bye bye Furano, Hi Tokyo

hüt heimer üs ufe wäg gmacht für nach Tokyo.
Packt, ufgrumt u Taxi bsteut für a Bahnhof z Furano. Vo da us heimer 3h ka für a Flughafe Sapporo. Abgseh vomne überheizte Zügli (29,7Grad) simer guet vorwärts cho.

Nach guete 2h Flug simer in Tokyo glandet. Übrigens heimer dr Mt. Fuji no vom Flüger us chönne bestuune... inkl. Sunneruntergang.🌅
Vom Flughafe Tokyo us heimer no e gueti Stund ka für nach Shinjuku i üses Hotel.

Churz früsch mache u chli öpis usrume u när heimer üs ufd suechi gmacht nachere Ässmüglichkeit. Mir hei es super cooli Bar gfunde. Also e Ladeflächi wo 4 verschiedeni Bar's dinne hei ka. Jedi Bar aber als eigets ungernähme. Zwei vo vier Bar's hei no ässe im Sortimänt. Bi däm wo mier gässe hei, däm heimer gad dr ganz Platz gno...
Är het si Bar-Egge ersch sit drü Monat u mir si für ihn e herusforderig gsi (Är het nume 2 Gasplatte ka).
Aber är het das super gmacht u es isch sehr fein gsi!

Ufm wäg zrügg ids Hotel simer no ine Bar es Bier ga nä.🍻Read more