst hend vorem „Mensch“.
Egal wo mer herelauft, s‘het ganz sicher en Seeleu irgendwo ond au im Wasser chan mer met ihne schwömme. Sie send extrem neugierig ond chömed einem ganz nöch. 😍
Be eusem Usflug höt zum León dormido hemmer nebst Fischschwärm, unzählige Schildchrötli ond chline Riffhaie au no Delfine ond en Buckelwal dörfe bestuune. Mer gnüssed jedi Sekunde a dem echt MAGISCHE Ort! ☺️Read more
See translation
Tizian WagnerSo schön! Genießt es! 👌🏻😊
12/5/21Reply
Travelerso cool 🙂
12/6/21Reply
TravelerIch geniesse eure Fotos und freue mich für euch.
12/7/21Reply
5 more comments
37 likes
You&Me - Exploring the World
1
Diving Seymour Norte 🦈
December 7, 2021 in Ecuador ⋅ ⛅ 23 °C
Vo San Cristóbal semmer met de Fähri wiiter nach Santa Cruz. Im Verglich esch Santa Cruz vell grösser ond au touristischer - was eus natürlich chli weniger guet gfallt. Aber au do hets extrem schöni Egge, wenn mer im Tourismus bitz usem Weg goht. ☺️

D’Unterwasserwelt rund um Santa Cruz esch uf all Fäll extrem faszinierend! 🤩
Mer taucht mit Adler-, Stachel- und Mantaroche, Wasserschildchröt, Aale und Barrakudas. Mer schwömmt inmitte vo riesige Fischkolonie ond chan dezue verschedni Haie beobachte: Hammerhaie, Schwarz- und Wissspitzhaie! 🦈.
Es unglaublichs Erlebnis!!Read more
See translation
Traveler yeah, e ganzi familie, wahnsinn. ihr hend ja echt glück!
12/11/21Reply
31 likes
You&Me - Exploring the World
3
1 2
Cruising the Galápagos ⛴
December 9, 2021 in Ecuador ⋅ ☀️ 23 °C
Am Afang vo eusere Reis hätted mer nie denkt, dass mer of de Galápagos e Cruise werdet chönne mache. Zom Glöck aber hemmer d‘Larissa ond de Patrick kenneglernt ond z‘4te hemmer es super „Last-Minute-Schnäppli“ chönne ergattere. 🥳 So dörfed mer eusi letzti Woche uf de Galápagos Insle ufeme Schiff gnüsse & chömed so a abglegni Ort, wo mer met Tagestoure gar ned herechonnt.
Scho während de erste zwei Täg hemmer so vell xeh ond erlebt ond d’Tierwelt beidruckt eus beidi sehr! Schwömme/Schnorchle met Seeleue, Schildchröt, Pinguine, Haie, Fischschwärm, ond ond ond… eifach einzigartig! 🥰
Mer freued eus of no meh NATUR PUR & meldet eus denn weder, wenn mer zrogg ide Zivilisation send. 💞Read more
See translation
TravelerDas hört sich wunderbar a. Ihr läbet eure Traum! So schön, ich freu mich für euch 😍
12/11/21Reply
Traveler jööööööö
12/11/21Reply
Traveler wundrschön und einzigartigi natur
12/11/21Reply
4 more comments
30 likes
You&Me - Exploring the World
1
1 1
Unique! Impressive! Wow!
December 15, 2021 in Ecuador ⋅ ⛅ 23 °C
Nach 12 Täg uf de Galápagos semmer weder zrogg ufem Festland. Mer hend en unglaublichi Ziit gha & hend d’Natur so rechtig chönne gnüsse. Mer hend uf de Cruise en super Guide gha: De Juan schafft siit bald 30 Johr als Touristefüehrer. Er sprüeht vor Liideschaft för d’Insle ond weiss eifach alles 😉. Spannend hend mer gfonde, dass d’Galápagos Insle ursprünglich durch Vulkanusbrüch entstande send; einigi send sogar au höt no aktiv. Und: Ganz velli Tierarte send endemisch, das heisst mer fendet sie nome uf de Galápagos, so zum Bispell au de chlini Pinguin ofem Foti.
S’Esch schön z’xeh, dass sehr vell gmacht werd, das Paradies z’erhalte. ☺️

Au wenn mer bitz truurig send, dass eusi Ziit in Ecuador jetzt verbii esch… freued mer eus riesig of d’Ziit wo chonnt: Colombia nos espera! 🇨🇴Read more
See translation
Traveler das ist wunderschön, hoffe euch geht es gut liebe Grüsse theres
12/18/21Reply
Traveler so herzig 😍
12/25/21Reply
Traveler 🤣🤣
12/25/21Reply
34 likes
You&Me - Exploring the World
Bogotá 🇨🇴
December 20, 2021 in Colombia ⋅ ⛅ 19 °C
Vor es paar Täg semmer ide Hauptstadt vo Kolumbie acho. Bogotá esch kei schöni Stadt, aber mer hend interessanti Egge ond spannendi Projekt kenneglernt.

Am idrücklichste esch de Bsuech im Barrio Egipto xii. „Breaking Borders“ esch en Organisation vo junge Männer, wo e dem Viertel ufgwachse send. S‘Ziel esch d‘Lebensqualität z‘verbessere & d‘Gwalt ond Droge usem Viertel z‘verdränge. I dem dass ehemaligi Schwerverbrecher de Touriste eres Viertel chönd zeige, werd ehne en neui Perspektive gschenkt ond metem Geld werd sichergstellt, dass d’Chind ed Schuel chönd ond sie gschiidi Freiziitmöglichkeite hend.

Jetzt gohts för eus z‘4te wiiter id Tatacoa-Wüesti, wo eus heissi Temperature erwartet. 🌡🤩Read more
See translation
27 likes