Calvi, oh Calvi

Hüt, am zweite Hochzitstag vum Mami und em Papi isch de Umzug vu Ghisonaccia uf Calvi ufem Programm gstande 😇
Leider isch de Tag nöd ganz so los gange wini da ghofft ha...de Papa isch e kli gstresst gsi und het mega heiss gha bim abbaue, und het drum mit de Mama gstritte...da hani nöd gern ka und au möse brüele 😭 Die zwei hend sich denn aber geg de Schluss wieder gfange und sich au wieder gern ka 😇 wommer alles parat ka hend, isch sMami go dusche und de Papa het welle mit mier durch de Camping laufe, i bi aber so müed gsi, dass i gad i em sine Arme igschloofe bi 😴🥰 da het en glaub gad e bitzli stolz gmacht, und sogar e Freudetränli heter no vedruckt 🥰🥰 Er isch hald scho mega en sensible au wenner so en grosse und starke isch 😇
Mier hend üs denn also wäred i pfuuset ha uf de Weg gmacht und sind guet 3 Stund spöter in Calvi ako, wo dOma und de Opa scho gwartet hend. Die hemmer ebe vorus gschickt zum dPlätz ufem Camping reserviere 😎
Noch dem mier denn ganz im Friede alles ufbaut hend und de Nomittag ganz entspannt vorem Wohnwage vebrocht hend, simmer am Obed no is Städtli go Esse. Und wow isch Calvi e molerischs Städtli 🥰 eifach nur schö 🤩
Und als Highlight hemmer denn sogar no dTante Aline und de David döte troffe ☺️ do bini zerst gär nöd druss ko und ha schnell möse brüele, aber nocher hets mi eifach nu mega gfreut ❤️
Ier könd eu jo vorstelle dases mit all dene Idrück wiedermol schwer gsi isch zum de Schlof finde, so dass es hald elfi worde isch, bisi am Buse vu de Mama igschloofe bi 😇
Etz schloofi aber tüüf und fest und wünsch eu au allne e wunderbari Nacht 😘Leia mais