Südkorea 🇰🇷 | FindPenguins

Newest first

Trip start
April 12, 2024
Südkorea 🇰🇷Traveler
Zürich Flughafen
April 12, 2024 in Switzerland ⋅ ☁️ 5 °C
E ganz früehs Früehstück am Züri Flughafe
See translation
0 likes
Südkorea 🇰🇷Traveler
Flughafen Paris
April 12, 2024 in South Korea ⋅ ☀️ 15 °C
In Paris ahko sind mr viel umegloffe und hend d Wartezyt so ganz schnell überbrückt - und das trotz echli Verspötig vom Ahschlussflug uf Südkorea. 🤭🛫
See translation
0 likes
Südkorea 🇰🇷Traveler
Seoul
April 13, 2024 in South Korea ⋅ ☀️ 24 °C
Ahko in Seoul, simmer ab ins Kaffi vis-a-vis vom Hotel GloryInn. D Zimmer sind grad nonig parat gsi. 🧋🫖
See translation
0 likes
Südkorea 🇰🇷Traveler
Gwangjang Market & Umgebung
April 13, 2024 in South Korea ⋅ ☀️ 26 °C
Nach e paar Stund Schlof simmer zum Gwangjan Markt ufbroche und dört wies dr Zuefall het welle, genau an dem Food Stand vrbi ko, wo inere Reportage uf Galileo mol zeigt worde isch. Dört hemmer Nudelsuppe gesse. 🤩🍜Read more
See translation
0 likes
Südkorea 🇰🇷Traveler
Brunch im Dot Blanket
April 14, 2024 in South Korea ⋅ ⛅ 22 °C
Dr erst volli Tag im schöne Seoul hemmer mit emne mega feine Brunch in dr Nöchi vom Bukchon Hanok Village gnosse.
See translation
0 likes
Südkorea 🇰🇷Traveler
Chungdeokgung Palace und Secret Garden
April 14, 2024 in South Korea ⋅ ⛅ 27 °C
Bi wunderschönem Wetter und agnehme 27 Grad hend mir e Usflug zum Chungdeokgung Palast unternoh und dr Secret Garden ahgluegt wo ebefalls drin isch. Beides stoht uf dr UNESCO Liste für Weltkulturerbe und het uns durch sini farbefrohe, majestätische Baute vrzauberet. 🏯✨Read more
See translation
0 likes
Südkorea 🇰🇷Traveler
Gangnam-gu District
April 16, 2024 in South Korea ⋅ ☀️ 17 °C
Bim Usflug ins Gangnam District simmer uf de Pfad vom weltberüehmte K-Pop gwandlet. Uf dr K-Star Road zum Bankeviertel mit em Gangnam-Style Monument bis in die bekannti Starfield Library. 🎤🧑‍🎤✨📚
See translation
0 likes
Südkorea 🇰🇷Traveler
N Seoul Tower
April 16, 2024 in South Korea ⋅ ☀️ 16 °C
Dr uf em Namsan Berg glegeni N Tower bietet e super Usblick uf Seoul. Nachemne 1-stündige Fuessmarsch und vielne Treppe spöter hemmer dr Gipfel erreicht wo sich scho zigg Päärli mit emne Ahängeschloss verewigt hend. Mittels Lift isches denn 237m ufe Turm ufe gange wo mr d Ussicht gnosse hend. Abe isches denn mit dr Gondle gange.🗼🌁Read more
See translation
0 likes
Südkorea 🇰🇷Traveler
Gyeongbokgung Palace
April 17, 2024 in South Korea ⋅ ⛅ 14 °C
Nachemne feine Früehstück simmer s zweite no grössere Palast-Komplex go Bsueche zum die königlichi Wachablösig (wone wohrheitsgetreui Inszenierig vo de damalige Gegebeheite isch) am Palast mitzerlebe. 🏯💂🏻‍♂️👑Read more
See translation
0 likes
Südkorea 🇰🇷Traveler
Hanok Stay Deluxe
April 17, 2024 in South Korea ⋅ ☁️ 20 °C
Die traditionelle Hüser (Hanoks) sind in Seoul mittlerwile leider rar aber könne in vereinzelte Gebiet oder besser gseit in kleine Dörfli besichtigt werde. Es werde au via AirBnB Übernachtige ahbote. Das hend mir uns nid könne entgoh loh und sind für unseri letzte zwei Nächt in es Hanok go übernachte. E Room-Tour dörf natürlich nid fehle. 🤩🛖Read more
See translation
0 likes
Südkorea 🇰🇷Traveler
Refrigerator Bar
April 17, 2024 in South Korea ⋅ ☁️ 14 °C
E ganz bsunderi Bar wo mr uf Empfehlig vo Luc’s Arbetskollegin bsuecht hend heisst Jean-Fri-Go Refrigerator Bar. Vo usse völlig unschienbar goht me in e (schienbare) Fruchtshop ihne. Wenn me dört die letzti Küehlschranktür ufmacht, versteckt sich dehinter die eigentlichi Bar uf zwei Etage.

Im gmüetliche, tief-glegene Lounge-Bereich suecht me sich denn si fruchtige Cocktail us und bstellt die inere Telefon-Kabine… sogar zur Verfüegig gstelti Münzene müend für dr Ahruef igworfe werde. ☎️🪙

So toll wies Konzept sind au die fruchtige guetgmachte Drinks und d Früchte-Käs-Fleischplatte, wo mr drzue bstellt hend. 🧀🥝🍎🍹Read more
See translation
0 likes
Südkorea 🇰🇷Traveler
Bukchon Hanok Village
April 18, 2024 in South Korea ⋅ ☀️ 21 °C
Durch d Bukchon Hanok Village simmer 3x gschlenderet. Immer uf dr Suechi nachere Foto-Möglichkeit ohni z viel Touriste. Do wie au in de Paläst isch me uf zahlrichi Touris in de traditionelle Hanbok-Trachte, wo me in zahlriche Läde miete het könne uf tagesbasis für s ultimative Feriefoti. 📸👘Read more
See translation
0 likes
Südkorea 🇰🇷Traveler
Nodeulseom Island - Hanam River
April 18, 2024 in South Korea ⋅ ☀️ 21 °C
Am letzte Tag in Seoul und Sunneschien hemmer uns füre Usflug ins Grüene entschiede und sind zur Insle Nodeilseom. Die isch übere Bruck erreichbar gsi. Dört ahko hemmer uns 2 Burritos, kalti Getränk und e Picnic Decki gschnappt und sind in Park gsesse/glege (wies dört so üblich isch).🧺🥤🌳Read more
See translation
0 likes
Südkorea 🇰🇷Traveler
Lemon City Stay
April 19, 2024 in South Korea ⋅ ☁️ 24 °C
Über AirBnB hemmer unseri Unterkunft in Deagu buecht. Die hets sich im Stadtzentrum imne Neubau Hochus (Lemon City) befunde. Dr Kuchi- und Wohnberich hend e grossi Fensterfront ka. Ufm 2. Stock isch s Bett gsi. Speziell am Ganze: d Decki vo dr Bett-Etage isch so niedrig gsi, dass nur krabbelnd ins Bett ko isch. Mir als jungs, flexibles Päärli hend mit dem zum Glück nid sone Problem ka.🏙️Read more
See translation
0 likes
Südkorea 🇰🇷Traveler
Haeinsa Temple & Korean Tripitaka
April 20, 2024 in South Korea ⋅ 🌧 13 °C
Für unsere plante Haeinsa Tempel Bsuech und die drmit verbundeni Wanderig dure Gayasan Nationalpark het uns s Wetter leider e Strich durch d Rechnig gmacht. Mir hend unsere Bsuech im Nationalpark ufe Bsuech vom UNESCO-gschützte Haeinsa Tempel & dr Koreanische Tripitaka begrenzt und s Areal mit Regeschirm und nasse wisse On-Schueh ( Luc) erkundet. Die 1-stündigi Reis dört hi vo Deagu us het sich aber uf trotzdem Die Koreanischi Tripitaka ( au UNESCO-gschützt) - wertvolli buddhistischi Schrift-Holzblöck wo mit dr Bibel und em Koran verglichbar und über 800 Johr alt sind - het me durch e paar Spalt erspähe könne.

🛐☔️🎋Read more
See translation
0 likes
Südkorea 🇰🇷Traveler
SeaLife Aquarium Busan
April 21, 2024 in South Korea ⋅ ☁️ 16 °C
Nach unserer Fahrt vo Daegu nach Busan hemmer d Koffer ine Schliessfach im Bahnhof verstaut und sind uf direktem Weg ins SeaLife Aquarium, wo sich bim beliebte Haeundae Strand befindet. 🐠🐡🐟

S Aquarium het mehreri Attraktione (Süess- & Salzwasser Beckene, Fotospots) und verschiedeni Shows (Füetterige und Tauchakrobatik) botte. 🧜🏻‍♀️🦦

Au an dem Tag hets sehr gregnet, drum hemmer vom Strand und dr bekannte Strandpromenade nid viel könne gseh. Umso praktischer aber, dass mr mit em Aquarium Bsuech unabhängig vom Wetter gsi sind. 🌧️Read more
See translation
0 likes
Südkorea 🇰🇷Traveler
Space & Mood Brunch
April 22, 2024 in South Korea ⋅ ☁️ 16 °C
E vollpackte Tag in Busan hemmer mit emne feine Brunch gstartet, wo sich - wies dr Zuefall het welle - direkt um dr Ecke vo unserer Unterkunft in Busan befunde het. 🍳☕️
See translation
0 likes
Südkorea 🇰🇷Traveler
Frühstück in Busan
April 22, 2024 in South Korea ⋅ ☁️ 16 °C
Als letztes Früehstück in Busan hemmer uns pochierti Eier mit Schinke und Country Fries über dr Skyline vo Busan gönnt. 🍳☕️

Drnoch sind mr mit em Zug ab zum Flughafe für nach Jeju Island. 🛫🏝️
See translation
0 likes
Südkorea 🇰🇷Traveler
Jagalchi Fishmarket
April 22, 2024 in South Korea ⋅ 🌬 17 °C
D Metropole Busan liegt an dr südwestliche Küste und wird als s Hamburg vo Südkorea bezeichnet. Glichzytig isches eini vo de grösste Städt in Südkorea mitemne grosse Hafe. Noheliegend also, dass s Fische und Fischmärkt e grossi Relevanz hend.

Mir hend unsere Busan Trip drum bim belebte und bekannte Fischmarkt Jagalchi gstartet. E Teil vom Markt het in grosse Halle mit zahlriche Wassertänk stattgfunde.. döt hets denn au chli gfischelet 😅🐟. Dr anderi Teil het sich uf de umliegende Strosse abgspielt, wo Fisch und Meeresfrücht frisch zerlegt uf Iis oder trockned ahbote worde sind.Read more
See translation
0 likes
Südkorea 🇰🇷Traveler
Gamcheon Culture Village
April 22, 2024 in South Korea ⋅ 🌬 17 °C
Gamcheon het einscht zumne Slum in Busan zellt. Doch dank ere Initiative vo Bewohner, Künstler und dr Lokalregierig het sichs zwüschezitlich in e Ahsammlig vo Kunstateliers, Geschäft und Wohnhüser verwandlet und isch zumene Touriste-Magnet worde.🎨🖼️Read more
See translation
0 likes
Südkorea 🇰🇷Traveler
Hiking Igidae Parc
April 22, 2024 in South Korea ⋅ 🌬 15 °C
Wie im Reiseführer empfohle, hemmer d Wanderig bim Oryukdo Skywalk gstartet. De Ort bezeichnet e überhängendi Plattform an dr Küste wome durch dr Glasbode d Klippe gseh het. Leider isch de Skywalk gschlosse gsi wegem Wind, drum hemmer uns direkt uf dr Spazierweg begeh - oder eher Wanderroute - wie sich denn herusgstellt het 😅🥾. D Route, wo komplett dr Küste entlamg vo usserhalb in Richtig Stadt führt, isch zwar nid übermässig streng gsi, jedoch het sie teils über Holzteppene uf und ab und teils über Stock und Stei gführt. Belohnt worde simmer aber konstant mit schöner Natur, emne konstante Usblick ufs Meer und d Küste sowie (je nöcher mir richtig Busan Stadt ko sind) mit emne herrliche Blick über d Gwangan Bruck und d Skyline vo Busan.🌉Read more
See translation
0 likes

Trip end
April 28, 2024