Reimposta ricerca
Uf u devo ....
  • Anja und Töse
  • Anja und Töse

Uf u devo ....

Un’avventura di 183 giorni di Anja und Töse Leggi altro
+3
SeguiPanoramicaPanoramicaCalendarioCalendarioFotografieFotografieCondividiCondividiLista dei desideri
Prima i più nuovi
  • Anja und TöseUf u devo ....Viaggiatore
    ufem höche Ussichtsturm de Urwald vo obe am Beobachte
    Ussicht vom Turm öbere Lago ArenalHinder dere Wulche versteckt sich de schlafendi ArenalUngloublich gueti Tarnig ....!Ufem Wäg dur de Wald hei mr wedr Kapuziner-Äffli atroffeNatürli trifft me ou immer wedr Chüeh a 😉

    Vulkan Arenal - vernäblet

    4 gennaio 2018, Costa Rica ⋅ ⛅ 18 °C

    Üses Vulkan- u Wätter-Päch gaht witer... Mit Wind, Wulche u Räge hei mr ou de Vulkan Arenal ned chöne gseh😕. E Schlächtwätter-Front zieht übers ganze Land u dLüt da si sech dChälti gar ned gwöhnt. Mer hoffe, dass die Front gli witerzieht.
    Imene Naturschutzgebiet si mr de ga loufe u hei es paar Tier dörfe gseh u hei de schön Waud eifach gnosse. Imene natürliche warme Termal-Fluss si mr (gratis;) ga bade u hei üs entspannt🤣    Leggi altro

    Guarda la traduzione
  • Anja und TöseUf u devo ....Viaggiatore
    Wunderschöni Ussicht bim Canopy
    Canopy quer dure Urwald, cool 😉Santa Elena - Näbu-Märli-WaldUssicht ufe Vulkan Arenal - fast ganz 😆Schöni, roti KaffichriesiAm Kaffi-Chriese ärnte

    Monteverde - Santa Elena

    7 gennaio 2018, Costa Rica ⋅ ☁️ 12 °C

    Nachere verrägnete Autofahrt rund ume Lago Arenal si mr im windige u sunnige Santa Elena acho. Mer hei üs rechtig öber die Sunnestrahle gfreut, ou wenn immer na aui Iheimische am Früüre gsi si 😉. Leider eschs im Naturschutzgebiet de nümme soo sunnig gsi. Aber da mer da im Näbuwald sei, esch das gar ned so ungwöhnlich. Mer hei de traumhafti Märliwald sehr gnosse. Aber dTier hei sich sehr guet versteckt, so dass mr usser verschiedene Vögeli nume na e bruuni „Hüenervogu“-Familie entdeckt hei. Nach de lange Wanderig si mr ufe Seilbahn-Parcour gange. Höch ide Wipfle si mr dure Wald gsaust u hei herrlichi Ussichte gnosse. Am nöchste Morge si mr de ufe Kaffi-Farm. Sehr spannend gsi, die Familie-Produktion chli kennezlehre.Leggi altro

    Guarda la traduzione
  • Anja und TöseUf u devo ....Viaggiatore
    e Rägeboge-Tukan am Wägrand!
    Ñeque - es chlises Nagetierriisigi Böim met na grössere Brättwurzledie Liane si eifach coolSprung is kristallblaue Wasser 😂1Üses Zälthüsli mit em Mietauto ...

    Ricon de la Vieja - Curubandé

    9 gennaio 2018, Costa Rica ⋅ ⛅ 27 °C

    Hügeli ufe u abe si me uf meh oder weniger guete Strasse uf Curibandé gfahre. Da hei mr ufem Camping vomne Holländer 😂 es chliises Hüttli gmieted. Rund um üs flattered verschiedensti Vögu u Geckos 🦎 mäudet sich ide Nacht. Mer fühle üs ganz wohl da 😊. SWätter het sich ez ou eidütig zum bessere gwändet. Bi Sunneschi hei mr chöne i Nationalpark gah u hei es riise Glück gha vieli Tier zgseh. Als Abchüelig bim Wasserfall zbade het guet da.Leggi altro

    Guarda la traduzione
  • Anja und TöseUf u devo ....Viaggiatore
    Troumhafti Stimmig
    Sunneuntergang am GnüsseDe einzig Bsuecher bim Warte ... 😬

    Playa Grande - Salinas

    10 gennaio 2018, Costa Rica ⋅ ☀️ 32 °C

    Da ade Playa Grande leged die riesige Läder-Schildchrote jedes Jahr ihri Eier in Sand. Das Naturspektakel hei mr üs ou ned wöue la entgah. Doch leider erfolglos. Nach 6 Stund warte ide Nacht, si mr wedr heigschickt worde... Leider nüt ussergwöhnlichs. Vor 25 Jahr si da 1500 Schildchrote cho lege, letschts Jahr na knapp 12... Truurigi Zahle, wo eim scho biz zum Nachedänke bringt.
    Aber deför hei mr e wunderschöne Sunneundergang dörfe gnüsse!    Leggi altro

    Guarda la traduzione
  • Anja und TöseUf u devo ....Viaggiatore
    Ara-Projekt: E freie Ara wo wahrschinmi mal ide Station ufzoge esch worde
    Brüllaffe, wo mr grad näb de Strass atroffe heiDelfine im offne MeerZvierizit am Strande Leguan gnüssr dUssicht ufem Dach 😂eifach jede Abe ufs neue ungloublich schön!

    Sámara

    12 gennaio 2018, Costa Rica ⋅ ☀️ 23 °C

    Nachere rumpige Autofahrt dur Chiswägli u Flüss si mr in Sámara acho. Es chilises Dörfli am ne schöne Strand. Vo da us sei mir mit em Böötli ufs Meer usegfahre u hei dörfe Wale u Delfine gseh. Ungloublich die Tier so nöch zgseh! Bim Schnorchle hei mr dUnterwasserwält namau chli dörfe gseh u am Strand de wunderschön Sonneuntergang gnosse! Uf de Witerfahrt si mr na es Ara-Projekt ga bsueche. Die wunderschöne Vögu si starch bedroht u das Projekt versuecht dPopulation wedr z vergrössere.Leggi altro

    Guarda la traduzione
  • Anja und TöseUf u devo ....Viaggiatore
    Ussicht vom Campingstrand
    Üse Campingplatz 😂dTico-Familys mit ihrem ganze HuushaltUmgäbig vom HotelAm entspanne 😉E Sand voll vo Muschel-Stückli

    Santa Teresa - Malpaís

    14 gennaio 2018, Costa Rica ⋅ ☀️ 21 °C

    Über mehreri Flussdurchquerige u unzählige Schlaglöcher si mr uf Sante Teresa gfahre u hei ändlich e Camping-Platz gfunde, wo mr zu mindest ufem Parkplatz hei chöne pfuuse u trotzdäm Sicht ufs Meer gha hei. Mit zwöi Luftmatzatze ufe de Ladeflächi vo üsem PickUp hei mr e bequemi Nacht underem freie Himmu gha 😂 Lustig zum Beobachte esch gsi, wie Iheimischi-Tico-Familie ihre ganz Huushalt zum Campe mitgnah hei. Vo Chüelschrank u Gfrüüri öber Elektrohärd u rechtigi Matratzene esch aues debi gsi. U die rundliche Mamas de ganz Tag ide „Chuchi“ am wärchle u am uf dZält ufpasse😉 Mer hei de Strand gnosse u eifach usgspannt.
    Die zwöit Nacht hei mrs wedr biz komfortabler gha im me schöne Hotel mit gmüetlichem Pool in Malpaís. So hei mr die letschte zwöi Täg uf de Halbinsle Nicoya gnosse.    Leggi altro

    Guarda la traduzione
  • Anja und TöseUf u devo ....Viaggiatore
    Warte bim Streik - pura vida 😂
    Stassäsperri mit Bus und AutoFerri mit mega viel Autos!1Krokodil, wo me vonere Brugg gseht 😲

    Quepos - kei Bsuech Manuel Antonio

    15 gennaio 2018, Costa Rica ⋅ ☀️ 20 °C

    Am Morge früeh si mr in Malpais ufbroche zum uf dFähri zfahre. Doch paar Schlaglöcher witer si mr inere Kolonne vo Autos gstande. dLüt hei gstreikt u e grossi Strasseblockade gmacht, wöu si e besseri Strass wöi. Verständlich! Für üs het das gheisse me wie e Stund zwarte, im Schatte vom Auto zsitze u aues mit de Rueh znäh. Natürli hei mr de die planti Fähre verpasst u hei 2.5 Stund uf die nöchsti müesse warte. Nach de stündige Überfahrt esches ändli mal biz vorwärts gange, bis mr wäge Strassearbeite 25min wedr hei müsse warte. Si mr froh gsi, wo mr bi üsem Guesthouse acho sei. Am nöchste Tag hei mr wele i Nationalpark gah. Doch scho bim Anefahre churz nach de 7 ni hei mr hider u vor üs etlichi Autos gha. Wo mr de bim Igang dAstahschlange gseh hei, het de Töse an Turnaround gmacht. De Massetourismus esch nüt für üs... Mr hei de Tag de schliesslich gmüetlich a verschiedene Stränd verbracht.Leggi altro

    Guarda la traduzione
  • Anja und TöseUf u devo ....Viaggiatore
    1Aktobatik am wunderschöne Strand 😉
    Anstatt Wale het üs wedr mou e Tölpel bsuechtMin Held de Töse: Kokosnuss ab de Palme gholt u vo Hand ufbroche - mmmh 😋Ventanas, Fänster wo dur Wasser u Sand gformt si worde1Ide Nacht bim Teich gfundeUssicht bim Ässruum

    Uvita -Bahia Ballena

    17 gennaio 2018, Costa Rica ⋅ ☀️ 26 °C

    Uvita esch es chlises Dörfli, wo ned sehr touristisch isch. Da hei mr im ne schöne Hostel, umgäh vo Wald dörfe pfuuse. Mer hei üs namau ufe Wal-Delfin-Schnorchel-Tour begäh. Dasmal hei mr leider dWale ned gfunde, deför si etlichi Delfine vor üs umegschwumme u umegumped u bim Schnorchle hei mr vöu grossi u chlini Fisch, Seeigel, Seestärne u grossi Muschle dörfe gseh. Üs het die Unterwasserwäut ufs neue packt. Gottes Gschöpf si eifach soo kreativ!Leggi altro

    Guarda la traduzione
  • Anja und TöseUf u devo ....Viaggiatore
    e wunderschöni Raupe esch üs bim Sönnele öbere Strand gloffe
    sind die ned eifach köstlich!? Mer chönte stundelang zueluegees Quati, Nasebär, bim Fräse suechee schöne Strand zum Gnüsse1es Skorpion, 15cm, bim Nightwalke chlini Schlange, Ojo-Gato, ca. 60 cm, am Wäg zue...

    Bahia Drake

    22 gennaio 2018, Costa Rica ⋅ ☀️ 23 °C

    Nachere witere rumplige Autofahrt dur Schlamm u 6 Flüss si mr heil ar Pazifikküste da uf de Halbinsle Osa acho. Bahia Drake esches ruhigs Fläckli, zimli vo Urwald umgäh. Da huuse mr wedr mou im ne Zäut u lose de Urwaldgrüsch ide Nacht zue. Da hei mr ez ou ändli mou e Nightwalk gmacht. Mit em ne Guide si mr im Dunkle i Waud ine u hei Insekte, Spinne, Frösch, Eidechsli, Ameise, Schlange u anders gfunde. Sehr interessant, wenn ou zwöschedure biz „gfürchig“ gsi! U de hei mr üsi letschti Schnorcheltour uf üsere Reis gmacht zur Insle Caño. Da hei mr namau e Hai, Schildchrote u e Huufe Fisch dörfe bestuune.
    Das esch ez üse letschti Ort gsi, bevor mr na für ei Wuche u dFinca vo LiL göi. Ungloublich wie schnäu die Zit doch plötzli vergaht...    Leggi altro

    Guarda la traduzione
  • Anja und TöseUf u devo ....Viaggiatore
    dFila, wo die meisti Zit im Näbu versinkt
    dLaguna, wo e Otter dinne läbtWärchstätt, wo Kürs für Indianer stattfindees Rancho1Spaziergang im Rägewald rund um dFinca1am verchlinere vom ne Söili...

    Finca LiL Capi Costa Rica

    25 gennaio 2018, Costa Rica ⋅ ⛅ 24 °C

    U scho si mr am letschte Ort vo üsere 6 monatige Reis acho. Mer si ez uf de Finca vo Licht in Lateinamerika, wo de Töse vor 15 Jahr e Jahresisatz gmacht het. Für de Töse scho fascht biz es heicho ine vertrauti Umgäbig. Da dörfe mr es schöns Gästehuus bewohne u da und döt biz mithälfe, aber ou eifach dUmgäbig uskundschafte u dHängatte gnüsse. De Gedanke, dass mr i weniger aus e Wuche heireise, stimmt üs freudig ufs Wiederseh, aber ou biz truurig, dass die wärtvoll Zit scho bald verbi isch. Drum gnüsse mr die Täg da umso meh 😉Leggi altro

    Guarda la traduzione
  • Anja und TöseUf u devo ....Viaggiatore

    gli Back Home...

    29 gennaio 2018, Costa Rica ⋅ 🌙 17 °C

    Wow, scho si die 6 Mönet reise gli ume. Nöchste Mittwuch, 31.1. am 14.50 sötte mr mit de LX8037 vo San Jose mit Edelwis in Züri acho.

    Und will mr üch aui möglichscht schnäu wedr möchted gseh, si üsi Türe ade Thurgauerstrasse am Samstig, 3. Februar vo 14.00-18.00 offe, um e feine Kaffi ztinke u paar Guetzli zässe! Mer freue üs, üch bald wedr chöne z’umarme u bruche üch, um üs biz öber sbrüelende Aug ztröschte... 😉Leggi altro

    Guarda la traduzione
  • Anja und TöseUf u devo ....Viaggiatore
    Üses Gepäck parat für de Flüger...
    Es letschts Selfi im Usland 😂Üsi gmachte Kilometer in Costa Rica: öber 2000 kmIcheck-Halle in SanJoséWarte, Warte, Warte... e erprobti Kompetänz 😂

    Flughafe San José ...

    30 gennaio 2018, Costa Rica ⋅ ☀️ 23 °C

    Boa, tatsächlich nimmt ou üsi Reis es Änd. Komischs Gfühl zwösse, dass mr i biz meh wie 15 Stund wedr ide Schwiz sei...
    Mit üsem Pick Up si mr die letschte Höhemeter u Kurvene gfahre u heis zum Glöck problemlos wedr chöne abgäh! Dur de Stau si mr ez schliesslich am Flughafe glandet u warted ez, bis mr chöi ichegge...

    Emau na es riise Dankeschön a aui, wo üsi Reis im Blog mitverfolgt hei u immer mou wedr in Gedanke u im Gebät bi üs gsi sei!    Leggi altro

    Guarda la traduzione
  • Anja und TöseUf u devo ....Viaggiatore
    Üses Edelwiis-Flugi am Warte bis es cha Abflüge
    Zmorge im Flugi: hmmm, Butter, Chäs u Zöpfli 😋Müed nachere unbequeme Nacht im FlugiAkunft im Flughafe Züri...

    Hola Schwiiz, hola Winterhur

    31 gennaio 2018, Svizzera ⋅ ⛅ 7 °C

    Nach em ne knapp 11stündige Flug, si mr wedr ir Schwiiz glandet. Ungloublich wie schnäu me zrugg isch u am ne völlig andere Ort. Vo Familie u Fründe si mr in Empfang gnah worde u heis gnosse, aui wedr chöne zUmarme. U ez gahts wedr as Iläbe diheime... Wösche, Poscht dureakere, Wohnig iruume und und und... Aber das aues ganz tranquilo 😊
    Esch e ungloublichi schlniZit gs, wo me hei dörfe erläbe u wärde na lang devo verzöue u devo tröime! Gott het üs riich beschänkt u vorauem beschötzt!
    Danke fürs mitverfolge. U wenn dr meh wöit ghöre u gseh, de dörf me
    üs gärn ilade 😉 Mer freue üs üch aui bald emal wedr dörfe zgseh. U ned vergässe, am Samstig isch Offni Türe bi üs vo 14.00-18.00.

    The End.... oder doch de Afang? 🤔    Leggi altro

    Guarda la traduzione
    Fine del viaggio
    30 gennaio 2018