Durrës☀️

Nommel e Fahrt🚗
Mittlerwiile hend mir scho paar Autokilometer hinter üs… 💯

Üses nächste Hostel/Hotel isch binere Familie. E u liebs Päärli, wo nebetzue no e Pizzeria führt.
Wo mir denn acho sind und gseit hend dass mir no zum Strand wönd, isch doch dä Bsitzer churzerhand is Auto igstiege und het üs a s‘Gegeteil vomene Touristrand brocht. 😎 Mega viel Albaner und s‘Beste? Er het üs grad am Strand vo sim Cousin brocht 🤣 Wemmer irgendes Problem heget: segs mit dä Strandverkäufer oder dä Polizei, chönd mir üs eifach bi ihm melde😁 sie kläret alles für üs!🤣 was für es Agebot🤩

Am Obig hemmer churzerhand en Burgerlade ufgsuecht wo genau Ei Googlebewertig gha het. Isch lustig gsi, aber het sich glohnt 😋
Im Gsamte; en lässige Tag gsi mit Strand, Esse und en Bsuech am Hafe in Durrës.😊

Wamer aber eifach mol erwähnt ha wönd: Fahre in Albanie isch saugföhrlich🤣 die raset anstatt miteme 40er mit 110 dürs Strössli und kenet würkli nünt 😂
Brugge sind nöd asatzwiis fertig oder fast am usenandkeie und halte tönds eif grad wosne passt😂Read more