Reset search
Ecuador, Peru & Bolivien
  • Ellada Würgler
  • Ellada Würgler

Ecuador, Peru & Bolivien

von Quito nach La Paz 🥾☀️🦙🌊 Read more
FollowInsightsInsightsCalendarCalendarPhotosPhotosShareShareBucket list
Newest first
  • Trip start
    January 26, 2025
    Ellada WürglerEcuador, Peru & BolivienTraveler
    en nette Herr wo am fenster ghocket isch, het das foti für mich gmacht

    Reise nach Quito

    January 26, 2025 in Spain ⋅ ☁️ 9 °C

    Hüt bin ich s‘erste mal allei gfloge! Sehr ufregend gsi, vorallem wills gad ca. 14h (mit zwüschestopp in Madrid) gsi sind. Han im Flugi geuets Esse becho, vill glese und paar Film glueget.
    Wo ich nach em lange Reisetag denn endlich in Quito ahcho bin, isch es denn zum Glück sehr unkompliziert gsi, es Taxi zum Hotel verwütsche. Im Hotel sind denn au scho di andere vo minere Reisegruppe gsi, aber es würklichs treffe hets denn erscht am negste morge geh.
    Bin froh isch d‘Hiireis so guet gange! ✈️    Read more

    See translation
  • Ellada WürglerEcuador, Peru & BolivienTraveler
    parat für de Regewaldavocado mit pilz - sehr interessantUssicht vo üsere Unterkunftüsen Guide für di negste paar Wuche1Naturkosmetik11121L bier 😍😍😍

    Amazonasjungel, Tena

    January 27, 2025 in Ecuador ⋅ ☁️ 9 °C

    Hüt morge hets am 7ni Zmorge geh & denn ischs mitem Car scho richtig Amazonas Jungel gange. Mir sind ca. 4h underwegs gsi. Es isch e sehr ahgnehmi Fahrt mit sehr schöne Ussichte gsi.
    Mir hend denn ihnere schöne Lodge Zmittag becho und sind nacher zu üsem Scjlafplatz für 1 Nach gfahre. Meega schön.
    Mir sind denn mit Gummistifel paar Stund im Jungel go wandere und hend e Lehm-Gsichtsmaske becho.
    Am abig hets no Znacht und paar Bier geh.
    Würkli en coole Tag!!    Read more

    See translation
  • Ellada WürglerEcuador, Peru & BolivienTraveler
    mit Helm als Schutzzwüschepausedie Pflanze zb. isch gege MuskelschmerzeD Gabby us AustralieKakao11fein gsi!

    Tag 2 in Tena

    January 28, 2025 in Ecuador ⋅ ☁️ 21 °C

    Hüt morge sind mer nach em Zmorge mit de Gummistifel en Bach uegloffe zume Wasserfall (siehe Video). Es isch sehr lustig und nass gsi. Denn hend mer Zmittag becho und hend üsi Underkunft für di negste 2 Täg chene bezieh. würkli sehr herzigi Zweibett-Bungalows. Denn sind mer nomal los und hend diversi Pflanze erklärt becho.
    Am Abig hend üs d‘Locals no amne Ritual teillah ha.    Read more

    See translation
  • Ellada WürglerEcuador, Peru & BolivienTraveler
    Schritt 1.: Rösten
    Schritt 2.: von der Schale trennenSchritt 3.: ZermahlenSchritt 4.: mit Zucker mischen (und nochmals zermahlen)1Schritt 5.: mit Wasser und Milchpulver mischen2Schritt 6.: geniessen!!Schoggi-Gsichtsmaske fürd Jungs1my gal and roomie roisin11Fuessball mit de Locals2gseht vlt nid dennach us, aber das isch soo fein gsi!!

    Amazonas Tag 3

    January 29, 2025 in Ecuador ⋅ 🌧 23 °C

    Hüt morge nachem Umorge hend mir Schritt für Schritt derfe selber Schoggi mache. Isch e cooli Erfahrig gsi, vorallem zum denn das au no probiere. sehr fein!!
    Nachem Umittag ischs denn uf e Velotour gange, wo tatsächli zimmli ahstandgend gsi isch, aber sehr lustig!
    Danach sind mer denn no zunere „blaue laguune“ gfahre. Eifach Traumhaft!!!!    Read more

    See translation
  • Ellada WürglerEcuador, Peru & BolivienTraveler
    1vor de lange Busfahrt no e rundi Pilates
    so chäsgfülltig Teigdinger 😍üsi Underkunftich lieb Hibiskusdie heisse QuelleVeggie Burger mit em Ned, em Ruari und de Bexüse Guide de Fabio

    Reise nach Baños

    January 30, 2025 in Ecuador ⋅ ☁️ 21 °C

    Nach em morgentliche Pilates hets zmorge geh & denn isches scho bald richtig Baños gange (ca. 4h) Mir hend e sehr schöni und erstunlich luxuriösi Underkunft, bin echt überrascht gsi! Zum Zmittag hets für mich entlich wider mal Pasta geh & denn hend de Rest vom Tag chene mache was mer wennd. Mir sind denn das herzige Städtli go erkunde und go Käfele. Churz vor Sunneuntergang sind mer denn no zu de heisse Quelle (weg dene heisst die Stadt au Baños).
    Am Abig sind mer denn z vierte go Esse und no eis go trinke.    Read more

    See translation
  • Ellada WürglerEcuador, Peru & BolivienTraveler
    hend eigentli nur es chlises Brötli welle
    111en chline zemeschnitt vom canyoing1adrenalin pur1im Swiss bistroUssicht uf BanosZnacht mit de Gruppe

    Baños

    January 31, 2025 in Ecuador ⋅ ⛅ 15 °C

    Am morge sind mir am 8i ufgstande fürs canyoing. Es isch einiges Abenttürlicher gsi als ich denkt han, aber het mir sehr spass gmacht. Am Scjluss sind mir no us 40m höchi abgseilt worde. Nach enere churze Pause isches denn zude Zipline wiitergange, wo mer denn ah Ziplines hend chene abe und no es rechts Stück am Berg entlang hend müse ueklettere.
    Danach bini mitem Ned us Australie go Zmittag esse und denn no uf eh 2 stündigi Wanderig.
    Am Abig sind mer ide Gruppe go Esse ind no chli in Usgang.
    Ich liebs da!! 😍    Read more

    See translation
  • Ellada WürglerEcuador, Peru & BolivienTraveler
    hett mich sehr ad Schwiiz erinneret11GabbyFabio am stretche1da isch en Meteorit ihgschlageso e herzigi Stadt1

    Cuenca und Cajas Nationalpark

    February 2, 2025 in Ecuador ⋅ ☁️ 12 °C

    Hüt am morge sind mer am 9ni los zum Cajas Nationalpark (45min fahrt vo Cuenca entfernt). Mir sind dete eppe 3h go laufe. Es sind würkli atemberaubendi ussichte gsi, eifach wunderschön. Denn am 3 hend mir denn entlich Zmittag gesse und sind denn nacher nomal chli id Stadt, go umelaufe.
    Am Abig am 8ii isches in Nachtbus nach Mancora gange, ez gahts uf Peru!!🇵🇪😍    Read more

    See translation
  • Ellada WürglerEcuador, Peru & BolivienTraveler
    1Stempel vo Ecuador und Peru
    tiefkühlpizza 😂🥲111Gabby und ich hend en spaziergang gmacht

    Mancora, Peru 🇵🇪🌊

    February 3, 2025 in Peru ⋅ ☁️ 25 °C

    Mir sind am 5i am morge in Mancora ahcho (d Grenze nach Peru hend mer am 1 ih de Nacht überschritte), han denn erschmal en Strandspaziergmacht und denn bin ich nomal go schlafe.
    Nach emne chline Zmorge hend mir de perfekti Strand gha! Sünnele, lese, en nap am strand, esse und denn no am ewiglange Strand chli go spaziere.
    Zum Znacht hett sich de grossteil vode Gruppe wider troffe zum zemme esse, ich han es Pangan Curry gha.    Read more

    See translation
  • Ellada WürglerEcuador, Peru & BolivienTraveler
    Pilates bim Pool
    1Znacht am 11i am Abig

    Mancora

    February 4, 2025 in Peru ⋅ ☁️ 28 °C

    die chlini Stadt isch mega luut und zimmli dreckig aber isch mir trotzdem sooo sympatisch!
    Am morge hani zersch Pilates am Pool gmacht und denn bini mit de Gabby und em Ned go Brunche, mega fein gsi! Mir sind denn no an Strand und ich bin denn s erst mal go Surfe, mega cool!! hett mer sehr spass gmacht.
    Am abig sind mir alli zemme uf es Boot will de Glen Geburtstag gha het. Isch es riise Fäscht gsii. 🍾🍾    Read more

    See translation
  • Ellada WürglerEcuador, Peru & BolivienTraveler
    111Znacht vor em Nachtbus

    2. Tag in Mancora

    February 5, 2025 in Peru ⋅ ☁️ 24 °C

    Bin am 8i am morge mit em Fabio (üse Gruppeleiter) go Surfe und denn no go Zmorge esse. Nacher hani mini Sache. De Rest vom Tag isch us am Pool hänge, esse, lese und biz spaziere bestande.
    Am Abig am 10ni sind mer in Nachtbus richtig Trujillo, di 3. grössti Stadt in Peru.Read more

    See translation
  • Ellada WürglerEcuador, Peru & BolivienTraveler
    1
    11kein bsunders schöne Strand, aber zum Surfe guet geignet1en dessert usem Auto

    Trujillo

    February 6, 2025 in Peru ⋅ ☁️ 22 °C

    Mir sind am 9ni am morge mitem Bus in Trujillo ahcho, d Reis isch guet verloffe. Mir hend denn eppis zmorge gesse und chli d Stadt erkundet. Nach em Mittag bini mit de Gabby zeme an Strand gfahre& bin det nomal chli go Surfe. Hett mer sehr spass gmacht! Am Abig sind d Gabby de Ned und ich zeme go esse und denn no eis go trinke.Read more

    See translation
  • Ellada WürglerEcuador, Peru & BolivienTraveler
    1Chan Chan12

    Tagestour Trujillo

    February 7, 2025 in Peru ⋅ ☁️ 28 °C

    Mir hend hüt e Tagestour undernoh, wo mir verschiedeni Sehenswürdigkeite rund um Trujillo sind go ahluege. De 1. Stopp isch bi de Huaca de la Luna (ca. zwüsched 100 und 800 n.Chr erbaut). Danach hets Lunch geh wos denn no eh traditionelli Pferdeshow ufgführt hend. Denn sind mer no zu Chan Chan (erbaut im 9. Jahrhundert, hrössti Lehmziegelstadt uf de Welt)
    Am spate Namittag sind mer no zum Strand gfahre und ich bin nomal go Surfe. 🏄🏽‍♀️🐚🌊
    Am Abig sind mer in Nachtbus richtig Lima.    Read more

    See translation
  • Ellada WürglerEcuador, Peru & BolivienTraveler
    mit de Meghan und de Gabby1Paraglideam Fabio sini Abschiedsred, werded ihn vermisse!

    Lima

    February 8, 2025 in Peru ⋅ ☁️ 25 °C

    Hüt morge sind mir in Lima ahcho jnd sind denn als ersts gad go zmorge esse und d Stadt go ahluege.
    Am 4i bini denn mit zwei anderne Girls go Paraglide. Hett sehr spass hmachz und mir hend e super Ussicht über ganz Lima gha.
    Am Abig hend mir denn alli zeme Znacht gesse, will 4 Lüüt und üsen Tourguide de Fabio üs am negste morge verlah hend. En richtig felne znacht gsi& denn sind mer no in Usgang 💃🏼    Read more

    See translation
  • Ellada WürglerEcuador, Peru & BolivienTraveler
    soo en schöne Weg zum spaziere🥰🥰10/101mir hend hüt 2 neui Mitreidendi becho, eine isch Schwiizergfüllti Pilz

    Lima Tag 2

    February 9, 2025 in Peru ⋅ ☁️ 25 °C

    Hüt morge bin ich no ca. 2 Stund mit de Gabby de Küste entlang go spaziere, Lima isch würkli e schöni Stadt!! Denn han ich mich leider schweren herzens vo ihre müse verabschide, sehr schad han sie würkli sehr gern becho.
    Denn bin ich mit paarne zeme go Zmittag esse im Cosme, eis vo de beschte Restaurants in ganz Südamerika.
    Am Abig sind mer imne Irish Pub go d Superbowl luege.    Read more

    See translation
  • Ellada WürglerEcuador, Peru & BolivienTraveler
    üses Hostel
    1d Nisha und de Jack21di schön Oase111es spontans Tattoo11Hundi am schlafe

    Huacachina

    February 10, 2025 in Peru ⋅ ☁️ 27 °C

    Hüt morge sind mer richtig Huacachina losgfahre, e Oase ide Region Ica. Gad nach Ahkunft sind mer zude Düne go Sandboarde, bis d Sunne untergange isch, sehr schön und lustig gsi! Am Abig hets denn ih üsem Hostel en super znacht geh. Es hend denn alli no chli Bierpong und Tischfuessball gspillt und es paar feini Drinks gha. Im Hostel isch super stimmig gsi und es het no vill anderi cooli Lüt gha. Paar anderi Girls und ich hend üs den mega spontan es Tattoo steche lah, wo mer im Hostel het chene mache (für nime 100soles = 20fr!!!). Bin super happy demit 😄Read more

    See translation
  • Ellada WürglerEcuador, Peru & BolivienTraveler
    1Dattlevo jedem vo dene hend mer es Gläsli probiert1Nazca-Linie

    Nazca

    February 11, 2025 in Peru ⋅ ☀️ 24 °C

    Am morge bini en spaziergang ide Oase go mache und denn sind mer alli no chli bim Hostel Pool umeglege bis mer denn zumne Wiiguet gfahre sind. Dete hend mer denn chli öppis glernt über de Herstelligsprozess vo Pisco (Pisco Sour isch es Nationalgetränk vo Peru) und Wii glernt. Denn hend mer eppe 10 Getränk derfe probiere. Gad im Ahschluss hets dete denn Zmittag geh, demit alli de villi alkohol guet vertreit hend.
    Mir sind denn 3h wiitergfahre nach Nazca, ufem Weg hend mer en Stop gmacht zum die berühmte Nazca Linie go ahluege.
    Im Hotel hend mer denn nurno Hnacht gesse ind sind denn go schlafe.    Read more

    See translation
  • Ellada WürglerEcuador, Peru & BolivienTraveler

    Nazca

    February 12, 2025 in Peru ⋅ ☁️ 25 °C

    Am morge sind di meiste en Flug über d Nazca Linie go mache, aber ich ha das nid welle und han defür de ganzi Pool für mich gha, hans sehr gnosse. Nachem Zmittag wos im Hotel geh het, bini mit de Meghan id Stadt gloffe und mir sind det chli umegloffe.
    De Plan wer denn eigentlich gsi, das mir am Abig mitem Nachtbus nach Arequipa losfahred, aber leider hetts sehr fescht gregnet, so das d Strass gsperrt worde isch.
    Mir hend denn esse is Hotel bstellt und s beste drus gmacht.    Read more

    See translation
  • Ellada WürglerEcuador, Peru & BolivienTraveler
    11

    letzer Tag in Nazca

    February 13, 2025 in Peru ⋅ ☁️ 26 °C

    Mir hend di guet Nachricht becho, das mir am Abig entlich wiiterfahred nach Arequipa.

    Am morge sind mer wider id Stadt gloffe, will üses Hotel recht abgschide isch. Hend denn zmorge gesse und denn chli Ziit verplemperet ide Stadt und sind später denn no go Zmittag esse. Zrugg im Hotel bini denn nomal chli bim Pool go ligge und mir hend denn lang Spili gspillt. Hend denn nomal esse bstellt und sind denn in Nachtbus richtig Arequipa (ca. 10h).Read more

    See translation
  • Ellada WürglerEcuador, Peru & BolivienTraveler
    1zum Valentinstag hend mir üs gegesitig "gwichtlet" ich han das süesse Lama becho ☺️nid s beste Wetter aber defür bequembimne Stopp no paar Alpakas gseh2

    Arequipa und Chivay

    February 14, 2025 in Peru ⋅ ☁️ 16 °C

    Nach dem mir am 9ni am morge in Arequipa ahcho sind, sind mer denn erschmal sehr fein go Brunche alli zeme und hend die herzigi Stadt chli ahgluegt, gfallt mir würkli sehr guet. Will mir ja 1 Tag in Nazca verlore hend, hend mir denn scho wider müse wiiterfahre nach Chivay, es chlises Städtli bide Culca Canyons, wo mir den morn e Wanderig mached.
    D Reis isch guet und schnell gange und am Abig hets denn no en guete Znacht mit Show geh, wo en traditionelle Tanz ufgführt worde isch.    Read more

    See translation
  • Ellada WürglerEcuador, Peru & BolivienTraveler
    d Ussicht bi de chline Wanderig111en Kondoralkoholisches Getränk mit KaktusfruchtZmittagsbuffet 😍d Ussicht us de Duschi

    Culca Canyon

    February 15, 2025 in Peru ⋅ ☁️ 5 °C

    Mir sind am 7ni am morge losgfahre zude Culca Canyons. Bim erste halt hend mer no e sehr schöni Ussicht gha, nacher isches denn zimmli neblig worde & bide 1 stündige Wanderig hend mer gar nüt meh gseh. Mir hend denn bide Rückfahrt nach Arequipa imne Dörfli haltgmacht und nacher no imne Restaurant Zmittag gesse. Zrugg in Arequipa hani zersch mal s gmüetliche Hotelzimmer gnosse und denn sind mer nomal use zum go Znacht esse.Read more

    See translation
  • Ellada WürglerEcuador, Peru & BolivienTraveler
    1

    Arequipa

    February 16, 2025 in Peru ⋅ ☁️ 16 °C

    Ufgwacht sind mer bimne Zmorge mit wunderschöner Ussicht. Mir hend denn de Tag gnutzt zum die herzigi Stadt ahluege & hend au no vill Sunne verwütscht. Mir sind ih es Museum und ih e Kathedrale. Zum Zmittag hani es sehr feins Cauliflower Tikka Masala gha.
    Am Abig isches in Nachtbus richtig Cusco gange.    Read more

    See translation
  • Ellada WürglerEcuador, Peru & BolivienTraveler
    1111

    ahreis Cusco

    February 17, 2025 in Peru ⋅ ☁️ 10 °C

    Am morge sind mer im schöne Cusco ahcho und hend nachemne feine Statbucks alli zeme Zmorge gesse. D Fahrt im Nachtbus isch nideso erholsam gsi, drum bini denn nomal go schlafe.
    Am Abig bini no mit es paarne ih es höchstgelgenste Irish Pub vode Welt, isch e super Stimmig gsi!Read more

    See translation
  • Ellada WürglerEcuador, Peru & BolivienTraveler
    e Dame mit zwei Welpe1dobe ahcho!1115036 Meter über Meerrote Beete Ravioli

    Rainbow Mountain

    February 18, 2025 in Peru ⋅ ☁️ 4 °C

    Hüt sind mer zude Rainbow Mountains und will d fahrt det ane relativ lang isch, hend mer scho am 4:30 müse los.
    D Wanderig ue isch zwar nume eppe 1h40 gange (abe 1h) aber wills 5000 m ü.M. isch, isches sehr ahspruchsvoll gsi. Hett sich aber absolut glohnt, d Ussicht isch eifach de Hammer gsi, so schöni Berge!
    Hend denn bide Rückfahrt no bimne Resti ahghalte für de Zmittag.
    Am Abig bini mit es paarne no schön wohlverdient go esse.    Read more

    See translation
  • Ellada WürglerEcuador, Peru & BolivienTraveler
    1Cuscoda gseht me wie de Garn ihgfärbt wirdmer het au div. Sache chene chaufeso herzigi Mensche1frischi Empanadas 😋hend verschidensti Bier chene probiereOllantaytambo

    Reise nach Ollantaytambo

    February 19, 2025 in Peru ⋅ ☁️ 9 °C

    Am morge hend mir im Hostel no en feine zmorge gha und sind denn mit vill Stops zum Ort gfahre wo de Lares Trek morn ahfangt. Zersch hend mer ahghalte zum d Ussicht über Cusco ahluege, denn inere chline Community wo si us Lama und Alpakawulle diversi Kleidigsstück selber herstelled. Si hend üs au de Prozess zeigt, wie si d Wulle spinned und Färbed (alles 100% natürlich us Pflanze) denn hend mer ahghalte zum Empanadas zum Zmittag esse und sind denn wiiter zumne Biertasting.
    Am Nami sind mer denn in Ollantaytambo ahcho, sind det no go spaziere und denn go Esse & denn früe is Bett.
    Am negst morge gahts los zum Lares Trek, eh 3 Tageswanderig! 🥾    Read more

    See translation
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice