Uf u devo ....

Uma 183aventura de um dia na Anja und Töse Leia mais

Seguir Resumo Calendário Fotos Compartilhar

Os mais novos primeiro

Uf u devo ....Viajante
1
Pucallpa - Cashibo
10 de novembro de 2017, Peru ⋅ ⛅ 28 °C
Nach ere Minibüsli-Fahrt si mr in Cashibo bir Mission Suiza abglade worde. Das esch ebefalls e Station vo Indicamino. Si füered e Bibelschuel für die indigen Bevölkerig. Wo mr acho sei, hei mr grad as Abschlussfest vo de Studänte chöne. Die hei nach 4 x 4 Mönet Studium dörfe abschlüsse. U dasch mit singe u ässe gebürig gfiired worde! U de esches da zimli ruhig worde, da aui zrögg i ihri Dörfer gange sei. Ou mer hei na es indigens Dörfli dörfe ga bsueche, wo ned wit wäg esch vo da. Mit em ne Böötli si mr ar Cocha abholt worde u as andere Ufer gruederet worde 😊 sBöötli hetti zwar e Motor gha, aber üsi Chaffeurin het ned gwösst wie bediene😊. Esch spannend gsi mau e Iblick zbecho!
Hei au dGlägeheit gha mit SAM, ere Missionsgsellschaft us Amerike wo Flüg i Urwald macht, e churze Rundflug zmache. U dasmal isches ou niemerem schlächt worde 😉
Sösch dörfe mers da im Gästehuus eifach chli gnüsse u gaaanz vöu Mangos schlemmere -mmmmmh 😋Leia mais
Ver tradução
Viajante Wahnsinn 😜 so viele Bananen 🍌
28/11/2017Responder
0 curtidas
Uf u devo ....Viajante
Zwöschehalt in Huanuco
17 de novembro de 2017, Peru ⋅ ⛅ 25 °C
Nach 7 Stund z5. - 6. 😉 im ne normale Autöli, si mr in Huanuco mit Füdliweh usgstiege u hei üs im Hotel vo de Strapaze erholt..!
Ver tradução
0 curtidas
Uf u devo ....Viajante
1 2
Huaraz - Cordillera Blanca
18 de novembro de 2017, Peru ⋅ ⛅ 25 °C
Da in Huaraz treffed sich aui Wander-Touriste vo Südamerika. Ou mer hei üs natürlich dezue gsellt u zwöi wunderschöni Wandertäg ide Cordillera Blanca verbracht. Die Bärgchetti bestaht us fascht nume 6000iger Bärge, öber 200 Gletscher u unzähligi Gletschersee, wo im schönschte blau strahled!Leia mais
Ver tradução
Viajante Ihr habt ja ein geniales Höhentraining so auf 4000 Metern. Spührt man die Höhe sehr oder habt ihr euch schon so dran gewöhnt?
22/11/2017Responder
Hallo ihr zwei, jetzt kommt ihr dem Chimborazo immer näher, wir haben ihn auch schon bestiegen ;-) https://nonnenhofmussleben.wordpress.com/2015/0… Liebe Grüße aus Stuttgart, Kurt
22/11/2017Responder
Viajante Mit Hilf vo Tablette merk zu mindest ig dHöchi nume no bim Schnufe 😊Aber mer hei scho sGfühl, dass me sich biz dra cha gwöhne.
22/11/2017Responder
2 mais comentários
0 curtidas
Uf u devo ....Viajante
1
Trujillo
21 de novembro de 2017, Peru ⋅ ⛅ 19 °C
Mit Magedarm-Problem hei mr Trujillo nume zum Teil chöne gnüsse... 😐
Ide Stadt hets na vieli Kolonial-Gebäude u rund um Trujillo hets vili Ruine vo früenere Zite.
Huacas si Tempel wo öbe 2000 Jahr alt sei. Die si us Lehm u Sand baut u bis hüt nume e chline Teil usgrabe worde.
ChanChan isch 1500 Jahr alt. Das esch e grossi Stadt gsi für 35'000 Lüt. Aui Muure, Hüser u Tempel ebefalls us Lehm baut u wonderschön verziert.
Mer hoffe, dass sich üsi gsundheitliche Problem gli löse u göi wedr chli is Hochland 😉Leia mais
Ver tradução
Viajante Irre. 👍🏼
13/12/2017Responder
0 curtidas
Uf u devo ....Viajante
Chachapoyas - Kuélap
24 de novembro de 2017, Peru ⋅ ☀️ 21 °C
Met em ne laange Nachtbus si mr wedr biz höcher ufegfahre. Da i dere Region hets unzähligi Ruine vo früenere Kulture. Die bekanntischt isch Kuélap. Biz verglichbar mit MachuPicchu aber viel weniger touristisch. Met em ne nigelnagel neue Gondelbähnli, serste in Peru, hei mr fascht bis zoberst uf 3000 müM chöne fahre. Döt hei mr dRuine vo de Kultur Chachapoya chöne bestuune u hei e wonderschöni Ussicht gnosse!
Am zwöite Tag si mr gmüetlich dur dStadt gschländeret u hei dLobby vom schöne Hotel gnosse😉Leia mais
Ver tradução
ViajanteHappy Birthday Liebi Anja! Wünsche dir aus Guete u Gottes Säge zum Geburi! Gniesses u häbets guet! Glg Syle
25/11/2017Responder
Liebi Anja
27/11/2017Responder
Genau das hani au na welle: dich (nachträglich 😜) herzlich zum Geburi z'grüesse vo eus allne 4! Sooo toll, was ihr alles chönd erlebe - wiiterhin viel Freud und wunderschöni Erlebnis wünsched mir eu beidne uf eurer spannende Reis! Herzlich, eui Sausis
27/11/2017Responder
0 curtidas
Uf u devo ....Viajante
Guayaquil - gröschti Stadt in Ecuador
27 de novembro de 2017, Equador ⋅ ⛅ 28 °C
29h Bus, Kolektivo, Lastwage u Auto fahre... Phuuu... Aber mer heis gschafft u sei in Guayaquil in Ecuador acho! Da het üses Programm gheisse e möglichst gueti u priisgünstigi Tour uf dGalapagos-Insle zsueche... Ned grad es eifachs Unterfange gsi! Als Erholig hei si mr mit em Riserad gfahre u si ar Promenade entlang gschländeret!Leia mais
Ver tradução
0 curtidas
Uf u devo ....Viajante
Montañita
29 de novembro de 2017, Equador ⋅ ⛅ 23 °C
Da am Strand vo Ecuador hei mr serscht Mal uf üsere Reis sMeer ned nume dörfe gseh, sondern au drin ga schwadere, oder besser Wälle-Gumpe 😊 Hei da zwöi entspannti Täg gnosse, ou wenn sWätter ned ganz mitgspielt het...Leia mais
Ver tradução
ViajanteLiebi Anja, liebe Töse
02/12/2017Responder
ViajanteWenn er no ä chli nördlich de Küschte entlang reised, übernachtet doch i de Hostería Mandala, in Puerto Lopez. Das isch wunderbars Hotel vo Fründe vo üs,von ere Schwiizeri und emene Italiener. Die händ das vor öppe 30 Johr aagfange ufbaue und händ äs chliises Natur Paradies gschaffe. Sie sezted sich au sehr für Natur ii und unterstützed Joroba Ballenas. I han döt über Johre immer wieder Täg-Wuche-Monät verbrocht, mit Cabañas imene über Jahrzehnte ufzogne tropische Garte. S'Esse isch au super.Naturhotel
02/12/2017Responder
ViajanteJetzt sind ihr also i minere zweite Heimat und im Land vom Wilmer aacho. Gnüsseds und wenn ihr Froge händ und Tipps wend, schriib mir doch eifach ufs Schuelmail. Lönd Ecuador grüesse vo üs und d'Maja und de Aurelio vom Mandala, falls ihr no döt hi reised. Un abrazo fuerte a los dos.
02/12/2017Responder
1 curtida
Uf u devo ....Viajante
Galapagos - Teil 1
2 de dezembro de 2017, Equador ⋅ ⛅ 21 °C
Nach langem hi und här hei mr üs entschiede, e Cruise ide Galapagosinslene znäh! So esches mit em Flugi zerst uf dInsle Baltra gange, wo mr vom Guide Carlos abgholt worde sei. U de esch scho ei Höhepunkt cho. Mer hei uf de Insle Santa Cruz dRiesrschildchröt vo sooo nöch dörfe gseh! Eifach gigantisch😊
Denn isches ab ufs Schiff gange. 8 Kabine für 16 Lüt, es Sunnedeck, e Äss - u Ufenthaltsruum. Aues perfekt wie me sech das so vorstellt 😊 Mit däm si mr meistens ide Nacht witergfahre u hei so unterschiedlichsti Inslene u Tier dörfe gseh. Ga schnorchle si mr ou fast jede Tag u hei so vo de faszinierende Unterwasserwält chli öbis dörfe gseh. Die Inslene si wörkli eimalig! So nöch a wild läbende Tier cha me gloub sösch niene si!Leia mais
Ver tradução
ViajanteIch glaube fascht ihr zwei händ da en ganz bsundere Höhepunkt vo euere Reis dörfe erläbe wo Freud, Neus entdecke und bestuune imene sichere, plante Rame au innerlich loslah und entspanne möglich macht. Mir freued eus fescht mit eu und euses Herz schlaht höcher bim vertraute Ablick vo de Riiseschildchrote und Wasserschildchrote. Es erinneret üs a ganz bsunders schöni Augeblick uf de Seychellen. Bhüet eu Gott wiiterhin und danke für eues Ateil gä. E dicki Umarmig vo Däni & Dani
11/12/2017Responder
0 curtidas
Uf u devo ....Viajante
Galapagos - Teil 2
3 de dezembro de 2017, Equador ⋅ ⛅ 21 °C
0 curtidas
Uf u devo ....Viajante
2
Galapagos - Teil 3
4 de dezembro de 2017, Equador ⋅ ⛅ 21 °C
Viajante Da chunnt mir grad s‘Chinderlied 🎶„Ich wär gärn en Schmetterling... en Kuschelwuschelbär“🎶 in Sinn mit ere Äxtrastrophe für‘d Anja mit em „friedlich, gmüetliche Seeleu“. 😘
11/12/2017Responder
Viajante 👍🏼😘
25/12/2017Responder
0 curtidas
Uf u devo ....Viajante
Galapagos - Teil 4
5 de dezembro de 2017, Equador ⋅ ⛅ 26 °C
Seelöie gits da a fast jedem Ort. Wo mr höt sei gah bade het üs sogar es Männli de Schatteplatz gchlaut. Tapsig isch er de Strand ufe gwaschlet, under de Hängematte dure u het sech underem Schattedach breit gmacht. Unglaublich 😀Leia mais
Ver tradução
0 curtidas
Uf u devo ....Viajante
1
1 1 1
Galapagos - Teil 5
6 de dezembro de 2017, Südsee ⋅ ⛅ 25 °C
Viajantewow, so cool, au di Tier vo so nöchem... u der Sprung is Wasser, super Foto! Gniessers witerhin! Grüessli us em wiise Ämmitau, Syle
10/12/2017Responder
Viajante 👍🏼😊
13/12/2017Responder
Viajante 👍🏼
13/12/2017Responder
2 mais comentários
0 curtidas
Uf u devo ....Viajante
1
Galapagos - Teil 6
8 de dezembro de 2017, Südsee ⋅ 🌙 21 °C
dUnterwasserwält het üs mega begesitered!!! Es isch eifach spannend zgseh, wie kreativ Gott all die Fisch gstaltet het! Es bsunders ERläbnis ischs Schnorchle mit Haie, Pinguin und Schildchrote gsi.
Ver tradução
Viajante Unglaublich!! Wahnsinn!
25/12/2017Responder
0 curtidas
Uf u devo ....Viajante
Galapagos - Teil 7 - Schiff
9 de dezembro de 2017, Equador ⋅ ⛅ 24 °C
Uf däm schöne Boot Galaxy hei mr 8 Täg verbracht mitere 9-chöpfige Crew. Bsunders Sunnedeck u sfeine vielsitige Ässe hei mr sehr gnosse !
Ver tradução
ViajanteCooli Yacht, u wunderschöni Unterwasser Fotos! Lg Syle
12/12/2017Responder
0 curtidas
Uf u devo ....Viajante
Riobamba - Chimborazo
11 de dezembro de 2017, Equador ⋅ ☁️ 7 °C
Nach de traumhafte Tierwält uf Galapagos si mr wedr biz id Bärge. Es zieht üs eifach emmer wedr da ane 😉.
Vo Riomamba us hei mr e Mountainbike-Tour uf em Chimborazo (6268 m.ü.M.) gmacht. Das esch de höchschti Bärg in Ecuador u schins de Gipfel, wo am witiste wit wäg isch vom Ärdmittelpunkt...! Mit em Auto si mr bis öbe 4800 ufe gfahre u de na bis 5100 witer ufe gloffe. Da si mr doch zimli is Schnufe cho bi dere dünne Luft. E churzi Zit hei mr sogar na de Gipfel dörfe gseh 😊. U de esches ab uf Bikes u dur wunderschöni Landschafte wedr 40km uf 2700 müM abe. Es unglaublichs schöns Erläbnis gsi!!!Leia mais
Ver tradução
ViajanteWow, da hätti ou mitgmacht, mitem Bike z`Loch ab:-) Lg Syle
12/12/2017Responder
0 curtidas
Uf u devo ....Viajante
1
Baños - Abentüür-Paradies
13 de dezembro de 2017, Equador ⋅ ⛅ 24 °C
In Ecuador si dDistanze zum Glück wedr biz chürzer. So si mr ned mal 2h witer Rechtig Nord-Oste gfahre bis uf Baños. Es rechtig gmüetlichs Städtli, wo voll isch mit Abentür-Agebot. Mer hei üs de es Velo gschnappt u si im Tal de Wasserfall-Route nache. Unterwägs si mr mit de Ziplines gfloge u mit em ne Tarabita (grosse Chorb zum dristah) öber em Tal gschweppt 😊 Hoch uf de Ross si mr de na ines anders Tal ine u hei e gmüetliche Usritt gnosse!
Das Städtli liit am Fuess vom ne aktive Vulkan. Drum hets ou Termalquelle da. So hei mr jede Abig es entspannends Bad gnah u üs mit Massage verwöhne lah 😉.Leia mais
Ver tradução
hi hi hi dr Töse ufem Ross ;-) s`Äntli
18/12/2017Responder
Viajante Chamer wohl säge 😉
18/12/2017Responder
1 curtida
Uf u devo ....Viajante
Quito - Hauptstadt vo Ecuador
16 de dezembro de 2017, Equador ⋅ ☀️ 20 °C
Da mer nümme aui Zit vor Wäut hei, si mr uf diräktem Wäg mit em Bus uf Quito gfahre. vo da här hei mr e Usflug uf Otavalo gmacht. Döte esch e riisige Märt met aues typische Sache. Hetti na Platz im Koffer, hetti gaaanz
vöu chöne zämechaufe (Anja) 😉
Am zwöite Tag si mr a Äquator/ Midad del Mundo gfahre. Da hei mr mit idröckliche chline Experimänt chöne de Äquator u die zueghörige „Chräft“ erläbe. Sehr idröcklich gsi! Natürli si me de ou na dInnestadt vo Quito mit de unzählige Chilene u wunderschöne Gebäude ga aluege!
Das esch ez de letschti Stopp in Südamerika gsi. Bald flüge mr los uf Pamama!Leia mais
Ver tradução
Viajanteextrem mit däm ei u der senkrechte aziehigschraft... de e guete flug uf panama! Lg, syle
18/12/2017Responder
Es wird Weihnachten in Südamerika - und Anja und Töse, wo sind sie ? https://www.youtube.com/channel/UClqYgJyT51vGS2… Frohes Fest ! Grüße aus Stuttgart, Kurt
22/12/2017Responder
0 curtidas
Uf u devo ....Viajante
Panama City - Mittelamerika
18 de dezembro de 2017, Panamá ⋅ ⛅ 31 °C
Mit em Flugi si mr öber Bogota uf Panamá City gfloge. In Mittelamerika acho het üs tropischs Wätter im Empfang gnah. I drü Täg Panama hei mr dStadt erkundet, die riise Shopping-Mall Albrook kenneglehrt, de Panamakanal bestuunt u im Park Tier im Wald gsuecht. E Millione Stadt, wo us unterschidlichste Teil bestaht!Leia mais
Ver tradução
Oooh wie schön ist Panama http://blogs.bethel.k12.or.us/kpetty/files/2011… und FELIZ NAVIDAD ! Kurt
24/12/2017Responder
ViajanteDanke Kurt, an das gleiche haben wir auch gedacht als wir dort waren :-)
28/12/2017Responder
0 curtidas
Uf u devo ....Viajante
Feliz Navidad !!!
24 de dezembro de 2017, Panamá ⋅ ⛅ 11 °C
Mer wönsched üch aune es friedlichs Fest mit Familie u Fründe! Jesus hets verdient, so rechtig gfiire zwärde!
Mer verbringe die Täg das Jahr ir Karibik in Panamá u gnüssed dRueh da! Zum Glück cha me Wiehnachte ja ou am andere Ändi vor Wält am Meer fiire 😂Leia mais
Ver tradução
Viajantemir hei hüt aus Familie Wiehnachte gfiiret u si zum Znacht im Skidress go brätle:-) gniessets u heits guet! Glg, Syle
25/12/2017Responder
0 curtidas
Uf u devo ....Viajante
Bocas del Toro
25 de dezembro de 2017, Panamá ⋅ ⛅ 0 °C
Mer hei dWiehnachtstäg da ar Karibik gnosse. Anstatt Guetzli bache, umehetze, choche, Päckli uspacke hat üses Programm gheisse bade am Strand, fein ga ässe, schnorchle, Böötli fahre u entspanne 😉 Mit Bekannte us de Schwiiz, wo mr da per „Zuefall“ troffe hei, hei mr de HeiligAbe verbracht. Mau ganz anders Wiehnachte da...Leia mais
Ver tradução
ViajanteWie wunderschön! ☀️ Chann mir aber gliich nid vorstelle, dass da 😎 Wiehnachtsstimmig ufchunnt...😅 Viel Spass bim Gnüsse mitenand.
25/12/2017Responder
Wiehnachte mau angers! Isch ja ou mau cool! Gniessets witerhin! Glg syle
28/12/2017Responder
0 curtidas
Uf u devo ....Viajante
COSTA RICA - Cahuita
26 de dezembro de 2017, Costa Rica ⋅ ⛅ 29 °C
Und scho si mr i üsem Zielland acho. Motto da: Pura Vida! U das „Läbe“ hei mr in Cahuita ou rechtig gnosse. A schöne Stränd si mr ga Wäue gumpe u im Nationalpark ga Tier beobachte. Brüllaffe hei üs am Morge gweckt u Kapuziner-Äffli si uf üsem Dach umegumpet. Sogar e chline Kaiman het sich de Teich vom Hotelgländ aus dihei usgsuecht. E gmüetliche, tierriche Ort!Leia mais
Ver tradução
Viajante👍🏼💖 🇨🇷
05/01/2018Responder
1 curtida
Uf u devo ....Viajante
Tortuguero
30 de dezembro de 2017, Costa Rica ⋅ ⛅ 26 °C
Met paar Mal umstiege u ere stündige Bootsfahrt si mr in Tortuguero acho. Es chlises Dörfli ade Karibik, wo bekannt isch, da dSchildchrote da jedes Jahr ihri Eier chöme i Sand cho lege. Aber leider isch die Saison scho verbi.
U au aui üsi Plän si is Wasser gheit. Es het grägnet wie nüt, so das üsi Böötli Tour u de Jungel-Walk ned stattgfunde het. So hets gheisse id Hängematte liege u chille...Leia mais
Ver tradução
0 curtidas
Uf u devo ....Viajante
San José
31 de dezembro de 2017, Costa Rica ⋅ 🌧 21 °C
Üse letschti Tag vom Jahr 2017 hei mr in San José verbracht, de Hauptstadt vo Costa Rica. Am Namitag hei mr de ou mau na bemerkt, dass ja Silvester isch 😂 Üses Silvesterässe hei mr ir mexikanische Fastfood-Chetti TacoBell verbracht u de Mitternaht verschlafe😂 Am 1. Januar esch dStadt se zimli ruhig gsi u fast aues gschlosse. So hei mr e ruhige Jahres-Start gha u hei dZit mit umeschländere, im Park höckle u käffele verbracht 😊 I dämsinn aune es ruhigs Neusjahr & pura vida!!Leia mais
Ver tradução
ViajanteDas wünsched mir eu au!! Es gsägnets 2018. Mir feued eus uf gmeinsami Erläbnis mit euch.
06/01/2018Responder
0 curtidas
Uf u devo ....Viajante
Vulkan Irazu & Valle de Sarapiqui
3 de janeiro de 2018, Costa Rica ⋅ ☁️ 10 °C
Für die letschte Vierwuche hei mr nis namau es Mietauto gleischted. Üse erschti Tag esch wedr mou biz ia Wasser gheit. SWätter esch momentan in ganz Costa Rica ned wörkli guet. Eigentli hei mr de Vulkan Irazu wöue go bsueche. Aber de esch ide Wulche u im Räge versunke... Dur wunderschöni Gägende si mr de bis is Valle Sarapiqui gfahre. Döt hei mr e spannendi Kakao-Tour gmacht, wo mr erfahre hei, wie us de Kakaofrucht e feine Tafele Schoggi werd.Leia mais
Ver tradução
0 curtidas
Uf u devo ....Viajante
1
Vulkan Poas - gsperrt
3 de janeiro de 2018, Costa Rica ⋅ ⛅ 18 °C
Met üsne Vulkän hei mr ergendwie ned so Erfolg. Ou de zwöiti in Costa Rica chöi mr nur erahne. Wöu er schins sit am April 17 wedr aktiv isch, chöi mr ne ned ga bsueche... Naja. Wenigsten hei mr e neue Fründ gfunde u e schöni Underkunft.Leia mais
Ver tradução
Ohhhh dä gfautmer!!!!! Mami Uschi
07/01/2018Responder
0 curtidas