Uf u devo .... | FindPenguins

最新のものから

Uf u devo ....旅行者

Vulkan Arenal - vernäblet
2018年1月4日, コスタリカ ⋅ ⛅ 18 °C
Üses Vulkan- u Wätter-Päch gaht witer... Mit Wind, Wulche u Räge hei mr ou de Vulkan Arenal ned chöne gseh😕. E Schlächtwätter-Front zieht übers ganze Land u dLüt da si sech dChälti gar ned gwöhnt. Mer hoffe, dass die Front gli witerzieht.
Imene Naturschutzgebiet si mr de ga loufe u hei es paar Tier dörfe gseh u hei de schön Waud eifach gnosse. Imene natürliche warme Termal-Fluss si mr (gratis;) ga bade u hei üs entspannt🤣もっと詳しく
翻訳をご覧ください
旅行者Tuet üs also scho leid, dass ihr grad so Päch mit em Wätter händ. Mir hoffed, eui Auge gsehnd defür Sache wo mer Suscht viellicht eher übersieht will mer uf grösseri Sache konzentriert isch. De Frosch isch es super Bsp. Eifach krass, wie perfekt sich so es Tierli id Natur iifüege chann.
2018/01/07返信する
Da habe ich für euch wieder einen "heißen" Tipp für kalte Tage in der alten Welt, LG Kurt https://www.google.de/search?q=bagno di petriol…
2018/01/07返信する
旅行者Der Frosch isch scho cool! Hoffe fescht, das die Wüest-Wätter-Front bau verbii isch, u dir das Land doch no bi schön Wätter dörft erkunde! Heits guet! glg Syle
2018/01/08返信する
0いいね
Uf u devo ....旅行者

Monteverde - Santa Elena
2018年1月7日, コスタリカ ⋅ ☁️ 12 °C
Nachere verrägnete Autofahrt rund ume Lago Arenal si mr im windige u sunnige Santa Elena acho. Mer hei üs rechtig öber die Sunnestrahle gfreut, ou wenn immer na aui Iheimische am Früüre gsi si 😉. Leider eschs im Naturschutzgebiet de nümme soo sunnig gsi. Aber da mer da im Näbuwald sei, esch das gar ned so ungwöhnlich. Mer hei de traumhafti Märliwald sehr gnosse. Aber dTier hei sich sehr guet versteckt, so dass mr usser verschiedene Vögeli nume na e bruuni „Hüenervogu“-Familie entdeckt hei. Nach de lange Wanderig si mr ufe Seilbahn-Parcour gange. Höch ide Wipfle si mr dure Wald gsaust u hei herrlichi Ussichte gnosse. Am nöchste Morge si mr de ufe Kaffi-Farm. Sehr spannend gsi, die Familie-Produktion chli kennezlehre.もっと詳しく
翻訳をご覧ください
0いいね
Uf u devo ....旅行者
 1
Ricon de la Vieja - Curubandé
2018年1月9日, コスタリカ ⋅ ⛅ 27 °C
Hügeli ufe u abe si me uf meh oder weniger guete Strasse uf Curibandé gfahre. Da hei mr ufem Camping vomne Holländer 😂 es chliises Hüttli gmieted. Rund um üs flattered verschiedensti Vögu u Geckos 🦎 mäudet sich ide Nacht. Mer fühle üs ganz wohl da 😊. SWätter het sich ez ou eidütig zum bessere gwändet. Bi Sunneschi hei mr chöne i Nationalpark gah u hei es riise Glück gha vieli Tier zgseh. Als Abchüelig bim Wasserfall zbade het guet da.もっと詳しく
翻訳をご覧ください
旅行者So schön ☀️ Ich gönne euch das Wetter und die schönen Erlebnisse. Gott ist schon kreativ bei seiner Schöpfung - nicht nur bei uns Menschen. Sind gsägnet.
2018/01/12返信する
旅行者Mega schön, di Tier, i stuune über di krasse Farbe vom Vogu! Aber ganz cool fingi öies Hüttli, fasch chliiner aus z Outo:-) Heits guet u gniessets witerhin!
2018/01/12返信する
旅行者 Des isch jo herzig. S Auto grösser wie des Zält.
2018/01/28返信する
0いいね
Uf u devo ....旅行者

Playa Grande - Salinas
2018年1月10日, コスタリカ ⋅ ☀️ 32 °C
Da ade Playa Grande leged die riesige Läder-Schildchrote jedes Jahr ihri Eier in Sand. Das Naturspektakel hei mr üs ou ned wöue la entgah. Doch leider erfolglos. Nach 6 Stund warte ide Nacht, si mr wedr heigschickt worde... Leider nüt ussergwöhnlichs. Vor 25 Jahr si da 1500 Schildchrote cho lege, letschts Jahr na knapp 12... Truurigi Zahle, wo eim scho biz zum Nachedänke bringt.
Aber deför hei mr e wunderschöne Sunneundergang dörfe gnüsse!もっと詳しく
翻訳をご覧ください
0いいね
Uf u devo ....旅行者

Sámara
2018年1月12日, コスタリカ ⋅ ☀️ 23 °C
Nachere rumpige Autofahrt dur Chiswägli u Flüss si mr in Sámara acho. Es chilises Dörfli am ne schöne Strand. Vo da us sei mir mit em Böötli ufs Meer usegfahre u hei dörfe Wale u Delfine gseh. Ungloublich die Tier so nöch zgseh! Bim Schnorchle hei mr dUnterwasserwält namau chli dörfe gseh u am Strand de wunderschön Sonneuntergang gnosse! Uf de Witerfahrt si mr na es Ara-Projekt ga bsueche. Die wunderschöne Vögu si starch bedroht u das Projekt versuecht dPopulation wedr z vergrössere.もっと詳しく
翻訳をご覧ください
1いいね
Uf u devo ....旅行者

Santa Teresa - Malpaís
2018年1月14日, コスタリカ ⋅ ☀️ 21 °C
Über mehreri Flussdurchquerige u unzählige Schlaglöcher si mr uf Sante Teresa gfahre u hei ändlich e Camping-Platz gfunde, wo mr zu mindest ufem Parkplatz hei chöne pfuuse u trotzdäm Sicht ufs Meer gha hei. Mit zwöi Luftmatzatze ufe de Ladeflächi vo üsem PickUp hei mr e bequemi Nacht underem freie Himmu gha 😂 Lustig zum Beobachte esch gsi, wie Iheimischi-Tico-Familie ihre ganz Huushalt zum Campe mitgnah hei. Vo Chüelschrank u Gfrüüri öber Elektrohärd u rechtigi Matratzene esch aues debi gsi. U die rundliche Mamas de ganz Tag ide „Chuchi“ am wärchle u am uf dZält ufpasse😉 Mer hei de Strand gnosse u eifach usgspannt.
Die zwöit Nacht hei mrs wedr biz komfortabler gha im me schöne Hotel mit gmüetlichem Pool in Malpaís. So hei mr die letschte zwöi Täg uf de Halbinsle Nicoya gnosse.もっと詳しく
翻訳をご覧ください
0いいね
Uf u devo ....旅行者
 1
Quepos - kei Bsuech Manuel Antonio
2018年1月15日, コスタリカ ⋅ ☀️ 20 °C
Am Morge früeh si mr in Malpais ufbroche zum uf dFähri zfahre. Doch paar Schlaglöcher witer si mr inere Kolonne vo Autos gstande. dLüt hei gstreikt u e grossi Strasseblockade gmacht, wöu si e besseri Strass wöi. Verständlich! Für üs het das gheisse me wie e Stund zwarte, im Schatte vom Auto zsitze u aues mit de Rueh znäh. Natürli hei mr de die planti Fähre verpasst u hei 2.5 Stund uf die nöchsti müesse warte. Nach de stündige Überfahrt esches ändli mal biz vorwärts gange, bis mr wäge Strassearbeite 25min wedr hei müsse warte. Si mr froh gsi, wo mr bi üsem Guesthouse acho sei. Am nöchste Tag hei mr wele i Nationalpark gah. Doch scho bim Anefahre churz nach de 7 ni hei mr hider u vor üs etlichi Autos gha. Wo mr de bim Igang dAstahschlange gseh hei, het de Töse an Turnaround gmacht. De Massetourismus esch nüt für üs... Mr hei de Tag de schliesslich gmüetlich a verschiedene Stränd verbracht.もっと詳しく
翻訳をご覧ください
旅行者Ou ihr Arme tüend eu grad gewaltig in Geduld übe...😬 Wie häsch du amigs gseit Töse, wo du vo dim erschte Costa-Rica-Trip (na ohni Anja) zrugg cho bisch? „Tranqilla“ oder so ähnlich? Uf jede Fall ganz im Sinn vo „take it easy“ 😅
2018/01/19返信する
旅行者 Krass.
2018/01/28返信する
0いいね
Uf u devo ....旅行者
1
1
Uvita -Bahia Ballena
2018年1月17日, コスタリカ ⋅ ☀️ 26 °C
Uvita esch es chlises Dörfli, wo ned sehr touristisch isch. Da hei mr im ne schöne Hostel, umgäh vo Wald dörfe pfuuse. Mer hei üs namau ufe Wal-Delfin-Schnorchel-Tour begäh. Dasmal hei mr leider dWale ned gfunde, deför si etlichi Delfine vor üs umegschwumme u umegumped u bim Schnorchle hei mr vöu grossi u chlini Fisch, Seeigel, Seestärne u grossi Muschle dörfe gseh. Üs het die Unterwasserwäut ufs neue packt. Gottes Gschöpf si eifach soo kreativ!もっと詳しく
翻訳をご覧ください
旅行者 Uuuh, so en schöne lange Stamm zum Balancieren (machi mega gern) amene so schöne Strand, wür mi also au grad gluschte. Chumm scho grad echli Fernweh über...😍😅
2018/01/19返信する
旅行者 Jöö den haben wir immer gesucht. Fantastisch !!! 💖
2018/01/28返信する
0いいね
Uf u devo ....旅行者
 1
Reserva Indigena Guaymí de Osa
2018年1月20日, コスタリカ ⋅ 🌬 10 °C
Uf de Halbinsle Osa hei mr dörfe es Indianerreservat vo de Guaymí ga bsueche. DSchwiizerin Daniela wohnt döte mit ihrem indigene Ehema Esteban u ihrne drü Chind. Mer hei zwöi Täg biz is Läbe vo ihne dörfe ineluege. Sehr spannend u erläbnisriich gsi, es biz vom ne indigene Läbe mitzbecho.もっと詳しく
翻訳をご覧ください
3いいね
Uf u devo ....旅行者
 1
Bahia Drake
2018年1月22日, コスタリカ ⋅ ☀️ 23 °C
Nachere witere rumplige Autofahrt dur Schlamm u 6 Flüss si mr heil ar Pazifikküste da uf de Halbinsle Osa acho. Bahia Drake esches ruhigs Fläckli, zimli vo Urwald umgäh. Da huuse mr wedr mou im ne Zäut u lose de Urwaldgrüsch ide Nacht zue. Da hei mr ez ou ändli mou e Nightwalk gmacht. Mit em ne Guide si mr im Dunkle i Waud ine u hei Insekte, Spinne, Frösch, Eidechsli, Ameise, Schlange u anders gfunde. Sehr interessant, wenn ou zwöschedure biz „gfürchig“ gsi! U de hei mr üsi letschti Schnorcheltour uf üsere Reis gmacht zur Insle Caño. Da hei mr namau e Hai, Schildchrote u e Huufe Fisch dörfe bestuune.
Das esch ez üse letschti Ort gsi, bevor mr na für ei Wuche u dFinca vo LiL göi. Ungloublich wie schnäu die Zit doch plötzli vergaht...もっと詳しく
翻訳をご覧ください
旅行者Liebi Anja, Liebe Töse Ihr händ en riisige Rucksack a Erinnerige dörfe sammle i de vergangene Mönet. A dere Stell isches mir es Bedürfnis eu emal „Danke“ z‘säge, dass ihr eus a all dene Erläbnis uf dem Wäg Anteil gä händ und mir eu in Gedanke händ chönne begleite. Danke für all die viele wunderschöne Bilder und dass du (Anja) dir Ziit gno häsch zum eus die jewiilige Erläbnis dezue ufzschriibe. Vo ganzem Herze wünsched mir eu e letschti gueti Wuche zum Usklang vo euem grosse Abentür. Wie sind mir dankbar, hät Gott sini Hand i dere Ziit schützend und sägnend über eu gha. Mögi Er eu wieder uf di so ganz anderi Wält Diheime vorbereite. Herzlichi Grüessli vo Däni, Dani und glaub no ganz viel vo eune „Verfolger“...😉
2018/01/24返信する
旅行者 😳Ui gut sind ihr nit dri gstande
2018/01/28返信する
0いいね
Uf u devo ....旅行者
 1 1
Finca LiL Capi Costa Rica
2018年1月25日, コスタリカ ⋅ ⛅ 24 °C
U scho si mr am letschte Ort vo üsere 6 monatige Reis acho. Mer si ez uf de Finca vo Licht in Lateinamerika, wo de Töse vor 15 Jahr e Jahresisatz gmacht het. Für de Töse scho fascht biz es heicho ine vertrauti Umgäbig. Da dörfe mr es schöns Gästehuus bewohne u da und döt biz mithälfe, aber ou eifach dUmgäbig uskundschafte u dHängatte gnüsse. De Gedanke, dass mr i weniger aus e Wuche heireise, stimmt üs freudig ufs Wiederseh, aber ou biz truurig, dass die wärtvoll Zit scho bald verbi isch. Drum gnüsse mr die Täg da umso meh 😉もっと詳しく
翻訳をご覧ください
LiebeAnja, lieber Töse, hier läuft gerade ein Song von Johannes Oerding in allen Sendern: Wir haben viel Erlebt. Ne Geschichte die uns ewig bleibt. Und haben viel Gesehen. Dass es gut für Hundert Leben reicht. Ohne unser Gestern würd ich mich heut nicht so auf morgen freuen. Ist es nicht das, was zählt. Eine Zeit, die gut für Hundert Leben reicht. (Textauszug, Hundert Leben) In diesem Sinne euch alles Gute ! Kurt
2018/01/26返信する
Hallo zäme! Wünsche öich ganz e guete Abschluss vo öiere Reis, gniesset no di letschte Täg! I fröie mi öich gli ume einisch "richtig" z`gse! Heits no guet u bhüet öich Gott! e dicki Umarmig u ganz liebi Grüess, Syle
2018/01/26返信する
旅行者Liebä Thomas, liebi Anja gnüssed no eui letschtä Tage in Costa Rica. Vor 15 Jahr han au ich das Land därfä bsuechä und äs isch eifach genial gsi. Dä Thomas isch au dänn dä Reiseführer gsi. Ich froiä mich fest uf eui Rückkehr id schwiiz. No ä grossi umarmig und bis bald. Dini schwöster und Schwägerin Barbara 🤗
2018/01/27返信する
2以上のコメント
0いいね
Uf u devo ....旅行者
4
letschti Täg uf de Finca
2018年1月28日, コスタリカ ⋅ ⛅ 18 °C
旅行者 Fascht perfekt das Bild; fählt nu na öpis 😉
2018/01/29返信する
Meint der Stephan etwa: Schönes, allein gekostet, tut weh. Ohne das "Weißt du noch?" im Gepäck kommen wir von den meisten Reisen arm zurück (Sigmund Graff 1898 - 1979 deutscher schriftsteller)
2018/01/29返信する
...die lieben Grüße dazu von Kurt !
2018/01/29返信する
2以上のコメント
1いいね
Uf u devo ....旅行者
gli Back Home...
2018年1月29日, コスタリカ ⋅ 🌙 17 °C
Wow, scho si die 6 Mönet reise gli ume. Nöchste Mittwuch, 31.1. am 14.50 sötte mr mit de LX8037 vo San Jose mit Edelwis in Züri acho.

Und will mr üch aui möglichscht schnäu wedr möchted gseh, si üsi Türe ade Thurgauerstrasse am Samstig, 3. Februar vo 14.00-18.00 offe, um e feine Kaffi ztinke u paar Guetzli zässe! Mer freue üs, üch bald wedr chöne z’umarme u bruche üch, um üs biz öber sbrüelende Aug ztröschte... 😉もっと詳しく
翻訳をご覧ください
Dankä für d`Iiladig ;-), sÄntli
2018/01/26返信する
Danke ou für d`Iladig! Lg, Syle
2018/01/27返信する
旅行者Viele dank für all die Berichte !!! Und d Iladig-. Coole Idee - mir freuet üs, dass ihr wieder hei chöme. Gusti Reis un än gsägnete Istieg. LG Karin 🤗
2018/01/28返信する
旅行者Ganz es gsägnets Abschid näh und e grossi Freud zum wieder Hei cho 😁 Bis bald...🍺
2018/01/28返信する
0いいね
Uf u devo ....旅行者

Flughafe San José ...
2018年1月30日, コスタリカ ⋅ ☀️ 23 °C
Boa, tatsächlich nimmt ou üsi Reis es Änd. Komischs Gfühl zwösse, dass mr i biz meh wie 15 Stund wedr ide Schwiz sei...
Mit üsem Pick Up si mr die letschte Höhemeter u Kurvene gfahre u heis zum Glöck problemlos wedr chöne abgäh! Dur de Stau si mr ez schliesslich am Flughafe glandet u warted ez, bis mr chöi ichegge...

Emau na es riise Dankeschön a aui, wo üsi Reis im Blog mitverfolgt hei u immer mou wedr in Gedanke u im Gebät bi üs gsi sei!もっと詳しく
翻訳をご覧ください
Liebe Anja, lieber Töse, danke, daß ich euren Trip mit erleben konnte ! Liebe Grüße und einenText für euch zum guten Ende, Kurt. "Am Ende die Rechnung. Einmal wird uns gewiss die Rechnung präsentiert für den Sonnenschein und das Rauschen der Blätter, die sanften Maiglöckchen und die dunklen Tannen, für den Schnee und den Wind, den Vogelflug und das Gras und die Schmetterlinge, für die Luft, die wir geatmet haben, und den Blick auf die Sterne und für all die Tage, die Abende und die Nächte. Einmal wird es Zeit, dass wir aufbrechen und bezahlen; bitte die Rechnung. Doch wir haben sie ohne den Wirt gemacht: Ich habe euch eingeladen, sagt der und lacht, so weit die Erde reicht: Es war mir ein Vergnügen! (Lothar Zenetti, geb. 1926)"
2018/01/31返信する
0いいね
Uf u devo ....旅行者

Hola Schwiiz, hola Winterhur
2018年1月31日, スイス ⋅ ⛅ 7 °C
Nach em ne knapp 11stündige Flug, si mr wedr ir Schwiiz glandet. Ungloublich wie schnäu me zrugg isch u am ne völlig andere Ort. Vo Familie u Fründe si mr in Empfang gnah worde u heis gnosse, aui wedr chöne zUmarme. U ez gahts wedr as Iläbe diheime... Wösche, Poscht dureakere, Wohnig iruume und und und... Aber das aues ganz tranquilo 😊
Esch e ungloublichi schlniZit gs, wo me hei dörfe erläbe u wärde na lang devo verzöue u devo tröime! Gott het üs riich beschänkt u vorauem beschötzt!
Danke fürs mitverfolge. U wenn dr meh wöit ghöre u gseh, de dörf me
üs gärn ilade 😉 Mer freue üs üch aui bald emal wedr dörfe zgseh. U ned vergässe, am Samstig isch Offni Türe bi üs vo 14.00-18.00.

The End.... oder doch de Afang? 🤔もっと詳しく
翻訳をご覧ください
旅行者Willkomme zrugg 😁 Schön, dass alles so guet klapped hät und Ihr wohlbehalte wieder da sind. Es guets Iläbe und en guete Start.
2018/02/01返信する
dä Momänt wo dir um de Eggä cho sit, isch eifach schön gsii. Dankä für au diä Brichtä u Föteli. s`Äntli
2018/02/03返信する
0いいね


旅行の終了
2018年1月30日