Ab uf Berlin-de Wäg isch sZiel

Newest first

Trip start
July 22, 2018
Ab uf Berlin-de Wäg isch sZiel Traveler
Stuttgart - it´ s Party Time
July 22, 2018 in Germany ⋅ ⛅ 21 °C
Üses nöchste Abentüür het am Sunntig direkt nach de de Chile gestartet. Ned ganz so lang wie sletschte... schad eigentli 😉
Uf diräktem Wäg si mr uf Stuttgart zur Familie Haas gfahre. Döte hei mr de 40. Geburi vom Heiko gfiiret u üs mit Späzle, Knöbel u Chueche verwöhne lah 😁 Mit volle Büch hei mr nis de gäg de Abe wedr is Büsli gsetzt u si na biz witer gfahre.Read more
See translation
0 likes
Ab uf Berlin-de Wäg isch sZiel Traveler
Buchengehren - erste Büslitest
July 23, 2018 in Germany ⋅ ⛅ 17 °C
In Welzheim hei mr üs mit em Simon Klink troffe. De Töse het e chlini e Beratig müesse gäh für e Audio un Lichtinstallation ir Chile. Uf Umwäge via römischi Ruine u riise Wasserrad, si mr de bi strömendem Räge a üsem erste Schlafplatz acho. Im 25-Seele- Dörfli Buchengehren wohnt die 7-köpfig Familie Klink. Uf ihrem Vorplatz het üses Büsli es Plätzli becho. Mer si de na mit Vesper vor Andrea versorgt worde u hei das wunderschöne „schäbischigg“ Buurehuus bewunderet😍 U de eschs ab is Büsli gange. Da mr na vor de Reis Vollga sgäh hei u Pimp-My-Büsli gmacht hei, hei mr üs bsunders uf die Nacht gfreut!
Am nöchtse Morge hei mr früeh am Morge mit de Familie na zZmorge gnosse, si ihri Alpaca-Härde ga bsueche u hei üs de ufe Wäg Rechtig Norde gmacht. De erste Test het üses pimpte Büsli aso guet bestande😊Read more
See translation
1 like
Ab uf Berlin-de Wäg isch sZiel Traveler
Rothenburg ob der Tauber
July 23, 2018 in Germany ⋅ ☀️ 24 °C
Rothenburg o.d.T. esches uh schöns, historischs Städtli. Mer si dur die verschiedene Gässli u Strössli u hei die schöne alte Hüüser bestuunt. Üse Hunger hei mr ire chliine Bäckerei gstillt unhei Schneecgugle u Tauberchugle gschlemmeret😋 Uf de Stadtmuus si mr de zrögg zum Büsli u hei üs mit de Witerfahrt beschäftiget.Read more
See translation
2 likes
Ab uf Berlin-de Wäg isch sZiel Traveler
1
Bamberg Bug
July 23, 2018 in Germany ⋅ ⛅ 24 °C
Die Nacht si mr ufem ne „rechtige“ Camping glandet u hei ändlich s pimpte Büsli ganz chöne gnüsse. Nume üsi uf Stuttgart bstellti Markiese esch leider nanig acho, drum muess ez de Sunneschirm länge...😏Read more
See translation
Traveler Ihr sind ja voll kreativ gsieh bim umgstalte und iirichte vo euem Büssli. Eifach cool! Viel Spass!
7/23/18Reply
2 likes
Ab uf Berlin-de Wäg isch sZiel Traveler
Bamberg
July 24, 2018 in Germany ⋅ ☀️ 27 °C
Nach emne gmüetliche Zmorgeässe hei mr üsi siebe Sache wedr guet verstaut u si i die schön Stadt Bamberg gfahre. Nach de Besichtigung u Bestuune vom grosse, schlichte Dom u anderne alte Gebäude, hei mr nis es Kaffi u es Glace gönnt. U de eschs weder is Büsli gange u mer hei üs uf die lang Autobahnfahrt Rechtig sächsische Schweiz ufgmacht.Read more
See translation
2 likes
Ab uf Berlin-de Wäg isch sZiel Traveler
Sächsische Schweiz - Königstein
July 25, 2018 in Germany ⋅ ☀️ 31 °C
Nach de lange Autobahnfahrt si mr ir schöne sächsische Schwiiz acho. Da im Elbetal hei mr diräkt am Fluss es Plätzli gfunde u gnüsse dNatur. Mer befinde üs da zmitzt im Elbsandstei-Gebierge. Da gseht me spannendi Felsformatione wo dur Errosion gformt si worde. Uh schöni Gägend. So si mr am Morge früeh vor em Turistestrom los uf üsi chliine Wanderig uf dBastei ufe. Döt esch früener e Felseburg Neurathen gsi u e Brügg quer dur dFelse. Mer hei die troumhaft Ussicht gnosse u si dur dSchweedelöcher u dr Amselsee wedr zrögg uf Rathen. De Zug het üs wedr zrögg uf Königstein bracht. U da gnüsse mr de friedlichi Namittag mit läse, käfele u bade😊Read more
See translation
0 likes
Ab uf Berlin-de Wäg isch sZiel Traveler
Dresden
July 26, 2018 in Germany ⋅ ☀️ 27 °C
Bi fast scho 30 Grad hei mr hüt Morge wedr aues is Büsli verstaut u si die 30 Kilometer uf Dresden gfahre. Mer hei die schön Stadt ide verschiedene Shopping-Läde gnosse u doch na di eint oder ander Sehenswürdigkeit gseh😊 Nach em gnüsse vom Abigläbe si mr mit em Bus zrögg zum
Camping gfahre.Read more
See translation
0 likes
Ab uf Berlin-de Wäg isch sZiel Traveler
Lübben
July 27, 2018 in Germany ⋅ ⛅ 29 °C
Uf em Wäg nach Berlin hei mr e Abstächer uf Lübben gmacht. Spontan si mr döte uf e Kahnrundfahrt uf de Spree dur de schöni gschichteriichi Spreewald. Die schiin bekannte „saure Gurken“ vo da hei mr natürli ou gnosse u üs für dWiterfahrt ideckt. Nachem ne churze Marsch durs (seeehr ruhige) Städtli hei mr üsi Reis witergfüert.Read more
See translation
0 likes
Ab uf Berlin-de Wäg isch sZiel Traveler
Bergfelde - Berlin
July 28, 2018 in Germany ⋅ ⛅ 28 °C
Mit gar ned Mal sooo vöu Stau si mr pünktlich am 5 i in Bergfelde acho. Das esch usserhalb vo Berlin u döt wohne Fründe, wo mr in CostaRica kenneglehrt hei. DJana u de Christian hei üs härzöich empfange u üs für zwöi Nacht ihri Wohnig überlah. Mer hei de zämä e gmüetliche Abig i ihrem Summerhüsli verbracht.
Am Samstig hei mr e privati Füerig quer dur Berlin becho. Innerhalb chürziste Zit wäg diräktiste Wäge hei mr dGschicht vo Berlin dörfe gseh u ghöre. De Christian chöi mr also nur empfähle aus Berlin-Guide😊 Müed vom viele gseh u umeschuene si mr am Abe ines Münchner Hofbräuhaus inegsässe u hei bi Schaukelmusig, Bier u feinem defigem Ässe üsi Bekanntschaft gfiired😂 Mit de letschte S-Bahn si mr schliesslich wedr us Berlin usegfahre u hei üs müesse verabschiede. Eifach wedr mau e beriicherendi Begägnig gsi!Read more
See translation
0 likes
Ab uf Berlin-de Wäg isch sZiel Traveler
Balgstädt - Freyburg
July 29, 2018 in Germany ⋅ ⛅ 28 °C
Nach em Touristische Berlin hei me wedr chli dRueh gsuecht. Nach es paar Kilometer Autofahrt hei mr am ne Flüssli es idyllischs Plätzli gfunde. Fast elei hei mr de Platz mit ere Jugendgruppe teilt u hei de Abig eifach gnosse! D Joghurt—Eisbecher grad im Dörfli si ou eimalig gsi u hei bi dere Hitz eifach guet due😉Read more
See translation
1 like
Ab uf Berlin-de Wäg isch sZiel Traveler
Freyburg - Sektkellerei
July 30, 2018 in Germany ⋅ ☀️ 32 °C
Nach de gmüetliche Nacht am ne sehr idyllische Ort si mr is Wii-Dörfli Freyburg gfahre u hei döt di gross Sektkellerei Rotkäppchen bsuechrt. Nach ere spannende Füerig hei mr nis im Shop ideckt u si witergfahre.Read more
See translation
1 like
Ab uf Berlin-de Wäg isch sZiel Traveler
Naunburg
July 30, 2018 in Germany ⋅ ☀️ 31 °C
Im härzige Städtli Naubburg hei mr üse Mittagsrast mit Curry- und Bockwurst verbracht u si üs aschlüssend im Auto wedr ga abchüele. 36 Grad isch eifach scho biz zviel...😥
See translation
0 likes
Ab uf Berlin-de Wäg isch sZiel Traveler
Dornburger Schlösser
July 30, 2018 in Germany ⋅ ☀️ 31 °C
Mit em ne Umwäg wäge Strassesperrig si mr bi dene Schlösser acho. Zwöi devo het me chöne bsueche. E churze interessante Abstächer gsi, wo biz vo de Hitz abglänkt het.
See translation
1 like
Ab uf Berlin-de Wäg isch sZiel Traveler
Camping bei Jena
July 30, 2018 in Germany ⋅ ☀️ 31 °C
Ufemne Camping vom ne Holländer hei mr hüt es Plätzli gfunde. De Baggersee grad näbe dra ghört ou dezue u esch e wohlduendi Abchüelig, ou wenn de See seeeehr warm gsi isch😉 Abgseh vom FKK Strand es schöns Plätzli gsi😂Read more
See translation
1 like
Ab uf Berlin-de Wäg isch sZiel Traveler
Wallesau — Camping Waldsee
July 31, 2018 in Germany ⋅ ☀️ 32 °C
Nach Schatte suechend hei mr e schöne Camping im Wald am ne See gfunde. Was möcht me meh bi dere Hitz!? Da hei mr üs gmüetlich igrechtet u si am erste August sogar vom ne Gwitter öberrascht worde. De 1.August hei mr gebürdig mit Schwizerfähnli u Älplermaccarone gfiiret!Read more
See translation
1 like
Ab uf Berlin-de Wäg isch sZiel Traveler
Im Schwarzwald acho
August 2, 2018 in Germany ⋅ ☀️ 25 °C
Nach ere längere Fahrt über Stuttgart, si mr im Schwarzwald acho. In Stuttgart hei mr ou ändlich üses Päckli mit dem Sonnedach chöne abhole u heis da natürli sofort ufgstöut😉 Gmüetlich gnüsse mr da na üsi letschti Abe vo dere Reis u fahre morn id Schwiiz zrögg.Read more
See translation
1 like
Ab uf Berlin-de Wäg isch sZiel Traveler
Bsuech in Besenfeld
August 3, 2018 in Germany ⋅ ☀️ 26 °C
Um a üsem treuste Blogg-Verfolger alli Ehr zerwiese si mr ufem Heiwäg in Besenfeld verbi u hei de Kurt bsuecht. Eg ha bi de Füehrig das schöne, alte Schwarzwälder-Huus bestuunt!
Danke für dini Gastfründschaft, Kurt, u dis Interesse a üsne Reise! 😊Read more
See translation
0 likes
Ab uf Berlin-de Wäg isch sZiel Traveler
Adieu, Dütschland!
August 3, 2018 in Switzerland ⋅ ☀️ 31 °C
Öberland si mr Rechtig Gräze gfahre u hei underwägs amene idyllische Örtli üse Kaffi gnosse. Natürli sälber braut mit em Gaschöcherli😊 Ez isches wedr zit zum zrögg uf Winti zgah u as Hochzit vo mim Brüederhärzli. Es esch e schöni Reis gsi i Nordr vo Dütschland. Mer wärde bestimmt wedr gah😊Read more
See translation
0 likes

Trip end
August 3, 2018