Tyhjennä haku
Berner Oberland
  • Nunatakker
  • Nunatakker

Berner Oberland

12-päiväinen seikkaillu — Nunatakker Lue lisää
SeuraaYhteenvetoYhteenvetoKalenteriKalenteriValokuvatValokuvatJaaJaaToivelista
Uusin ensin
  • Matkan aloitus
    26. heinäkuuta 2020
    NunatakkerBerner OberlandMatkaaja

    Nur nu einisch schlafä...

    25. heinäkuuta 2020, Sveitsi ⋅ ☀️ 20 °C

    Nur nu einsch schlafä und dänn gahts los... Mal nid as Meer, nid in Nordä und nid ä groooossi Reis staht bevor, sondern is Bärner Oberland! Mir freuäd üs uf spannendi Usflüg, hochi Bärgä, ineressanti Bärgbahnä erläbnisriichi Wander-und Biketuurä und Seeä.
    Da Wohnwagä isch innä und ussä uf hochglanz putzt und freut sich strahländ uf d‘Reis!. Bett sind bereit und dä Kühlschrank isch voll und so chann äs Morä los gah.
    Dä Silas fählt nur nu, er chunnt hüt vom Lager hei... ihn dörfet mir natürlich nid vergässä iizpackä😁    Lue lisää

    Katso käännös
  • NunatakkerBerner OberlandMatkaaja
    3

    Tag 1 - Anreise

    26. heinäkuuta 2020, Sveitsi ⋅ ⛅ 20 °C

    Hüt am 8.30 h isch äs los gangä. Ich han nu am Frytig bim Camping aglüüta und nochägfragät, ob mir vor äm Mittag scho uf dä Platz chönd. Äs isch scho komisch sooo schnäll i dä Feriä zii, mir sind ratz fatz über dä Brünig gsausät und am 10.30 h scho in Interlakä acho... mir händ vo drii Plätz chönnä ussuächä, mir als erfahrni Camper händ mir dä Besti usgsuächt, mit Blick richtig Eiger, Mönch und Jungfrau😁
    Ufgstellä isch wiä immer au subbito gangä und dä Silas häts scho i Badi zogä, obwohl mir am Fluss, wo sehr erfrischänd gsi wär, dä Platz händ. Nach dä Badi händ mir doch no üs i d‘Aarä gwagt (ca.17-18 Grad) dä Papi hätti garantiert dä Iisbickel mitgno... 🧊
    Äs isch uh lustig gsi, zerscht Flussufeärts z’laugä und dä mit äm Schwümmring dä Fluss abstriiba z‘laa. Dä Usstiig bim Camping nid verpassä, susch landisch im Thunersee😜 Nach äm freinä Nachtässä gits dä nu äs Glace i dä Stadt Interlakä 🍦    Lue lisää

    Katso käännös
  • NunatakkerBerner OberlandMatkaaja

    U dä zweiti Tag...

    27. heinäkuuta 2020, Sveitsi ⋅ ☀️ 16 °C

    D‘Sunnä hät üs am halbi Achti gweckt. Nach äm ä usgibigä Z‘Morgä isch äs los gangä, dä Plan isch Richtig Schilthorn gsi. Genau gseit, Richtig... Äs isch wahnsinnig, wieviil Lüüt im Bärner Oberland unterwägs sind. Wo mir in Luterbrunnä uf Luftseilbahn zur Grütschalp händ wellä, sind scho sehr viil, würkli viil Lüüt agstandä, s‘Fräulein a dä Kassä hät dä gmeint, dass mir mit äm Postauto uf Stechelberg sölläd und ä so uf Schlithorn. Ich losä niämee ufs Fräulein a dä Kassä... in Sechelberg hinnä sind nu VIIL MEH LÜÜT agstandäa!!!😬 Mir sind dä im Postausto sitzä blibä und zrugg uf Luterbrunnä und dä wiiter uf di Chlini Scheidegg. Nach äm ä Picnick sind mir wiiter uf Grindelwald abä, detä häts äs Käfäli gäh und dä nach händ mir üs uf dä Heiwäg nach Interlakä gmacht. Abkühälig hät nid lang uf sich wartä laa, d‘Aarä isch immer nu gliich chalt, wiä am Vortag gsii... Brrrr!!! Nach äm feinä Z‘Nacht (Puletbrüstli, Risotto und Gmüäs) händ mir dä Abig mit äm ä feinä Fläschli Wy usklingä la.Lue lisää

    Katso käännös
  • NunatakkerBerner OberlandMatkaaja

    Nummer 3

    28. heinäkuuta 2020, Sveitsi ⋅ ☀️ 25 °C

    Nach äm Z‘Morgä hät dä Silas sis Glück bim Flüügäfischä versuächt... nüüt gsi... äs git Fleisch zum Z‘Nacht😁🥩
    S‘Wätter isch wieder Top und heiss, da sind mir hüt i Badi und händ dä Tag im Camping gnossä. Zum Glück - äs chächs Gwitter isch cho. Natürlich hät üsä Platz s‘Wasser azogä😏 janu, richtigi Camper chönd improvisirä. So, sitzät mir jetzt im Trochnä bim Aperol und dä Silas isch am kochä...
    Hoffä üch gahts allnä guät...    Lue lisää

    Katso käännös
  • NunatakkerBerner OberlandMatkaaja
    1

    Tag vier

    29. heinäkuuta 2020, Sveitsi ⋅ ⛅ 16 °C

    Nach äm Morgäspaziergang mit Zwüschästop: Kaffi und Gipfeli... häts bim WW Z‘Morgä gäh...
    Hüt hät dä Silas ufs Bike wellä, natürlich nid ufä fahrä, sondern appä sausä. Mir sind mit äm Zug uf Luuterbrunnä und dä mit äm Bike uf Luftseilbahn zur Grütschalp. Dä Roli und Silas sind dä go abä sausä und ich bin Richtig Mürrä gwanderät. Äs isch dä nid lang gangä, händ beidi Mannä, besser gseit Velo plattä gha🤪 Und dä Silas hät nu ä Sturz gha und häts fertig bracht... nur, wirklich nur dä chlini Finger verletzä (luäg Foti)
    Nach äm ä Dorfrundgang und äm ä Glace und in Mürrä händ mir üs uf dä Heiwäg gmacht.
    Dä sind mir hüt go uswärts Ässä, gar nid tüppisch Schwiizerisch... dä in Interlakä chasch fascht alles ha zum ässä. Uf än Tip hii, sind mir go Libanesisch ässä. Isch voll läcker gsi, äs hät sogar libanesischä Wy gäh und au dä isch fein gsii.    Lue lisää

    Katso käännös
  • NunatakkerBerner OberlandMatkaaja

    Top of Europe

    30. heinäkuuta 2020, Sveitsi ⋅ ☀️ 11 °C

    Hüt isch äs erst gägä dä Mittag los gangä. Und zwar ufs Jungfraujoch. Mir sind mit äm Zug natürlich, via Grindelwald uf di chlii Scheidegg. Detä händ mir üs aaklimatisiert (so wägä Höhäproblem😜). Am 15.30 h sind mir dä uf Bahn, mir händ voll dä Joker zogä, dä hinterschti Wagä für üs allei! Im Eismeer häts dä ä 5 Minutä Fotistop gäh, dänach isch äs wiiter mit 35 km/h uf Joch gangä.
    S‘Wätter isch nid ganz so top gsi und bi 5 Grad au chli frisch🥶 däfür häts nid viil Lüüt gha und mir händ bi allnä Attraktionä guät durä chönnä. Mit dä letztä Bahn sind mir dä wieder abä is Tal. Zrugg bim WW häts nu öppis Z‘Nacht gäh... Coolä Tag gsi...    Lue lisää

    Katso käännös
  • NunatakkerBerner OberlandMatkaaja

    Tag sechs

    31. heinäkuuta 2020, Sveitsi ⋅ 🌙 20 °C

    hüt isch äs am Morgä scho cheibä warm gsi. Mir sind dä go postä und händ üs dä nach i dä Aarä abkühält... luäg video...
    am Nomitag sind mir nu mit dä Kanu Flussufwärts paddlät, wow, das git Oberarmä... wo mir dä i Briänzersee cho sind isch äs dä einigäs ringer gangä. Dä See hät ä wunerschöni, türkis Farb gha und stelläd üch vor, dä isch gfühlti 10 Grad wärmer, als dä Fluss. Mir händ dä nu äs Plätzli gfunä, wo am ä Baum äs Seil zum is Wasser guppä ghangät isch, dä Silas hät das voll uskostät.
    Zrugg paddlä zum Camping isch dä voll easy gsi, Fluss abwärts😁
    Zum Z‘Nacht hät dä Silas Spaghetti Carbonara gmacht, cheibä fein gsi...    Lue lisää

    Katso käännös
  • NunatakkerBerner OberlandMatkaaja

    Tag 8 und nün

    2. elokuuta 2020, Sveitsi ⋅ ⛅ 15 °C

    gester am 1. August isch äs ächt heiss gsi und mir händ gar nid mögä uf än ä Bärg ufä. So sind mir im Camping blibä und händ detä gfiirät, mi ä rä abkühälig i dä Aarä, Aperol und feinäm Ässä. Diä Bärner händ grad ä chli Füürwek ab laa...
    Hüt isch dä Zügeltag gsi... zum nächstä Camping... waaaansinnig wiiit😁... öppä dii km mit äm Auto... zerscht händ mir am Morgä alles zämä packt und dä WW parkiert, dä sind mir mit äm Auto uf Mülenen gfahrä und detä mit dä Niesäbahn natürlich uf dä Niesä ufä, grad ä chli ä steili Standseilbahn... dobä hät üs ä Agstelltä nu ä Führig gäh, da mir üs als „Bähnler“ gautät händ. Nach äm Mittag isch äs dä wider Tal sbwärts ganä, dä WW abholä. Dä Silas und ich sind mit fä Bike zum nächste Camping uf Bönigä gfahrä. Mir händ razfaz ufgstellt gah. Näbä üs isch ä Familiä vom Vadland cho, si sägäd „Erstcamper“... so isch äs dä au... mir händ ihnä bim Vorzält ufstellä gholfä, mir chönds also immer nu😁
    Nach dä Platzbesichtigung und äm Apero häts Rästä-ässä gäh, läcker feinä Hörndliuflauf, passend zum Rägäwätter.    Lue lisää

    Katso käännös
  • NunatakkerBerner OberlandMatkaaja

    Mäntig - Rägätag

    3. elokuuta 2020, Sveitsi ⋅ 🌧 12 °C

    am Mäntig isch so richtig Hudelwätter gsi. Dä Silas hät ä WW-Tag gmacht und mir sind mit äm Zug uf Thun. Hät grad ä chli Lüüt i dä Stadt unterwägs gha. Mir sind dä mit äm Schiff so richtig mit bärner Gmüätlichkeit retour uf Interlakä tukerät... Pflutsch nass sind mit mit dä Velo bim Camping acho... Brrrr!!! Am Abig häts dä Älplermagaronä gäh, passend zum Wätter. Und dänn nu Spiili im WW um äs Dessert (brännti Crämä) gspilt...Lue lisää

    Katso käännös
  • NunatakkerBerner OberlandMatkaaja

    Zystig - nu ä Rägätag

    4. elokuuta 2020, Sveitsi ⋅ 🌧 10 °C

    diä ganzi Nacht durrä häts grägnät, mir händ mal einisch Glück mit äm Platz gha, d‘Wasserlachä isch mal nid bi üs gsi😁
    Mir sind optimistisch gsi und sind zu dä Aaräschlucht. Dä diä hät hüt sicher so richtig viil Wasser 💦
    Äs isch Wortwörtlich... Cool gsi... bi 11 Grad, Rägä und überall häts us äm Bärg usätropfät. Sehr iidrücklich gsi...
    Bim Änd vo dä Schlucht, bisch so richtig touristisch dur dä Souvenirshop durägschlüsst wordä. Mir händ üs dä nur im Restaurant verpflägt. Retour uf Meiringä sind mir dä z‘Fuäss. Obwohl ä Bahn fahrt... wer weiss vo wo diä Züg sind? Ja, dass sind alti Wägä vo dä Frauenfeld-Wil-Bahn... da stunsch😳
    In Meiringä sind mir dä durs Städtli gloffä und nu äs Kaffi go näh, dänn sind mir zrugg zum WW gfahrä. Und stelläd üch vor... äs hät ufghört rägnä und äs händ sogar scho Sunnästrahlä durrä drückt... Ab Morä isch nur nu schööööns Wätter☀️    Lue lisää

    Katso käännös
  • NunatakkerBerner OberlandMatkaaja

    Mittwuch - Usflugtag

    5. elokuuta 2020, Sveitsi ⋅ ☀️ 11 °C

    Hüt Morgä händ mir frühä, sehr frühä müässä ufstah... Mir sind mit äm Velo uf Wilderswil gfahrä und detä ufs charmantä, härzig ( hät dä Silas gseit ) Schmalspurbahn „Schynigi Plattä“ umgstigä. ABFAHRT 8.05 h
    Mit knapp 12 km/h isch äs i rund 50 Minutä uf dä Bärg ufä. Ä Prachtstag händ mir preicht, Eiger, Mönch und Jungfrau - frisch verschniit... also Pulver gut😁
    Äs hät natürlich ä Grund gha, dass mir soooo frühä uf dä Bärg ufä sind... ja genau... Frühstückä im Hotel Schynigä Platte und das mit därä wälts Uusicht! Isch voll läcker gsi!
    Nach äm ä chlinä Spaziergang im Alpenkrütergartä häts dä nu ä Apero bim Bahnhof gäh, dä nach isch äs mit 8 km/h Bärg ab gangä...
    Am Namitag SUP und bädä im erfrischändä Briänzersee rundät dä schöni Tag ab...    Lue lisää

    Katso käännös
  • NunatakkerBerner OberlandMatkaaja

    Dunnstig

    6. elokuuta 2020, Sveitsi ⋅ 🌙 17 °C

    hüt isch ä Campingtag a gseit gsi... dä Silas hät dä Tag am, im und uf äm Wasser (Brieänzersee) gnossä. Dä Roli isch mit äm Bike uf Mürrä gradlät und ich han ä Wellnäss-Sünnälätag gmacht. Am Abig hät dä doch nu öppis müässä statt findä... Mir sind mit ä rä Familiä, wo ich kännä uf dä Harder (tollä Ussichtsbärg ob Interlakä) ufä go z‘Nacht ässä. Bi so ä Kulissä ässä isch eifach unbeuahlbar!!! Mir händs mega lässig gha... Äs hät äs CordonBleu vo 650gr gäh... Dä Roli und ich händ üs eis teilt - und medä gnuäg haa...😋Lue lisää

    Katso käännös
  • NunatakkerBerner OberlandMatkaaja

    Rund um dä Brienzersee

    7. elokuuta 2020, Sveitsi ⋅ ☀️ 18 °C

    hüt Morgä churz nach äm 8ti, sind mir mit dä Bikes losgradlät. Diä ersti Prüäfig hät nid lang uf sich wartä la, dä Velowäg hät über ä Isäbahnbrugg gführt, grad ä so breit, wiä dä Velolänker...
    wiiter ischäs uf äm ä Bikewäg Bärguf gangä. Dä Wäg isch einigäs oberhalb vom See duruf und durapp gangä mal breiter, mal über Wiisä, mal schmäler, würklich schmal. Vor Brienz isch dä diä nächsti Prüäfig cho... 😱 Ä Hängebrugg (Höhenangst lässt Grüssen)
    Nächhär isch äs nizzi uf Brieänz gangä zum wohlverdiäntä Kaffi und Gipfeli. In Brieänz nu churz bi dä Bahn verbii ( Brienzer-Rothorn-Bahn ) machät mir bi nächster Glägäheit.
    Wiiter isch äs Bärguf gangä, Richtig Axalp, nach äs paar Höhämeter isch dä Wäg rächts ä wäg gangä zu dä Griessbachfäll... wunder schönä Wasserfall mit äm ä nostalgischä Hotel... Äs isch wahnsinnig wiä diä Lüüt mit äm Auto überall anä fahräd und Parkgebühr müänd zahlä, hmm mir fahräd eifach, gratis mit äm Bike durrä😁...
    Nach äm Fotistop isch äs wiiter Richtig Iseltwald ganä... äs uuuuu härzigs Dörfli, detä häts dä nu ä Aperohalt gä, bevor äs zur Seeumrundig zrugg uf Bönigä isch... Megä schöööns Tüürli gsi!!!
    So jetzt Rästä-ässä bim WW und chli tschillä...    Lue lisää

    Katso käännös
  • NunatakkerBerner OberlandMatkaaja

    Letschtä Feriätag

    8. elokuuta 2020, Sveitsi ⋅ ☀️ 24 °C

    am Samstig isch dä letschti Feriätag gsi. Mir händ dä Tag nu einisch gnutzt, für äs Velotüürli... am siebni uf und dä grad unf dä Sattel gschwungä... zerscht isch äs nid wiit gangä, nur grad bis uf Interlakä is nächstä Kaffi... guät stärkt isch äs dä los gangä und zwar hüt um dä Thunersee. Rutä hät 52 km agäh... mis Füddäli hät sich dä aber wiä 100 km aagfühlt🤪
    Äs isch meh a dä Autostrass nachägangä und Dörfli sind au nid so idüllisch gsi, wiä um dä Brienzersee... Ä Höhepunkt händ mir dä doch nu gha... ä sehr höchi Hängebrugg mit „Biigschmack“... da häsch doch müässä 8 Stutz zahlä, für über diä Brugg!!! Janu, es sägä äbä Privat... Nach äm Mittag sind mir dä wieder bim Camping gsi und händ nu Bsuäch mit äm ä blindä Passagier über cho...😂 Leah+
    Mir händ dä fein Z‘Nachtgässä und dä Silas hät sich nu einisch i See gschwungä...

    Hüt häts dä nach äm Z‘Morgä gheissä: zämäpackä und heifahrä, isch alles wiä am Schnürli glaufä ind dä WW isch schowieder parkiert und usgrumät.
    Cooli, sportlichi, bahnfahrendi Feriä gsi!    Lue lisää

    Katso käännös
    Matkan lopetus
    6. elokuuta 2020
  • 2025© FindPenguins
  • Koti
  • Tietoa meistä
  • Ryhmän seuranta
  • Lehdistö
  • Ehdot
  • Yksityisyys & Cookies
  • Ohjekeskus
  • Merkintä