Joli Bonifazio

Gester hemmer en gmüetliche Tag izoge und sind e bitzli spöter an Strand, defür hemmer am Obed könne länger blibe und sind am Schluss fast allei gsi 🤩
Noch dem schöne Obed und enere guete Nacht, hani scho am 06:30 welle ufstoh, wills mi so wundergno het, wa hüt uf mi wartet 🧐☺️
I ha denn schnell usegfunde, dass mier wohl en Usflug uf Bonifazio mached ☺️ wo dass da isch und wa mi döt erwartet hani natürli nöd könne wüsse ☺️ wo mier denn aber döt ako sind hani gad e bitzli möse stuune 🥰 alles isch ufeme Kalksteifelse baut und het eifach mega charme 🥰 so wundervolli Usblick, woni leider veschloofe ha 😂, traumhafti Gässli, und en Hafe mit riesige Yachte 😎
Ufem Rückweg hemmer denn no de Strand gsuecht wo sMami als klises Meitli mit Oma und Opa amel id Ferie gange isch. Am Afang hemmer üs verfahre 😱 aber am Schluss hemmer en denn gfunde und Oma und Opa sind gad e bitzli wehmüetig worde 🥰
Nochdem mer öppis trunke hend und Oma und Opa no en Schwumm i irere Lieblingsbucht gno hend, hemmers üs uf de Heiweg gmacht.
Wills aber scho bitzli spöter gsi isch, und i drum scho fest fuhl gsi bi, hami sAutofahre nümme so cool gfunde 🥲 drum hemmer spontan nomol en Stopp inere wunderbare Bucht gmacht ☺️ Die Grosse hend nomol öppis trunke und i has eifach e bitzli gnosse zum umetreit werde 🥰
Nocher het mi sMami is Tuech gno, und i bi ipfuset 🥰 Guet Nacht 😘😴Læs mere