Das Rentier

Hüt wemmer eu e bitzli öppis über d'Rentier verzelle ☺️
sOffesichtliche mol zerst. Die Tier sind eifach unglaublich schön 🤩

- Rentier sind weltwit die einzig domestizierti Hirschart.

- Sie sind bis zu 2.1 Meter lang

- Erreiched e Schulterhöchi vu bis zu 1.5 Meter

- Könd bis zu 180 Kg schwer werde

- und bis zu 80 km/h schnell renne.

- Die Männliche Rentier wörfed am End vu de Paarigszit ihres Gwei ab, zum de wibliche Tier en Vorteil bi de Verteidigung vu de Fuetterstelle zgeh 🤯 dWibli palted nemli ires Gweih und sind drum stärker als dMännli i dem Moment 💪

- dWibli bringed iri Junge jedes Johr exakt am gliche Ort ufd Welt. Etz frogt mer sich natürlich wie die Tier im tüüfe Schnee immer wieder genau de glich Platz finded. Au do sind dRentier unglaublich intelligent. dWibli verlüred noch de Geburt vu de Junge ires Gweih und finded ahand vu dem denn au genau de Platz wieder, will jedes Gweih het natürli sin eigene Gruch 🥰

- Rentier könd, sobald de Winter afangt, iri Augefarb vu Goldbru uf Dunkelblau umstelle. Durch da werded dAuge liechtempfindlicher und sie könd i de Dunkelheit viel besser gseh 👀

Da sind nur e paar Fakte zu dene unglaublich faszinierende Tier 🦌🤩

Mier hend üs scho fast e bitz i die wundervolle Gschöpf veliebt 😇Read more