Adieu Korsika, Hallo Heimat 🥰

Schwupp und scho isch dZit uf Korsika wieder vebie 🥲
Miteme brüelende aber au amene lachende Aug mached mier üs uf de Weg zrugg i üses wundervolli dihei i de Schwiz 🤩🤩
Wani eu bis etz jo no gar nöd vezellt ha isch, dass sMami als Kind jo scho jede Summer uf Korsika id Ferie isch, und da für sie drum en Ort mit sehr viel Erinnerige und Emotione isch 🥰 Und i ka eu sege, i verstoh werum da so isch, und werums ein immer wieder zrugg do ane zieht 🥰 dLandschaft isch wundervoll, sMeer en Traum und sKlima isch am Tag zwor heiss, i de Nacht küelts aber ab, so dasmer wundervoll ka pfuuse 😇☺️ Aso schlicht alles wammer sich wünscht 🥰 I bi unendlich froh, hani de wundervolli, und vö sMami so emotionali Ort töre kenne und liebe lerne 🥰🥰
I freu mi aber genau so fest zum denn morn au wieder i üsne eigne 4 Wänd könne pfuuse 😇❤️
Und Mami und Papi hend mier au scho gflüsteret, dass mier anschienend das Johr nomol weg gönd, will au de Papi no so en Ort het, wo mit vielne Erinnerige und Emotione vebunde isch 🥰 I bi jetzt scho ganz gspannt 🤩
Jetzt wünschi eu aber zerst emol no e schös Tägli und bis ganz bald ❤️Baca lagi