Ab nach Furano 🚃

hüt simer vo Sapporo nach Furano gfahre. 🚃Göimä isch dr Zug-Reisefüehrer - isch also tip top gange bis uf das, dasmr am Afang im nid reservierte Zug am bode hei müesse hocke wüll alles pumpe voll isch gsi.
Z'Furano ahcho heimer üs afang eis müesse orientiere aber das isch schnäll gange... När simer imne Beizli öpis ga ässe... Da heimer ganz traditionell am Bode chönne ässe. 🍜
Ahschliessend simer mitem Uber zum Ski-Vermieter (Rhythm) gfahre u hei üsi Ski-Usrüschtig abgholt. 🎿🏂
Am 5i heimer üses AirBnB bezoge u hei üs dört chli ihgrichtet u usgruieht.
Zum z'Nacht heimer de beschlosse, dasmr dür z Dörfli loufe und im Lawson üses z'Nacht gö ga hole u daheime ässe.🏠Read more