zersch Flöckli - när Powder ❄️

üse dritt Skitag het mit schönem Wätter gstartet, also würklich blaue Himmel.
Drfür ischs chalt gsi. ❄️
Am morge si nume es paar einzelnli Flocke gfloge, meh het also chum vo früschem Powder chönne rede. Aber glich heimer e gueti Stimmig ka.

Am Nami hets afah zue tue und es isch immer wie chälter worde. Drfür het no dr Schnee ihgsetzt u de hei d'jungs glich no chli chönne ga Powdere und d chanti u ig si chli ga pischte fahre. Und es het meega schöni Schneeflocke gä.❄️

E mega schöni Geschte vo de Büetzer hie in Japan isch ja, das si dr Sässelilift no vom Schnee befreie bevor d Gäscht sech drufsetzä. Und per Ample gsehtme, wenn dasme darf füre fahre und ufstiege. 🚦

Zrügg deheim e chli UNO gspielt und düschelet.

Für zNacht heimer eigentlich nach Furano zentral welle aber mir hei chli es gmurgs ka...Hei 2 Uber reserviert u wo's üs hät sölle cho abhole, heisi eifach abgseit. Also heimer när no chli probiert u da heimer nume no 1 verwütscht. Also heimr z Uber gfüllt u si fengs z 4te höch los. Dört womer hei welle ga ässe isch oh pumpevoll gsi u drü vo üs heis gar nid bis id Stadt gschafft. Also heimer beschlosse, im Lawson & 7eleven ga z'Nacht z'ihchoufe für daheim z ässe u hei umi müehsam u mit wartezyt es Uber bstellt.🚕Read more