Senja

"Üsen" Lüchtturm lit uf de Insle Senja, wo vu vielne als Gheimtipp erwähnt wird, wenns drum goht, wa mer do im hoche Norde vu Norwege söt gseh ha ☺️ Mier hend üs drum hüt, nochere wunderbare Nacht, wo üs gester au no mit Nordliechter beschenkt het😍, ufd Socke gmacht, und sind dNordsite go erkunde.
dIdrück sind atemberaubend und die viele Buchte sind eifach nur woow 🤩
Üses Highlight isch denn aber skline herzige Kafi "Senja Lounge" in Senjahopen (Jo es isch genau so im Nirgendwo wies tönt) wommer en super Kafi übercho hend ☕
Nocheme Abstecher uf Fjordgård wo üs durch en beklemmende Tunnel mit schlechtem Liecht gfüert het, hemmer üs denn wieder uf de Rückweg gmacht, und nomol all die wundervolle Ort wirke lo 🥰
Au dRentier hend natürli nöd töre fehle hüt 🦌🥰
Morn gohts denn zrugg uf Tromsø.Leggi altro