Reimposta ricerca
Uf u devo ....
  • Anja und Töse
  • Anja und Töse

Uf u devo ....

Un’avventura di 183 giorni di Anja und Töse Leggi altro
+3
SeguiPanoramicaPanoramicaCalendarioCalendarioFotografieFotografieCondividiCondividiLista dei desideri
Prima i più nuovi
  • Anja und TöseUf u devo ....Viaggiatore
    1ir Stadt vorme am Fluss - vöu Betrieb!
    Clausura am Sunntigmorge im 3stündige Gottesdienst 😉üsi Überfahrt is indigene DörfliSanta Teresita - e spannende Bsuech gsi!Mission Suiza vo obeerholt 😉

    Pucallpa - Cashibo

    10 novembre 2017, Perù ⋅ ⛅ 28 °C

    Nach ere Minibüsli-Fahrt si mr in Cashibo bir Mission Suiza abglade worde. Das esch ebefalls e Station vo Indicamino. Si füered e Bibelschuel für die indigen Bevölkerig. Wo mr acho sei, hei mr grad as Abschlussfest vo de Studänte chöne. Die hei nach 4 x 4 Mönet Studium dörfe abschlüsse. U dasch mit singe u ässe gebürig gfiired worde! U de esches da zimli ruhig worde, da aui zrögg i ihri Dörfer gange sei. Ou mer hei na es indigens Dörfli dörfe ga bsueche, wo ned wit wäg esch vo da. Mit em ne Böötli si mr ar Cocha abholt worde u as andere Ufer gruederet worde 😊 sBöötli hetti zwar e Motor gha, aber üsi Chaffeurin het ned gwösst wie bediene😊. Esch spannend gsi mau e Iblick zbecho!
    Hei au dGlägeheit gha mit SAM, ere Missionsgsellschaft us Amerike wo Flüg i Urwald macht, e churze Rundflug zmache. U dasmal isches ou niemerem schlächt worde 😉
    Sösch dörfe mers da im Gästehuus eifach chli gnüsse u gaaanz vöu Mangos schlemmere -mmmmmh 😋    Leggi altro

    Guarda la traduzione
  • Anja und TöseUf u devo ....Viaggiatore
    im Hindergrund e chline Usschnitt vo de gwaltige Bärge
    Am erste Tag mit em Taxi bis fast ufe gfahre worde 😬 U de e Wanderig rund um dLaguna gmacht!1Eifach öberwältigend!!!esch das ned eifach schön!?!?2nach 2.5 h Bärguf laufe am Ziel achoLaguna 69 uf 4600 müM

    Huaraz - Cordillera Blanca

    18 novembre 2017, Perù ⋅ ⛅ 25 °C

    Da in Huaraz treffed sich aui Wander-Touriste vo Südamerika. Ou mer hei üs natürlich dezue gsellt u zwöi wunderschöni Wandertäg ide Cordillera Blanca verbracht. Die Bärgchetti bestaht us fascht nume 6000iger Bärge, öber 200 Gletscher u unzähligi Gletschersee, wo im schönschte blau strahled!Leggi altro

    Guarda la traduzione
  • Anja und TöseUf u devo ....Viaggiatore
    1Keramik-Handwerch: dMoche-Kultur isch Profi drinn gsi!
    Antiki-Fischerböötli wo na höt baut u brucht wärdedVerzierig am Huaca de la lunaChanChan- e Stadt us Lehme wunderschöne Inehof zmizt ir Stadt!hmmm - Papa Rellena (gfüllte Härdöpferstock😉)

    Trujillo

    21 novembre 2017, Perù ⋅ ⛅ 19 °C

    Mit Magedarm-Problem hei mr Trujillo nume zum Teil chöne gnüsse... 😐
    Ide Stadt hets na vieli Kolonial-Gebäude u rund um Trujillo hets vili Ruine vo früenere Zite.
    Huacas si Tempel wo öbe 2000 Jahr alt sei. Die si us Lehm u Sand baut u bis hüt nume e chline Teil usgrabe worde.
    ChanChan isch 1500 Jahr alt. Das esch e grossi Stadt gsi für 35'000 Lüt. Aui Muure, Hüser u Tempel ebefalls us Lehm baut u wonderschön verziert.
    Mer hoffe, dass sich üsi gsundheitliche Problem gli löse u göi wedr chli is Hochland 😉    Leggi altro

    Guarda la traduzione
  • Anja und TöseUf u devo ....Viaggiatore
    Wohne mit Usblick 😄
    wonderschöne Verzierige - 100ti vo Jahr alt!s neue Gondelbähnlinatürlich findet me ou da Lamasüses gmüetliche, schöne Hotel 😊so chauft me da Wulle 😂

    Chachapoyas - Kuélap

    24 novembre 2017, Perù ⋅ ☀️ 21 °C

    Met em ne laange Nachtbus si mr wedr biz höcher ufegfahre. Da i dere Region hets unzähligi Ruine vo früenere Kulture. Die bekanntischt isch Kuélap. Biz verglichbar mit MachuPicchu aber viel weniger touristisch. Met em ne nigelnagel neue Gondelbähnli, serste in Peru, hei mr fascht bis zoberst uf 3000 müM chöne fahre. Döt hei mr dRuine vo de Kultur Chachapoya chöne bestuune u hei e wonderschöni Ussicht gnosse!
    Am zwöite Tag si mr gmüetlich dur dStadt gschländeret u hei dLobby vom schöne Hotel gnosse😉    Leggi altro

    Guarda la traduzione
  • Anja und TöseUf u devo ....Viaggiatore
    Entspannig pur
    es paar wenigi Sunnestahle😊😊Proscht 😉e obligate Kokosnuss-Verchöifer am Strandeis vo hunderte Restis im chline Dörfli

    Montañita

    29 novembre 2017, Ecuador ⋅ ⛅ 23 °C

    Da am Strand vo Ecuador hei mr serscht Mal uf üsere Reis sMeer ned nume dörfe gseh, sondern au drin ga schwadere, oder besser Wälle-Gumpe 😊 Hei da zwöi entspannti Täg gnosse, ou wenn sWätter ned ganz mitgspielt het...Leggi altro

    Guarda la traduzione
  • Anja und TöseUf u devo ....Viaggiatore
    e Guete 😊
    immer schön 2m Abstand zu de Tier! U glich het si de Chopf izoge...Eifach faszinierend die Rieseschildchrote so nöch zgseh!die zwöi heis gmüetlich 😂Galagagos-Haie i ihrer Schlafnische... Nume ei Seehund het ihri Rueh gstört u het wele met ne spieleöberall gseht me wunderschöni, farbigi Eidechsli

    Galapagos - Teil 1

    2 dicembre 2017, Ecuador ⋅ ⛅ 21 °C

    Nach langem hi und här hei mr üs entschiede, e Cruise ide Galapagosinslene znäh! So esches mit em Flugi zerst uf dInsle Baltra gange, wo mr vom Guide Carlos abgholt worde sei. U de esch scho ei Höhepunkt cho. Mer hei uf de Insle Santa Cruz dRiesrschildchröt vo sooo nöch dörfe gseh! Eifach gigantisch😊
    Denn isches ab ufs Schiff gange. 8 Kabine für 16 Lüt, es Sunnedeck, e Äss - u Ufenthaltsruum. Aues perfekt wie me sech das so vorstellt 😊 Mit däm si mr meistens ide Nacht witergfahre u hei so unterschiedlichsti Inslene u Tier dörfe gseh. Ga schnorchle si mr ou fast jede Tag u hei so vo de faszinierende Unterwasserwält chli öbis dörfe gseh. Die Inslene si wörkli eimalig! So nöch a wild läbende Tier cha me gloub sösch niene si!    Leggi altro

    Guarda la traduzione
  • Anja und TöseUf u devo ....Viaggiatore
    uf 5100 müM ar Lagune
    rächts de höchsti Gipfel vom Chimborazo zgseh!Super usgrüschtet isches los gange - jippi 🤣esches nef eifach schön!?!De Danilo het üs met sim Auto begleitet u üs über Land u Lüt Infos witergäh. Danke!Wiehnachtsstimmig in Riobamba - e ganze Platz voll farbige Figure 🎄

    Riobamba - Chimborazo

    11 dicembre 2017, Ecuador ⋅ ☁️ 7 °C

    Nach de traumhafte Tierwält uf Galapagos si mr wedr biz id Bärge. Es zieht üs eifach emmer wedr da ane 😉.
    Vo Riomamba us hei mr e Mountainbike-Tour uf em Chimborazo (6268 m.ü.M.) gmacht. Das esch de höchschti Bärg in Ecuador u schins de Gipfel, wo am witiste wit wäg isch vom Ärdmittelpunkt...! Mit em Auto si mr bis öbe 4800 ufe gfahre u de na bis 5100 witer ufe gloffe. Da si mr doch zimli is Schnufe cho bi dere dünne Luft. E churzi Zit hei mr sogar na de Gipfel dörfe gseh 😊. U de esches ab uf Bikes u dur wunderschöni Landschafte wedr 40km uf 2700 müM abe. Es unglaublichs schöns Erläbnis gsi!!!Leggi altro

    Guarda la traduzione
  • Anja und TöseUf u devo ....Viaggiatore
    I believe I can fly 😂
    Bim grosse Wasserfall hei mr sogar e Duschi becho u gstuuned öber sviele Wasser wo abechunt 😊Entspanne nach em Velo fahre u Wandere 😉Rücktransport: Umbauts Lastwägeli 🤣Schaukle met Ussicht bim Casa de Arbol1😊 Es eimaligs Bild 😀

    Baños - Abentüür-Paradies

    13 dicembre 2017, Ecuador ⋅ ⛅ 24 °C

    In Ecuador si dDistanze zum Glück wedr biz chürzer. So si mr ned mal 2h witer Rechtig Nord-Oste gfahre bis uf Baños. Es rechtig gmüetlichs Städtli, wo voll isch mit Abentür-Agebot. Mer hei üs de es Velo gschnappt u si im Tal de Wasserfall-Route nache. Unterwägs si mr mit de Ziplines gfloge u mit em ne Tarabita (grosse Chorb zum dristah) öber em Tal gschweppt 😊 Hoch uf de Ross si mr de na ines anders Tal ine u hei e gmüetliche Usritt gnosse!
    Das Städtli liit am Fuess vom ne aktive Vulkan. Drum hets ou Termalquelle da. So hei mr jede Abig es entspannends Bad gnah u üs mit Massage verwöhne lah 😉.    Leggi altro

    Guarda la traduzione
  • Anja und TöseUf u devo ....Viaggiatore
    wunderschöni Strössli ir Altstadt
    am "ächte" Äquator 😊Ufem Äquator cha me es Ei ufene Nagelchopf stelle dank de Ärdaziehigschraft vo sänkrächt esch!de ersti ermettleti Punkt vom Äquator im 1736, 300m denäbed 😊Ussicht ide Altstadt vo Quitode volli Plaza Grande in Quito am Sunntig

    Quito - Hauptstadt vo Ecuador

    16 dicembre 2017, Ecuador ⋅ ☀️ 20 °C

    Da mer nümme aui Zit vor Wäut hei, si mr uf diräktem Wäg mit em Bus uf Quito gfahre. vo da här hei mr e Usflug uf Otavalo gmacht. Döte esch e riisige Märt met aues typische Sache. Hetti na Platz im Koffer, hetti gaaanz
    vöu chöne zämechaufe (Anja) 😉
    Am zwöite Tag si mr a Äquator/ Midad del Mundo gfahre. Da hei mr mit idröckliche chline Experimänt chöne de Äquator u die zueghörige „Chräft“ erläbe. Sehr idröcklich gsi! Natürli si me de ou na dInnestadt vo Quito mit de unzählige Chilene u wunderschöne Gebäude ga aluege!
    Das esch ez de letschti Stopp in Südamerika gsi. Bald flüge mr los uf Pamama!    Leggi altro

    Guarda la traduzione
  • Anja und TöseUf u devo ....Viaggiatore
    Miraflores-Locks (Schleuse): die ersti Schleuise vom Panama-Kanal vom Pazifik här
    Skyline vo Panama City, ungloublich amerikanisch..de grossi Fischerhafe, wo Meerestier is ganze Land, CostaRica und Kolumbie bringt.ir restaurierte Altstadt findet me na alti RuineneEs Fuultier im ne Park zmitzt i de StadtSchwinge mit de Liliane wie de Tarzan 🤣

    Panama City - Mittelamerika

    18 dicembre 2017, Panama ⋅ ⛅ 31 °C

    Mit em Flugi si mr öber Bogota uf Panamá City gfloge. In Mittelamerika acho het üs tropischs Wätter im Empfang gnah. I drü Täg Panama hei mr dStadt erkundet, die riise Shopping-Mall Albrook kenneglehrt, de Panamakanal bestuunt u im Park Tier im Wald gsuecht. E Millione Stadt, wo us unterschidlichste Teil bestaht!Leggi altro

    Guarda la traduzione
  • Anja und TöseUf u devo ....Viaggiatore
    HeiligAbe Fiire mit de Yvonne u em Nehemia

    Feliz Navidad !!!

    24 dicembre 2017, Panama ⋅ ⛅ 11 °C

    Mer wönsched üch aune es friedlichs Fest mit Familie u Fründe! Jesus hets verdient, so rechtig gfiire zwärde!
    Mer verbringe die Täg das Jahr ir Karibik in Panamá u gnüssed dRueh da! Zum Glück cha me Wiehnachte ja ou am andere Ändi vor Wält am Meer fiire 😂Leggi altro

    Guarda la traduzione
  • Anja und TöseUf u devo ....Viaggiatore
    eifach traumhaft
    am Gnüsse 😀Sogar Delfine hei mr dörfe gseh !De Stäg vor üsem Hotel 😉Proscht 🙂🙃🙂Schöni wiise Stränd, nume sWasser leider sehr unruhig

    Bocas del Toro

    25 dicembre 2017, Panama ⋅ ⛅ 0 °C

    Mer hei dWiehnachtstäg da ar Karibik gnosse. Anstatt Guetzli bache, umehetze, choche, Päckli uspacke hat üses Programm gheisse bade am Strand, fein ga ässe, schnorchle, Böötli fahre u entspanne 😉 Mit Bekannte us de Schwiiz, wo mr da per „Zuefall“ troffe hei, hei mr de HeiligAbe verbracht. Mau ganz anders Wiehnachte da...Leggi altro

    Guarda la traduzione
  • Anja und TöseUf u devo ....Viaggiatore
    So muess skaribische Meer doch si 😀
    es wunderschöns Eidechsli esch üs ou na vor dLinse gsprungeDie härzige Waschbäre göi de Lüt am Strand ga Ässe chlaue 😊Ar Playa Negra, e Strand met schwarzem Sandspannendi Pflanze gseht mr da ou öberaueine vo de Brüllaffe, wo d Affelärm chönd mache...

    COSTA RICA - Cahuita

    26 dicembre 2017, Costa Rica ⋅ ⛅ 29 °C

    Und scho si mr i üsem Zielland acho. Motto da: Pura Vida! U das „Läbe“ hei mr in Cahuita ou rechtig gnosse. A schöne Stränd si mr ga Wäue gumpe u im Nationalpark ga Tier beobachte. Brüllaffe hei üs am Morge gweckt u Kapuziner-Äffli si uf üsem Dach umegumpet. Sogar e chline Kaiman het sich de Teich vom Hotelgländ aus dihei usgsuecht. E gmüetliche, tierriche Ort!Leggi altro

    Guarda la traduzione
  • Anja und TöseUf u devo ....Viaggiatore
    Ruhe vor dem Sturm... De Schildchrotestrand vor de Rägefront
    Da isch sWält na i Ornig gsi ... bir Hifahrtzu mindest hei mr noch 5 Minute Böötlifahrt e Kaiman gsehdie letschte Sunnestrahle wo mr da gseh hei 😆Ussicht vor Terasse bi strömendem Räge

    Tortuguero

    30 dicembre 2017, Costa Rica ⋅ ⛅ 26 °C

    Met paar Mal umstiege u ere stündige Bootsfahrt si mr in Tortuguero acho. Es chlises Dörfli ade Karibik, wo bekannt isch, da dSchildchrote da jedes Jahr ihri Eier chöme i Sand cho lege. Aber leider isch die Saison scho verbi.
    U au aui üsi Plän si is Wasser gheit. Es het grägnet wie nüt, so das üsi Böötli Tour u de Jungel-Walk ned stattgfunde het. So hets gheisse id Hängematte liege u chille...    Leggi altro

    Guarda la traduzione
  • Anja und TöseUf u devo ....Viaggiatore
    Die wahrschinlich letschti Busfahrt uf üsere Reis ...
    s wunderschöne Theater, leider für dBesichtigung zue gsi...üses Silvesterässe 🤣

    San José

    31 dicembre 2017, Costa Rica ⋅ 🌧 21 °C

    Üse letschti Tag vom Jahr 2017 hei mr in San José verbracht, de Hauptstadt vo Costa Rica. Am Namitag hei mr de ou mau na bemerkt, dass ja Silvester isch 😂 Üses Silvesterässe hei mr ir mexikanische Fastfood-Chetti TacoBell verbracht u de Mitternaht verschlafe😂 Am 1. Januar esch dStadt se zimli ruhig gsi u fast aues gschlosse. So hei mr e ruhige Jahres-Start gha u hei dZit mit umeschländere, im Park höckle u käffele verbracht 😊 I dämsinn aune es ruhigs Neusjahr & pura vida!!Leggi altro

    Guarda la traduzione
  • Anja und TöseUf u devo ....Viaggiatore
    Ussicht underhalb vom Irazu, für e churze Moment gar ned so schlächt
    e Kakao-Frucht na am Baumnach em fermentiere, tröchne u röschte muess me dChärne mörserevo Hand am Kakao mahlechline giftigi Grüenschwarz-Fröschliüsi zwöi Gastgäber uf de Kakao-Tour: Henry und Katie

    Vulkan Irazu & Valle de Sarapiqui

    3 gennaio 2018, Costa Rica ⋅ ☁️ 10 °C

    Für die letschte Vierwuche hei mr nis namau es Mietauto gleischted. Üse erschti Tag esch wedr mou biz ia Wasser gheit. SWätter esch momentan in ganz Costa Rica ned wörkli guet. Eigentli hei mr de Vulkan Irazu wöue go bsueche. Aber de esch ide Wulche u im Räge versunke... Dur wunderschöni Gägende si mr de bis is Valle Sarapiqui gfahre. Döt hei mr e spannendi Kakao-Tour gmacht, wo mr erfahre hei, wie us de Kakaofrucht e feine Tafele Schoggi werd.Leggi altro

    Guarda la traduzione