Aramayı sıfırla
You&Me - Exploring the World
Genel BakışTakvimFotoğraflar
  • You&Me - Exploring the World
    Armadillo/Gürteltier - extrem flink unterwegs!
    Zwei männlichi Seeelefante (elephant seals) am kämpfe: Wer esch stärker? 💪🏼Am Fuulänze 🦭2E chlini Wildchatz in Luurstellig 🐆Die positivi Siite, dass mer kein Orca xeh hend: S'Esch au kein Seeleu gfresse worde 🥳🥳Soo rechtig am d'☀️ gnüsse!1Punta Pirámide: De einzig Ort in Argentinie wo d'Sonne öberem Meer untergoht.

    Península Valdés 🐳🐬

    26 Mart 2022, Arjantin ⋅ ☀️ 17 °C

    D‘Península Valdés esch es UNESCO Naturreservat. D‘Insle ond au s‘Wasser rundume bietet en optimale Lebensruum för verschiedni Arte Wale, Delfine, Seeleue, Seeelefante, Pinguine, Wildchatze, diversi Vogelarte, etc. Mer hend die letzte paar Täg of de Insle gwohnt ond so die verschiedne Flecke chönne erkunde. Die meisti Ziit hemmer aber demet verbrocht, uf d‘Orcas z‘warte… laaaaaang hemmer gwartet & sie leider trotzdem ned xeh. 😢

    Immerhin, mer hend nomol schöni Begegnige met de Seeleue ond de Pinguine dörfe gnüsse. Denn hemmer zom erste Mol Seeelefante xeh & au s’Gürteltier ond d’Wildchatz send för eus en Premiere xii. Dezue chonnt, dass mer gar ned lang Ziit hend zom truurig truurig sii, well mer endlich d’Flüg för de letzti Teil vo eusere Reis buecht hend. 🥳

    Dass mer no uf Australie wennd, hend die meiste vo euch jo scho gwösst & mer send mega happy, dass es jetzt endli au so usxeht, als öbs tatsächlich klappet! …well mer aber zom det ane cho sowieso müend öber d‘USA flüüge, hemmer spontan no en Monet uf Hawaii iplant! Bereits am 29.3. flüüget mer also vo Buenos Aires uf Big Island ond freued eus of ganz vell Sonne, Strand, Meer & gueti Vibes. 🤙🏼    Okumaya devam et

  • You&Me - Exploring the World
    Rund um Pu'uali'i - die Farbe 🌈
    Kilauea Vulkan 🌋 au im Moment am brodle!Kilauea Iki Krater - inaktiv, drum chan mer dröber laufe ✌🏼2Ide Nacht lüüchtet s'LAVA! 🤩1Impressive! 💥Green Sand Beach ⛱1💜💜💜

    Aloha Big Island! 🌺

    2 Nisan 2022, Amerika Birleşik Devletleri ⋅ ☀️ 20 °C

    Mer send nach erere laaaange Reis guet uf Big Island acho ond hend mittlerwile au scho es paar Täg of de Insle gha, zom eus aklimatisiere. Das hets au bruucht, denn d‘Priise hend eus echt us de Socke ghaue! 😅 Zom Glöck hemmer euses Zelt ond d‘Schlofsäck emmer met debii. ✌🏼

    Big Island esch ned nome die grössti Insle, sondern au die vielsitigsti. D‘Insle alleige het 11 verschiedni Klimazone ond mer chan drum au ganz vell verschiednigs aluege/gnüsse.

    Eusi Highlights send sicherlich de Spaziergang de Küste entlang - die schwarze Stei met dem extrem klare, blaue Wasser - ond de Bsuech im Volcanoes Nationalpark. Tagsüber natürli super spannend, aber ide Nacht metem glüehende Lava eifach faszinierend!    Okumaya devam et

    Çeviriyi gör
  • You&Me - Exploring the World
    Cruising around 🤙🏼
    Maui 🏝☀️⛱1Ein Strand schöner als de anderi 🤩Nach eusere Paddle-Action höt Morge 😅3Nakalele Blowhole 💦Die chli wilder Siite 😎 steili Klippe ond teilwiis sehr höchi Welle!Euses Dihei uf Maui 💕 jetzt scho Ohana!

    West MAUI 🏝

    7 Nisan 2022, Amerika Birleşik Devletleri ⋅ ☀️ 24 °C

    Nach zwei gmüetliche Strandtäg uf Big Island semmer denn gester Morge uf MAUI acho. Dank em Big Ed - mer hend ehn uf de Galapagos kenneglernt - hemmer för eusi Ziit uf Maui es Zimmer bim Dan ond de Kathy deheime. Sie send beidi scho fast 80 Johr alt ond emmerno topfit! 💪🏼 Sie hend eus extrem herzlich willkomme gheisse ond bereits metgno in Kanu-Club: s’Kanufahre esch ihri grossi Liideschaft ond jede Morge gohts ab ufs Wasser! 🚣🏼‍♂️🚣🏼‍♂️🚣🏼‍♂️

    Met eusem Jeep hemmer bereits de Weste vo Maui erkundet & ganz velli wunderschöni Sandtränd, Schnorchelspots ond Lookouts gfonde. Sehr idrücklich send die sogenannte „Blowholes“: Löcher im Lavagstei wo vode grosse Welle gspiise werdet ond s’Wasser denn bis rund 15m id Höchi schüsset. 💦

    Morn mached mer eus of de Weg nach Hana, en andere ebefalls sehr bekannte Roadtrip. 🚙    Okumaya devam et

    Çeviriyi gör
  • You&Me - Exploring the World
    HAPPY BIRTHDAY 🎂💕
    Haleakala Nationalpark 🌲🌳💦🐢🐢🐢Rainbow Eucalyptus 🌈Iao Valley - Schön xii met euch zwei!! 🥰Dinner with Kathy & Dan - Mahalo! 💕

    Sun, Fun & Nothing To Do ☀️

    12 Nisan 2022, Amerika Birleşik Devletleri ⋅ ☀️ 28 °C

    …ond scho esch eusi Woche uf Maui weder verbii. Mer hend die Ziit - au dank de Kathy und em Dan - extrem gnosse & s‘het sich agfühlt, als hätted mer grad chli „Ferie vom Reise“. Au das bruchts doch mol, hihi. 😜

    Nebst de bekannte Road to Hana (mit imposante Wasserfäll ond beidruckende Ussichte) hemmer vor allem au die extrem schöne Sandstränd 🏝, es unerwartets Treffe mit Frönde us de Schwiiz ond d‘Tierwelt gnosse. Schildchrötli hets ganz velli gha ond sie send emmer mol weder neb eus - bim Bade oder Surfe - uftaucht. Ond, obwohls bereits Endi Saison xii, hemmer au no de einti oder anderi Buckelwal (mit Baby) xeh. 🐋

    Morn gohts för eus wiiter nach Kauai - the Garden Island. Mer send gspannt!    Okumaya devam et

    Çeviriyi gör
  • You&Me - Exploring the World
    1Nā Pali Coast - barely untouched 🤩
    Kalalau Trail 🥾...no grad usegschafft, bevor die grosse Welle chömed! 🌊Hibiskus - öberall & i allne Farbe 🌺2Anini State Park - euse Zeltplatz för die Woche 🏕1Rulers of the Island - sie send überall & jo, sie wecked einem jede Morge früeh 🤣

    Green, Greener, Kauai 🌿🌱

    16 Nisan 2022, Amerika Birleşik Devletleri ⋅ ⛅ 23 °C

    Mer send mittlerwile guet uf Kauai acho & hend scho ersti Entdeckigstoure gmacht. D‘Landschaft do esch uuuuunglaublich grüen, so rechtig giftig. De Grund deför esch schnell gfonde: Rund um de Mt. Waialeale ume regnets durchschnittlich öber 11‘000mm pro Johr. ☔️ De Rege-Rekord innert 24h liit bi 1’260mm - fast genau gliich vell wie z‘Basel imne ganze Johr (1’270mm).

    Zom Glöck (för eus) regnets ned emmer de ganzi Tag 😅 mer muess eifach emmer mol weder met eme Gutsch rechne, soscht aber schiint au gern mol d’Sonne ond s’esch emmer warm.

    Bis jetzt het eus de Kalalau Trail de Nā Pali Küste entlang bsunders guet gfalle. De Grossteil vo dere Küste esch gschützt ond extrem idrücklich.

    Was eus ned so gfalle het esch euses ersti Mietauto xii. Ide erste Nacht, wo mer no es paar Sache em Auto hend welle versorge vorem Schlofe, hemmer gmerkt, dass Kakerlake dinne wohned. 😱 Mer hend bim Umtuusche vom Auto denn usegfonde, dass es es bekannts Problem esch do, well während de Pandemie alli die Mietautos vell z’lang unbrucht omegstande sind…soooo lang, bis sie glebt hend: Chäfer, Kakerlake, Grüenzüügs. 🙈 S‘Neue Auto esch blitzeblank ond frei vo Chäfer, juhuu!

    Euch allne schöni Ostere 🐥🐰 & gaaaanz liebi Grüess us de Ferni. 💕    Okumaya devam et

    Çeviriyi gör
  • You&Me - Exploring the World
    Nā Pali Coastline 🤩
    #nofilter - ond trotzdem wie gmolet! 🎨🖌1WOW, WOW, WOW!! 🤩Waimea Canyon ⛰2Euse Helikopter het keini Töre gha 🤙🏼2Zäme metem Eli, eusem Pilot 🚁...nomol zum gnüsse! 🥰

    Bird‘s Eye View 🚁

    19 Nisan 2022, Amerika Birleşik Devletleri ⋅ ☀️ 23 °C

    Kauai -
    bis jetzt eusi absoluti Lieblingsinsle! 💜

    Meh als 97% vo de Insle send unentwicklet, das heisst s’Land esch entweder gschützt oder werd för d‘Landwirtschaft gnutzt. Velli Hektare send drum för d’Menschheit gar ned begehbar, s‘git keini Strosse ond au keini Wanderweg. D‘Natur dörf do also eifach no sii ond wachse wie sie wett - echt iidrücklich & extrem schön!

    Wenn mer ned chan fahre oder laufe, denn bietet sich natürli en Helikopter-Rundflug a. Mer zwei hätted das wohl nie gmacht, wäri eus ned vo allne Siite gseit worde: „Das müend ehr eifach mache! Das esch es riiiiiese Erlebnis!“

    …ond so hemmer als Abschluss vo eusere Woche uf Kauai en Rundflug buecht. Mer hend super Wetter gha (zom Glöck au, euse Helikopter het nämli keini Töre gha 🤙🏼) ond hend so nomol en Stond lang dörfe Kauai us de Vogelperspektive bewundere - just WOW! 🤩

    Morn gohts för eus wiiter uf Oahu!    Okumaya devam et

    Çeviriyi gör
  • You&Me - Exploring the World
    Honolulu Downtown ✨
    Top of Koko Head - d'Siegespose nach 1048 Stegetritt! 💪🏼Hilton Lagoon 🌴🍹1Kailua Beach 🌴⛱☀️1Malaekahana Beach - beautiful beach strolls am Strand vo eusem Camping 😻Yummie, authentic food! 😋 Thai, Indisch, Açai Bowl & Shave Ice - nome en chlini Best-Of-Uswahl!!

    …and lastly, Oahu 🌇

    26 Nisan 2022, Amerika Birleşik Devletleri ⋅ ☀️ 25 °C

    Oahu - d’Hauptinsle ond zmindest im Süde onde e rechtigi Grossstadt. Wo mer in Honolulu glandet send, hemmer zerst grad chli en Schock gha: Extrem vell Lüüt, mehrspurigi Highways, Wolkechratzer & en zwar mega schöne, aber doch au seeehr überfüllte Waikiki-Beach! Aber au of dere Insle chan mer de Touris usem weg goh ond findet de Küste entlang bis ufe ad North Shore super schöni, wissi Sandstränd, gueti Welle, sympathischi Dörfli ond velli herzigi Foodtrucks met soooo feinem Esse! 😋 Hawaii esch bekannt för sini Foodtrucks - authentischs Esse us praktisch jedem Zipfel vo dere Welt.

    Met eusem letzte Tag uf Oahu goht au euses Abentüür uf Hawaii z’End. Innert vier Woche hemmer euses Bild vo Hawaii komplett revidiert: Hawaii esch sooo vell meh als “nome” schöni Stränd ond Surfers! 🏄🏻‍♂️ Alli Insle send extrem vielfältig, total unterschiedlich ond im Herze dennoch glich. Mer hend die Ziit extrem gnosse ond werdet Hawaii in super Erinnerig bhalte. Mahalo! 🌺

    Ond zom Glöck esch euses grossi Abentüür jo nonig fertig: Mer flüget morn Morge ab uf Perth, Australie! Soo lang eschs unsicher xii, eb mer de Kontinent werdet dörfe bereise ond jetzt freued mer eus eifach riiiiesig, dass es klappt!

    Kangaroos, we’re coming! 🦘    Okumaya devam et

    Çeviriyi gör
  • You&Me - Exploring the World

    Welcome to Down Under 🛩

    29 Nisan 2022, Avustralya ⋅ ☀️ 20 °C

    Yesss, gschafft!! 🥳 Mer send nach erere laaaange Reis guet in Perth acho ond send höt Nomitag bereits bi schönstem Wetter dur d’Stadt spaziert. ☀️

    Am Obiig hemmer euses ersti AFL (Australian Football League) Spiel bsuecht. 🏈
    D’Unterschied zom American Football send zwar chli, trotzdem schiint do s’Spiel aber schneller ond vor allem met weniger Unterbrüch z’sii. Nachem erste Viertel semmer denn au emmer meh drus cho & s’het rechtig Spass gmacht - au wenn s’Heimteam so rechtig uf de Deckel becho het. 😅    Okumaya devam et

  • You&Me - Exploring the World
    Quokka #1 🥰
    1Quokka #2 ☺️4Quokka #100 🤩2Marjorie Bay - en Strand nome för eus zweii! ☀️Sunset @ Pinky Beach 🤩Perth Skyline ✨2...eifach wills so herzig send 🥰

    Perth & Rottnest Island 🐭

    1 Mayıs 2022, Avustralya ⋅ ☀️ 19 °C

    PERTH - eifach en tolli Stadt! ☀️
    Mit durchschnittlich 8 Stund Sonne pro Tag (Johresdurchschnitt) esch Perth eini vo de sonnigste Städt vode Welt - ond das merkt mer de Mensche eifach aa. Es herscht en Zfriedeheit, en gueti Stimmig, d‘Stadt esch extrem suuber, ÖV fahre werd gförderet ond esch au för Touriste teils gratis. Mer het alli Vorteil vode Stadt, esch aber umgeh vo vell Natur ond mer fühlt sich eifach wohl ond willkomme do. 🤗

    Euse Velo-Usflug uf d‘Rottnest Island esch es riiese Highlight xii ond mer hend s‘erst Mol Quokkas xeh! Gits öppis herzigers? 🥰 Nebst de chline Stars esch d‘Insle au bekannt för sini wisse Sandstränd, wo mer teilwiis eifach för eus alleige gha hend.

    Wenns so wiiter goht, denn chömed mer glaubs nömme hei. ☺️😘    Okumaya devam et

    Çeviriyi gör
  • You&Me - Exploring the World
    2Guguuuseli 🤗 euses ersti Känguru!
    Zuckersüess & direkt am Strand 🦘"Heyhey, wer besch denn du?" 😅Eine vo velle riesige Stingrays ide Hamelin Bay 🤩1"Ahaaa, soo setti das usxeh!!" 🤣...ond tschüss, bis zum nächste Mol! 😘

    The Golden Outback 🍂🦘

    5 Mayıs 2022, Avustralya ⋅ ☀️ 18 °C

    Vor 3 Täg hemmer euses Mietauto abgholt ond send denn zerst Mol go shoppe. Do mer die nächste Woche weder met Zelt werdet unterwegs sii, hemmer eus en bequemeri Matraze, Campingstüehl ond en Chüehlbox kauft. Top usgrüstet hemmer denn am gliche Tag no euse ROADTRIP chönne starte. 🚙

    Die ersti Ziit semmer südlich vo Perth unterwegs ond werdet eus de Südweste ond s‘Golden Outback gnauer aaluege. Mer merkt, dass es doch langsam herbstelet: D’Natur lüüchtet rot, orange, gelb 🍂 ond ide Nacht werds scho zimmli chalt; tagsüber aber hemmers bis jetzt zom Glöck no super schön ond au warm gha! ☀️

    Ond yessss, en chline Traum esch wohr worde ond mer hend scho ganz velli Kängurus xeh! Velli vo wiitem, aber am Meelup Beach au ganz nöch ond mer hend sie eeewigs chönne beobachte, bis sie denn ergendwenn devoo ghüpft send (Video). 🦘🦘🦘

    Nebst de Kängurus hemmer höt au no riesigi Stingrays xeh. Of de Suechi nach Nahrig schwömmed sie ganz nöch am Strand - ond sie sind gwundrig ond chömed go luege, wer sie do beobachtet. Es einzigartigs Erlebnis ond extrem iidrücklich!

    Ebefalls idrücklich send d‘Welle do. Leider vell z’gross för eus zom surfe, aber perfekt för d‘Profis - ond so hemmer de beste SurferInne vode Welt am Margaret River Pro 2022 Contest (Teil vode Weltmeisterschaft) chönne zueluege ond hend eifach nome gstuunet!    Okumaya devam et

    Çeviriyi gör
  • You&Me - Exploring the World
    Lucky Bay @ Cape Le Grand National Park
    1Direkt am Strand 😍William Bay - churz vor Sonneuntergang!1Little Beach ☀️Twilight Beach 💕Elephant Rocks & Green Pools1Euses Motto: "Eifach ned stecke bliibe!"

    All Around Esperance ✨

    10 Mayıs 2022, Avustralya ⋅ ☀️ 25 °C

    Zirka 8 Stond vo Perth entfernt liit Esperance. En chline Ort met mehrere Nationalparks und unzählige Traumstränd, wie usem Katalog! 🤩

    Am bekanntiste esch wohl d‘Lucky Bay im Cape Le Grand Nationalpark. En wiitläufige, wisse Sandtrand mit soooo klarem Wasser, dasses vo hellblau bis türkis schimmeret! Ond s‘Best: Es hüpft immer mol weder es Känguru am Strand verbii. So süess! 🥰 Aber au alli andere Stränd send im gliche Stil ond eine schöner als de anderi. Plus: Es het fast keini Lüüt, das heisst mer het de Strand au emmer mol weder för sich alleige. Es chlises Paradies! 🏝

    Interessant esch för eus xii, dass es do s‘Hobby „4WDing“ git. D‘Australier liebeds, met ihrem Auto direkt an Strand z’fahre (oder au em Strand entlang z’fahre). Natürli hemmer das denn met eusem Auto (keine 4WD!) au mol müesse usprobiere! 🤣

    Ab morn gohts för eus via Hyden weder zrogg uf Perth ond vo dete denn d‘Westküste wiiter doruf.    Okumaya devam et

    Çeviriyi gör
  • You&Me - Exploring the World
    1The Wave Rock 🌊 in Hyden
    1Koalas im Yanchep National Park 🐨1..au pflotschnass sehr herzig! 💦Sand Dunes in Lancelin ⏳3Pinnacle Desert 🏜Hutt Lagoon - eifach pinkig, ohni Filter! 🤗7Min Geburtstags-Sonneuntergang 🤩

    Coral Coast Part I 🐨

    14 Mayıs 2022, Avustralya ⋅ ☀️ 20 °C

    Vo Esperance semmer velli velli Kilometer weder zrogg nach Perth ond es Stückli dra verbii. Ofem Weg hemmer in Hyden en Halt gmacht, zum Mol en richtigi Welle surfe: The Wave Rock! 😉

    De Westküste entlang duruf findet mer ein Nationalpark am andere ond im Yanchep National Park hemmer denn au eusi erste Koalas xeh. Sehr herzig, wie sie entweder pfuused oder denn am Eukalyptus fresse send - ond ab ond zue bim Fresse weder ischlofed! ☺️ Generell hets eus do sehr gfalle, well de chlini Camping jede Tag vo Kängurus bsuecht werd. Bem Zmorge - nach de erste Regenacht öberhaupt - hemmer sie rechtig lang chönne beobachte ond gnüsse.

    In Lancelin bide Sanddüne hätted mer eus churz en 4x4 gwönscht, das hätti secher no meh Spass gmacht als Spaziere! 🥳 Nach de Düne semmer ab id Wüesti, mit 100‘000ige Kalksteizipfle, bevor mer denn weder en Stop igleigt hend bim Hutt Lagoon, oder au de Pink Lake gnennt.

    Ond no es grosses DANKE a alli wo gester a mich denkt. Als Abschluss vomne super Tag hemmer en rechtig schöne Sonneuntergang dörfe gnüsse! De schönsti Moment esch xii, wo en Delfin usem goldige Wasser uftaucht esch. Eifach WOW! 🤩    Okumaya devam et

  • You&Me - Exploring the World
    Nature's Window - Kalbarri National Park
    Island Rock - Coastal Cliffs2🐬🐬🐬3...mit Delfine schwömme: check! ✔️Woww, what a view! 🤩Eifach schön zum Beobachte! 😌Emu - de grössti Vogel z'Australie ond de zweitgrössti weltwiit, nachem Vogelstruss!

    Coral Coast Part II 🐬🐬

    17 Mayıs 2022, Avustralya ⋅ ☀️ 23 °C

    Chlii wiiter doruf de Westküste entlang liit de Kalbarri National Park. De Murchison River het sich über Millione vo Johr en Weg durch de roti Sandstei „grabet“ - was die spezielli Schichtig erst zum Vorschii brocht het. Au iidrücklich send die steile Klippe ond d‘Sonneuntergäng xii. 🌅

    Nach zwei Nächt im Kalbarri semmer denn wiiter gfahre bis Denham und hend höt vo do us en Usflug nach Monkey Mia ad Shark Bay gmacht. Es absoluts Highlight! 🤩 D‘Shark Bay esch entgege im Name nämli ned bekannt för Haie, sondern för Delfine ond die xeht mer so reeechtig nöch, well sie gern im seichte Gwässer tüend fresse. So xeht mer de ganzi Tag emmer wedermol es Grüppli verbii schwömme - ond wenn mer denn, so wie mer zwei, i dem Moment grad am bade esch, denn schwömmeds neugierig wies send ganz nöch a einem verbii. Es unglaublichs Erlebnis wo mer nie meh werdet vergesse! 🥰    Okumaya devam et

    Çeviriyi gör
  • You&Me - Exploring the World
    1En Grouper so gross wie ich 🤩 (📸credits: en andere Taucher)
    Exmouth Navy Pier Dive 🐠🐙 (📸 credits: en andere Taucher)1Shell Beach - en Strand nome us Müscheli 🐚Sunset in Denham: #nofilter 🤩🤩Turqoise Bay @ Cape Range National Park 🥰Coral Bay 🌅

    Ningaloo Reef 🐠🐙🦈🐡

    22 Mayıs 2022, Avustralya ⋅ ⛅ 24 °C

    Vo Coral Bay bis Exmouth befindet sich s‘Ningaloo Reef - s‘Great Barrier Reef vom Weste. Mit 260km eschs eis vode grösste Koralleriff vo de Welt. Jedes Johr werd s‘Riff vo Walhaie, Mantaroche, Buckelwale, verschiedne Haie, riesige Groupers (Zackenbarsch - siehe Foto), Schildchröt, unzähligi Fisch, ond ond ond… bsuecht. Mer hend d‘Ziit im Cape Range National Park drum vor allem zum Schnorchle & Tauche gnutzt. 🤿

    De Küste entlang findet mer ein wunderschöne Sandstrand am andere & WEST IS BEST for sunsets! Mer hends extrem gnosse ond wäred gern no bitz länger blibe. ☀️    Okumaya devam et

    Çeviriyi gör
  • You&Me - Exploring the World
    Fortescue Falls 💦
    Hancock Gorge 🤩En wilde Dingo 🐕2Hamersley Gorge - unglaublichi Forme & Farbe! 🔥Weano Gorge - e wiiteri Schlucht 🙃5Euses Plätzli för d'Nächt - unglaublich schön de Sternehimmel ✨💫

    Karijini National Park 🦅

    27 Mayıs 2022, Avustralya ⋅ ☀️ 22 °C

    Vo Exmouth velli velli Kilometer is Landesinneri liit de Karijini National Park. Mer hend eus lang öberleit, eb sich de wiitii Weg au wörkli lohnt…

    …rückblickend chömmer säge, dass es sich definitiv glohnt het! ☺️ D’Abglegeheit, d’Eifachheit ohni Luxus, kei Empfang, kei Trinkwasser, kei Strom, kei Duschene - mer merkt wedermol, wie wenig mer eigentlich brucht zum glücklich sii! 🥰

    Am beste gfalle het eus d’Schlucht (Gorge) ide Hamersley Region - de Ursprung vom Nationalpark ond en bedütigsvolle Ort för die iheimisch Bevölkerig. Nebst de Gorges hemmer s’schöne Wetter, d’Abchüehlige ide natürliche Pools, d’Dingoes (wie sie einem ums Zelt schliched & id Nacht ie hüüled), de stark lüchtendi Sternehimmel ond d’Ziit zu zweit gnosse. 💞

    Jetzt gohts ab zrogg nach Perth, wo mer denn no es paar Täg Ziit hend, bevor euses Abentüür im Oste vom Land wiitergoht. 🥳    Okumaya devam et

    Çeviriyi gör
  • You&Me - Exploring the World
    Finding Nemo 🥰
    A giant clam - öber 100kg schwer ⚡️Velli farbigi Koralle 🥳 juhuu!Ond soooo velli Fisch 🤩 eifach schön!🐠🐠🐠Ond natürli hets au 🐢 gha!4Vor em letzte vo 3 Tauchgäng - happy face 🤣

    The Great Barrier Reef 🦈

    5 Haziran 2022, Great Barrier Reef ⋅ ⛅ 25 °C

    Nach zirka 4 Stond flüüge semmer am Samstig Morge früeh guuet in Cairns acho. Do mer s‘Mietauto erst ab em Mäntig reserviert hend, semmer die erste zwei Nächt ines Hostel go schlofe ond hend so guet Ziit gha eus Cairns azluege - es Städtli met Charme! ☺️

    S‘weltbekannte Great Barrier Reef esch vo Cairns us sehr guet z‘erreiche ond mer hend eus grad för am Sonntig en Usflug metem Katamaran buechet. Mer send en ganze Tag lang ofem Meer unterwegs xii ond hend drü verschiedni Riff/Ort bsuecht. De Andrin esch go schnorchle ond d‘Corinne go tauche. 🤿

    Nach dem Tag semmer beidi extrem beidruckt ond aber au „erliechteret“ xii! 😅 Mer send mittlerwile doch a einige Ort jetzt scho xii go tauche ond no vell öfters go schnorchle - ond zu oft hend d‘Riff eifach „tot“ gwirkt, s‘het nömme glebt ond mer het dütlich xeh, was mer (jo au mer zwei!) eusem Planet atüend… Wenn mer also nach somene Tag dörf usem Wasser cho ond mer het wedermol farbigi Koralle ond Schuele vo Fisch erlebt, denn eschs eifach es schöns Erlebnis! 🤩 Ond mer xeht, dass die Teil wo gschützt werdet, au wörkli weder ufblüehet ond das schenkt extrem Hoffnig!

    Gnüssed d‘Bilder & gaaanz liebi Grüess! 😘
    Mer hend ide Zwüscheziit s‘Mietauto abgholt ond verbringed die nächste paar Täg im Regewald. Nach so vell Trockeheit ond rotem Stei ade Westküste, wirkt das Grüen im Oste sehr erfrüschend. 🌳

    PS: Thanks Dave for the pictures! 📸    Okumaya devam et

    Çeviriyi gör
  • You&Me - Exploring the World
    1Alexandra Lookout - grüen, grüen, grüen! 🌿
    🌴🌴🌴Noah Creek - öberall hets 🐊-Warnschilder, mer setti also ned go bade!1Noah's Campground - zmittst im Regewald ond trotzdem direkt am Strand 🤩Mossman Gorge - do semmer zimmli verregnet worde ☔️1Josephine Falls 💦Wangetti Beach

    Daintree Rainforest 🌿

    8 Haziran 2022, Avustralya ⋅ ⛅ 25 °C

    Im tropische Norde vo Queensland liit de Daintree Rainforest. Er esch de grössti Regewald vo Australie ond de ältisti Regewald vo de Welt (meh als 135 Millione Johr alt).

    D‘Dichti vom Regewald ond s‘intensive Grüen hend eus wedermol extrem beidruckt! Mer send vell go wandere, hend onterwegs die schöne Ussichte gnosse ond send zwöschedure imne natürliche Pool en Abchüehlig go neh. 💦

    Ned nome eus hets gfalle, wie de Regewald of d‘Küste trifft - au d‘Krokodil 🐊 findet das zimmli lässig! Öberall bide Stränd hets drum au Warntafele ond s’heisst mer sell ned z’nöch as Wasser. Natürli semmer d‘Krokodil go sueche, hend aber leider keis gfonde.

    Gege Schluss hets denn nome no gregnet, so hemmer s‘Zelt zämepackt ond reised jetzt langsam d‘Ostküste durab. 🚙    Okumaya devam et

    Çeviriyi gör
  • You&Me - Exploring the World
    2Es Rock Wallaby 🥰
    Magnetic Island - en typische Strand 🪨🌴Die ganzi Insle esch voller Tier, öberall raschlets im Gebüsch 🍃🌿2Wildi Koalas 🐨...natürlich am chille! 😴1Agile Wallabies - grösser als d'Rock Wallabies, aber chliner als d'Kängurus im Weste 🦘D'Ussicht vom oberste Punkt bim Forts Trail 🥾Euse Campingplatz för die letzte 5 Nächt 🏕

    Magnetic Island 🐨

    15 Haziran 2022, Avustralya ⋅ ☀️ 22 °C

    Vor de Küste vo Townsville liit d’Magnetic Island: Es chlises Paradies! ✨

    Mer send met de Autofähri öbere ond hend bide bekannte Horseshoe Bay ufem Koala Bay Camping euses Zelt ufgstellt. En unglaublich tolle Ort zum schlofe, wells ständig raschlet ond ergendwo weder es Wallaby usem Gebüsch springt ond jede Morge semmer pünktlich vo de velle ond relativ luute Kakadus gweckt worde. 🤭

    Mer hend d’Insle vor allem z’Fuess erkundet, uf herzige Wanderweg über Stock ond Stei. Eis vo eusne Highlight send die wilde Koalas xii. 🐨 Emmer mol weder het mer eine ufem Eukalyptus-Baum obe xeh fresse oder pfuuse. D’Koalabäre send früehner ufem Festland weg ihrem wasserdichte Fell gjagt worde - Tierschützer hend Angst gha, dass mer sie usrotted ond hend drum 20 Exemplar uf de Magnetic Island usgwilderet. Sie hend sich uf Ahieb wohl gfühlt ond d’Population esch bis höt of rund 800 Koalas agwachse. 🥳

    För eus gohts nach dere super schöne Ziit wiiter an Airlie Beach, vo wo us mer ines paar Täg d’Whitsundays werdet bsueche. Mer send gspannt ond freued eus riesig! 🙌🏼    Okumaya devam et

    Çeviriyi gör
  • You&Me - Exploring the World
    De "Swirl" vom Inlet Hill Lookout 🤩
    1De Whitehaven Beach - never ending ☺️1Happy times 🥰🥳Silica Sand - über Jahrhunderte agspüelt & de Grond, werom de Sand soo wiiss esch!D'Whitsunday Island vo obe 🏝Au bi weniger schönem Wetter extrem beidruckend, die Farbe 🤭5Photo time! 📸What a view! 🤩🤩

    Whitsunday Island 💍

    22 Haziran 2022, Avustralya ⋅ ☀️ 21 °C

    Vo Shute Harbour semmer met erere chline Fähri nach Whitsunday Island gfahre, wo mer drü Täg lang d’Insle i erere volle Pracht hend dörfe gnüsse. ✨

    De Camping esch ganz chli ond familiär xii ond mer hend s’Zelt direkt am weltbekannte Whitehaven Beach gha. De Strand esch ganzi 7 Kilometer lang, de Sand esch wisser als wiiss ond s’Wasser esch uh mega klar ond schimmeret hellblau bis türkis, je nach Sonnestand. Es absoluts Paradies, vor allem au wills zu eusem Erstuune wörkli nome wenig Lüüt gha het. 🏝

    Jede Tag semmer vo eusem Camping die 7km em Strand entlang spaziert uf de Suechi nachem “Swirl”: Bi Ebbe vermischt sich de wissi Sand mitem wenige, türkise Wasser ond das xeht eifach bombastisch uus! 🤩 Eigentlich erreicht mer die Lookouts nome meteme Boot, bi Ebbe aber glangt mer halb schwömmend/halb laufend ebefalls of die anderi Siite ond chan so die wunderschöni Ussicht au ohni en Tour müesse z’bueche gnüsse. 🥳

    De Ort werd för emmer ganz en spezielle Platz i eusem Herze ha & mer hoffed, dass mer ergendwenn weder do hii chönd zrogg cho. 💞    Okumaya devam et

    Çeviriyi gör
  • You&Me - Exploring the World
    75 Mile Beach: d'Ussicht vo de Champagne Pools uf de Indian Head 🥂
    1Lake McKenzie - au do hets nomol wisse Silica-Sand! ☺️1So hemmer campiert & de Wale zuegluegt 🐋3Obwohl wiit weg, sehr iidrücklich! 🤩3Met Morgekaffii - so Moment werdi vermesse ☀️Euse "Dougie" het alli Hinderniss gmeisteret, sogar wenn anderi stecke blibe send! 🔥Obiigstimmig ✨...ond nomol en Humpback 🐋🥰

    K'gari Island 🐋

    28 Haziran 2022, Avustralya ⋅ ⛅ 17 °C

    …oder besser bekannt als „Fraser Island“. Mit 1840 Quadratkilometer eschs die grössti Sandinsle vo de Welt ond es UNESCO Weltkulturerbe. 🏝

    För euse Trip uf d‘Fraser Island hemmer euses Auto gege en 4x4 iituuschet, well mer uf dem Sand nome met somne Auto vorwärts chonnt. Ond das het reeeeeeeechtig Spass gmacht! 😅 D‘Insle het paar sehr schöni Flecke, ABER s’BESTI dra esch xii, dass met dere „roughness“ eifach es riiiese Abentüür xii esch ond mer eus met dem grosse Auto wie Aussies gfühlt hend! 🥳

    Nebst em 4WDing - wies d‘Australier nenned - send d‘Buckelwal es riiese Highlight xii! Zwar eschs no afangs Saison, aber mer hend eifach vode Küste uus 100i Humpbacks xeh schwömme ond springe, extrem iidrücklich! 🐋

    Ahh, ond es lebed zimmli velli Dingos of dere Insle ond s‘het au scho de einti oder anderi Agriff geh gha - drum werd mer au öberall gwarnt. Bim wild campiere semmer denn au zweine begegnet… ond de einti het eus doch prompt en Sack Popcorn klaut. 😅🐕

    För eus gohts jetzt via Noosa Heads wiiter nach Brisbane.    Okumaya devam et

    Çeviriyi gör
  • You&Me - Exploring the World
    Brisbane by night ✨
    Sydney - Darling Harbour bi Sonneuntergang 🤗Sydney - the famous Opera House! 🤩D'Ussicht uf d'Stadt vom botanische Garte 🌼🌿3En Kakadu, för einisch ganz lieslig 😅

    Brisbane & Sydney ☔️

    8 Temmuz 2022, Avustralya ⋅ ☀️ 14 °C

    Nach dene velle extrem tolle Insle hemmer im Oste no zwei Grossstädt vor eus gha. Zerst hemmer in Brisbane en Halt gmacht ond s’het eigentlich - bis am Morge wo mer denn weder wiitergfahre send - dure gregnet. Mer hend drum ned vell vode Stadt xeh, hend aber deför Ziit gha zom chli shoppe! 🛍

    In Sydney eschs denn leider mitem Rege zerst nome no schlimmer worde. Es het soo fest gregnet, dass euses Zelt duregloh het ond mer eus inere Nacht- ond Nebelaktion es Hostelzimmer hend müesse sueche! 😅

    Dass während de zwei letzte Täg denn d’Sonne vörecho esch ond de Rege ufghört het, esch ned nome för eus, sondern vor allem för d’Lüüt vo do, wo stark glitte hend weg de Überschwemmige, extrem schön xii! ☀️

    Morn flüged mer wiiter uf Fiji, euse letschti (!) Halt bevors denn weder zrogg id Schwiiz goht - för eus beidi ergendwie uuunglaublich ond jetzt scho sehr emotional…

    …ABER mer wennd eich no gar ned z’fest übers Heicho nochedenke ond gnüssed drum jetzt zerst mol eusi Ziit of Fiji! 🏝🍹🪂👙🥥    Okumaya devam et

    Çeviriyi gör
  • You&Me - Exploring the World
    1D'Ussicht vo eusem Bungalow 🤩

    Nananu-i-Ra, Fiji 🏝

    19 Temmuz 2022, Fiji ⋅ ☀️ 27 °C

    Mer gnüssed eusi letzte Täg uf Fiji in volle Züg. Die ersti Woche eschs bitz ruhiger xii mitem Wind, jetzt aber chuutets ond mer verbringed ganz vell Ziit ufem Wasser - Kitesurfe macht eus beidne riesig Spass ond mer werdet jede Tag es bitzli besser! 🪂

    S’Internet aber esch reeechtig schlecht, drum längts nome för eis Foti 😅 wiiteri Föteli folget chli spöter.    Okumaya devam et

    Çeviriyi gör
  • You&Me - Exploring the World
    Nananu-i-Ra Island 🏝
    1De Strand vor eusem Bungalow 🤩Safari Lodge - Euses Dehei während de letzte zwei Woche!Kiter's Point: Eusi Kitesurf-Location 🤩De Andrin: "Jump, jump, jump!!" ✌🏼Stundelang semmer ofem Wasser xii ond hends eifach gnosse! 🥳1Eine vo vellne schöne Sunsets ☀️4Zäme um d'Welt 🫶🏼 danke för alles!

    Fiji Time 😎

    21 Temmuz 2022, Fiji ⋅ ☀️ 27 °C

    Vinaka - thank you, Fiji Islands!

    Zwei Woche lang uf einere vo gsamthaft 333 Insle ond mer hend jedi Sekunde devo gnosse! ☀️ Nach so langer Ziit “on the road” hets eifach guet tue, mol es bitz z’verwiile! De perfekti Abschluss vomne no vell perfektere Johr!! 🤩

    Momentan semmer in Istanbul ond warted of euse Aschlussflug id Schwiiz. Ergendwie unglaublich, aber mer send tatsächlich ofem Heiweg… s’esch ned ganz eifach för eus, aber mer send super happy, dass bis jetzt alles so guet gange esch ond mer freued eus of EUCH alli! 💕    Okumaya devam et

    Çeviriyi gör
  • You&Me - Exploring the World
    Schön, dass es euch git! Danke vell vell mol 😘😘
    Mexico 🇲🇽🌮🥭Guatemala 🇬🇹🌋📚Costa Rica 🇨🇷🐒🦥🏄🏻‍♂️Ecuador 🇪🇨🦭🐢🧗‍♀️Panamá 🇵🇦🏝⛵️Colombia 🇨🇴👫💃🏻🦠Argentina 🇦🇷 & Chile 🇨🇱Hawaii 🇺🇸🌺🏄🏼‍♀️🚁Australia 🇦🇺🦘🐨💍

    Home Sweet Home 💕

    24 Temmuz 2022, İsviçre ⋅ ☀️ 30 °C

    Nach 354 Täg semmer weder zrogg ide Schwiiz ond am Endi vo eusem bis jetzt wohl grösste Abentüür! 🤩 Mer hend es uuunglaublichs Johr dörfe erlebe ond send extrem dankbar, dass alles so guet ufgange esch!

    Mer wetted de Moment gern nutze zom euch allne DANKE z’säge!! Egal wo of dere Welt mer xii send, ehr send emmer met debii xii! Mer hends gnosse, dass mer eusi Erlebnis met euch hend dörfe teile. Merci vell mol & mer freued eus, euch ide nächste Ziit weder persönlich z’treffe. 😘

    För eus fangt jetzt au de Alltag weder aa, aber d’Gedanke chreised bereits weder um es möglichs nächsts Abentüür! Mer freued eus uf alles was no chond ond werdet sicherlich no lang vo de Erlebnis ond Idrück vo dere Reis zehre! 🥰Als Abschluss hemmer nomol es paar Highlights för euch zämegstellt.

    Bis bald 👋🏼    Okumaya devam et

    Çeviriyi gör
    Gezinin sonu
    24 Temmuz 2022
  • 2026© FindPenguins
  • Ana sayfa
  • Hakkımızda
  • Grup takibi
  • Basın
  • Hükümler
  • Gizlilik & Cookies
  • Yardım Merkezi
  • Damga