Tag 4

Jo was hend mir den hüt gmacht usert gnüsse....gnüsse...gnüsse?!? ❤️😍🥰
Also eigndlich heted mir hüt grossi Vögel welle go aluege, aber will min Fründ de Alfie die ganz Nacht Party gmacht het und am Morge bitz länger het wölle pfuuse hani denkt, denn blib i gad au ligge und loh de Mama und am Papa au bitz meh Pfuus 😴😊 So bini halt 😘 Und die Vögel heted mir glaub eh bitz Angscht gmacht....

Mir sind den noch dem d Mama usgibig lang het chöne go Dusche is Dörfli füre und hend die viele farbige Tier i de ganze Stadt agluegt....Krokodil, Frösch, Vögel, und und und ...riiiisig sind die (Villicht mach i morn mol no e Foti)
Will de Papa bitz verchelted isch und wie immer nünt langs debie het sind mir für en no bitz go lädele... Riiiichtig chique gseht er us mit sinere neue Jacke 😍 - isch jo klar, schliessli isch er min Papa ❤️
Irgendwenn isch den de Alfie und sis Mami und de Papi au füre cho und die Erwachsene hend glached, gschwätz, gesse und sind eifach nur gsie und hend d Sunne gnosse ☀️ (Mir gfallt di gar nöd, i weiss nöd was die hend, i gseh amel gar nünt leh😥)
Und am Obig sind mir fein go Znacht esse...🍕
Noch somne schöne Tag bini eifach nume glücklich und müäd is Bett ..
🥰
Ah am Morge hani no mini Sporteinheit gmacht...🎥Read more