August 3, 2018 in Switzerland ⋅ ☀️ 31 °CÖberland si mr Rechtig Gräze gfahre u hei underwägs amene idyllische Örtli üse Kaffi gnosse. Natürli sälber braut mit em Gaschöcherli😊 Ez isches wedr zit zum zrögg uf Winti zgah u as Hochzit vo mim Brüederhärzli. Es esch e schöni Reis gsi i Nordr vo Dütschland. Mer wärde bestimmt wedr gah😊
August 3, 2018 in Germany ⋅ ☀️ 26 °C
Um a üsem treuste Blogg-Verfolger alli Ehr zerwiese si mr ufem Heiwäg in Besenfeld verbi u hei de Kurt bsuecht. Eg ha bi de Füehrig das schöne, alte Schwarzwälder-Huus bestuunt!
Danke für dini Gastfründschaft, Kurt, u dis Interesse a üsne Reise! 😊
August 2, 2018 in Germany ⋅ ☀️ 25 °CNach ere längere Fahrt über Stuttgart, si mr im Schwarzwald acho. In Stuttgart hei mr ou ändlich üses Päckli mit dem Sonnedach chöne abhole u heis da natürli sofort ufgstöut😉 Gmüetlich gnüsse mr da na üsi letschti Abe vo dere Reis u fahre morn id Schwiiz zrögg.
July 31, 2018 in Germany ⋅ ☀️ 32 °CNach Schatte suechend hei mr e schöne Camping im Wald am ne See gfunde. Was möcht me meh bi dere Hitz!? Da hei mr üs gmüetlich igrechtet u si am erste August sogar vom ne Gwitter öberrascht worde. De 1.August hei mr gebürdig mit Schwizerfähnli u Älplermaccarone gfiiret!
July 30, 2018 in Germany ⋅ ☀️ 31 °CUfemne Camping vom ne Holländer hei mr hüt es Plätzli gfunde. De Baggersee grad näbe dra ghört ou dezue u esch e wohlduendi Abchüelig, ou wenn de See seeeehr warm gsi isch😉 Abgseh vom FKK Strand es schöns Plätzli gsi😂
July 30, 2018 in Germany ⋅ ☀️ 31 °CMit em ne Umwäg wäge Strassesperrig si mr bi dene Schlösser acho. Zwöi devo het me chöne bsueche. E churze interessante Abstächer gsi, wo biz vo de Hitz abglänkt het.
July 30, 2018 in Germany ⋅ ☀️ 31 °CIm härzige Städtli Naubburg hei mr üse Mittagsrast mit Curry- und Bockwurst verbracht u si üs aschlüssend im Auto wedr ga abchüele. 36 Grad isch eifach scho biz zviel...😥
July 30, 2018 in Germany ⋅ ☀️ 32 °CNach de gmüetliche Nacht am ne sehr idyllische Ort si mr is Wii-Dörfli Freyburg gfahre u hei döt di gross Sektkellerei Rotkäppchen bsuechrt. Nach ere spannende Füerig hei mr nis im Shop ideckt u si witergfahre.
July 29, 2018 in Germany ⋅ ⛅ 28 °CNach em Touristische Berlin hei me wedr chli dRueh gsuecht. Nach es paar Kilometer Autofahrt hei mr am ne Flüssli es idyllischs Plätzli gfunde. Fast elei hei mr de Platz mit ere Jugendgruppe teilt u hei de Abig eifach gnosse! D Joghurt—Eisbecher grad im Dörfli si ou eimalig gsi u hei bi dereRead more
July 28, 2018 in Germany ⋅ ⛅ 28 °CMit gar ned Mal sooo vöu Stau si mr pünktlich am 5 i in Bergfelde acho. Das esch usserhalb vo Berlin u döt wohne Fründe, wo mr in CostaRica kenneglehrt hei. DJana u de Christian hei üs härzöich empfange u üs für zwöi Nacht ihri Wohnig überlah. Mer hei de zämä e gmüetliche Abig i ihremRead more
