Réinitialiser la recherche
Around the World 🌋🏝️📸🌍
  • Remo Grimm
  • Anina Müller
  • Remo Grimm
  • Anina Müller

Around the World 🌋🏝️📸🌍

Costa Rica ~ Amerika ~ Australien ~ Philippinen ~ Thailand En savoir plus
S’abonnerAperçuAperçuCalendrierCalendrierPhotosPhotosPartagerPartagerListe de choses à faire
AperçuCalendrierPhotos
  • Début du voyage
    2 octobre 2024
  • Around the World 🌋🏝️📸🌍
    En Spagetti grossi Schlange hemmer gse🐍Am Aperölee🥂La Fortuna1

    La Fortuna 04.10-07.10🌋

    4 octobre 2024, Costa Rica ⋅ ☁️ 30 °C

    Die letste Täg simmer in La Fortuna gsi. Mir hend vill Baded🏊‍♀️ i üsem schöne Hotel, hend en Nachtwanderig dur de Regewald gmacht 🌳und es paar Tierli🐸 gse und d Vulkan Umgebig erkunded.🌋 Da mer wie seniore jede morge am 6 wach gsi sind, hemmer immer sehr vill vom Tag gha. Gmäss em Wetterbricht häts die ganz zit sölle rägne, hend aber vo dem rege maximum en Stund pro Tag öbis gmerkt und süsch zum glück immer super Wetter gha🌞😎 Morn gaz den wiiter nach Tamarindo.🚘En savoir plus

    Voir la traduction
  • Around the World 🌋🏝️📸🌍
    Üsi UnterkunftSanta Teresa11Fishing tourFrosch im Resti🐸1Verregnet heds üs au ab und zue, meistens am Abig churz🌦️Krebs am Sandbölleli mache🦀Chline Hike dur de Dschungel mit es paar WasserfällMitem Quad chle d Umgebig erkunded🛺

    Santa Teresa 09.10-14.10🌊🐚

    9 octobre 2024, Costa Rica ⋅ 🌧 27 °C

    5 Nächt simmer ez in Santa Teresa. Am Mentig gaz denn witer. D Unterkunft isch mega schön, de Bsitzer isch chle en komische aber münd ja ned mit ihm ziit verbringe🤪 Es hed mega herzigi Lädeli und Restis in Santa Teresa, drum hemmer au vill gesse und g Aperöled🥂🍕🍔Gester hemmer en Fishing trip planed, de isch leider chle id Hose und mir hend müsse früener zrug wil d Anina weg de grosse Welle🌊 es chötzli is Meer versenkt hed🤢 es hed glich es paar Fisch geh aber hät warschinlich no villi meh. 🐠🎣 Meistens heds am Abig gregnet aber am Tag hemmer immer guets, agnäms Wetter gha.🌦️🌞 Morn hemmer no en Quadtour planed für üse letsti Tag🛺En savoir plus

    Voir la traduction
  • Around the World 🌋🏝️📸🌍
    Crocodile Bridge🐊Ussicht vom Hotelzimmer🤩Üse NachbarHotelbarChle Sunnebrand hemmer au verwütscht🥵bevor mer ufs Boot sind hemmer ufem Weg zum Strand no es kroki troffe🐊🐬Wal mit Baby🐳1

    Uvita 14.10-17.10🌅🐳

    14 octobre 2024, Costa Rica ⋅ ☁️ 27 °C

    Ufem Weg vo Santa Teresa hemmer en churze stop bide Crocodile bridge gmacht, womer au 2 Krokodil gse hend. In Uvita hemmer üs de nomal uf en Bootsfahrt gwaagt. Das mal hemmer zum glück viel weniger Welle gha und hend in rueh chönne d’ Wale und Delfine beobachte und sind ade Küste vo Uvita entlang gfahre. 🐬🐳🚤🌊 Üses Hotel isch chle im Hügel obe, mit schöner Ussicht ufs Meer, mega feinem Esse, Pool und schöne Sunneuntergäng.😍🌅 Mir sind ez no 1 Nacht da und hend denn morn en 7 stündigi fahrt für die letste Täg in Costa Rica womer no werded in Puerto Viejo verbringe.🚗En savoir plus

    Voir la traduction
  • Around the World 🌋🏝️📸🌍
    I üsem Bed & breakfast💗
    Jede Tag es anders Zmorge, immer mit unterschiedliche Smoothies dezue😍Puerto ViejoWeg düre Wald am Meer entlang zum Cocles Beach🌳🌊Fuultier hemmer ufem Weg auno gse🦥Rescue Center🦥🐢🐈🐊🦥Gin Tonic am strand gnüsseKakaofrucht, bide Schoggitour soviel probiert bis üs schlecht gsi isch🤢 aber spannend ischs gsi4Ersti Wöschtag vollendet, huere chrampf und heiss🥵😂

    Puerto Viejo 17.10-22.10🌞🌊

    17 octobre 2024, Costa Rica ⋅ ☁️ 29 °C

    Puerto Viejo isch üse lieblings Ort vo üsere Costa Rica reis. Da im Moment vor allem ade Pazifische Küste no Regezit isch, isch det au viel weniger los. In Puerto Viejo ade karibische Küste hends eigentlich kei Regezit drum lauft da bis ez am meiste. Es isch es mega herzigs, chlises Örtli mit ganz vil Lädeli und meega vill Restis mit super Esse. Vo iheimischem, Italienischem, Asiatischem Esse usw. heds alles. Hend bis ez nonie schlecht gesse in Costa Rica😍 Üses Bed & Breakfast isch mega familiär, gmüetlich und sehr herzig gmacht. Es hed 3 Zimmer und es wird vo Schwizer gfüert. Sie chönd üs super vill tipps geh, was mer söled Unterneh und au ganz vil feini Restis. Sie sind mega sympatisch und gspröchig und mir wirded jede morge miteme andere Zmorgeteller verwönt. 😋 Vorgester simmer vo Puerto Viejo zum Cocles Beach dur es Wäldli am Meer entlang gloffe, hend es paar Tierli gse und hend vill Baded.🌊🌳🦥 Gester simmer ines Tierrettigszenter da ide nöchi. Mir hend vil über Costa Rica und Tier erfahre und hend en super tourguide gha wo üs alles erklärt hed. Es isch mega idrücklich und spannend gsi und füre guete Zweck. Die tourguides sind alles Freiwilligi Arbeiter und alli itrittsgelder werded für d Tier brucht und es wird gluegt das die Tier wieder chönd freigla werde, falls möglich und süsch bietets ihne es schöns Lebe im Rescue Center, wo sich im Jungel befindet.😌 Wils sehr heiss isch, hemmer hüt en gmüetliche Tag mit Bade. Morn hemmer no en Schoggitour plant womer gsend wie Schoggi hergstellt wird🍫En savoir plus

    Voir la traduction
  • Around the World 🌋🏝️📸🌍
    1
    7Rucksack grösser als ich🎒Rodeo DriveWalk of Fame⭐️Griffith Observatory11Am Remo sini Fotis gsend öbe so us😂Venice Beach🛹Chlini Buebe am Skate🛹1Jede macht chle sis dingSanta Monica11

    Los Angeles & Santa Monica🇺🇸🌞

    23 octobre 2024, États Unis ⋅ ☁️ 26 °C

    Die letste Täg in LA und Santa Monica hemmer ganz vill crazy Lüüüt beobachtet, sind am Strand entlang gloffe, chle dur d Läde gschländered au wemmer üs a teil orte eh nüd hend chöne leiste 💸und hend en typische Touri LA Tag gmacht. 🤪En savoir plus

    Voir la traduction
  • Around the World 🌋🏝️📸🌍
    In LA los gfahre nach Las Vegas
    Ufem weg eifach nüd und wider nüdAm Remo sin Traumlade112

    Las Vegas🎰🌆

    26 octobre 2024, États Unis ⋅ ☁️ 30 °C

    Üsi 2 Täg in Las Vegas🤪

    Voir la traduction
  • Around the World 🌋🏝️📸🌍
    1Akunft im im Zelt, im dunkle womer realisiert hend wie Chalt das es isch und das mer werded verfrüre
    1Üses Zelt am morge mit de Sunne, gsed eigentlich gmüetlich us🤪Auto au gfrore ❄️Am morge isch üs no en Wolf übere Weg gloffe🐺1Ipackt mitem Tee am Grand Canyon acho🫖⛰️11No en schöne Sunneuntergang gha bevor die 2. horror Nacht agfange hed😍Zrug in Las Vegas en Gin Tonic gönnt🍸1Und all you can eat Znacht bim Korean BBQ RestiTexas Roadhouse Las Vegas

    Grand Canyon⛰️🏕️

    29 octobre 2024, États Unis ⋅ ☀️ 11 °C

    Mir hend 2 ischalti, ned würklich erholsami Nächt mit minusgrad im Zelt ide nöchi vom Grand Canyon hinder üs 🥶 ⛺️Es wär eigentlich sehr gmüetlich und en cooli Idee mit dene Zelt, leider hemmer aber ned überleid dases um die Jahreszit seeehr Chalt isch bim Grand Canyon und vielleicht es Hotel mit Heizig ned s dümmste wär. 🔥Da mir chleidertechnisch absolut ned für so chalti Temperature usgrüstet gsi sind, hemmer eifach alles einigermasse warme überenand gschichtet, hend üs es Teeli gholt und sind bi dene Felswänd entlang gloffe. Zum Glück hed d Sunne für üs gschune🌞 Mir sind üs vode letste Wuchene ganz anderi Temperature gwönt vo 35 grad🔥 wechsel uf minus grad❄️, isch schochle harzig gsi😂
    Trotzdem heds üs mega gfalle und de usflug hed sich sehr gloont. Au de Sternehimmel bim Camp isch soooo schön gsi 😍und mer hätted ne gern vor üsem Zelt verusse no chle me gnosse 🤪⭐️ Mir sind ez aber trotzdem froh wider zrug in Las Vegas bi 20 Grad und imene Hotel zsi und dünd üs jetzt mit hoffentlich agnämere Nächt erhole bevors de zrug uf LA gad und üse langi Flug uf Australie astad✈️    En savoir plus

    Voir la traduction
  • Around the World 🌋🏝️📸🌍
    HotelpoolFreibad am MeerCairns AquariumDas wo usgsed wie en stei am Bode miteme Gsicht isch au en Fisch🤪1Was mit ihm isch weisi au ned😂😂1

    Cairns🐡🇦🇺

    5 novembre 2024, Australie ⋅ ☀️ 29 °C

    Mir sind nacheme Lange Flug am 5.11 am Mittag in Cairns acho und hend ez sho fast de zwoiti volli Tag hinder üs. Am Tag womer acho sind, simmer no bizli in Cairns am Meer entlang gloffe, sind öppis go esse, hend no es Bierli imne Resti am Hafe trunke und sind de früe is Bett wil mer mega kaput gsi sind🍻🚢🌊 A üsem erste richtige Tag simmer früe uf gsi, go zmorge esse und de chle as Meer abe zum Freibad ide nöchi vom Hafe und hend det chle Baded und d Sunne gnosse. Es ish nämlich mega heiss da 🌞 (simmer aber nach üsem Erlebnis am Grand Canyon sehr froh🤪) Womer nümme hend möge Bade, simmer de no is Aquarium vo Cairns und hend es paar Tierli vom Great Barrier reef und vo de Umgebig da kenneglernt. 🐡
    Hüt hemmer en 40 Minütige Rundflug gha übers Great Barrier Reef, es isch soooooo schöön gsiii und d Anina hed wider 50 Millione Fotis gmacht. Da mer i dem Post ned meh chönd ufelade gids no en extra Post vo üsne Idrück vom Flug😍🌊🚁 Nachem Flug isch de Anina wiedermal ned so wohl gsi wil das chline Flugzüg recht gwaggled hed, aber sie heds überlebt und trotzdem gnosse😂 Morn chömer denn entlich üse Camper hole und de loosdüüse und d Ostküste vo Australie erkundee. Mir freued üs mega uf das Abentür und sind sehr gspannt uf alles was uf üs zuechund😍😍    En savoir plus

    Voir la traduction
  • Around the World 🌋🏝️📸🌍
    1Üse wunderschöni grüeni Camper😂
    De ersti Stellplatz1Camper vo inne1Babinda BouldersLustige VogelZmorgeJosephine Falls

    Babinda Boulders & Josephine Falls

    8 novembre 2024, Australie ⋅ ☀️ 29 °C

    Gester simmer üse Camper in Cairns go abhole, hend üs de zerst mal mit Esse, Gwürz usw. usgrüstet und sind de öppe en Stund zude Babinda Boulders gfahre. Womer de am Namitag det ufem Gratisstellplatz acho sind simmer no chle im Fluss go Bade und hend öbis znacht gchoched. Hüt morge hemmer üs au nomal abgchüelt im Fluss und sind de nachem Zmorge zude Josephine Falls gfahre. Es hed üs chle as Maggiatal erinnered und isch meeega schön gsi. Hend denn det au chle Baded und sind bim Felse abegrutscht. 🤪 Plötzlich sind soo vill lüüt choo, denn sind mir denn witer. Hend ufem Weg zum Mission Beach no bimene Fischerlade aghalte wo sich de Remo en Fischerruete 🎣gchauft hed und d Anina en Schnorchel und Taucherbrülle🤿 ez sind alli glücklich🙃Die nöchste 2 Nächt simmer ez am Mission Beach ufeme mega schöne Camping direkt am Meer🌊En savoir plus

    Voir la traduction
  • Around the World 🌋🏝️📸🌍
    Üse Campingplatz direkt am Mission Beach
    1Remo glücklich mit sinere neue Fischerruete🎣44Dee Vogel hed üs agriffe und üses Esse welle chlaue😂😂2

    Mission Beach🏖️👙

    9 novembre 2024, Australie ⋅ ☀️ 29 °C

    Die letste zwoi Nächt hemmer ufeme mega schöne Campingplatz direkt am Mission Beach verbracht und sind s erste mal in Australie im Meer go bade. Es isch zwar fast kei abchüelig gsi aber trotzdem mega schön😍 es isch sehr heiss, mer chönt aso de ganz Tag eifach im Wasser ligge oder under de chalte duschi stah. Trotzdem hemmer üs no bizli bewegt und sind zwoimal am Meer entlang ufeme schöne Wägli mit Bäum bedeckt go jogge🏃🏽‍♀️🏃‍♂️ De Remo hed sini neui Fischerruete au scho usprpbiert, leider aber nonüd gfange user en Schildchrot wo sich ide Schnuer verfange hed🐢( sie hed sich aber gad wieder chönne lööse zum glück😅) Üsi neue Unocharte womer im Fischerlade au no gchauft hend hemmer au scho brucht und d Anina hed de Remo natürlich immer abegla🤪 ufem Camping hemmer super netti seniore vo Australie nebe üs gha mit ihrem Luxuscamper und sie hend üs no es chübeli mit Bolognese sosse geh wo si selber gmacht hed😍 fürs nöchste Esse isch also au scho gsorgt. 🍝 üsi andere Nachbare sind jungi Dütschi gsi und vo dene hemmer no Badmington Schleger überchoo🏸😍mir freued üs scho die uszprpbiere. Ez simer voll usgrüstet und üs wird sicher nie langwilig☺️ Mir sind ez ufem weg nach Townsville.En savoir plus

    Voir la traduction
  • Around the World 🌋🏝️📸🌍
    Abfahrt mit de Fähri vo Townsville
    1Ufem Fortswalk, ussicht ufs MeerUfem weg nach Koalasuechi🐨GfundeeBaby Koala😍12S Känguru ufem weg zum Strand1Florence BayBabyhai, leider ned bessee chöne Fötele🦈😂Arthur BayWallabies1Komische VogelAlma Bay

    Magnetic Island🏝️

    12 novembre 2024, Australie ⋅ ☀️ 28 °C

    Hüt morge simmer mit de Fähri vo Townsville uf Magnetic Island und hend de ganzi Tag uf de Insle verbracht⛴️🏝️Womer acho sind hemmer zerst de Fortswalk gmacht womer ganz vill wildi Koalas gse hend, sogar es Baby😍🐨 Es sind gfühlti 50 Grad gsi, mir sind de nacher no chle witer gloffe und sind a ganz schöne Stränd verbi cho wo praktisch kei Lüüt gsi sind🌊☀️ Ufem weg zum Strand abe hemmer no es Känguru gsee🦘 Bim Florence Bay simmer bide Stei ufegchlättered und s Wasser isch sooo schön hellblau und klar gsi dasmer sogar zwei Schildchrött und 2 chlini Haie gsee hend. Eine isch würklich ganz ganz chli gsi🦈🐢 Echli wiiter isch scho de Arthur Bay cho und det hemmer üs denn entschiede üsi Sandwich zesse und chle bädele👙🏊🏽 D Anina hed denn zum erste mal ihre Schnorchel usprobiert und ganz vili schöni Fischli gsee🤿🐠🐟 s Bade hed soo guet da aber mir sind nacher gad wieder verschwitzt gsi. 😅 Bevor mer wieder uf d Fähri sind hemmer no en churze Stop bim Rock Wallabies gmacht und hend no es paar vo dene Tierli vo ganz nööch gsee🤪 Ez simmer zrug in Townsville und issed üsi Bollognese womer übercho hend🍝En savoir plus

    Voir la traduction
  • Around the World 🌋🏝️📸🌍
    12

    Townsville

    13 novembre 2024, Australie ⋅ ☀️ 28 °C

    A üsem Tag in Townsville hemmer ned mega vill gmacht. Hend nochle üsi witerreis plant und ufem Camping im Pool badet und sind gege spöteri Namitag no chle dure Hafe gloffe und am Meer no öppis go trinke.🥂 Bade im Meer döf mer da leider ned wills tödlichi Qualle ume hed🪼 Am abig simmer no gmüetlich as Meer und hend probiert öbis Fische, leider immer nonüd verwütscht😂En savoir plus

    Voir la traduction
  • Around the World 🌋🏝️📸🌍
    1
    Airlie Beach Lagoon1Üse schöni Camper😂1

    Airlie⛵️🌞

    14 novembre 2024, Australie ⋅ ☁️ 27 °C

    Womer gester Nami in Airlie acho sind, simmer vo üsem Camping us am Meer entlang zum Hafe gloffe und sind chle dür die riese Luxusboot gschländeret. Hüt simmer ide Airlie Beach Lagoon (sones Freibad am Meer) go bade, wil mer da au ned chönd im Meer bade weg de Qualle und hend no chle Badmington gspilt. 🏸🏊‍♀️🌞 Morn gömmer uf die 3 tägigi Segeltour zude Whitsunday island. ⛵️En savoir plus

    Voir la traduction
  • Around the World 🌋🏝️📸🌍
    Üses Segelboot Condor⛵️
    Schlafplatz11🐢Whitehaven BeachLemonshark🦈Ussicht nachem ufelaufe

    Whitsunday Segeltour⛵️🌞🌊

    16 novembre 2024, Australie ⋅ ☁️ 28 °C

    Mir hend die letste 2 Nächt ufem Segelboot ide Whitsunday Isand mit ganz vill junge Lüüt verbracht. D Anina hed a verschiedene Ort chönne go Schnorchle und es isch soo schön gsi mit dene viele Fisch und schöne Koralle🪸🐠😍 de Remo hed i dere Zit amig ufem Boot chillt. A eim Tag simmer no zum Whitehaven Beach und hend det chle baded und 3 Lemonsharks ganz nöch vo üs gse🦈 und es paar Schildchröt vom Boot us🐢 am letste Tag simmer no uf en Insle und sind det zumene Ussichtspunkt ufegloffe womer mega schön ufs Meer und die verschiedene Insle vode Whitsunday gse hend🏝️ Die ganzi Tour isch soo cool gsi und mer hends richtig gnosse 🌞😍⛵️En savoir plus

    Voir la traduction
  • Around the World 🌋🏝️📸🌍
    1
    Ussicht vo üsere WanderigAm überlegge wie mer am beste übere chömed2acho uf disere site vode SteiDe Remo hed mi wider müsse verarsche😂😂🦑

    Cape Hillsborough🦘

    18 novembre 2024, Australie ⋅ ☁️ 28 °C

    Nachem Segeltrip simmer direkt uf Cape Hillsborough gfahre. Ufem Camping heds überall Kängurus und Wallabys gha und am erste abig hemmer no en Schlange gad bi üsem Camper gha. Zerst isch sie am Bode gsi womer zrugcho sind vom Dusche. Zum glück hend üs üsi Campingnachbare gwarnt, süsch wäremer no drufgstande mer hed si nämlich fast ned gsee und es isch dunkel gsi.🐍 Am nöchste Tag hemmer en chline walk gmacht dür d Mangrove und nacher no en chlini Wanderig zu verschiedene ussichtspünkt ufe. Wenn low tide isch chamer schön am Meer une dure zrug laufe anstat de ganz hügel wider ufe. Bi üs ishes gad so ade kippi gsi aber mir hend nüme welle über de Berg zrug drum simmer alles über d Stei gchlättered zu üsem Strand übere. Mer hend ganz vill chräbsli gse🦀 ufem Camping hemmer üs im Pool chle chöne abchüele und d Anina hed müsse d Chinderrutschi usprobiere. Ich glaub es wär würklich nur für chind denkt, wil es hed mi recht umetätscht, bide chind heds chle besser usgse😂 aber lustig ishes glich gsi.En savoir plus

    Voir la traduction
  • Around the World 🌋🏝️📸🌍
    Agnes Water, Strand bi üsem Camping
    1Wiedermal über d Stei gchlättered und d umgebig erkunded1Amphibie FahrzügAde küste entlang gfahre

    Agnes Water // 1770🌊🌞

    20 novembre 2024, Australie ⋅ ☁️ 26 °C

    Vo Cape Hillsborough bis Anges Water isches öppe 7h fahrt, drum hemmer in Rockhampton öppis über d hälfti en Schlafstop gmacht. Isch ned würklich schön gsi det drum simmer am nöchste Tag den direkt witer uf Agnes Water //1770. Mir hend da en schöne Camping direkt am Meer und da döf mer sogar wider go Bade, es hed aber anschienend vill Haie aber es isch emel niemer gfrässe worde😂🦈🌊😍 S Wetter hed sich bizli gänderet. Es hed ide Nacht in Ströme grägnet und hüt abem 11 hemmer wieder Sunne gha aber de ganz Tag immer wieder 2 minute chle Räge🌧️. Mir hoffed es wird wieder chle schöner🤞🏽 Hüt hemmer en ei stündigi Amphibie Tour ( miteme Fahrzüg wo a land cha fahre und wie es Boot im Wasser) gha ade Küste vo 1770 entlang. Mer hend es paar Tierli gse und sind ade Küste entlang gfahre und au im Wasser ide Bucht und hend es paar Gschichtlichi Sache vo dem Ort erfahre.
    Morn gömmer wiiter zum Rainbow Beach.🌊🌞    En savoir plus

    Voir la traduction
  • Around the World 🌋🏝️📸🌍
    Rainbow Beach🌈🌊
    2Lustigi friise hederWeg zude SanddüneZerst steil ufe de wider steil abe und widee steil ufe1Aber es hed sich glont111Resti fürs Znacht

    Rainbow Beach🌈🌊

    23 novembre 2024, Australie ⋅ ⛅ 25 °C

    Gester am Rainbow Beach acho hemmer gad s Örtli und de ewig langi, mega schöni Strand chle erkunded und per zuefall hemmer no en riese Sanddüne entdeckt und sind de 30 minute det ene gloffe. Am Abig hemmer üs wider mal es uswärts znacht gegönnt mit blick ufs Meer🌊😍En savoir plus

    Voir la traduction
  • Around the World 🌋🏝️📸🌍
    Mega schöne lange Strand uf Fraser IslandSchiffswrack2The PinnaclesÜse Bis und de fahrerEli Creek1Lake Mckenzie

    K‘Gari / Fraser Island🏝️

    24 novembre 2024, Australie ⋅ ☀️ 24 °C

    Gester hemmer en Bustour uf d Fraser island gmacht, miteme mega coole Tourguide. Sind am Strand entlang gfahre a verschiedeni Ort und hend vill spannends über d Insle erfahre. Mer hend de überall chle ghalte, sind bim Eli Creek entlang ufe gloffe und de i dem mega klare Bächli abegloffe und au am Lake Mckenzie hemmer ghalte und es isch au det soo schön gsi mit demm wisse Strand und mega klarem Wasser. Det hemmer de chle bädeled und sind de witer no dür nes chlises Wäldli gloffe. Üses Busfahrer isch soo schnell dür die enge Wägli im Sand gfahre, dases üs nur no umetätscht hed😂 Am Abig hemmer ufem Camping nebe üs no Schwizer kenneglernt und hend no ganz lang mit ihne gret🤪En savoir plus

    Voir la traduction
  • Around the World 🌋🏝️📸🌍
    Seeli bim Camping
    Ufem Spaziergang atroffeUfem Camping überall11🛶1S rote Wasser1Die sind au no go sali sege

    Noosa Everglades🛶🐧

    25 novembre 2024, Australie ⋅ ☀️ 26 °C

    Gester simmer ufem Camping in Noosa bide Everglades acho. Überall ufem Camping verteilt sind Kängurus umeghopst und hend ihres Lebe chillt. Mir sind de no en chlini Rundi im Wäldli go laufe und d Anina hed paraneua gha weg dene viicher überall😂 ufem Weg hemmer au no Kängurus atroffe was au süscht🦘 de Camping isch gad amne Seeli wo maximum 1.5m tüf isch und vo det us hemmer Hüt denn en Bootstour dür d Everglades gmacht und sind de no 5 km mitem Kanu de Fluss hindere Paddled fast als letsts simmer gstartet, aber als ersts acho💪🏽. S Wasser dette isch ganz root wegem Teebaumöl. 🛶En savoir plus

    Voir la traduction
  • Around the World 🌋🏝️📸🌍
    2Camping in Noosa direkt am FlussCoastal Walk11

    Noosa Heads🏄🏽‍♀️🌊

    26 novembre 2024, Australie ⋅ ⛅ 26 °C

    Gester hemmer en Nacht in Noosa ufeme Camping direkt am Fluss übernachtet und de Remo hed sini erste Fisch gfange wuhuu🎣🤪 Hüt hemmer de Coastal Walk in Noosa Heads gmacht. Isch mega schön gsi sind 2 h alles ade Küste entlang gloffe und hend chle de Surfer zuegluegt. 🏄🏽‍♀️🌊 Nachem walk simmer denn no 40 Minute ad Sunshine Coast gfahre und hend spontan bimene Camping gfragt öbs no Platz hed und sind ez wider direkt am Strand und am Fluss ufeme super schöne Camping🏝️En savoir plus

    Voir la traduction
  • Around the World 🌋🏝️📸🌍
    2

    Sunshine Coast🌞

    27 novembre 2024, Australie ⋅ ⛅ 27 °C

    Nachem Coastalwalk simmer ad Sunshine Coast gfahre und sind für ei Nacht imene schöne Camping direkt am Meer gsi. De Remo hed chöne chle Fische und bädeled hemmer au. Mir sind no ines paar Läde und en Surfladeoutlet und chle am Strand entlang gloffe. Vill meh hemmer ned gmacht wil hüt simmer scho wieder wiiter ad Gold Coast.🌊🌞En savoir plus

    Voir la traduction