Réinitialiser la recherche
Uf u devo ....
  • Anja und Töse
  • Anja und Töse

Uf u devo ....

Une aventure de 183 jours par Anja und Töse En savoir plus
+3
S’abonnerAperçuAperçuCalendrierCalendrierPhotosPhotosPartagerPartagerListe de choses à faire
Les plus récents en premier
  • Anja und TöseUf u devo ....Voyageur
    Räbe - jetzt grad am Knospe mache
    üsi zwöi Top-Velo 😀riisige Wiifässer inere alte Bodega vo 18851bim Degustiere 😆e Teil vo Menzoda wedr Mal vo obeBänklistriche im Park ... 😊

    Mendoza - gmüetlichi Stadt

    14 septembre 2017, Argentine ⋅ 🌬 17 °C

    Nach ere kurvige Busfahrt öber dAnde si mr in Mendoza wedr in Argentine acho. De Gränzöbergang zmizt ide Nacht esch das mou zimli müehsam gsi. Fast 2 h hei mr döte verbracht...
    Nach ere Stadterkundigs-Tour si mr die bekannte Wiigüeter vo Mendoza gah aluege. Mit em ne Velo (mässige Brämse, es 8i im Hinderrad, klapperig😉) si mr 3 verschiedeni Bodegas ga aluege u gah Wii degustiere 🍷🥂. Zruggfahrt mit em Velo esch de ou zimli ring gange... 😀En savoir plus

    Voir la traduction
  • Anja und TöseUf u devo ....Voyageur
    4
    21

    Entspannig pur

    15 septembre 2017, Argentine ⋅ ⛅ 10 °C

    Nach däre asträngende Wiituur, hei mr Entspannig ächt nötig! 😀 Da hei mer sbeschte Termalbad gfunde. Zwösche Felse bi max 40 Grad bade, ir Grotte ga dampfe, Schlamm ischmiere u es mega Zmittagbuffet gnüsse! 😉Es unvergässlichs Erläbnis da!En savoir plus

    Voir la traduction
  • Anja und TöseUf u devo ....Voyageur
    üses Böötli für 14 Passagier....
    e Humboldt Pinguin 😀1Cormorane Näscht mit Jungem !2E Mischig vo Räbstöck, Schneebärge, Blueme u Würsti - ungloublich !😆1Wüestelandschaft

    La Serena - am Afang vor Wüesti

    18 septembre 2017, Chili ⋅ ☁️ 12 °C

    Nach de Rückfahrt dur dAnde nach Santiago, si mr mit em Bus zmizt ide Nacht in La Serena acho. Es chliises Städtli am Meer. Da am 18.-20.9. Nationali Festtäg in Chile sei, esches zimli still da. Bi jedem Usflug hei mr biberet, öb dBüs ou wörkli fahre u öb mr es offnigs Lädeli oder Reschti finde. SMeinste het allerdings klappet 😆
    Mit em Schiff hei mr wedr mau unzähligi von Tier uf gschützte Inslene dörfe gah aluege. Im Fischerböötli hani zwar öbe die mau Angst gha, dass mr jede Momänt kipped, aber usser paar Wassertröpfli isch nüt passiert 😉. Es si wunderschöni Inslene mit unzählige Vögu, Otter, Seehünd, Humboldt-Pinguine, Perilikan etc. E wunderschöne Usflug gsi, zum dSchöpfig Gottes wedr mau zbewundere.
    Am nöchste Tag si mr mit em Buss is Valle Elqui. Das esch bekannt fürs Stärne aluege, das fescht immer klare Himmel het u dunkel isch. Da me bi Tag gsi sei, esch üs das leider erspart bliibe. Defür hei mr die schön Wüestelandschaft met de viele Räbgebiet bestuunt. Nach em degustiere vom Pisco (Schaps vo da) esches de zrögg uf La Serena gange u ide Nacht ufe Bus! Ab id Atacama Wüesti!    En savoir plus

    Voir la traduction
  • Anja und TöseUf u devo ....Voyageur

    nüt als Wüesti...

    21 septembre 2017, Chili ⋅ ⛅ 15 °C

    Vo La Serena hei mr weder mau e rächt langi Busreis vor üs gha. Wo de Bus am Morge am 7ni ide Wüesti aghalte het, si mr voller Elan usgstiege u hei de wunderschön Sunneufgang bestuunt! Ungloublich, dass si wäg däm da ghalte hei! Oder doch ned? Nach däm ou mer ufgwacht sei, hei mr doch na de ächt Grund für de Halt bemerkt😂 De Bus het e Panne u fahrt kei Meter meh... Mer am morgefrüeh also ir Wüesti u na Stunde vo üsem Ziel entfärnt. Mer hei die herrlich Umgäbig aber mega gnosse u geduldig gwartet bis üs u üses Gepäck e andere Bus mit gnah het! 😊 So si mr mit paar Umwäge am Abe de doch na inm Wüeste-Städtli San Pedro de Atacama acho!En savoir plus

    Voir la traduction
  • Anja und TöseUf u devo ....Voyageur
    Vili Hüser si da mit Lehm baut
    de Wäg dur salzigs Gestei mit vilne Salzkristallz oberst ufere ungloublich grosse Düne u rächts ufem Bild d "Mond-Ebeni" (esch Salz ned Schnee)eifach e Traum ...Bim Sunneuntergang😍

    Wüeste-Städtli

    22 septembre 2017, Chili ⋅ 🌙 -5 °C

    Zmitzt ir Atacama Wüesti befinde mr üs im ne chline Städtli uf 2400 müM, wo voll vo Reschtis, Expeditions Agenture, Hostals u Sand isch 😊. Ungloublich wie plötzli so vöu Läbe zmizt ir Würsti zfinde isch. Temparature si dure Tag mängisch biz warm, aber na guet uszhalte, u ide Nacht chüelts immer wedr abe. Es esch extrem gmüetlich u schön da. Uf ere chline Tour si mr es Tal, Valle de Luna, ga erkunde u hei e wunderschöne Sunneuntergang gnosse. Ned ganz elei, het da zimli vöu anderi Turischte vo de ganze Wäut... STal heisst so, wöu me seit, dasses da chli wie ufem Mond usgseht. Tatsächlich fühlt me sich da inere andere Wält. Umgäh vo salzhaltigem Gestei, Sanddünene, Vulkän und ere unendlich wite Landschaft. Troumhaft schön da!!!En savoir plus

    Voir la traduction
  • Anja und TöseUf u devo ....Voyageur

    Tour quer dur dWüesti

    23 septembre 2017, Bolivie ⋅ 🌙 12 °C

    Am Morge am 7.30 gaht üse 3 tägigi Abentüür-Tripp los. Mit em ne Büsli fahre mr bis a die bolivianischi Gränze uf 3400 müM. Döt stiege mr i üse 4x4 Jeep i, wo mr mit em ne Päärli us Frankriich teile. Üse Fahrer, Berno, esch für die nöchschte Täg üse Chaffeur, Reisefüehrer, Automech u Gastgäber. Uf dere Reis hei mr ungloublich vöu dörfe gseh: 100ti vo Flamingos, Geysir wo am dampfe u sprudle si, aktivi Vulkän, wunderschöni farbigi Lagune, Salzwüesti, Steiwüesti, unendlichi Ebeni, Füchs, Lamas, tuusigi vo Stärne am dukle Himmu ... DLandschft esch unbeschrieblich da u mer fahre stundelang dur Wüestine. Uf 4900 müM esch de dLuft ou langsam chli dünn worde u sSchlächtsi het mi (Anja) leider packt. Nach Coca-Tee trinke u vöu schlafe esches mer nach 12h aber zum Glöck wedr besser gange... Lueget säuber, wie ungloublich überwältigend die Tour gsi isch!!!En savoir plus

    Voir la traduction
  • Anja und TöseUf u devo ....Voyageur
    2

    Salar de Uyuni

    25 septembre 2017, Bolivie ⋅ 🌙 22 °C

    Am dritte Tag vo üsere Tour si mr am Morge früeh am 5.00 bi üsem Salzhotel losgfahre um
    de Sunneufgang uf de gröste Salzwüesti vor Wält zgseh. Wunderschön u ziemlich surreal da. E riisigi Flächi, wo fascht nur us Salz bestaht. Nume ei Insle, voll vo Kaktee, staht zmizt inne. Gott esch ja scho kreativ 😀! Was me sösch na so aues ufem Salar cha mache gseiht dr uf de Föteli😉...En savoir plus

    Voir la traduction
  • Anja und TöseUf u devo ....Voyageur
    Schueh potze cha ächt gmüetlich si 😉
    sZebra hilft de Lüt öber dStrass 😂eini vo etliche ChileneFrüchtsäft nach Lust u Luune! Nume bi wäm? 😊

    Capital Sucre

    26 septembre 2017, Bolivie ⋅ ☀️ 12 °C

    Übernacht si mr vo Uyuni uf Sucre gfahre, wo mr am Morge früeh am 5.00 acho sei. Nach em ne feine Zmorge si mr zFuess sZentrum gah erkunde. Vili Gebäude si da wiis, vili im Kolonialstil u es het a jedere Egge e grösseri oder chilneri Chile. Bsunders begeisteret het üs die riisige Markthalle. Aues wo me brucht bechunt me döt. Vo Frücht u Gmües, öber Poulet, Schminksache, bolivianischs Ässe etc. Ungloublich farbig u lebändig!En savoir plus

    Voir la traduction
  • Anja und TöseUf u devo ....Voyageur
    am Flughafe in Sucre
    1sWahrzeiche vo Cochabamba1was die ächt vor hei demit??? 😉1frösch pressti Fruchsäft a jedem Egge!e chline Iblick i Märet...dBüs si da sehr interessant. Da nume mal eis Bispiel 😉

    Cochabamba

    27 septembre 2017, Bolivie ⋅ ⛅ 23 °C

    Nachem ne churze Flug si mr am Abe in Cochabamba acho. Da hei mr im Gästehuus vo SIM international dörfe übernachte. Weder einisch meh hei mr de Märet ufgsuecht. De da isch de gröschti vo Latinamerika u ächt crazy! Es git wörkli aues wo me brucht u dDüft, vo Koriander öber Fleisch, Fisch u Parfum si für mini Nase (Anja) amigs biz zviel...
    De Früelig hei mr da aber definitiv gfunde! Met churze Hose u Sandale esches na zimli
    ungwohnt nach langer Zit Thermounterwösch u Chappe 😊    En savoir plus

    Voir la traduction
  • Anja und TöseUf u devo ....Voyageur
    Banane im Garte 😀
    wunderschöni Sunneuntergäng ☀️ufem Ussichtsturm mit de Roside Stolz vor Riberalta - Rio BeniUssicht vo üsem Hüüsliaui Lüt mit Töff unterwägs! Auto:Töff = 1:100

    im Hochsummer acho

    30 septembre 2017, Bolivie ⋅ ⛅ 32 °C

    Nach em ne witere Flug, si mr in Riberalta vor Rosi abgholt worde. Uf de Ladeflächi vor Camionetta si mr dur dStadt gfahre u schliesslich ufem Gländ vor Mission Suiza acho. Da dörfe mr üses eigete Hüüsli bewohne, ohni Fänster defür Muggegitter, u de Usblick uf unzähligi verschideni Fruchtböim gnüsse. De Früehlig hei mer ou zimli schnäu wedr verloh u ez definitiv grad im Hochsummer glandet 😅. Da dörfe mer id Arbet mit dr Bibelschüeler/inne u id Arbet mit de Chind ineluege, aber ou eifach mal chli abschalte u gnüsse. De Töse esch natürli grad för aui IT- Problem zlöse i gspannt worde😂En savoir plus

    Voir la traduction
  • Anja und TöseUf u devo ....Voyageur
    gälbi Äffli hei mr fascht chöne berüere
    Siesta ide Hängematte bim SchlafortUfem Böötli mi üsem Guide EverVo mine Lieblingstier hets ou e Hufe ghaeine vo de schöne KaimanCaipivaras - Wassersöili 😊

    3 Täg ide Pampas

    14 octobre 2017, Bolivie ⋅ ☁️ 16 °C

    Mit em Bus si mr 10 Stund öber staubigi Strasse gfahre u schliesslich in Rurrenabaque, es Turistedorf zmizt im Dschungel, acho. Vo da us hei mr e drütägigi Tour id Pampa gmacht. Bi Räge si mr paar Stund über pampigi Strasse gschnägglet u gschlideret u zum Glück bim Fluss Yucuma acho. Mit em ne chline Böötli si mr die 3 Täg de Fluss ufe u abe gfahre u hei unzähligi Tier dörfe gseh. Im Momänt hets bsunders vöu Kaimane (Krokodil) da. Biz komisch so zmizt im Fluss zsi u links u rächts luege di die Kaimane a... Natürli hets ou wedr wunderschöni Vögel gha, e Hufe Caipivaras, Äffli, es paar Flussdelfin u Wasserschildchrote. A eim Tag si mr gah Pyrañas fische u hei die de zum Znacht chöne ässe. U im ne sumpfige Fäld si mr ga Anakondas sueche u hei de ou e chlini gfunde.En savoir plus

    Voir la traduction
  • Anja und TöseUf u devo ....Voyageur
    Ussicht am Morge früeh bir Busfahrt uf La Paz
    1DeadRoad / Chiiswägli ir Nacht - rächts gahts mehreri Meter sLoch ab...zfriede bim Gondeli fahre 😉traditionelli Chleider vo de indigene Lüt da - farbigdUssicht über El Alto - oberhalb vo La Paz

    La Paz

    17 octobre 2017, Bolivie ⋅ ⛅ 14 °C

    Mit em Nachtbus si mr vo Rurre nach La Paz gfahre uf de sogenannte DeadRoad. DStrass gaht de Bärge entlang, zum Teil uf extrem änge Strasse, uf 3800 müM uf La Paz. Gott sei Dank si mr am Morge heil acho u hei mit es paar Umwäge es Hostal gfunde...
    D Stadt esch voll vo Taxis, Minibüsli u Bachsteihüüser. E Grossstadt wo zimli chaotisch isch u üs ned sehr begeistered het.
    D Seilbähnli, wo da als öffentlichi Verchehrsmittel gälte, hei mr usgibig usgchosted. DGondeli si aui zäme vor Schwiiz glifetet worde 😉.    En savoir plus

    Voir la traduction
  • Anja und TöseUf u devo ....Voyageur
    Sunneuntergang uf 3900müM
    Copacabana bir DämmerigEn Esel mit Ussicht uf de Isla del Sol3❤️Mit wenig zfriede!

    Copacabana am Titicaca-See

    20 octobre 2017, Bolivie ⋅ 🌙 9 °C

    Vo La Paz si mr mit em ne quitschende, änge Bus es paar Stund öber sLand a Titicaca-See gfahre. De Titicaca-See esch de gröschti Hochlandsee uf 3800müM.
    Copacabana esch es chliises Pilgerstädtli, wo trotz vöu Turiste friedlich u gmüetlich isch. Mit em ne zimli gmüetliche Böötli si mr de ou uf dIsla del Sol gfahre, wo grad vorne dra im See isch. Uf dere Insle hei dInkas ihri Spure hinderla. Fescht schnuffend si mr uf die 4000müM höche Högeli ufegstiege u hei e herrlichi Ussicht gnosse!En savoir plus

    Voir la traduction
  • Anja und TöseUf u devo ....Voyageur
    Es peruanischs Taxi 😆
    guet ipackt ufem Deck 😉Ein Insle mit vier Familie drufFür dInsle bruchts natürli immer wedr neus Schilf - voll belandeSo eifach cha me choche...E Fahrt ufem ne Strohschiff het üs zur nöchschte Insle bracht

    Puno und die schwümmende Insle

    21 octobre 2017, Pérou ⋅ ⛅ 10 °C

    Nachere schöne Busfahrt am Titicacasee entlang si mr in Puno acho u nachem Ichegge im Hostal diräkt uf es Böötli. Das het üs zu de schwümmende Schilfinslene Uro bracht. Uf rund 90 chilnere u grösser Inslene läbe 2000 Mänsche uf em Schilf. Vor Jahrhundert isch das Volk vo de Inkas gflüchtet u het sech so zmitzt im See niederglah. Es einmaligs Erläbnis uf so nere Insle zstah u sLäbe döt biz zbeobachte!En savoir plus

    Voir la traduction
  • Anja und TöseUf u devo ....Voyageur
    die schön Katedrale im Abigrot
    1d Plaza Armas 😍e chline Teil vom Chlosterd "Wäschmaschine" im Chlosteres Strössli vo vilne im ChlosterBeschäftigung uf de lange Busfahrte 😉

    Ciudad blanca - Arequipa

    22 octobre 2017, Pérou ⋅ ☀️ 23 °C

    Dur dBärge si mr öber 1000 Höhemeter abe gfahre uf Arequipa. Am Tag, wo mr greist sei, esch in Peru grad Volkzählig gsi u fast aui Iheimische hei müesse diheime bliibe. So hei mr quasi kei Verchehr gha u wo mr da acho sei, esches wie usgstorbe gsi.
    Die Stadt werd wiisi Stadt gnennt, wil dSpanier ide Kolonialzot de indigene Bevölkerig verbote het, im Zentrum zwohne... Da hest drum au zimli vöu grossti Gebäude us dere Zit. Am imposantischte isch dKatedrale u s Chloster Santa Katalina. Das Chloster isch wie ne chliises Städtli ide Stadt. Uh schön gmacht u sehr interessant zum Bsueche. Höt läbe nur na 30 Nonne da, drum de gröschti Teil es Museum.    En savoir plus

    Voir la traduction
  • Anja und TöseUf u devo ....Voyageur
    de Wäg bärgab - unde grüen serste Ziel sichtbar
    Condore am gleite im Kanal11. Etappeziel gschafft - es chalts Pansch u e Schwumm als Belohnig 😉am Abe kaputt am wunderschöne Himmel beobachteüses Candellightdiner, das da kei Strom git 😍Ziel erreicht - zfriede wedr oberhalb vom Canyon

    Colca Trekk

    24 octobre 2017, Pérou ⋅ ⛅ 10 °C

    De Colca Canyon isch de tüüfschti Canyon vo de Wält. De hei mr nis natürli mit eigete Auge müesse ga aluege😉. Met em ne Guide si mr also zwöi Täg underwägs gsi. Am erste Tag 1000 Meter abe wandere is Tal, Abchüelig im Pool u bi gröster Hitz uf de andere Site wedr 500 Meter ufe um das nähr wedr abezlaufe. Ganz schön id Chnüü gange. Belohnt worde si mr am Abe mit em ne schöne Zimmer mit warme Duschi, em ne Candellight-Diner u em
    ne Bett zum tüüf schlafe😊. Am nöchste Morge het gheisse im Dunkle ufstah, so dass mr irgendwie wedr us dem Tal usechöme... Zmorge hets erscht dobe gäh... Chüchend u kaputt si mr de nach fast 3 Stund bärguf laufe dobe acho. Nach paar Touriste-Ussichtspünkt u em ne Sschwumm im natürliche Thermalbad, isches wdsr zrögg uf Arequipa gange. De Muskukater werd üs na biz begleite die nöchste Täg 😀    En savoir plus

    Voir la traduction
  • Anja und TöseUf u devo ....Voyageur
    faszinierend, wie dInkas sötigi Muure hei chöne baue!
    Hüet, Schals, Puppe, Wasser ... aues wod bruchsch 😉Terrasse, wo früener vieli verschiedeni Sache pflanzt si worde. So Terrassene gseht me öbereall da!1So gsehts bi aune Ruine vorne dra us...

    Inkastadt - Cusco

    28 octobre 2017, Pérou ⋅ ⛅ 16 °C

    Über Nacht si mr mit em Bus uf Cusco gfahre. Das esch früener dHauptstadt vom Inka-Riich gsi. Ide Umgäbig hets etlichi Inkaruine u drum ou 1000gi vo Touriste. A jedem Egge versueche die Iheimische Selfie-Sticks, Rägeponcho oder Souveniers zverchoufe. Mit Füerige si mr es paar Ruinene ga aluege u hei vöu öber d Inkakultur erfahre.
    Mer hei ou na de Produktiones-Ort vo Apu Kuntur dörfe gah aluege. Da werde Stöff u Chleider us Alpaca-Wulle härgstellt. Vieles vo Hand! Sehr idröcklich u faszinierend gsi. DChleidigsstöck werde de i Europa, unteranderem in Winti, verchouft.    En savoir plus

    Voir la traduction
  • Anja und TöseUf u devo ....Voyageur
    Üse Guide, de Maron 😉
    es Dörfli zmitzt im Tal zwösche Bärge u Dschungel - Aguas Calientesastah am Morge am 5.30 för de Bus...MachuPicchu - eifach ungloublich!e Tämpelbau mit perfekt abgstimmte Stei!typischi Touribilder bruchts ebe glich 😀

    Machu Picchu

    30 octobre 2017, Pérou ⋅ 🌧 13 °C

    Nachere Büslifahrt mit alles Iheimische si mr in HidraElectrica acho. Vo döte hei mr 2.5 h de Bahnlienie müesse entlang loufe um is Dörfli Aguas Calientes zcho. Zwöschezitlich hei mr sogar e persönliche Guide, de Maron gha ... 😂
    Das Dörfli da gits nume, wil dLüt vorem Bestiege vom MachiPicchu ergendwo möi ässe u schlafe... Drum meh Touris wie Iheimischi zgseh... Am Morge am 5.30 si mr also gstande, zum de Bus ufe znäh. Nach 15 min hei mr de ou scho chöne i Bus istiege um ufe zfahre. Einmal usgstige hets wedr gheisse astah för dTicket-Kontrolle... Trotz uh vöu Touriste, isch die guet erhalteni Inkastadt faszinierend. Unbegriflich wie sie zmitzt ide Bärge u Dschungel e grossi Stadt für 3000 Mänsche nume mit Mönschechraft hei chöne ufbaue. Nach ca 6 Stund umewandere hei mr de Abstieg is Dörfli zFuess gmacht u hei üs im Dörfli entspannt 😉!    En savoir plus

    Voir la traduction
  • Anja und TöseUf u devo ....Voyageur
    Da esches üs na guet gange...
    vorem Start 😂1sooo es chlises Flugi...dSpinnede Aff

    Nasca - Lineas

    1 novembre 2017, Pérou ⋅ 🌙 26 °C

    De Nachtbus vo Cusco nach Nasca het üs öber drü Päss bracht u demenstprächend hets nume Kurve gäh. Am Morge uszstiege esch e Wohltat gsi. Aber es esch so witergange... In Nazca het ir grosse Wüestelandschaft riesige Figure im Sand. Werum die genau döte sei u wär si gmacht het weiss me bis höt ned rächt. Aber si si scho einigi 100 Jahr alt. Aber ebe, gseh duet me si nume us de Luft. So si mr ines chlises Piperli mit 6 Passagier-Plätz u hei jedi vo de ca. 20 Forme mal vo links u Mal vo rächts agluegt. s ....-Säckli esch bi jedem Sitz grad vorne dra gsi. Brucht hei mers zum Glöck ned, aber vöu gfählt het ämu bi mer (Anja) nümme... Bi ig froh gsi nach guet 30 min wedr am Bode zsi... Die Figure si zwar faszinierend, aber so rechtig zum Gnüsse esch de Flug aso ned!En savoir plus

    Voir la traduction
  • Anja und TöseUf u devo ....Voyageur
    am Sunneuntergang gnüsse nach em Ufstieg 😍
    üses Camp - eifach zum Gnüsseüse Guide de Tony1Gnüüüüüsse !leider si dAbfahrte eifach soo churz 😊1Si mr ned cool 😂🤣🙃🙂🙃

    Oase ir Wüesti - Huacachina

    2 novembre 2017, Pérou ⋅ 🌙 26 °C

    Nach em Flug si mr mit em Bus mit alles Inheimische uf Ica gfahre. De Bus het kei Klimaalag gha u het a jedem Egge Lüt la us u istiege. Eg bi sehr froh gsi, wo mr hei chöne usstiege. Ha vom Flug doch immer na chli Nachwehe gha...
    Mit em Taxi si mr de id Wüesteoase Huacachina gfahre. Esch früener e Oase für richi Peruaner gsi u ez e Touriort. Die chli Lagune esch umgäh vo grossr Sanddüne. Sehr e schöne Ort! Mer hei im ne feste Zält pfuused u hei üs nach Lust u Lunne im Pool chöne gah abchüele. Rechtig Feriefeeling gsi😉 Natürli hei mer ou Sandboarding müesse usprobiere. E eimaligi Erfahrig mit Snowboard-Usröschtig i de riesige Wüesti die grosse Dünene abezflize! Zum Glöck het üs e Buggy jewiils fast bis obe gfahre 😊    En savoir plus

    Voir la traduction
  • Anja und TöseUf u devo ....Voyageur
    Seestärne - die runde u die stärnförmige!
    Uf däm Hügel brüete 10'000 igi vo Kormoran!es Fischerdörfli,wo touristisch worde esch, aber sglich ned so schafft...i somene ähnliche Schnellboot si mr zimli rasig zu de Inslene gfahree Tölpel, wos nume i dere Region git

    Paracas

    4 novembre 2017, Pérou ⋅ ☁️ 17 °C

    Nach 2 wunderschöne Täg ir Wüesti si mr a Strand witer. Leider gäge dErwartig ned sooo schön... sWätter het ou ned so mitgspielt. So si mr glich bi Nieselräge u Näbu uf es Böötli zu de da bekannte Islas Ballestas usegfahre. Da mer jedoch die meiste Tier scho mou vo Nöchem
    hei dörfe gseh u de Guide ned bsunders
    guet gsi isch, esch leider ou das Erläbnis ned ao bliibend. Naja. Ou so Sache ghöre zum Reise😉 Ez si mr gspannt uf Lima!    En savoir plus

    Voir la traduction
  • Anja und TöseUf u devo ....Voyageur
    de gross Springbrunne-Park hei mr am Abd chöne bestuune!
    sRegierigsgebäude - natürli guet bewacht 😉Sägle höch öbe Moraflores - das hei mr nume als Zueschauer gnossee Strand vo Limammmh 😋e "See" zmizt ir Stadt 😂

    Lima

    5 novembre 2017, Pérou ⋅ ☁️ 19 °C

    3 Täg hei mr ez da in Lima im Gästehuus vo Indicamino chöne huuse. Natürli hei mr ned die ganz Stadt, mit meh Iwohner als dSchwiiz het, chöne erkunde. Mer hei aber es paar Kaffi u Reschtis usprobiert u heis da im Huus rechtig chöne gnüsse!En savoir plus

    Voir la traduction
  • Anja und TöseUf u devo ....Voyageur
    Wo gnau esch da de Wäg? 😊
    100ti vo schöne, nervöse Schmätterling hets da!Wäm sis Wärch esch ächt das?Bim Fasserfall hei mr üs chöne abchüele.1Flüge fast wie de Tarzen 😉1u usruhie ghört natürli ou dezue

    La Merced

    8 novembre 2017, Pérou ⋅ ⛅ 7 °C

    De Bus het üs einisch meh öber dAnde rechtig Urwald bracht. Da hei mr e schöne, heisse Tag bim spaziere u wandere dörfe verbringe u im Becki vom ne Wasserfall üs chöne abchüele.

    Voir la traduction
  • Anja und TöseUf u devo ....Voyageur
    1üses Büsli - e Stund hei mr gwartet, bises voll gsi esch u mr hei chöne abfahre 😊

    Constitucion

    9 novembre 2017, Pérou ⋅ ☀️ 20 °C

    Met em ne Sammeltaxi si mr 6.5 h dur de Urwald duruf u durab cruised. Üsi Füdli hei zimli glitte u mer si froh gsi, wo mr hei chöne usstiege 😉. Da fühle mer üs mal so rechtlg als Usländer. Hei biz ez na keis europäischs Gsicht entdeckt u die Iheimische luege üs mit grosse Auge nache... Vöu zum gseh gits da ned usser salltägliche Läbe und Mototaxis😉En savoir plus

    Voir la traduction