Reset search
Mittelamerika
  • Lord Globi

Mittelamerika

Meine erste Reise Read more
FollowInsightsInsightsCalendarCalendarPhotosPhotosShareShareBucket list
Newest first
  • Lord GlobiMittelamerikaTraveler

    Tauchen in Taganga

    October 18, 2021 in Colombia ⋅ ⛅ 28 °C

    Di ganzi Zit in Taganga isch sehr streng gsi für mich. Mis Ziel isch klar gsi: I han wölle de Open Water Course bestoh.✅Mit dere weltwite Lizenz chani überall bis zu 18m tauche. De Stijn het d Basiclizenz scho gmacht gha. So het er den di nägst grösser gmacht.

    Grundsätzlich isch de Rhytmus für die 3 Täg immer glich gsi: (18.-20.10.2021) ➿
    06:35 ufstoh, 10 min Meditiere, 07:00 zmorge im Hostel, 07:30 Tauchkurs bis 15:00, Zmittag esse, fürs Brevet lerne, 15min Duolingo Spanisch lerne, 23:00 pfuse. I bi würkli jede Tag komplett gschluchet gsi, aber es isch hammer s Tauche!🎉🎁🌈

    Aber au do hani e paar Storys zum vazelle. Womer acho sind am Sunntig obig, isch s Hostel überbuechet gsi. So het üs d Hostelcheffin abote ufde Couch z schlofe for free. Da hemer den au gmacht. 😝Am drü ide Nacht segi den auno ufgwacht und ha am Stijn gseit i 15min sötter parat si... I ha nix devo gwüsst am nächste morge und er findets im Nochhinein au lustiger als ide Nacht haha. Isch halt e unbequemi und unruigi Nacht gsi. Vilicht hani zuvor chli z vil Tauchvideos glueget (obligatorischi. Über die sind naher d Frogene gsi im Abschlusstest).🙈

    D Cheffin vom Hostel Divanga isch au absolut Lobenswert gsi. Si isch e Mami gsi us Frankrich, wo alles gmacht het, dasmer üs wohl gfühlt hend. Allgemein sind vil Lüt im Hostel gsi, wo alli zfride mitm Service gsi sind. Au ihres selber gmachte Esse isch spizze gsi! Chicken Thai Curry! 🤩
    Lustiger wis isch s Hotel gfüllt gsi mit Schwizer: 1ni us Soloturn, es Päärli us Fribourg und eine us Basel. Bis doane hani fäge 2/3 Schwizer i ganz Kolumbie gse, und do plötzli sovil haha.🇨🇭

    Jetzt no zum wichtigste Teil vo dem Foodprint: s Tauche!🧜🏼‍♂️🐬🐙🐡🐠
    Mer hend Glück im Unglück gha. De Tyrona Nationalpark isch leider gnau i üsere Zit döte gschlosse worde für 20 Täg, wel d Uriwohner e Ritual döt dürefüehred. Eigentli mueni sege, dassis mega cool find, dases respektiert werdet. Leider isch chli schad, dass mer ned ie hend chöne, wels ase schön sött si. (Quelle: Pascal Berger) Aber gnau am erste Tauchtag isches no offe gsi. So hemmer di erste 2 Tauchgäng glich chöne im Tyronapark mache. Es isch mega mega mega schön.🌸🏵️💮🌺💐

    Und wie de einti Tauchlehrer gseit het: Unterwasser hesch eifoh 45min für dich. Jede haltet sini klappe und gnüssts s Naturspektakel. Leider hani ned chöne Fötele. Aber wie d Lizzy (Cheffin vode Tauchschuel Oceanlovers, sehr empfehlenswert!) gseit het: Soöpis muemer ned Fötele. Wamer do unter Wasser gset, chamer uf Fotene gar ned beschribe. Jede Tauchgang isch anderst und die Moment lebet i dim Kopf witer. Für mi s grösste Highligt bis jetzt!🥰🎉🤟🏼    Read more

    See translation
  • Lord GlobiMittelamerikaTraveler

    Tauchfotos Taganga

    October 20, 2021 in Colombia ⋅ ⛅ 28 °C

    Do sind no d Fotene vom letzte Tauchgang. I han für 50'000 Pesos e Fotografin gmietet.

    D Qualität isch aber ned all zu guet. Wel mer bis zu 18m taucht sind, hets aber halt au e spezielli Kamera brucht. De Druck unter Wasser wör zu gross für e Normali. So het si alles gfötelet und gfilmt mitere Gopro-Kamera imene spezielle DruckbehälterRead more

    See translation
  • Lord GlobiMittelamerikaTraveler

    Nightdive in Taganga

    October 20, 2021 in Colombia ⋅ ⛅ 28 °C

    Am Mittwochobig simmer no go Nachttauche, oder besser gseit go Vollmond tauche. I han 140'000 Pesos zahlt und bim Stijn is inbegriffe gsi fürs Diver-Advanced. 17:30 hemer üs besammlet und am 18:30 simmer den bereits unterm dunkle Himmel ufem Meer gsi.🌉

    Ehrlich gseit isches schochli gführchig gsi, ganz elei ufem Meer mitm Wüsse, das e paar Kilometer d Uriwohner es Ritual dürefüehred und du im dunkle, stille Meer bisch wos hunderti vo vaschidene Tier git.🐸🦎🐢🐍🐠🐟🐙🐚🦈🐡🦂

    Went di den aber mol überwunde hesch und drin bisch, häschs gfühl du bisch imene Film. I ha ned gwüsst das einigi Fisch schlofet. Zuedem gset mer au ganz anderi Fisch wo nur zNacht unterwegs sind. A Vollmond isch ide Tierwelt eh auno Paarigszit und drum einigi bsunders aktiv unterwegs sind.🌝 Wel mer aber ide Gruppe vo 4x 2er Gruppene unterwegs gsi sind (binenand) hemer ide mitti ned all zu vil Fischschwärm gsi. Trotzdem es supertolls Erlebnis.
    D Farbene sind au gaaanz geil!! Einigi Fischlis hend wie reflektiert und so sind Neonfarbe super zur geltig cho.🌈 Mit de Taschelampe durch dunkle z schliche wüei sofort wieder mache.

    Min absolute Höhepunkt isch den s lüchtende Plankton gsi. Womer im Wasser ali d Taschelampe usgschalte hend, hemmer d Hend wie verruckt ide Luft umegschweit. Plötzli hets agfange Lüchte! 🌟Da sind Plankton (chlini Lebewese im Wasser), wo als Abwehrmechanismus afanget lüchte. Mer hends ide Schuel gha, aber i hets mer nie erträumt zum das im Reallife z gse!!! 🤩

    Leider isch das Highlight nach 40 min den au wieder verbi gsi und mer sind als gschlossni Tauchergruppe zeme go Znachtesse. Mer hend agstosse uf 1 Advanced, 2 Master, 3 Openwater und en super Obig! I🍻 bin den froh gsi woni am halb 12i go pfüsele ha chöne!😴    Read more

    See translation
  • Lord GlobiMittelamerikaTraveler

    El Rio Hostel

    October 22, 2021 in Colombia ⋅ ⛅ 29 °C

    Welcome to the jungle!🌲🌳🌴
    Jetzt fangt üses Urwaldabentür ah. Wie au de Globi döte gsi isch, mues au ich de no go entdecke. Starte duet mit Jungletrip im El Rio Hostel.
    Das Hostel isch witume bekannt und i mues sege es gfallt mer würkli do. Es isch sehr grüen aghucht, aber de Grundgedanke nachhaltig z lebe, speziell im Jungle, isch de richtig Asatz.🦎
    Gad wemer vorher ide Grossstädt vo Kolumbie (oder überall in Latinamerika) gsi isch und d Müllberge gse het.

    S Hostel het vil z büte: Volleyballplatz, direkt am Fluss, Billiardtisch, kulunarisches Esse uuund di bekannteste Partys ide Umgebing.
    Scho vor 3 Wuche hemer vode Halloweenparty do ghört. Drum hemer den au beschlosse a sebem Datum do z si. Für seb gits den aber en eigene Itrag.🎃

    Mer hend do zwei Einzelbett buechet, im Hängematteruum... Ja das bedütet mer schlofet 4 Nächt i Hängemattene. Si sind aber no erstundlich bequem! Au mega geil isch d Internetverbindig do: nöd existent! Dass bedütet, mer mues extra inen Working room go, wemer Verbindig will. So redet mer vil me, anstatt am Handy chille. Leider hets au do e überfluetig vo Israelis.🎎

    Aber wie en bekannte Philosoph, de K. Tanner, mol gseit het:
    "Du muesch dini Seel ä chli la bambälä la,
    Dier öpis gönnä und chli Freud am Läbe ha."🎉

    Genau das machet mer do. Gnüsse ohni mobile Knoche defür mit vil Natur!🏞️    Read more

    See translation
  • Lord GlobiMittelamerikaTraveler

    Palomino surfing

    October 22, 2021 in Colombia ⋅ ⛅ 28 °C

    Am Fritig nomi hemer Palomino plant gha. Mer sind mitm Bus für je 4000 Pesos is nächste Dörfli gfahre. 🚎Döte simmer zersch go Zmittag esse. Fpr mi isch de Salot zu kulunarisch gsi. Tintefisch isch nedeso miis.🦑🦐 Im Resti simmer den uf e Schwizer Surfergirl gstosse.
    Jennifer us Schaffuse. Si het scho paar Surfstunde gha und so het de Stjino und si mer chli s Surfe bibrocht. Aber vorher hani mis obligatorische Glace brucht! 😇🍨

    2 Stund spöter hani öpe 5 Sekunde lang chöne ufem Brett stoh (was ned schlecht isch fürs erste Mol). D Welle sind chli gsi, max. 1 Meter.🏄🏻‍♂️🏄🏼
    Allne hets gfalle, so simmer denn miteme Sprint uf de letzti Bus zruck am 5i gange. Let's rave!💥    Read more

    See translation
  • Lord GlobiMittelamerikaTraveler

    Halloweenparty

    October 23, 2021 in Colombia ⋅ ⛅ 29 °C

    Am Samstigobig isch den di hosteleigeni Party gsi, womer scho d Iheimische und Backpacker scho sit 3 Wuche devo vazellt hend, stattgfunde.

    Zuvor hemer aber no e Rundi Beachvolleyball gspilt. I globe das isch de geilsti Match bis jetzt gsi i mim Lebe. Mer hend uf somene hoche Niveau gspilt und alli hend wölle gwünne. 4 vs. 4. Leider hani e bizli z feste Isatz ge und so hani und de Stijn beidi am Chnü e Schürfwunde gholt. Isch natürli super für d Party, Surfe und Wandere...

    Party selber het semi geil gstartet. Es het wie us chübel use gschiffet. D Lüt wo cho sind hend möse teilwis schwimme, wels bis zum Buchnabel Wasser uf de Stross gha het. Mega geil isch gsi, das vili altbekannti Gsichter uftaucht sind. Z.B. de Australlier vo Guatemala (Claude het en au gse). Oder de Israeli mitm Kickboard vo Medellin.

    Ufem Hostelgländ sind immer me Lüt cho und au ständ sind ufbaue worde. Mer het chöne Pizza esse, sich Tätowiere lo (!), oder s Gsicht bemole lo (was mer au gmacht hend für 5000 Pesos). Party selber isch totale Jungle-Techno gsi. Mit de richtige Lüt aber isches mega geil gsi. Sovil Lüt sind uf de Baare am tanze gsi oder uf Huckepack gsesse.
    Geg di 4ri simmer den völlig usser Atem au go pfüsele.

    Am nächste Tag hemer als Katerbewältigung en Surftag planet. Costeno Beach Hostel het de Matteu (de Ami und Surferboy) buechet und vo döt us simmer go Surfe und Zmittag esse. I schribe das Hostel wels ase geil isch. Wer mol döte isch umbedingt döt ane. Leider hani kei Föteli gmacht. Am Obig hemer den wölle go Hummer esse. Leider hets ase gschiffet womer zum Resti gseklet sind und aschlüssend hends Lobster nedemol gha...

    Mer hends z dritte glich mega gnosse und nach 20 min Mototaxi, was e chli gfährlich gsi isch, simmer endli dehai acho. Mitm üsne Kapute chnü hemer üs den bereit gmacht fürs nächste Abentür:
    Lost City Wanderig    Read more

  • Lord GlobiMittelamerikaTraveler

    Lost City - Ciudad Perdida

    October 25, 2021 in Colombia ⋅ ⛅ 9 °C

    Lost City (in Dütsch verloreni Stadt) isch nebet Matchu Pitchu eine vode grösste wiederentdecke Städt vo vergangene Kulture. I Hochzite hend do 2000 bis 8000 Lüt glebt, jedoch nur di Gelehrte vodeumgebene Stämm, wie Tyroner oder Taganger, döte glebt. Ufbaut sind die Steikreis und gföhrliche Steitritt öpe im 11. bis 16. Jahrhundert worde. De Guide het gseit, dass d Bevölkerig vo do ursprünglich us Asie cho sind und d Schmiedkunst beherrscht hend. So isch au vil Goldschmuck oder Räder döte gfunde worde. Genau wege dene Goldschätz isch die Stadt den ide 1970er plünderet worde vo Schatzräuber. Aschlüssend isch den döte Hanf und Kokainstrücher haputsächlich apflantz worde und als Handelsweg für de Drogetransport vom Pablo Escobar gnutzt worde. Gege di 1990er isch den je länger touristischer worde und somit als Kulturguet vo Kolumbie erkort worde. Wie de Guide aber vazellt het, sind 90% vode Iheimische wieder is Drogebuissnes igstige, weld Regierig nix unterstützt het.

    Jetzt chamer über verschideni Reisegsellschafte für 1'150'000 Pesos (290 CHF) e 4 oder 5 Tagewanderig bueche. Durch de Jungle erlebt mer d Natur hutnoh und chunt jede Obig nöcher id Kultur vode indogene Bevölkerig und de soziale Dramas i kontakt. Übers ganze isch d Wanderig selber sehr touristisch, d Wanderig mittelmässig streng, aber e gueti Chance Kolumbie imene neue Blickwinkel z gse. Wie d Reis an sich gsi isch, werdi ide nägste Blogg schribe.    Read more

    See translation
  • Lord GlobiMittelamerikaTraveler

    Lost City Hike Tag 1

    October 25, 2021 in Colombia ⋅ ⛅ 29 °C

    Besammlig isch no in Palomino gsi. Gemütlich anere Hauptstross simer abgfahre miteme Jeep🚙 Leider hend sich die Strosseverhältnis schnell gänderet. Im Jungle isch es halt viiel rumpeliger und so simmer den halt ab und zue durchs Auto gschleuderet worde. Nebet mer und em Stjino isch no d Helena usem Hostel gsi, 1 Spanier de Raul und 2 Schwizer us Neuchatel, wo spanisch gredet hend.

    Leider hemmer üs no vorem Trip verletzt bim Volleyball spile und so hemer halt über di ganze 4 Täg chli d Wunde möse pfläge und druf achte, dasmer üs im Jungle kei Bluetvergiftig holet. 🩸Aber au das het üs ned ufghaltet!🦁

    Begleitet simer vodene super Guide (Oscar) und en Translator (Abraham) worde wo üsi guet Lune gnosse het und au mitzoche hend. Über di ganzi Wanderig vom erste Tag hemer nur ganz churz chli rege gha. S Klima isch no gange. Zwor bisch immer am schwitze, aber das isch mer mehrmols gseit worde, so isches kei Problem für mi gsi. Nachem Znachtesse hemer no öpe 2 Stunde lang mit üsne Begleiter gredet. Si hend mega offe übers Thema Drogepolitik mitm Pablo und em Sozialdillemma vode Lüt do gredet.💊⚗️

    S Läbe vo isch vom Drogehandel prägt. Dä het do Jobs fürd Lüt gschaffet, wo naher ersetzt worde isch vom Tourismus, was aber wiederum vode Droge finanziert worde isch und somit s ganze eifoch chli s Problem verdeckt...🤷🏼‍♂️ Nach lange intressante und au philosophische Gsrpäch simmer den schlussendli scho am 21:00 go pfuse.    Read more

    See translation
  • Lord GlobiMittelamerikaTraveler

    Lost City Hike Tag 2

    October 26, 2021 in Colombia ⋅ 🌧 11 °C

    Ide Nacht hani nedeso guet chöne Pfüsele. I han mega lang möse hueste und am nöchste morge hend mer di andere au gseit, dasi Gredet oder Gschnarchlet hegi... I has nöd ghört.🤷🏼‍♂️
    Ned umbedingt super glunt simer aber am 06:00 abgloffe und nach 3.5 h bide indigene Bevölkerig acho. Döt hends chli s Lebe vode Iheimische nöcher brocht. I has aber ned würkli chöne ernst ne. Die chauet de ganzi Tag ade Kokablätter ume, und lueget völlig beduslet dri.🙂
    Au hends gseit si lebet vode Natur und bruchet kei Geld, verchaufet aber vorne usse für en übertürte Pris Coca Cola und Snacks...🔀

    Am 10:30 simmer den bim Zmittagsplatz acho und wel mer so schnell gsi sind, hemer au Zit gha zum no go Bädele.
    12:00 isch scho fertig gesse gsi und mer sind uf di nägste 4 Stunde wanderig gange. Mitm Wetter hemer voll glück gha. Es het erst agfange Schiffe, womer scho ide Unterkunft acho sind. 🌦️Anderi Gruppene sind voll drunder cho und pflutschnass acho.🌧️
    Mer sind bös uf de schnöre gsi. Im Allgemeine isches au de strengsti Tag gsi für üs. Mitere gsunde Müedi bini den früehzitig is Bett....! 🙃    Read more

    See translation
  • Lord GlobiMittelamerikaTraveler

    Lost City Hike Tag 3

    October 27, 2021 in Colombia ⋅ 🌧 11 °C

    Di ganz Nacht hani ned chöne schlofe. Zersch hani mer ibildet, dass e fetti Spinne i mim Mückegitter isch und naher hani Buchchrämpf becho, wo di ganzi Nacht aghebet hend.🙃🕷️ Am 05:00 isch den Tagwach gsi und de Stijno hets gliche bechlagt.
    Schnell isch klar worde warum: Durchfall... S erste Mol so richtig ufem Trip. Au de grusig Kaffi het nütz gnützt. Au wieder di nasse Kleider azlege hets ned besser gmacht.😔

    Wer am Esse isch oder en sensible Mage het chan das überspringe.😜✌🏼
    De Tag het echt scheisse agfange💩. Bim Stijno dasselbe. Er het gseit bi em hets tönt wie de Bombeagriff uf Dresten 1945. Mer isches au gloffe. Und ja, so hemer üs den de Berg ufequällt. Bi mer isches no einigermasse gange.
    De Stijn hingege hets no schlimmer breicht; em is au obe usecho. So het er de Rase dobe bewässeret und i han i freier Wildbahn s grüen vode Natur apasst zumene Brunton. 🐌🌳
    18km wandere mit Durchfall isch gagi

    Zruck zum Ufstig: Mit echli Verspätigi simmer 1 stund lang berguf bergab durch de Jungel gstolperet. Naher hemer auno möse en Fluss überquere. 🏞️Erst ei Wüchig isch d Liftseilbahn über de Fluss alt gsi, womer ufem Foti gset.
    Naher het de eigentlichi Ufstig agfange. D SUVA wür uf Krise cho. Es sind alles alti Steitritt gsi, nass und schlipfig. Ohni Gländer oder jeglichi Hilfsmittel het mer sich öpe e Stund lang uequälle. 😥Bis jetzt isch das s gfährlichste gsi, wasi uf de Reis gmacht han.
    Dobe acho het mer aber de Usblick chöne gnüsse. Wie gseit sind vili rundi Platteaus d Hauptattraktion. Leider gset mer vom Reste nöd vil, welt Grabräuber viles zerstörrt hend.
    Mit de ergänzende Gschicht dehinder vom Guide isch de Platz mit chli Fantasie aber lebendig worde (zumindest für mich).🤓
    Wer au freud am Tourismus döt obe het, sind die choge sch*** Mückene! 🦟Da isch de agressivsti Platz gsi. Die hend mich durch di lange Hose und Socke düregstoche. Wer stoh blibe isch het sicher 20 Mückene ade Chnöchel gha.
    Je länger dases aber gange isch desto schlimmer isches gange. D Konzentration bim Stjin het noloh, was huere gfährlich gsi isch bim Abstieg. I hanen möse 3-4 Mol hebe, daser d Stei ned aberutscht...Und wer eimol afangt rutsche haltet erst dune...🙊🙈

    Mer hend üs aber schlussendlich au zruck zum Basecamp brocht. Zum Zmittag hani Tee drunke, Nüssli gesse und e Stund lang Powernap gamcht.😴
    De Nomi isch vil besser gange, nur di letzte 3km isch en cheibe Kampf gsi. Womer acho sind, hemer üs direkt a Bad im chalte Fluss gönnt. Fürd Bei es Gschenk!
    Zum Znacht hets Pommes mit Bourritos ge, was geil gsi isch. ich hans Fleisch aber ned gesse. Ich werde do glaub no zum Vegetarier, weli angst ha vornere erneute Darmreinigung... Zimli sicher isches aber vom Wasser cho. Si hend immer en Chübel voll anegstellt zum Nohfülle. S Wasser drus chunt aber leider nur vom Fluss.🥤
    D Guides hend aber gseit, dases normal seg das e paar Durchfall hend.

    Je länger d Helena bi üs gsi isch, desto me het si üs ufgregt. 😐Si het immerwieder vo ihrer Reis us Equador vazellt. So simmer den ere immer me chli devo gloffe. Si het sich beschwert, dass si es Blöterli am Fuess gha het und ou jaa si merkt ihre mage au chli.
    Huere Dütschi...🤮 19:00 simmer den früehzitig is Bett. Leider hani aber nöd direkt chöne ipfuse, wel de Stromaggregator nebet üsem Rum gsi isch.🗣️    Read more

    See translation
  • Lord GlobiMittelamerikaTraveler

    Lost City Hike Tag 4

    October 28, 2021 in Colombia ⋅ ⛅ 27 °C

    De vierti Tag isch besser gange als erwartet.🤟🏼 Vili Lüt verzellet, dass das de härtsisti isch, wel mer di meiste Kilometer am Stuck macht und immer wieder berguf bergab dürechüche mues, obwohl mer 3 Täg scho ide Bei hät.🦵🏼
    Für mi isch de Tag aber vil ringer gange, wel mer alles i üsem Tempo het chöne laufe. So bini den en Zacke de anderne ab und ha mi anere neue Gruppe agschlosse, wo chli güebter im Laufe gsi sind.🏃🏼‍♂️
    Ufem Abeweg hani den auno de Benni gse. Mit dem isch de Sergant Claude am Afang umezoche. Da isch au de glich kaputti Typ, wo no verkateret i üsem Bus vo Nicaragua nach Guatemala nebet üs ghogget isch! 😂

    So simmer geg di 12:30 im Restaurant acho, wos ganze gstartet het. Acho hani gad e frischi Duschi gönnt. Di andere sind 30 min später itrudlet und den hets zMittag ge.🎉

    De Haiwäg isch den spannender worde...Ufem Abeweg hets agfange schiffe. Ufem Weg hemer den Plötzli en Platte gha, wo den nach 30min flicke und hilf vo anderne den au wieder gfixt worde isch.🚙
    Aschlüssend hemer möse en Fluss überquere. Eigentli nüt spannends, aber d Strömig isch immer stärker worde, so hemer die hinder üs kontrolliere und allefalls abinde. De Guide het gseit di anderne Gruppene wo 5 min später chömed, dörfet 2/3 Stunde warte, bis z Strömig wieder chlinnner wird.🌊
    Womer den witergfahre sind, hemer s nägste Hindernis gha: En Baum isch über d Stross keit. So hends den churzer hand e Motorsägi STIHL, Swiss quality) gholt und de Bom vor Ort verschnitte.🥦🪓
    I ha den 2 nebet mer chöne motiviere zum apacke, da zügs verume. Bi dene Schlofftablette hetet mer no chöne 30 min länger im Rege warte.😠😅
    I bi den au froh gsi wo alles verbi gsi isch, d Wanderig beendet und d Helen weg vo üs.🙈 Mitm Stijno zeme simmer den witergange richtig Minca... Lets Hike!🏞️    Read more

    See translation
  • Lord GlobiMittelamerikaTraveler

    Weg nach Minca

    October 28, 2021 in Colombia ⋅ ☁️ 22 °C

    Wel mer gseit hend mer wönd mitm Bus nach Minca, het üs de Dolmetscher wölle helfe und zeige womer warte hend möse. Leider isch de Bus nach langem warte ned cho (die wartet immer bis voll sind zum abfahre) und so simmer halt mitem Taxi nach Minca gfahre.🚕
    Acho simmer zersch uf eigeni Fust e Motorbike go froge und den hemer en Coiffeur gfunde. Mer hend mit em e Bier trunke döt ine und de Stijno het chöne wünsche wasi füre Frisur söll schnide.🪒
    S for the boys (alles Gueti fangt mit S ah). Stijno, Sergant Claude, Slatteo, Schoggi, Sarah, South America,...😂💥

    Leider hemer ned gwüsst das d Stross ue (eigentli e Beleidigung für di andere Strosse, wel de Weg asse scheisse gsi isch) abem 18:00 gschlosse wird. S Mototaxi het üs nur bis as Tor anebrocht; e halb Stund spöter...😐
    D Konsequenz devo isch gsi, dasmer di nägst Wanderig hend dörfe mache. So e chlises Wägli durch de Wald ue, 1 Stund lang, nur mit mim Handy wel Stjinos Phone kei Akku me gha het, hemer de Stei für Stei chöne uechracksle...!😠
    Mit 4 Täg wanderig und 2 Rucksäck isches demensprechend müesam gsi und d Stimmig het sich kehrt. Geg 3/4 vode Wanderpartie hemer agfange flueche und das biz lüter. 🗣️So het üs en Mitarbeiter ghört und het üs gholfe mitm Gepäck.
    Eigentli bini Stinkesauer gsi, womer dobe acho sind. D Mitarbeiter sind aber voll hilfsbereit gsi und hend au kei Check-in verlangt, mer hend direkt chöne go Znachtesse und e Bad ne.😅
    D Sicht vo döte isch Atemberaubend gsi.

    S Hostel selber het sich ebe scho glohnt...! Zwar me geignet gsi für Päärli, aber e rundi Chille mitm Stijno isch au ring.
    Hostel: Casas Viejas by Masaya - Minca‼️    Read more

    See translation
  • Lord GlobiMittelamerikaTraveler

    Minca

    October 29, 2021 in Colombia ⋅ 🌧 21 °C

    Am Morge bini den früeh ufgstande. I han in Minca vil für Brasilie planet, jedoch het sich de Plan jedemol wieder komplett gänderet...😂 Wird aber ned s letztmol gsi si.
    Gesse hemer dobe sehr guet. Au de Zmorge isch überdurchschnittlich guet gsi.

    De Stijno het den am erste Obig womer acho sind, 2 Holländerinne kenneglernt. Mit dene hemer den am nächste Morge spontan beschlosse e Tagestour z mache.
    Für 80'000 Pesos (20 CHF) hemer en persönliche Töffchauffeur gha und das de ganzi Tag. 🏍️Mer hend so alli guete Attraktione und Ussichtspünkt i churzer Zit chöne abklappere.
    Mer sind bide Wasserfäll gsi, e Kaffiplantage hemer gse (womer nur en Kaffi trunke hend), en Badeplatz womer den au hösch iegumpet sind und 2 Ussichtspünkt hemer gse.
    Leider isches chli näblig gsi, het sich aber trotzdem glohnt.🌫️ S einzig negative a Minca sind d Strossene. Es sind me Schlammspure als süss was.🛤️

    Am zweite Tag bini den no mitm Handy go en Tauchgang mache... 🤦🏼‍♂️ Zum Glück hanis aber rasch bemerkt und has in Santa Marta den chöne flicke. Nur de Adapter zum lade isch kaputt gange und de Bildschirm isch agloffe. Nach 4h Riis und 5 Täg trockne is aber besser gsi. 😅🌊

    Nach 2 Täg Minca simer den au wieder witer nach Santa Marta. Isch au dringend nötig gsi... Üses Hostel het kei Laundry gha (Wäscherei).🙉 So hemer üsi maximal stinkende Kleider 2 Täg land nur im Sack ine lo und ghofft, es beklagt sich niemert!🙈
    Da isch den s erste gsi womer im Hostel in Santa Marta gmacht hend. Zu Santa Marta aber im nächste Foodprint.💥    Read more

    See translation
  • Lord GlobiMittelamerikaTraveler

    Santa Marta Halloween

    October 31, 2021 in Colombia ⋅ ⛅ 27 °C

    In Santa Marta het üs de Miloslav us Serbie es Hostel empfohle: Distrito Hostel‼️
    Bis jetzt isch das s beste Hostel gsi uf dere Reis! Sehr offe und fründlichi Mitarbeiter, Für 10'000 Pesos (2.50 CHF) chamer zmorge esse:
    De Zmorge beinhaltet: Orangesaft, Kaffi, verschideni Cornflakes, Frücht und speziel Wafflene und Eier: so vil mer will!
    So hani den halt a eim Morge 2 Eier und 5 Wafflene gesse. Jap, isch schüch z vil gsi, so hani aber de Pris völlig usegschlage.
    Während em esse isch den auno ufgfalle dasi für Brasilie Gelbfieberimpfig muess ha. So isch e spontani Suech losgange. Spoiler: I han mi den am Flughafe z Bogota problemlos chöne impfe. 😇

    Halloween wird do 2 mol gfiret. Am Fritig isch di erst Party gsi. Leider isch die nedeso gloffe wie plant. De Stijno het sich verletzt... Es het so chlinneri Abwasserdeckel gha, wo gnau en Fuess dürepasst het. Ja wa sölli sege: i han en böse Schock gha und er het glück gha das ned me passiert isch.

    Samstig isch den besser gsi.
    Am Obig isch gad Halloween gsi und das firets do bsunders (Dias del Mortas, Tag der Toten, Allerheilige). Wel am Mentig den ali frei gha hend, isch ganz Kolumbie Fritig und Samstig am fire gsi.🎉
    Mer hend e cooli Gruppe gha. Womer iecho sind, isch de Club leer gsi. Mer hend aber d Stimmig gmacht, de Club het sich gfüllt und Dancebattles hend gstartet, leider nur 2. Platz gholt.🙈🙉
    Wels di letzt Party mitm Stjin gsi isch hemer üs den au e Fläsche Rum gönnt für 120'000 Pesos (30 CHF) und einigi Bier. Übrigends hani die schöni Gsichtsbemolige gmacht.
    Mer hend gfiret bis de Club gschlosse het und ufem Heiwäg hemer s Fest mitgno. Mit vilne Iheimische hemer en musikalische Heiwäg gha.😊    Read more

    See translation
  • Lord GlobiMittelamerikaTraveler

    Beachday Santa Marta

    November 1, 2021 in Colombia ⋅ 🌧 27 °C

    Beachday Santa Marta (Beachname?) 1.11

    De Tag danach het de Stjino miteme Beachday wölle beende. So simmer öpe 30min vom Hostel entfernt an Strand abe. Di guet Lune isch immerno vorhande gsi und di blöde Idee au... So hani mer es Tatto am Füdli gmacht, aber kei anst nur e Hannatatto (got noch e paar Täg wieder weg).😂
    nichts desto trotz hemer de Tag gnosse.

    Mis Highlight het natürli was mit Glace z tue. E Italienerin wo scho über 10 Jahre lang am reise isch, het üs en Glacelade empfohle. So simmer direktem Wege döt ane für en süesse Abschluss vo Santa Marta.🍦🍦🍦
    Es isch de Hammer gsi! Husgmachti Glace, Pris-Leistig überragend und e gschmaklichi Eskalation im Gaume!!!😍😍😍

    7 Kugle Glace für 19'000 Pesos (nöd emol 5 CHF!). Zersch hani 4 Kugle mit verschideni Glace gno und ide zweite Rundi di allgemein bekannti Fruchtscheisse mit Milchglace. 2 Bättlerchind sind döte au zmol zu mer cho und sorry, wenn öpert noch Geld froget hani kei Erbarme. Frogt mer aber noch Glace verstohnis und drum hani dene zwei Chinde gad au eis gschenkt! 👱🏽‍♂️
    Nebet em Glacestand hend zwei Männer au Saxofon und E-Gitarre gspilt was Ambiente no s I-Pünkli ge het. 🎷🎸Und mitm Graffiti isch de Adi zum chline Chind worde. 🤩

    Quiero un helado!!!    Read more

    See translation
  • Lord GlobiMittelamerikaTraveler

    Abschied Stijno

    November 2, 2021 in Colombia ⋅ ⛅ 28 °C

    Leider isch Santa Marta di letzt Destination gsi, woni mitm Stijno zeme bereist han... Isch würkli en superflotte Typ und er wird zeme mitm Matteo au mol id Schwiz cho, den chanin den Persönlich vorstelle.
    Ich und de Claude werdet den ene d Schwiz gnauer vorstelle. Bis döt hin, paar super Föteli vom Stijn Breemersch!
    😊🤩😅😍😜😉😂😘😇    Read more

    See translation
  • Lord GlobiMittelamerikaTraveler

    Bogota

    November 2, 2021 in Colombia ⋅ 🌧 12 °C

    I dene 3 Täg Bogota binis generell chli gmüetlicher agange. Es isch für mi e neui Situation gsi, weli ab jetzt "elei" umereise.😅😎

    Am erste Tag bini im Verlauf vom Tag acho, sodasi geg di 15:00 gad no zit gha han ums Goldmuseum go aluege. Kurz vorher hani en Südtiroler kenneglernt, wo mi den dötte begleitet het.
    Leider isch s Goldmuseum nur über goldigi Gegeständ vode vergangene Zit gsi und me betrachte als beschribe. De Itrit isch aber gratis.🏆👑💍
    Am Obig hani den auno e Partie Schach gspilt gege de Diego, en Belgier wo bim umereise als Franz- und Englischlehrer sini Reis finanziert.♟️

    Mit em het isch den de nächsti Tag au gstartet. Nachere witere Partie Schach und em Zmorgeesse, hemer e Morgewanderig gamcht uf de Monserrate.⛰️
    Da het sich glohnt! 45 min Bergufe für e super Ussicht! Do gset mer wie gross das die 8 Millione-Stadt isch. Mer gset s Endi gar ned.🌎
    Aschlüssend bini den mitm Ziv, en Israeli, go Shawarma esse. Wallah ishi! = Man isch das geil!😍
    Huere glatt gsi zum luege. Die Restis sind nur usgleit gsi zum Lifere. So hends i Container inekochet und das 6 "Restaurants" nebetenand.😂
    Dasi uf Brasilie chan flüge, hani no möse en PCR-Test mache. Drum hani extra möse wieder zum Flughafe fahre und wieder zruck. Das bini den alles mit de Büs gfahre. Isch auno es Erlebnis gsi und nach paar mol verwiflet umefroge het mer de eint oder di ander au chöne helfe.🙈
    Am Obig hemer den gmüetlich aber tüür inere Rooftopbar gesse mit e paarne vom Hostel und mit paarne woni vom El Rio Hostel no kennt han. Döt hemer den au e paar internationali Type kenneglernt, wo chli Kontäkt gha hend zu Clubbsitzer.
    So hemer den mit dene mitchöne und mit gratis Itritt i 3 Technoklübs iechöne.😎

    Am 3. Tag bini den wieder mitm Belgier mit. Mer sind inen bekannte Gmüesmarkt gange. Es isch riesig gsi und i han villes gsunds kauft.🤓 Gmües, Frücht, es Töpperwähr und Nüssli.
    S kaufte Gmüess isch bereits gwürfelet gsi. So hani nur mösse e Knor-Bouillonpäckli dezuefizze und scho hani e supergsundi Gmüessuppe als Znacht gha.🤟🏼
    Für min Flug ide Nacht hani den d Frücht gschnätzlet, sodassi en Fruchtsalot i mim Töpperwähr ha chöne mitne.
    Zum Schluss hani no mis restliche Kolumbische Geld usge. Hauptsächlich hani Schmuck und Glace kauft. 🧐
    Per Uber bini in 45 min zum Flughafe brocht worde. Da isch ganz en verruckte gsi. Zersch heter mer no e Rundfahrt durchs Viertel "Santa Fee" spendiert und aschlüssent heter en Jaj dürezoche während em fahre...😜
    Guet vorbereitet bini den is Flugzüg gstige und han Squid Game (E neui Netflixserie) agfange luege. Nach 6 Stunde Flug bini den acho.    Read more

    See translation
  • Lord GlobiMittelamerikaTraveler

    Sao Paolo Japantown

    November 6, 2021 in Brazil ⋅ ⛅ 17 °C

    In Sao Paolo bini am Fritigmorge früeh geg di 07:00 im Hostel acho. (O de Casa Hostel & Bar) Bi super Wetter hani zersch de Daniel (23, Schwed, Nikemodel und Medizinstudent) und naher de Lois (25, Belgier, Masterstudium abgschlosse) kenneglernt.👬
    Mit dene hani di meist Zit do gnosse. Gnau a dem Wuchenend wär s erste Festival vo Südamerika in Sao Paolo gsi. Leider simer aber ned gange, wär aber au e Psy-Trance-Festival gsi und ned jedermans Gschmack.
    Am Obig simer den s erste Mol in Usgang gange do. Salsa, Batchata und Reggaton isch do leider nix me. 🙄Defür wird do Samba und Funk tanzt. Do tanzt mer nur für sich und i has nedeso gfühlt. Mer hend zwor sochli Strossepartys in Sao Paolo gse, het mini Erwartige aber leider ned erreicht.

    Am nächste Tag simmer den nach Japanesetown, oder di offizielli Bezeichnig "Liberdade". Da isch zmitzt i Sao Paolo, wo aber alles nur japanischi (oder chinesischi) Läde sind. 🎎Mer hends natürli gnosse. Sovil asiatisches Esse hani nöd i mim ganze Läbe gha. 🍱🍚🍜🍣🍤🍢
    Mer hend immer für 1 CHf öpe en Snack kauft und den teilt mitenand. Nach öpe 6 Gäng simmer pumpe gnaglet voll gsi. Au Sushi und Hello Kitty dörf do ned fähle. Glace natürli au...🧸
    Wer in Sao Paolo isch, dem würi das empfehle. Es isch priswert und es het mega vil Marktständli womer go shoppe go chan.    Read more

    See translation
  • Lord GlobiMittelamerikaTraveler

    Sao Paolo, Beco do Batman

    November 7, 2021 in Brazil ⋅ ⛅ 23 °C

    Wani au sehr empfehle chan isch en andere Stadtteil in Sao Paolo: Beco de Batman, oder au Batmanviertel. 🙏Es isch chli grüenliberal döte, aber es het saugeili Graffitis döte. Je länger ich in Südamerika bin, desto me firi die Streetart, wo di graue Strosse mit Farb vercshöneret.🌈
    Überall hets verzierige und inovativs Zügs zum chaufe.
    Di beste Sache woni gse han: Weedbier, E Foti vonere Kassette, Holzsonnebrülle und e superfeins Früchte-Jogurt-Glace am Stiel.🤤

    Gnüsset eifoh d Fotene vode Graffitis...🤩    Read more

    See translation
  • Lord GlobiMittelamerikaTraveler

    Sao Paolo Paulista Avenue

    November 7, 2021 in Brazil ⋅ ⛅ 31 °C

    Am Nomi simmer den no ad Paulista Avenida. Da isch mega bekannti Stross und isch es Have-To-Do in Sao Paolo.‼️ D Stross isch 5 Meile lang (Kein Plan wie viel das isch). Es het überall bekannti Shops und deswege au mega touristisch und sicher. Es isch sozege im Herze vo Sao Paolo.
    D Strossene werdet jede Sunntignomi für e paar Stunde gsperrt, nur fürd Lüt mit Velo, Rollerblades oder z Fuess. (Mer bruchet das au!)‼️‼️🚲🛴

    Döt het en McDonalds auno e Eröffnig gha. Nonie hani sowas gse, die hend e Technoparty gmacht im und vorem MCs.🍟🍔🥤
    Und de Mc het usgse wie en Palast! I has mega gfiret, sind aber ned ine go esse.

    Ufem Weg simer den plötzli inere Demonstration gege de Jair Bolsonaro, de brasilianischi Präsident, glandet. 🗣️Es isch huere glatt zum luege gsi. Leider sinds aber au lüter gsi, wie ali Strossemusiker und so isch d Gwichtig für mich chli z wenig bi dene glege.
    Mer het alles mögliche chöne döt lose: vo Rockkonzert, zu LBTQ-Musiker bis hi und Jazzmusik.

    Eidütig en Bsuech wert!    Read more

    See translation
  • Lord GlobiMittelamerikaTraveler

    Sao Paolo Museums

    November 9, 2021 in Brazil ⋅ ⛅ 22 °C

    Nacheme gemütliche Morge hemer üs am 12:15 uf de Weg gmacht. Mitmeme Uber bini mitem Loic zum Fuessballmuseum in Sao Paolo gange.🚐⚽ De Itrit isch gratis gsi und het über de Fuessball in Brasilie brichtet.
    Woni d Näme wie Kake, Pele, Ronaldo oder Roberto Carlos ghört han, isch s innere Fuessballchind wieder füre cho. ⚽🏃🏼‍♂️
    Einzig entüschte isch gsi, dass de Ronaldinhio ned vorcho isch. Wohrschindli aber wel er di meist Zit vo sinnere Karriere bi Barcelona (Europa) gspilt het.💁🏼‍♂️

    Naher simmer den no ines zeite Museum gange: Museu da Lingua. Museum vode portougisische Sprach. Leider hani do ine praktisch nix verstande.🙈
    Mer hend 20 BRL (6 Brasilianische Real = 1 CHF) Itrit zahlt. Gad am Afang isch öpe en halbstündige Film cho, woni nix verstande han. Janu isch cool gsi zum luege.😅
    Allgemein wärs mega cool gsi und interaktiv, leider isch den auno ei Stockwerk nonig fertig gsi und so hemmer nur 2/3 chöne gse.

    Nachem Museum simmer den nochli me umegloffe. Was mer aschlüssend gse hend, vazelli im nägste Foodprint...🤐    Read more

    See translation
  • Lord GlobiMittelamerikaTraveler

    Sao Paolo Kehrseite

    November 9, 2021 in Brazil ⋅ ⛅ 23 °C

    Nachem zweite Museum simmer ohni gross überlege nochli witer durch d Stadt gloffe. So simmer denn plötzli inen chli en "andere" Bezirk iecho.
    D (Hoch-)Hüser sind kaputer worde, d Graffitis schlechter und d Läde weniger. Es isch chli e Art Favellas in Sao Paolo gsi und absolut spannend.🙈 De Loic het im nachhinein gseit, er het sich böös umwohl gfühlt und er isch scho länger in Südamerika unterwegs. 😅

    Anderi würed sege gruselig: Wemer links und rechts vode Strosse gluegt het, sind Cracksüchtigi am rauche gsi. Wer Crack ned kennt, dass isch so e richtig schlimmi und billigi Droge für di under Gsellschaft.
    I han vil devo ghört, dass Amerika grossi Problem demit het, aber ned vo do. Für mich isches s erste mol gsi soöpis zuezluege wies das graucht hend. Mit Aluminiumröhrli hesch chöne zueluege wies dra verrottet.😶

    Womer den chli witergloffe sind, hetsch chöne meine es isch en Film. Mehreri Polizeiautos und Polizeitbüs sind vor de Menschemassene gsi. Uf de ersti Blick hani gmeint es sig es Open Air oder e Demonstration. Es isch aber en Umschlagplatz für Süchtigi gsi, wie de Platzspitz z Züri früehner...
    Ufem Polizeiauto stoht au: "Crack, é possivel vencer" - also Crack, es isch möglich zum besige.🙌🏼
    Mer sind zimli schnell den gflüchtet vo dere Gegend. Mitm Uber simer den zurck hei und womer acho sind, isches den au scho dunkel gsi.🌆    Read more

    See translation
  • Lord GlobiMittelamerikaTraveler

    Sao Paolo Farol Santander

    November 10, 2021 in Brazil ⋅ ⛅ 20 °C

    Am Mittwoch hemer den no spontan beschlosse zum eine vode höchste Ussichtspünkt vo SP (Sao Paolo) z besichtige. Zmitzt ide Stadt isch de Farol Santander. Villicht seit öperem Santander öpis. Eigentli isch das e Bank.😅
    Vo dene insgesamt 26 Stöck wird de Grossteil au als Büro gnutzt. Nur 5 spezifischi Stöck sind als Museum und s oberste als Rooftopbar anderst gnutzt vo dem Bankkomplex.🌆

    D Ussicht vom 26. Stock us isch zweisigit. Einersits zeigts wie gigantisch SP isch. Es chunt mer vor als gäbs kei Endi vo däre Stadt. Mer chan au guet erkenne, wo d Stadt agfange baue worde isch, was neu dezue cho isch und wo Geld ume isch.🗡️
    Da isch den ebe halt di zweit Site. Die monotone und nöd endende Blöckbaute zeigt s Grossstadtfieber... Zmitzt inne sind di meiste Blöck am verfalle und de Gouveneur will die nöd für di Normalbevölkerig erneuere, sondern nur fürd Oberschicht erhältlich mache (Wie Paris, Barcelona, oder anderi Grossstädt wo Geld ume isch).
    Spannend zum gse isch au de Luftverkehr. D Stadt isch bi jedere Rushour (Hauptverkehrszite) total überfüllt. 🛠️🚁Wemer d Dächer vode Komplex betrachtet, fallt uf, dass vili en Helikopterlandeplatz hend. Do isch s Klische, dass d Millionäre nur mit Heli reiset, wels kei Bock uf dä Verkehr hend. Zit isch ja schlussendli Geld...🤑

    De Museumsteil ide Bank ich lustig ufbaue gsi: zweitobersti Stock isch über Mond- und Marsbesiedlig gange. Döt sind si au irgendwie "fürd Zuekunft am investiere".🚀
    Aschlüssend sind den no paar Stöck über verschiedeni lokali Künstler brichtet worde, was investition für di Iheimische sött darstelle.
    Und zum Schluss no über d Gschicht vode Bank. Wie aber Mitarbeiter vazellt hend, zahlt d Bank ned würkli guet.
    Zunderst une hets den no e mega Fancy Bar gha. Im ehemolige Goldtresor hends e Bar für di "besser Gsellschaft" baue. So simmer halt auno en Coctail go schlürrfe.
    Zemefassend isch das sehr z empfehle, do de Itrit au gratis gsi isch.😇

    Aschlüssend simmer no go z Nacht esse. Ufem Weg hets leider gad no en McDonalds gha...So hani halt en McFlurry ufem Weg mösse esse. D Schwizer Version! Ovomaltine.🇨🇭 I hans chli nogooglet. Es isch e Schwizer Firma, wo au überall uf de Welt vertrette isch, da dörf mer au stolz druf si!😂
    De Znacht isch den au e mega geils Resti gsi. Selbergmachti Hotdogs, oder i ha gno selber gmachti Nodogs (vegetarisch). Nebet zue hets selber gmachti Glaces gha. Super empfehlenswert zum döte go Bsueche!
    Name vom Resti: Hot Pork, Sao Paolo‼️    Read more

    See translation
  • Lord GlobiMittelamerikaTraveler

    Rio Hostels&Nachtlebe

    November 11, 2021 in Brazil ⋅ 🌧 20 °C

    Mit de Hostels hani mega Pech gha. I ha 3 verschideni gha ubd woni au zwenig zit verbrocht han.

    S erste Hostel: Pura Vida Hostel
    Wer mini und am Päsc sini Kryptogschicht kennt, weiss dasi de Name scho unsympatisch find...😅
    S Hostel selber wär aber no easy gsi. Wel aber de Dani (de Schwed) imene andere Hostel gsi isch hani noch einere Nacht s Hostel gwechslet.
    Am Obig hani zwor no e huere Fest gha miteme andere Schwizer, wo z Züri wohnt, aber Verwandti in Honduras het. 🇨🇭🇭🇳

    S Zweite Hostel isch "Por el Mundo Hostel" gsi. Es wär absolut empfehlenswert gsi. Leider hani aber au do zersch nur ei Nacht buechet und woni den di zweit Nacht ha wölle Bueche, hends den kei Bette me frei gha. 🙄
    D Lüt wäret mega gemütlich gsi und es het au e gueti Chuchi gha (woni aber ned ha chöne benutze, weli usegworfe worde bin😂). I het so gern wiedermol selber kochet. Mer spart so au vil Geld und chan geils zügs mache.
    D Lag isch vom Hostel s beste. In Lapa (Stadtteil in Rio de Janeiro‼️) findet di ganze Partys statt. D Nächt hemer döte bis hell worde isch verbrocht, besser gseit bis am 6i normalerwis.🌆
    Mer hend di ganzi Zit tanzt. Zwor ned Salsa, aber mit Funk und Samba isch Zit au umegange und de Muskelkater au cho. Erstunlicherwis isch wenig Alkohol trunke worde. 🍻

    S dritte und letzte Hostel isch den s allerschlimmste gsi ufem ganze Trip.🤮 Kei Backpackers (nur asoziali Brasilianer oder Rentner), niemert het Englisch chöne rede, dreckig, gfüllti WC's, unbequems Bett, schlechti Lag.☹️
    Zemegfasst isches de einzig Ort i dene 3 Mönet woni mi komplet ned wohl gfühlt han.😖(Hostelname: Hosspedaria da Gloria)
    Am dritte Tag bini döte acho, ide Stadt go umelaufe und weli Buchweh becho han vom MC Donalds-Esse (ja i weiss💩) bini am nomi chli go aneligge und den geg di 10ni in Usgang mit de anderne. Woni a sebem Obig den heigloffe bin, isch e Transe am Strosserand gstande und het nachere Zigi gfroget.💁🏽‍♀️ I bin so sozial gsi und han ere eini ge. I han Tschuttihose agha mit Risverschluss und weli de Zigipack usegno han, isch de Risverschluss offe gsi. Die Transe het sich den zum bedanke a mir anetworke wölle... 2 Sekunde später het si mis Portemonaie packt und direkt is Auto gsprunge und direkt abgfahre... Bis döt ane bini für me Recht für Transene gsi, das het sich aber i sebem Moment gänderet. janu😠😤🤬🙊    Read more

    See translation
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice