Reset search
Zentral/ Südamerika
  • Fabienne Spoerle
  • Fabienne Spoerle

Zentral/ Südamerika

Ab ins Abenteuer🌎☀️ Read more
FollowInsightsInsightsCalendarCalendarPhotosPhotosShareShareBucket list
Newest first
  • Trip start
    January 11, 2023
    Fabienne SpoerleZentral/ SüdamerikaTraveler

    Reise, Reise und endli ahcho

    January 12, 2023 in Costa Rica ⋅ 🌧 22 °C

    Soo nochere lange Reis simmer ez noch 11Std. am Ziel in Granada Nicaragua ahcho🇳🇮.
    Voro simmer no en abstecher in San Jose go mache, wos ä gueds Früähstück geh hed und ä Übernachtig im Hostel. Damit mo nöd gad en schock hend hemmo üses Zimmer nur mit 2 anderne Teil..piano piano da ganze starte.Read more

    See translation
  • Fabienne SpoerleZentral/ SüdamerikaTraveler
    22

    Granada

    January 14, 2023 in Nicaragua ⋅ ☀️ 29 °C

    In Granada ahcho hemmo d Stadt scho unsicher gmacht und sind am Obig ane Karaoke Festli unter freiem Himmel go lose. Stadtfüährig hemmer au scho abghockt und setzed üs uf Spanisch dure do sehr selte öpert Englisch cha.Read more

    See translation
  • Fabienne SpoerleZentral/ SüdamerikaTraveler
    1
    Kafi imene Resti bstellt wos zerst hend möse kaufe und den umleere. Tasse isch nur bitz dreckig gsi

    Vulkan Masaya und Cafe Sorisos

    January 15, 2023 in Nicaragua ⋅ 🌙 23 °C

    Hüt simmer am halbi 4 ufgstande für d Vulkantour. Nochdem mo bis am viertel ab 5i nöd abgholt worde sind, simmo halt wieder go pfuse. Me isch klar im Vorteil wenn me de unterschied vo am und pm kennt. Somit isch üsi Tour erst am Nomi losgange, defür aber mega schön gsi ufeme immerno aktive Vulkan. Am Morge simmer no is Kafi Sorisos wo es Sozialsprojekt isch für Taubstumm wo döte es Cafe hend und selber Hängemattene mached. Sehr intressant gsi und lehrrich vo afang ah.Read more

    See translation
  • Fabienne SpoerleZentral/ SüdamerikaTraveler

    Lagune und Sunneuntergang mitem Roller

    January 17, 2023 in Nicaragua ⋅ ⛅ 25 °C

    Gest simmer vo Granada los uf Rivas mitem Chickenbus vollgstopft mit Lüt und den mitere Fähre übere uf Isla Ometepe. Hüt hemmer den en Roller gmietet und hend üsi süässwasser Vulkaninsle erkundigt. Ufem Weg simmer no übere Flugfahrbahn gfahre und hend immer wieder Hindernis wie Küäh, Pferd und Hüäner gha. I de Lagune Ojo de Agua hemmer en Schwumm gmacht und sind den wieder zruck go de Sunneuntergang gnüsse miteme Toñia (Bier). De Strand isch unglaublich schön gsi mit Lavasand. Im See heds defür no Süässwasser Bullhaie. Die Insle hed viel z büte.Read more

    See translation
  • Fabienne SpoerleZentral/ SüdamerikaTraveler

    Oliboli

    January 19, 2023 in Nicaragua ⋅ ⛅ 24 °C

    Gest simmer in Rivas bi sehr, sehr herzliche und hilfsbereite Lüt untercho. Sie hend üs abgholt vo de Fähre und hend üs gued glueged. Hüäner, Hünd und Pferd sind üsi Nochbere gsi und hend üs somit öpe abem 4i gweckt. Hüt Morge hends üs wieder zum Bus brocht und di restliche Cordoba sinds no go wechsle. Noch 11Std. sind mir wieder in Costa Rica ahcho. Do hemmer im Backpackers Hostel de Oli troffe😁🙌🏼Read more

    See translation
  • Fabienne SpoerleZentral/ SüdamerikaTraveler
    2

    Puerto Limon

    January 20, 2023 in Costa Rica ⋅ ☀️ 27 °C

    Hüt simmer vo San Jose uf Puerto Limon gfahre. Hend d Stadt ahgluegt und am Obig sogar mol selber koched i üsem Apartment.

    See translation
  • Fabienne SpoerleZentral/ SüdamerikaTraveler

    Cahuita

    January 23, 2023 in Costa Rica ⋅ ⛅ 28 °C

    Nationalpark Cahuita mit vielne Tier womo scho gseh hend: Brüllaffe, Kapuziner, Waschbäre, Nasebär, Faultier, Pelikan und Tukan. No vieles meh. Plus wird me i üsere Unterkunft direkt am Dschungel vo de Brüllaffe, Fledermüs oder Schmetterling gweckt. Hüt simmer no a vielne verschiedene Stränd gsi mitem Pete. Dä Oli hed üs den no us de Unterkunft gspeert aber selber als Äffli über de Balkon Türe wieder ufgmacht.Read more

    See translation
  • Fabienne SpoerleZentral/ SüdamerikaTraveler
    2

    Es heisst Tschau sege

    January 26, 2023 in Costa Rica ⋅ 🌧 27 °C

    Hüt hemmo üs möse vo de Seri verabschiede, was sehr trurig gsi isch. Aber mir hend ali zeme ä sehr tolli Zit gha und viel erlebt. D Seri isch uf San Jose greist und de Oli und i uf Panama- Bocas del Toro. Nochdem mir 1.15 Std. uf de Bus gwartet hend, hemmo nocher nomel chli meh als 1 Std. uf d Fähre möse warte, si hend no zerst en Fahrer möse organisiere, es git do nur 2 oder 3. So lauft da do, mä wird gued entschläuniged und lernt warte :)Read more

    See translation
  • Fabienne SpoerleZentral/ SüdamerikaTraveler
    21

    Bocas del Toro

    January 27, 2023 in Panama ⋅ 🌧 23 °C

    Soo mir gnüsseds s Insellebe. Kafi und d Restis sind ali sehr farbig, mit vielne Lampene und überall Örtli zum chille. S Wetter isch sehr wechselhaft vo sehr heiss über plötzliche platzrege. I bi hüt no go Tauche🐟, was sehr cool gsi isch. Sind zume Segelschiff wo vor 4 Johr untergange und s Segel sogar no vorhande isch. Ha sogar no en Ammenhai gseh.Read more

    See translation
  • Fabienne SpoerleZentral/ SüdamerikaTraveler

    Puerto Viejo

    January 29, 2023 in Costa Rica ⋅ ⛅ 28 °C

    Soo gest simmer vo Panama wieder uf Puerto Viejo cho. Hend no Delfine gseh vom Schiff us und hend es tolls Hostel direkt am Strand gfunde mit sehr vielne mosaik. Hüt hemmer ä Velotour gmacht und hend am obig no koched. Me glaubs fast nöd aber bim Koche hed üs öpert ägstra oder usversehe üsi Avocado klaut. Es hed echt viel Lüt ide Chuchi gha, somit hemmer dä Übeltäter nöd chönne usfindig mache. Morn gots den witter richtig Monteverde, mir sind gspannt.Read more

    See translation
  • Fabienne SpoerleZentral/ SüdamerikaTraveler

    Monteverde

    February 2, 2023 in Costa Rica ⋅ ☁️ 14 °C

    Soo nochere seehr lange reis 9Std. Busfahrt simmer über San Jose in Monteverde ahcho. Mir hend sofort gmerkt, dasses do sehr windig isch und paar Grad kälter. Warm ahglait simmer den d Zipline-Tour go mache dur de Dschungel am Schluss sogar als Superman ufem Buch. De Nebelwald hemmer au no erforscht und sind sogar mitere Nachttour mit, wo me no chli anderi Tier gseht wie Fröschli, Kinkajou, schlofendli Vögel und leider au Spinne. Isch aber glich es tolls Erlebnis gsi.Read more

    See translation
  • Fabienne SpoerleZentral/ SüdamerikaTraveler

    Hot Springs

    February 3, 2023 in Costa Rica

    Nocheme lange Spaziergang zerst de Stross noh und nocher dur es offes Feld mit Küäh und Pferd (alla Suiza). Simmer a di heisse Quelle cho, richtig en guede ghaimtipp wel mir sind zerst allai gsi bis üsi schwitzer und dütsche Fründe dezue gstosse sind. Top vorbereitet mit Adilette und Flipflops hend de Oli und i de ufstieg gued gmeistered. Mir sind den ali zeme nochere heisse Duschi fein go esse.Read more

    See translation
  • Fabienne SpoerleZentral/ SüdamerikaTraveler
    11

    Tamarindo

    February 4, 2023 in Costa Rica

    Mir sind i Tamarindo ahcho, do isches recht touristisch. Viel Bare und Restis, viel jüngi lüt wo do sind zum Party mache. Es hed au sehr viel surfer und en mega lange Strand. Bim Bierpong turnier simmo den glich au debi gsi aber noch de erste Rundi scho useghait.
    Hüt hemmer i üsem Hostel 2 Leguane gha wo mo mit Orange hend chönne füätere. Ä Schildkrottetour am Obig hemmer au no gmacht, wo mo d Schildis bim Eierlege hend chönne beobachte und wie die frisch gschlüpfte dä Weg zum Meer gsuecht hend.    Read more

    See translation
  • Fabienne SpoerleZentral/ SüdamerikaTraveler
    3

    Tauche

    February 7, 2023 in Costa Rica ⋅ ☀️ 28 °C

    I bi hüt go Tauche wo de Oli no pfused hed, treffpunkt isch am 6.15 gsi. En echt mega tolle Tauchgang mit viel Schwärm wo mo mit schwimme hed chönne, Oktopus, Hai und Aal. Bim 2 Tauchgang hemmer sogar Buckelwal ghört, ä Muetter mitem Baby, meega ihdrücklich gsi. Vom Schiff hends es sogar gseh, mir hends laider verpasst. Aber glich ä mega tolli Erfahrig gsi.Read more

    See translation
  • Fabienne SpoerleZentral/ SüdamerikaTraveler

    Santa Teresa

    February 8, 2023 in Costa Rica ⋅ ☀️ 31 °C

    Kurz und knapp, herzigs Hippiedörfli am Strand mit ultra schöne Sunneuntergäng. Surfe eher für Fortgschritteni, wels recht grossi Welle hed und rechti Strömug. Hostel eher wenig Lüt aber die wo do sind sehr chillig. Esse läcker.Read more

    See translation
  • Fabienne SpoerleZentral/ SüdamerikaTraveler
    2

    Puntarenas

    February 10, 2023 in Costa Rica ⋅ ☀️ 25 °C

    Soo hüt gits nöd viel nochere Busfahrt simmer mit de Fähre vo Parquera uf Puntarenas cho. Do hemmer en Schwumm gmacht und sind den go Znacht esse. Kurze Zwüschestop morn gots as eigendliche Ziel. Hüt wirds no Kuschlig i üsere Interkunft, solo un Doppelbett.Read more

    See translation
  • Fabienne SpoerleZentral/ SüdamerikaTraveler
    1

    Manuel Antonio

    February 13, 2023 in Costa Rica ⋅ 🌙 23 °C

    Nationalpark Nr. 4 isch au gmacht. Mir hend wieder sehr viel Tier gseh und hend amene uh schöne Strand chönne bade. Sind no inere Bucht gsi, wo mo en rechte ab und ufstieg mit Adilette anegleit hend. Defür hemmer no Aaras gseh im Baum und spöter sind üs no 2 über de Kopf gfloge. D Äffli sind au do immer mit debi. Üses Hostel isch zmitzt im grüäne und alles offe somit schlofed mir sozege i de Natur und stönd fast mit de Sunne uf.Read more

    See translation
  • Fabienne SpoerleZentral/ SüdamerikaTraveler

    Whale Tail

    February 15, 2023 in Costa Rica

    Hüt hemmer d Waltour gmacht und hend döte als ersts Pazific- Spotted Delfine gseh. Mit üsem Glück simmer den witter gfahre und hend en Buckelwal dörfe uf sim Weg begleite. Es meega schös und grosses Tier, unglaublich gsi. Mir sind nocher no dur de Nationalpark spaziert und hend somit en super Tag gha.Read more

    See translation
  • Fabienne SpoerleZentral/ SüdamerikaTraveler
    1

    Uvita

    February 17, 2023 in Costa Rica

    Es goht morn scho wieder witter. Die Zit vergoht wie im Flug. Mir hend vieles gmacht, Nationalpark vo Uvita ahgluegt, Wasserfäll abegrutscht, ine natürlichs Poolbecki ine gumpt, viel ufe und abe glofe, Walflosse vo obe ahgluegt und de Sunneuntergang vomene Ussichtpunkt vo abgspeert gsi isch gnosse. Hed üs niemert verwütscht. Je länger mir do sind, desto verrückter werdemo no ;)Read more

    See translation
  • Fabienne SpoerleZentral/ SüdamerikaTraveler

    Schildkrötlis

    February 18, 2023 in Costa Rica

    Mir sind imene Hostel wo es Schildkrötli Hilfsprojekt leitet. Sie dönd d Eier usgrabe und gschützt wieder unter d Erde. (Sus werdeds gstohle vo de Lüt wel d Eier ä Delikatesse sind). Wenn die chline den gschlüpft sind, sammleds die ih und bringeds as Meer. Döte dönds es 8 Meter vorem Strand enternt frei loh, wels d Mineralie vom Sand bruched. Mir hend den d Vögel, Krebs und d Lüt fernphalte, bis ali im Meer verschwunde sind. Uhh herzig gsi!Read more

    See translation
  • Fabienne SpoerleZentral/ SüdamerikaTraveler
    2

    Peninsula Osa/ Drake Bay

    February 20, 2023 in Costa Rica

    Life for Life Hostel, isch üsi Unterkunft ihrgendwo im niergendwo. Mir hend neb de herzige Schildis au viel erlebt. Tauche/ Schnorchle innere schöne Unterwasserwelt, Nationalpark Concovado au wenn nur ä verkürzti Version und Stränd wie i de Karibik mit sozege kei Lüt. Mega liebi und hilfsbereiti Gastgeber, hend üs gued gluegt und gued versorgt.Read more

    See translation
  • Fabienne SpoerleZentral/ SüdamerikaTraveler
    2

    Uvita Again

    February 23, 2023 in Costa Rica ⋅ ⛅ 26 °C

    So mir sind wieder in Uvita gstranded für 2 Nächt. Hüt gots aber witter uf Golfito und döte blibemo den bitz länger. Mir sind do ime Süässwasserpool gsi, wo mol ä abküählig gsi isch. Plus simmer beidi bim Coiffeur gsi, ä rechts Erlebnis und i dä Nacht wirds Kuschelig i üsere Kabine.Read more

    See translation
  • Fabienne SpoerleZentral/ SüdamerikaTraveler

    Golfito

    February 27, 2023 in Costa Rica ⋅ ⛅ 32 °C

    Mir hend üsi ledste 4 Nächt in Golfito verbrocht. Sind im Nationalpark Nr. 7 gsi, me merkt mir gwöhned üs an Dschungel sind nemli nur mit Adilette gstartet. Es hed üs aber kei Schlange wölle. Als Guide hemmer en Hund (dä Frido) gha. Er hed sich meh um Tier verschüche kümmeret als entdecke. Ab morn gots laider trennt witter, dä Oli wieder zruck uf Domenical und für mi gots über d Grenze uf David- Panama.Read more

    See translation
  • Fabienne SpoerleZentral/ SüdamerikaTraveler

    David

    February 28, 2023 in Panama ⋅ ☀️ 31 °C

    Soo nochdem de Oli und i üs am 4.15 verabschiedet hend, wel sin Bus i aller früäni los isch. Bin ich no gar nonig wit cho, ade Grenze hani nemli nümm witter chönne wege 8 Dollar, System vo de Bank isch usgfalle. Mit Lüt us Kanada hemmer den nöd gwüsst obs hüt überhaupt no witter goht und hend somit ufregendi 2,5Std. gwartet. Es hed den nöd döte funktioniert, aber mir hends binere andere Bank dörfe zahle. Somit bini glich no a mim Ziel ahcho. Wies morn aber witter goht weiss me au nonig richtig, d Lüt do wüsseds selber amel nöd. Somit blibts wieder spannend.Read more

    See translation
  • Fabienne SpoerleZentral/ SüdamerikaTraveler
    22

    Panama City

    March 2, 2023 in Panama ⋅ ⛅ 32 °C

    Noch 4 Täg Panama gots hüt nomi den witter. I bi de Panama Kanal go ahluege, bi ufeme Ussichtspunkt gsi, im Nationalpark und i de Stadt. I find es isch no ä schöni, spannendi Stadt mit grosse unterschied vo arme und rieche Lüt. Sind i de Stadt mitere Dütsche sogar no a ne chli unahgnehmeri Situation cho, wo eini ihre Täsche ufgschnitte hed. Aber nüt klaut worde und si isch den wieder devo wo mos gmerkt hend. Somit Glück im Unglück.Read more

    See translation
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice