Satellite
  • Day231

    Osaka

    March 22, 2019 in Japan ⋅ 🌬 11 °C

    Mini letschte 3 Täg in Japan han ich ih de zwoit gröschte Stadt verbrocht. Ich ha ih ehmene sehr sehr tolle und traditionelle Guesthouse gschlofe. De Bsitzer esch mega lieb gsii, hed üs gholfe wo er hed chönne und hed üs wenn mer im Ufenthaltsruum gsii sind immer passendi Snacks (japanischi Süessigkeite, Chips oder au tröchnete Fisch) ahbotte.

    Ah mim erste Tag han ich mich mit ehnere japaneri troffe wo ich z mexiko bim surfe känne glehrt ha. Mit ihre und ihrere Kollegin bin ich dor die überfüllti shopping und Streetfood Stross vo Osaka gloffe.

    Am zwoite Tag bin ich mit es paarne vom Hostel ah ehn Flohmärt und denn zum "Osakacastel". Die Lüüt sind sich denn einig gsii, dass ich Japan unmöglich cha verloh ohni ehn Karaokebar bsuecht z ha! Darum simmer am Obig alli zäme loszoge. Mer mieted in Japan ehn Privatrum mit ehnere Karaokeahlag dinne - es funktioniert ähnlich wie wenn mer bi üs god go Bowle. Es esch ehn perfekte letschte Obig gsii!
    Read more