Tag 3 im Amazonas

Nachem zmorge, ratet mal es hed wiedermal Eier gäh (d Desi und d Julia hend theoretisch nid gärn Rüehrei), simmer go Äffli aluege. Absolut härzig sinds gsii und hend üüsi Haar vertschudled.

Den simmer wiiter uf Poerto Nariño, wo d Desi zerschd ih Schlamm ghiid und den vomene Local gwäsche worde isch😂 Eine Prinzessin durch und durch.

Wiiter simmer go irgendwelchi grossi Fisch go aluege, wo absolut nid spannend gsi sind. Aber s Äffli und s Fuuhlttier ufem Areal hend alles wieder wett gmacht😍

Wommer üs ufe Wäg zrug hend welle mache, isch en Sturm ufzoge! Es hed kübbled als gäbs kei morgä⛈️ Zum glück hends gwartet mit de Heifahrt ufem Boot, bis de Sturm dure gsii isch.

Ganz erschöpft hemmer üüs uf üses Hotel gfreut in Leticia, wo den aber leider kei Buechig für üs notiert gha hed😮‍💨 Dankem absolut beschde Taxifahrere hemmer churzer Hand imene Familibetrieb Unterkunft gfunde🥰 Ganz tolle Leute!Read more