Nevio's Erlebnisse: 2024

Newest first

Nevio's Erlebnisse: 2024
1 1 2
Adieu - Strasbourg
September 1, 2024 in France ⋅ 🌩️ 30 °C
Am Sunntig isch jo bekanntlich smeiste zue und drum hets au viel weniger Lüt i de Stadt ☺️
Nocheme gmüetliche zMorge, wo sMami und de Papi eimol mini Schnelligkeit unterschätzt und drum en neue Teller brucht hend 😂😂 naja was solls...Scherbe bringed jo Glück ☺️...hemmer üs denn uf de Weg id Stadt gmacht und sind zerst ine Kafi miteme wunderbare Blick uf e Kirche 🥰
Üses nögste Ziel, verbie a vielne tolle Schaufenster und eifach dGmeinsamkeit gnüssend, isch de botanischi Garte gsi. De het sich aber underem Strich nöd so würkli glohnt 😜 Mitem Tram simmer denn wieder zrugg is Zentrum und zerst emol öppis go esse, au wenns scho halbi vieri gsi isch 😂😂 Nocher simmer zrugg is Hotel und i ha döt min nögste Schlof izoge, will hüt hemmer mol no welle im dunkle die belüchtet Kirche go aluege ☺️
De Plan isch denn au ufgange, und noch dem sMami sich e Fondue gönnt het 🙈 hemmer denn die belüchtete Gasse und am Schluss au dKathedrale gnosse 🥰 Es isch nomol ganz e anderi Site vu dere Stadt gsi wommer hend töre gseh, und mier könd eimol me sege dass es eifach e wunderschöni Stadt isch 😍
Mier kömmed sicher wieder emol do ane, aber snögstmol denn im Herbst, dases sicher nümme so heiss isch wie da Wuchenend wo mier vewütscht hend 🥵
Und wammer snögst mol au mönd bedenke isch, dass so en Städtetrip zwor mega spannend isch, mier aber mengmol e kli dZit und au de Platz gfehlt het, zum eifach mi mol könne breit mache, umewälze und spiele 😇
Aber au wenn da gfehlt het, isches e wunderschös Wuchenend mit Mami und Papi gsi, und sie hend eimol me zeigt, wa für wundervolli Eltere und liebevolli Mensche sie sind ❤️ I bi soo fro töred mier alli zemme si ❤️Read more
See translation
Traveler Eimol meh eifach e unglaublich schöno Ziit gsie mit mine zwei Männer❤️ Und a dere Stell möcht i am Papa danke säge, dass er sich jede Obig die Müäh macht zum so en schöne Rückblick z schribe....will ende Johr wird das zumne Buech druckt ...1x als Famile-Exemplar und eis für üse chli Wurm (e chlises Exemplar) damit er irgendwenn gseht und chan läse, was mir alles mitenand erlebt hend🥰❤️🥰 Danke Papa mir liebed di eifach unglaublich fescht❤️
9/1/24ReplyTranslate
Traveler Papi-Schatz 🫶
9/10/24ReplyTranslate
Traveler Dä Nevio im Usgang 😎
9/10/24ReplyTranslate
Traveler Fascht wie im Advent 🤩
9/10/24ReplyTranslate
2 likes
Nevio's Erlebnisse: 2024
1
2 1 1 1 1 1 1 3
Bienvenuti sul Isola d'Elba
September 28, 2024 in Italy ⋅ 🌙 21 °C
I ha eu doch gseit, dass mier au no am Papi sini Lieblingsinsle gönd go bsueche 😇
Gester isches sowit gsi und mier hend üs, obwohl dMama eigetli kei grosses Bedürfnis me gha het 🙈, uf de Weg richtig Piombino gmacht, wo üs denn dFähre uf dInsel Elba brocht het ☺️
Elba isch scho uf de ersti Blick en Traum 🥰 aber i ka eu sege, mier hends üs möse vediene 🫣
Aber fanged mer vu vorne a 😇
Eigetlich wär dIdee gsi, dass i noch üsem Start, kurz nochem 6i am Obed, nomol en Schloof mach, und mier so die erst Stund bis uf Thusis fahred und denn döt öppis essed 😇 i ha da aber irgendwie nöd so lustig gfunde und au nöd welle schlofe, drum hemmer denn scho a de Raststätte Heidiland aghalte und friedlich öppis gesse und kli päuselet ☺️
Ungefähr 15 Minute nochdem mier witergfahre sind hani denn de Schloof gfunde und ha mi au vu dene sintfluetartige Regegüss, wommer zum Teil würkli gar nüt me gseh het, im Tessin nümme wecke lo 😇
Mier sind denn no bis kurz vor Parma gfahre und denn het au de Papa nümme möge ☺️
Nochere eher küele aber mega kuschlige Nacht im Wohnwage ❤️ hemmer denn am nögste Morge zerst e Käfeli trunke und e Brioche alla Marmelata gesse 🤩
Üses nögste Ziel isch denn tatsächlich de Ikea in Pisa gsi, will Mami und Papi zmol no gfunde hend, dass so en Ikea Kinderstuel no guet wär zum im Wohnwage esse 🙈 wammer hald so macht wemmer id Ferie goht 😂
Noch em Rundgang im Ikea hemmer gad au döt gesse bevor mier denn di letscht Stund uf Piombino in Agriff gno hend 😇
Sletschte Stuck Autobahn het denn zwor eher anere Achterbahn gliche wills so grumplet und gschauklet het, aber mier hends gschafft 😇
Pünktlich am 15:30 simmer denn mit de Fähre los richtig Portoferraio uf Elba. Schnell hemmer gmerkt dass es e unruhigi Überfahrt wird, wills doch ziemlich fest gwellet het 🤢 Isch jo aber zum Glück nume e Stund gange 🙈
Uf de Insle ako sinds denn no öppe 20 Minute bis zu üsem Camping gsi. Döt ako hemmer no snötigst igrichtet, öppis feins zNacht gesse und denn eifach nuno de Obed usklinge lo ☺️ Etz freui mi meega uf die 2 Wuche uf Elba, und bi gspannt wammer alles töred erlebe 🥰
I vezells eu denn 😘Read more
See translation
Traveler dänn weiss dä chli Bolä das es uf d‘Leutsch goht
9/28/24ReplyTranslate
Traveler Do isch Din Pappi scho ganz vielmol gsi 🤩
9/28/24ReplyTranslate
Traveler Wa ässed ächt d‘Italiener för Sachä ? 👀
9/28/24ReplyTranslate
9 more comments
4 likes
Nevio's Erlebnisse: 2024
2 1 1 1 1 1 1 1 1 2 2 3 1 2 1 2
I primi giorni
September 29, 2024 in Italy ⋅ 🌙 20 °C
Und scho sind die erste Täg uf Elba wieder verbie 😇 und wer etz meint mier sind vu Afang a im Feriemodus gsi und hends voll gnosse, de irrt sich 😂 wie scho erwähnt het dMama nümme würkli sBesürfnis noch Wärmi, Sunne und Strand gha sondern eher noch Nebel, fallendem Laub und Marroni 🫣 Da i Kombination demit dass de Papa sich da ganze e bitzli anderst vorgstellt het, het i de erste beide Täg zu einige Unstimmigkeite und Diskussione gfüert 😔
I bi aber mega stolz uf die 2 dass sie immer offe drüber gredet hend unds so au gschafft hend zum dGfühlslag kehre und so langsam aber sicher im Ferie und Gnussmodus ako ❤️ Mier sind nemli unglaublich priviligiert dass mier da töred erlebe und da mached mier üs jetzt wieder Tag für Tag bewusst 🥰
Aber obwohl mier e kli en harzigere Start anegleit hend, hemmer natürli trotzdem schöni Moment und spannendi Sache erlebt 😇 Am Sunntig isch zum Bispiel no de Elbaman gsi, en Triathlon wo en huufe pickti ad Leistigsgrenze tribe hend 😱 wo mier zu Kaffee, Kuchen und Gelati is Städtli flaniert sind 😂
Gester isch denn pöstele ufem Plan gstande und natürlich het au döte de Cappuccino nöd töre fehle ☺️
Hüt hemmer denn e Usflügli uf Capoliveri gmacht und sind eifach e bitzli umespaziert und hend dZit als Familie gnosse ❤️ Es isch wunderschö gsi 🥰❤️
I bi so dankbar töri da alles erlebe und denn au no mit eu teile ❤️ i hoff eu gfalled mini Bildli woni vö eu usgsuecht ha ☺️
Bis bald ier Liebe ❤️Read more
See translation
da gseht gmüetlich us bi eu🥰 [andrea]
10/2/24ReplyTranslate
oooooh ja😅… bei uns war er noch kalt, noch nicht saukalt🥶 [andrea]
10/2/24ReplyTranslate
♥️ [andrea]
10/2/24Reply
20 more comments
3 likes
Nevio's Erlebnisse: 2024
1 1 1 1 2 1 1
Dal sole 🌞 alla pioggia 🌧️
October 3, 2024 in Italy ⋅ 🌬 18 °C
Guuguuug do bini wieder 😇
Di letschte Täg hemmers eifach e bitzli gnosse und sind mol do mol döt zum Kafi ☺️
Bsunders guet gfalle het mier sBädele i de schö warme Badwanne 🤩 Ier froged eu etz sicher wommer denn die wieder gfunde hend 🧐 Aber es het doch tatsächlich e Babybadzimmer wod Brünneli uf Kinderhöchi sind und ebe e Badwanne dinne wo so Knöpf wie i töred dri sitze und mit Mama und Papa umeplantsche 😍 Eifach mega!
Bimene Rundgang um de Camping hend de Papa und I denk au no e Schaukle entdeckt, wo mier doch sofort hend möse teste ☺️ Da macht jo mega Spass! 😎
Au mini Liebi zu Pfirsich hani wieder neu entdeckt, woni wiedrmol gnüsslich i sonen richtig saftige dri bisse ha 😇 Mein Gott sind die guet 🤤
Gester simmer denn uf Marina di Campo füre gloffe zum i de Kirche go e Kerzli für üs und üsi Familie azünde 🥰 isch zwor nüt gsi mit füürle will alles nurno LED-Kerzli sind, aber wie seit mer so schö, de Gedanke zellt ❤️ Und mini Gedanke sind immer binall mine Liebste 🥰
Ufem Rückweg het üs denn glatt de Rege überrascht, isch aber nöd witer schlimm gsi vö üs 😇 im Gegeteil, mier hends sogar no lustig gfunde ☺️
Weniger lustig isch denn gsi, dass es i de Nacht so fest agfange het regne, dass mi de Lärme im Wohnwage gweckt het, und sMami mi denn 2 Stund bäbelet het, bis i endli de Schlof wieder gfunde ha 🫣 Danke Mami hesch du so viel Geduld mit mirt ka ❤️❤️❤️ De Papi het offe zuegeh dass er mit dere Situation e bitzli überforderet gsi isch, und drum nöd so e grossi Hilf gsi isch i dem Moment 😇 da findi mega muetig dass er da so ka zuegeh, und isch glaub nocher au vös mami voll ok gsi ☺️
Hüt hets leider de ganz Tag duregschiffet 🙈 drum hemmer de Tag uf engstem Rum mit Spiele, Kuschle und Pfuse vebrocht 🥰 Und 2 mol simmer no ad Campingbar öppis go trinke☺️ Woni serst mol die gross Kaffimaschine in Action gseh ha, bini vollkomme fasziniert gsi und ha nümme welle weg ☺️
Mittlerwile hets ufghött regne und mier hoffed, dass mier e wunderbari und gruesami Nacht werded ha 😇
Pfuuuused gueeet ❤️Read more
See translation
so en Strahli😍 [andrea]
10/3/24ReplyTranslate
da Büechli kenned mer doch😍 [andrea]
10/3/24ReplyTranslate
TravelerMier hend mega Freud a de Büechli vum Alfie 🥰
10/4/24Reply
5 more comments
2 likes
Nevio's Erlebnisse: 2024
2
3 2 3 4 2 2 1 1 2
Tra mare 🌅 e montagna 🌄
October 5, 2024 in Italy ⋅ 🌙 17 °C
Noch zwei Täg Rege sind mier gester ufgstande und hend üs gfreut dass dSunne schint und sind voller Vorfreud in Tag gstartet 😇
Mier hend üs uf de Weg uf Porto Azzurro gmacht zum döt e bitzli flaniere, fein Esse und sLebe gnüsse ☺️ so war der Plan.....
Mier sind döt ako und losgloffe, und no bevor mier richtig is Schlendere ko sind, het de Himmel scho wieder sini Schleuse ufgmacht ... Am Afang tröpfliwies und mier sind denn direkt ine Resti underen grosse Schirm und denn hets so riichtig abelo 😱😭 Üsen Tag isch wort wörtlich is Wasser keit und es het mässig Freud gmacht 🫣
Mier hend denn trotz allem probiert sBeste drus zmache und hend üs am Obed ufs mummelig kuschlige Bett im Wohnwage gfreut 🥰
Hüt simmer denn relativ früe wach gsi und hend blaue Himmel ka 🌞 mier hend fliessig Plän gmacht und denn ganz friedlich zMorge gesse 😇 plötzlich sind wieder Wolke ufzoge und da het üsi Stimmig doch e bitzli dämpft 🥹
Mier hend denn emol gfunde dass mier als Familie gönd go abwäsche und sind nocher no an Strand abegloffe go luege wie sich sWetter so entwicklet, zum entscheide wammer am Nomittag sölled mache ☺️
Mier hend üs denn entschiede zum üses ursprüngliche Programm doch durezüche und hend üs schnurstracks uf de Weg zum Monte Capanne gmacht ☺️
I wets nöd vorweg ne, aber da isch di best Entscheidig gsi, wommer hend könne treffe 🥰
Döt ako simmer zerst im Resti go zMittag esse, bevor mier mit dene coole Gondeli durch de Mama sin langersehnte Kastaniewald richtig Gipfel gfahre sind 😇 es isch eifach e unglaublichs Erlebnis gsi 🥰
Dobe ako het sich üs en traumhafte Blick über die ganz Insle und sogar bis übere uf Korsika bote 😍 Aber es het mächtig zoge, und sMami het doch e bitzli gfrore 🥶 drum simmer denn au ziemli zügig wieder abe, und hend de Tag in Marciana Marina bimene feine Apéro no usklinge lo 😇
De Tag hüt isch definitiv sHighlight vu dene Ferie gsi und entschädigt für ganz vieles wo bis etz nöd so cool gsi isch ☺️
I bi dehei denn au ziemli schnell und voll zfriede igschloofe und träum hoffentli nomol vu all dene wunderbare Bilder woni hüt ha töre gseh 🥰
Pfuused guet und bis bald ❤️Read more
See translation
Traveler love it 😎
10/6/24Reply
Traveler🥰
10/6/24Reply
Traveler top foti 🙌🏼🤩
10/6/24Reply
TravelerGrazie mille ☺️
10/6/24ReplyTranslate
18 more comments
3 likes
Nevio's Erlebnisse: 2024
Arrivederci Elba e benvenuti a casa 🥰
October 10, 2024 in Switzerland ⋅ ⛅ 6 °C
Guugguug i meld mi nomol zum Abschluss vu dene Ferie uf Elba 😇
Underem Strich hemmer viel Höchs und Tüfs gha und sWetter hets üs würkli au nöd eifach gmacht, aber mier hends gschafft zum als Team us jedere schwierige Phase wieder useko und so doch sBeste vu dene Ferie mitneh ☺️ Elba isch trotz em Wetter e wunderschöni Insle und i ka absolut vestoh dass de Papa da als sis zweite Dihei aluegt ❤️
Ier froged eu etz aber sicher wa mier di letschte Täg no so gmacht hend 😇
Will sWetter immer durchzoge gsi isch hemmer ufs Bade vezichtet und hend stattdesse am Sunntig nomol en Usflug uf Capoliveri gmacht ☺️ es isch meega gmüetlich gsi und mier hend i de bottega delle meraviglie sogar no mega cooli Spielsache vö mi kauft 🤩 i freu mi etz scho druf zum die Teste 🥰 Nocheme feine zNacht simmer denn wieder zrugg in Camping und i bi ufem Weg ipfuuset ☺️
Am Mentig hemmer denn de Tag gnutzt zum zemmerumme, will mier am Tsistig de Heiweg atrete hend. Es isch üs trotz wechselhaftem Wetter glunge, zum alles troche ilade, so dass mier dehei nüt me mönd useneh zum tröchne 🥳 All da hend sMami und de Papi aber nu gschafft, will dLana und de Quirin, zwei neui Fründe vu mier, so guet uf mi ufpasst hend 🥰 Danke eu ❤️
Am Tsistig Morge hets denn wie akündigt richtig krass gstürmt...zum Glück hemmer vö die letschte Handgriff gad e Fenster ohni grosse Rege vewütscht, so dass mier pünktlich hend könne losfahre zum Hafe 😇
Döt ako isch denn leider e bösi Überraschig uf üs zuecho, dFähre sind nöd gfahre...me sind denn an Schalter go froge wies usgseht..dAntwort isch gsi dass mer üs nöd könn sege öb und vor allem wenn di nögst Fähre fahrt, also hets vö üs gheisse warte und Zit überbrücke 🫣 Bim warte hend mier denn doch tatsächlich no Bekannti us Thal troffe, da het de Tag denn doch no einigermasse kurzwilig gmacht ☺️
Wo mier denn so geg di 3, natürlich noch mehrmoligem vorherigem Erkunde, zuefällig zrugg an Hafe abekömmed, bemerked mier plötzlich dass öppis passier...und tatsächlich sie hend agfange die erst Fähre belade....und mier hend mit Glück denn sogar no eine vu de letschte Plätz uf dem Schiff ergatteret 🤩
Am 16:30 simmer denn losgfahre und nochere doch au ziemlich schauklige Stund simmer zfriede und voller Tatedrang in Piombino ako ☺️ Vu döt a hets üs nurno heiwärts zoge ☺️
De Papa isch mega guet gfahre und mier sind super vorwärts ko, will aber de San Bernadino-Tunnel zue gsi isch, hemmer döt vorem Portal no eimol möde pfuse und sind denn am Mittwoch geg de Mittag dehei gsi ☺️
De Nommitag hemmer denn gnutzt zum alles verrume und natürlich scho die erst Wösch mache, bevor mier denn am Obed alli müed und zfriede go pfuuse sind 🥰
Hüt hemmer denn zum Abschluss vu dene Ferie no en Usflug is Appezellerbad in Heide gmacht. Es isch eifach nu wunderschö gsi ❤️
Ier gsehnd alles i allem sind au da superschöni Ferie gsi wo jetzt leider zEnd gönd.
I bi gspannt öbs da vör das Johr gsie isch oder nöd, und wünsch eu bis zum nögste Mol, alles Gueti 🥰
Euen Nevio 😘Read more
See translation
1 like
Nevio's Erlebnisse: 2024
Die erste Festtäg 🥳
December 31, 2024 in Switzerland ⋅ 🌙 1 °C
Es isch kum zum glaube aber da Johr isch scho fertig 🤯 i ha so unglaublich viel töre erlebe das Johr, i kas gar nöd in Wort fasse 🥰 Wa sMami und de Papi mier alles ermöglicht hend, für da bini eifach nur unendlich dankbar ❤️ Dankbar für alli Erlebnis und au alli Mensche woni ha töre kenne und schätze lerne ❤️
zEnd goht die fantastisch Zit mit mine erste Festtäg 😇 Ganz e spezielli, besinnlichi aber au wunderschöni Zit woni ha töre im Kreis vu de Familie verbringe 🥰
Leider sind mini Nonna und min Nonno ganz ganz wit eweg gsi, aber hej, aufgeschoben ist nicht aufgehoben ☺️
I möcht eu eifach allne Danke sege vör da wundervolli Johr, und freu mi etz scho wahnsinnig ufs 2025 mit eu ❤️
Euen NevioRead more
See translation
Traveler❤️
1/1/25Reply
3 likes

Trip end
December 31, 2024