Uf u devo .... | FindPenguins

Uusin ensin

Uf u devo ....Matkaaja
Vulkan Arenal - vernäblet
4. tammikuuta 2018, Costa Rica ⋅ ⛅ 18 °C
Üses Vulkan- u Wätter-Päch gaht witer... Mit Wind, Wulche u Räge hei mr ou de Vulkan Arenal ned chöne gseh😕. E Schlächtwätter-Front zieht übers ganze Land u dLüt da si sech dChälti gar ned gwöhnt. Mer hoffe, dass die Front gli witerzieht.
Imene Naturschutzgebiet si mr de ga loufe u hei es paar Tier dörfe gseh u hei de schön Waud eifach gnosse. Imene natürliche warme Termal-Fluss si mr (gratis;) ga bade u hei üs entspannt🤣Lue lisää
Katso käännös
MatkaajaTuet üs also scho leid, dass ihr grad so Päch mit em Wätter händ. Mir hoffed, eui Auge gsehnd defür Sache wo mer Suscht viellicht eher übersieht will mer uf grösseri Sache konzentriert isch. De Frosch isch es super Bsp. Eifach krass, wie perfekt sich so es Tierli id Natur iifüege chann.
7.1.2018Vastaa
Da habe ich für euch wieder einen "heißen" Tipp für kalte Tage in der alten Welt, LG Kurt https://www.google.de/search?q=bagno di petriol…
7.1.2018Vastaa
MatkaajaDer Frosch isch scho cool! Hoffe fescht, das die Wüest-Wätter-Front bau verbii isch, u dir das Land doch no bi schön Wätter dörft erkunde! Heits guet! glg Syle
8.1.2018Vastaa
0 tykkäystä
Uf u devo ....Matkaaja
Monteverde - Santa Elena
7. tammikuuta 2018, Costa Rica ⋅ ☁️ 12 °C
Nachere verrägnete Autofahrt rund ume Lago Arenal si mr im windige u sunnige Santa Elena acho. Mer hei üs rechtig öber die Sunnestrahle gfreut, ou wenn immer na aui Iheimische am Früüre gsi si 😉. Leider eschs im Naturschutzgebiet de nümme soo sunnig gsi. Aber da mer da im Näbuwald sei, esch das gar ned so ungwöhnlich. Mer hei de traumhafti Märliwald sehr gnosse. Aber dTier hei sich sehr guet versteckt, so dass mr usser verschiedene Vögeli nume na e bruuni „Hüenervogu“-Familie entdeckt hei. Nach de lange Wanderig si mr ufe Seilbahn-Parcour gange. Höch ide Wipfle si mr dure Wald gsaust u hei herrlichi Ussichte gnosse. Am nöchste Morge si mr de ufe Kaffi-Farm. Sehr spannend gsi, die Familie-Produktion chli kennezlehre.Lue lisää
Katso käännös
0 tykkäystä
Uf u devo ....Matkaaja
1
Ricon de la Vieja - Curubandé
9. tammikuuta 2018, Costa Rica ⋅ ⛅ 27 °C
Hügeli ufe u abe si me uf meh oder weniger guete Strasse uf Curibandé gfahre. Da hei mr ufem Camping vomne Holländer 😂 es chliises Hüttli gmieted. Rund um üs flattered verschiedensti Vögu u Geckos 🦎 mäudet sich ide Nacht. Mer fühle üs ganz wohl da 😊. SWätter het sich ez ou eidütig zum bessere gwändet. Bi Sunneschi hei mr chöne i Nationalpark gah u hei es riise Glück gha vieli Tier zgseh. Als Abchüelig bim Wasserfall zbade het guet da.Lue lisää
Katso käännös
MatkaajaSo schön ☀️ Ich gönne euch das Wetter und die schönen Erlebnisse. Gott ist schon kreativ bei seiner Schöpfung - nicht nur bei uns Menschen. Sind gsägnet.
12.1.2018Vastaa
MatkaajaMega schön, di Tier, i stuune über di krasse Farbe vom Vogu! Aber ganz cool fingi öies Hüttli, fasch chliiner aus z Outo:-) Heits guet u gniessets witerhin!
12.1.2018Vastaa
Matkaaja Des isch jo herzig. S Auto grösser wie des Zält.
28.1.2018Vastaa
0 tykkäystä
Uf u devo ....Matkaaja
Playa Grande - Salinas
10. tammikuuta 2018, Costa Rica ⋅ ☀️ 32 °C
Da ade Playa Grande leged die riesige Läder-Schildchrote jedes Jahr ihri Eier in Sand. Das Naturspektakel hei mr üs ou ned wöue la entgah. Doch leider erfolglos. Nach 6 Stund warte ide Nacht, si mr wedr heigschickt worde... Leider nüt ussergwöhnlichs. Vor 25 Jahr si da 1500 Schildchrote cho lege, letschts Jahr na knapp 12... Truurigi Zahle, wo eim scho biz zum Nachedänke bringt.
Aber deför hei mr e wunderschöne Sunneundergang dörfe gnüsse!Lue lisää
Katso käännös
0 tykkäystä
Uf u devo ....Matkaaja
Sámara
12. tammikuuta 2018, Costa Rica ⋅ ☀️ 23 °C
Nachere rumpige Autofahrt dur Chiswägli u Flüss si mr in Sámara acho. Es chilises Dörfli am ne schöne Strand. Vo da us sei mir mit em Böötli ufs Meer usegfahre u hei dörfe Wale u Delfine gseh. Ungloublich die Tier so nöch zgseh! Bim Schnorchle hei mr dUnterwasserwält namau chli dörfe gseh u am Strand de wunderschön Sonneuntergang gnosse! Uf de Witerfahrt si mr na es Ara-Projekt ga bsueche. Die wunderschöne Vögu si starch bedroht u das Projekt versuecht dPopulation wedr z vergrössere.Lue lisää
Katso käännös
1 tykkäys
Uf u devo ....Matkaaja
Santa Teresa - Malpaís
14. tammikuuta 2018, Costa Rica ⋅ ☀️ 21 °C
Über mehreri Flussdurchquerige u unzählige Schlaglöcher si mr uf Sante Teresa gfahre u hei ändlich e Camping-Platz gfunde, wo mr zu mindest ufem Parkplatz hei chöne pfuuse u trotzdäm Sicht ufs Meer gha hei. Mit zwöi Luftmatzatze ufe de Ladeflächi vo üsem PickUp hei mr e bequemi Nacht underem freie Himmu gha 😂 Lustig zum Beobachte esch gsi, wie Iheimischi-Tico-Familie ihre ganz Huushalt zum Campe mitgnah hei. Vo Chüelschrank u Gfrüüri öber Elektrohärd u rechtigi Matratzene esch aues debi gsi. U die rundliche Mamas de ganz Tag ide „Chuchi“ am wärchle u am uf dZält ufpasse😉 Mer hei de Strand gnosse u eifach usgspannt.
Die zwöit Nacht hei mrs wedr biz komfortabler gha im me schöne Hotel mit gmüetlichem Pool in Malpaís. So hei mr die letschte zwöi Täg uf de Halbinsle Nicoya gnosse.Lue lisää
Katso käännös
0 tykkäystä
Uf u devo ....Matkaaja
1
Quepos - kei Bsuech Manuel Antonio
15. tammikuuta 2018, Costa Rica ⋅ ☀️ 20 °C
Am Morge früeh si mr in Malpais ufbroche zum uf dFähri zfahre. Doch paar Schlaglöcher witer si mr inere Kolonne vo Autos gstande. dLüt hei gstreikt u e grossi Strasseblockade gmacht, wöu si e besseri Strass wöi. Verständlich! Für üs het das gheisse me wie e Stund zwarte, im Schatte vom Auto zsitze u aues mit de Rueh znäh. Natürli hei mr de die planti Fähre verpasst u hei 2.5 Stund uf die nöchsti müesse warte. Nach de stündige Überfahrt esches ändli mal biz vorwärts gange, bis mr wäge Strassearbeite 25min wedr hei müsse warte. Si mr froh gsi, wo mr bi üsem Guesthouse acho sei. Am nöchste Tag hei mr wele i Nationalpark gah. Doch scho bim Anefahre churz nach de 7 ni hei mr hider u vor üs etlichi Autos gha. Wo mr de bim Igang dAstahschlange gseh hei, het de Töse an Turnaround gmacht. De Massetourismus esch nüt für üs... Mr hei de Tag de schliesslich gmüetlich a verschiedene Stränd verbracht.Lue lisää
Katso käännös
MatkaajaOu ihr Arme tüend eu grad gewaltig in Geduld übe...😬 Wie häsch du amigs gseit Töse, wo du vo dim erschte Costa-Rica-Trip (na ohni Anja) zrugg cho bisch? „Tranqilla“ oder so ähnlich? Uf jede Fall ganz im Sinn vo „take it easy“ 😅
19.1.2018Vastaa
Matkaaja Krass.
28.1.2018Vastaa
0 tykkäystä
Uf u devo ....Matkaaja
1
1
Uvita -Bahia Ballena
17. tammikuuta 2018, Costa Rica ⋅ ☀️ 26 °C
Uvita esch es chlises Dörfli, wo ned sehr touristisch isch. Da hei mr im ne schöne Hostel, umgäh vo Wald dörfe pfuuse. Mer hei üs namau ufe Wal-Delfin-Schnorchel-Tour begäh. Dasmal hei mr leider dWale ned gfunde, deför si etlichi Delfine vor üs umegschwumme u umegumped u bim Schnorchle hei mr vöu grossi u chlini Fisch, Seeigel, Seestärne u grossi Muschle dörfe gseh. Üs het die Unterwasserwäut ufs neue packt. Gottes Gschöpf si eifach soo kreativ!Lue lisää
Katso käännös
Matkaaja Uuuh, so en schöne lange Stamm zum Balancieren (machi mega gern) amene so schöne Strand, wür mi also au grad gluschte. Chumm scho grad echli Fernweh über...😍😅
19.1.2018Vastaa
Matkaaja Jöö den haben wir immer gesucht. Fantastisch !!! 💖
28.1.2018Vastaa
0 tykkäystä
Uf u devo ....Matkaaja
1
Reserva Indigena Guaymí de Osa
20. tammikuuta 2018, Costa Rica ⋅ 🌬 10 °C
Uf de Halbinsle Osa hei mr dörfe es Indianerreservat vo de Guaymí ga bsueche. DSchwiizerin Daniela wohnt döte mit ihrem indigene Ehema Esteban u ihrne drü Chind. Mer hei zwöi Täg biz is Läbe vo ihne dörfe ineluege. Sehr spannend u erläbnisriich gsi, es biz vom ne indigene Läbe mitzbecho.Lue lisää
Katso käännös
3 tykkäystä
Uf u devo ....Matkaaja
1
Bahia Drake
22. tammikuuta 2018, Costa Rica ⋅ ☀️ 23 °C
Nachere witere rumplige Autofahrt dur Schlamm u 6 Flüss si mr heil ar Pazifikküste da uf de Halbinsle Osa acho. Bahia Drake esches ruhigs Fläckli, zimli vo Urwald umgäh. Da huuse mr wedr mou im ne Zäut u lose de Urwaldgrüsch ide Nacht zue. Da hei mr ez ou ändli mou e Nightwalk gmacht. Mit em ne Guide si mr im Dunkle i Waud ine u hei Insekte, Spinne, Frösch, Eidechsli, Ameise, Schlange u anders gfunde. Sehr interessant, wenn ou zwöschedure biz „gfürchig“ gsi! U de hei mr üsi letschti Schnorcheltour uf üsere Reis gmacht zur Insle Caño. Da hei mr namau e Hai, Schildchrote u e Huufe Fisch dörfe bestuune.
Das esch ez üse letschti Ort gsi, bevor mr na für ei Wuche u dFinca vo LiL göi. Ungloublich wie schnäu die Zit doch plötzli vergaht...Lue lisää
Katso käännös
MatkaajaLiebi Anja, Liebe Töse Ihr händ en riisige Rucksack a Erinnerige dörfe sammle i de vergangene Mönet. A dere Stell isches mir es Bedürfnis eu emal „Danke“ z‘säge, dass ihr eus a all dene Erläbnis uf dem Wäg Anteil gä händ und mir eu in Gedanke händ chönne begleite. Danke für all die viele wunderschöne Bilder und dass du (Anja) dir Ziit gno häsch zum eus die jewiilige Erläbnis dezue ufzschriibe. Vo ganzem Herze wünsched mir eu e letschti gueti Wuche zum Usklang vo euem grosse Abentür. Wie sind mir dankbar, hät Gott sini Hand i dere Ziit schützend und sägnend über eu gha. Mögi Er eu wieder uf di so ganz anderi Wält Diheime vorbereite. Herzlichi Grüessli vo Däni, Dani und glaub no ganz viel vo eune „Verfolger“...😉
24.1.2018Vastaa
Matkaaja 😳Ui gut sind ihr nit dri gstande
28.1.2018Vastaa
0 tykkäystä
Uf u devo ....Matkaaja
1 1
Finca LiL Capi Costa Rica
25. tammikuuta 2018, Costa Rica ⋅ ⛅ 24 °C
U scho si mr am letschte Ort vo üsere 6 monatige Reis acho. Mer si ez uf de Finca vo Licht in Lateinamerika, wo de Töse vor 15 Jahr e Jahresisatz gmacht het. Für de Töse scho fascht biz es heicho ine vertrauti Umgäbig. Da dörfe mr es schöns Gästehuus bewohne u da und döt biz mithälfe, aber ou eifach dUmgäbig uskundschafte u dHängatte gnüsse. De Gedanke, dass mr i weniger aus e Wuche heireise, stimmt üs freudig ufs Wiederseh, aber ou biz truurig, dass die wärtvoll Zit scho bald verbi isch. Drum gnüsse mr die Täg da umso meh 😉Lue lisää
Katso käännös
LiebeAnja, lieber Töse, hier läuft gerade ein Song von Johannes Oerding in allen Sendern: Wir haben viel Erlebt. Ne Geschichte die uns ewig bleibt. Und haben viel Gesehen. Dass es gut für Hundert Leben reicht. Ohne unser Gestern würd ich mich heut nicht so auf morgen freuen. Ist es nicht das, was zählt. Eine Zeit, die gut für Hundert Leben reicht. (Textauszug, Hundert Leben) In diesem Sinne euch alles Gute ! Kurt
26.1.2018Vastaa
Hallo zäme! Wünsche öich ganz e guete Abschluss vo öiere Reis, gniesset no di letschte Täg! I fröie mi öich gli ume einisch "richtig" z`gse! Heits no guet u bhüet öich Gott! e dicki Umarmig u ganz liebi Grüess, Syle
26.1.2018Vastaa
MatkaajaLiebä Thomas, liebi Anja gnüssed no eui letschtä Tage in Costa Rica. Vor 15 Jahr han au ich das Land därfä bsuechä und äs isch eifach genial gsi. Dä Thomas isch au dänn dä Reiseführer gsi. Ich froiä mich fest uf eui Rückkehr id schwiiz. No ä grossi umarmig und bis bald. Dini schwöster und Schwägerin Barbara 🤗
27.1.2018Vastaa
2 lisää kommentteja
0 tykkäystä
Uf u devo ....Matkaaja
4
letschti Täg uf de Finca
28. tammikuuta 2018, Costa Rica ⋅ ⛅ 18 °C
Matkaaja Fascht perfekt das Bild; fählt nu na öpis 😉
29.1.2018Vastaa
Meint der Stephan etwa: Schönes, allein gekostet, tut weh. Ohne das "Weißt du noch?" im Gepäck kommen wir von den meisten Reisen arm zurück (Sigmund Graff 1898 - 1979 deutscher schriftsteller)
29.1.2018Vastaa
...die lieben Grüße dazu von Kurt !
29.1.2018Vastaa
2 lisää kommentteja
1 tykkäys
Uf u devo ....Matkaaja
gli Back Home...
29. tammikuuta 2018, Costa Rica ⋅ 🌙 17 °C
Wow, scho si die 6 Mönet reise gli ume. Nöchste Mittwuch, 31.1. am 14.50 sötte mr mit de LX8037 vo San Jose mit Edelwis in Züri acho.

Und will mr üch aui möglichscht schnäu wedr möchted gseh, si üsi Türe ade Thurgauerstrasse am Samstig, 3. Februar vo 14.00-18.00 offe, um e feine Kaffi ztinke u paar Guetzli zässe! Mer freue üs, üch bald wedr chöne z’umarme u bruche üch, um üs biz öber sbrüelende Aug ztröschte... 😉Lue lisää
Katso käännös
Dankä für d`Iiladig ;-), sÄntli
26.1.2018Vastaa
Danke ou für d`Iladig! Lg, Syle
27.1.2018Vastaa
MatkaajaViele dank für all die Berichte !!! Und d Iladig-. Coole Idee - mir freuet üs, dass ihr wieder hei chöme. Gusti Reis un än gsägnete Istieg. LG Karin 🤗
28.1.2018Vastaa
MatkaajaGanz es gsägnets Abschid näh und e grossi Freud zum wieder Hei cho 😁 Bis bald...🍺
28.1.2018Vastaa
0 tykkäystä
Uf u devo ....Matkaaja
Flughafe San José ...
30. tammikuuta 2018, Costa Rica ⋅ ☀️ 23 °C
Boa, tatsächlich nimmt ou üsi Reis es Änd. Komischs Gfühl zwösse, dass mr i biz meh wie 15 Stund wedr ide Schwiz sei...
Mit üsem Pick Up si mr die letschte Höhemeter u Kurvene gfahre u heis zum Glöck problemlos wedr chöne abgäh! Dur de Stau si mr ez schliesslich am Flughafe glandet u warted ez, bis mr chöi ichegge...

Emau na es riise Dankeschön a aui, wo üsi Reis im Blog mitverfolgt hei u immer mou wedr in Gedanke u im Gebät bi üs gsi sei!Lue lisää
Katso käännös
Liebe Anja, lieber Töse, danke, daß ich euren Trip mit erleben konnte ! Liebe Grüße und einenText für euch zum guten Ende, Kurt. "Am Ende die Rechnung. Einmal wird uns gewiss die Rechnung präsentiert für den Sonnenschein und das Rauschen der Blätter, die sanften Maiglöckchen und die dunklen Tannen, für den Schnee und den Wind, den Vogelflug und das Gras und die Schmetterlinge, für die Luft, die wir geatmet haben, und den Blick auf die Sterne und für all die Tage, die Abende und die Nächte. Einmal wird es Zeit, dass wir aufbrechen und bezahlen; bitte die Rechnung. Doch wir haben sie ohne den Wirt gemacht: Ich habe euch eingeladen, sagt der und lacht, so weit die Erde reicht: Es war mir ein Vergnügen! (Lothar Zenetti, geb. 1926)"
31.1.2018Vastaa
0 tykkäystä
Uf u devo ....Matkaaja
Hola Schwiiz, hola Winterhur
31. tammikuuta 2018, Sveitsi ⋅ ⛅ 7 °C
Nach em ne knapp 11stündige Flug, si mr wedr ir Schwiiz glandet. Ungloublich wie schnäu me zrugg isch u am ne völlig andere Ort. Vo Familie u Fründe si mr in Empfang gnah worde u heis gnosse, aui wedr chöne zUmarme. U ez gahts wedr as Iläbe diheime... Wösche, Poscht dureakere, Wohnig iruume und und und... Aber das aues ganz tranquilo 😊
Esch e ungloublichi schlniZit gs, wo me hei dörfe erläbe u wärde na lang devo verzöue u devo tröime! Gott het üs riich beschänkt u vorauem beschötzt!
Danke fürs mitverfolge. U wenn dr meh wöit ghöre u gseh, de dörf me
üs gärn ilade 😉 Mer freue üs üch aui bald emal wedr dörfe zgseh. U ned vergässe, am Samstig isch Offni Türe bi üs vo 14.00-18.00.

The End.... oder doch de Afang? 🤔Lue lisää
Katso käännös
MatkaajaWillkomme zrugg 😁 Schön, dass alles so guet klapped hät und Ihr wohlbehalte wieder da sind. Es guets Iläbe und en guete Start.
1.2.2018Vastaa
dä Momänt wo dir um de Eggä cho sit, isch eifach schön gsii. Dankä für au diä Brichtä u Föteli. s`Äntli
3.2.2018Vastaa
0 tykkäystä

Matkan lopetus
30. tammikuuta 2018