Reset search
Namibia 🇳🇦
  • Naat Gäumann
  • Lukas Gäumann
  • Naat Gäumann
  • Lukas Gäumann

Namibia 🇳🇦

ä chline Roadtrip dür Namibia 🚗💨 Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    July 6, 2026
    Namibia 🇳🇦
    1Taxi Sven2üses traditionelle z'morge3Fänschter & Gang platz. Mitti niemer = Luxusschnarchschwizer bärgez'Nacht im Flüger. Härdöpfelsalat mit Gurke u Brot.1unge rächts: Etosha Nationalparkim nöiere Flügerli ghocket.Unterkunft6Mission: Bett

    ✈️ 9½ Stung speter… endlich acho!

    July 5 in Namibia ⋅ 🌙 13 °C

    🕔 Hüt am 5i ufgstande, parat gmacht & die ledschte Sache packt. Üse lieb Sven isch no Taxi gsi u het üs a Bahnhof gsteut 🫶🏻

    ✈️ Um 10:05 abgfloge – 9½ Stung ir Luft.

    🇳🇦 Um 19:40 i Namibia acho.

    U de… eeeewigs. Würklech eeeewigs bir Passkontroll aagstande. I gloube überne Stund heimer müesse warte für när öppe 3 Minute kontrolle... 🫠

    Nachhär no 25 Minute bis i d Unterkunft, schnäll dusche… u itz isch fertig.

    Mission für hüt: Bett finde. Erledigt. ☑️    Read more

    See translation
  • Namibia 🇳🇦
    11bifahrer ussicht😅Grove Mall2ufem WC isch furze nid erloubtZuckerwatte-Outomat1🍌🍑🍎🍏Diversi Gwürz🍩2Balkon ussicht ir UngerkunftJoe's BiergartenCannelloni mit Ricota & SpinatRib Eye Steak mit Härdöpfel u Pommes13d'Schwiz us Namibia ungerstütze🇨🇭

    Ab hüt uf eigete Räder ungerwägs 🚗💨

    July 7 in Namibia ⋅ ☀️ 14 °C

    Am Morge hei üs d’Lüt vo African Tracks abgholt. Nach de Instruktione für üse Toyota Hilux isch z’Abentüür offiziell losgange. 😍

    När si mir no i d’Groove Mall go öppis poschte, hei es Bitzeli i dr Unterkunft entspannt u am Abe git’s feins Znacht im Joe’s Beerhouse. 🍻🥩

    Ds Autofahre isch no chli… spannend. 😂 Rächts sitze, links fahre – üses Hirni muess sich no dra gwöhne. Aber Üebig macht dr Meischter! 🚗💨    Read more

    See translation
  • Namibia 🇳🇦
    21111433

    Sundowner Pirschfahrt in Hardap🦒🦓

    July 8 in Namibia ⋅ ☀️ 15 °C

    Am morge simer no schnäll ine Mall ga Verpflegig hole u ahschliessend hei mir üs ufe wäg gmacht nach Hardap.

    3,5H fadegradi Strass u Landschaft wo irgendwenn nüm so ihdrucksvoll isch gsi.

    Nachdäm mir si ahcho, heimer üses Zimmer bezoge u üs parat gmacht für d'Sundowner Pirschfahrt. 🚗💨

    Dr Viktor het üs dürne chline Teil vor Kalahari Wüeschti umechauffiert u am afang heimer e huufe Sprinböck gseh. Die si oh sehr Ihdrücklech gsi. Nachere guete Stund heimer die erste Zebras scho gsichtet u ahschliessend vo witen d'Giraffe. D'Naat isch wäg de Giraffe ganz nervös worde u hets chum chönne erwarte die z'gseh.🫶🏻🦒
    Ahschliessend simer zu de Giraffe gfahre u z'Fuess zu ihne füre gloffe. Ungloublich Atemberoubend gsi.

    Bimne churze Stopp mit Apéro hei mir dr Sunneruntergang dörfe gniesse.🌅

    Zrügg ir Unterkunft hei mir üs am feine Buffet bedient u iz hocke mir am Lagerfüürli u löh dä schön Tag lah usklinge.🦒🦓    Read more

    See translation
  • Namibia 🇳🇦
    112

    🏜️ Endlosi Wiiti & e versteckts Paradies

    July 9 in Namibia ⋅ ☀️ 15 °C

    Hüt hei mir d’Kalahari hinger üs gla u si wiiter zur We Kebi Lodge gfahre. 🚙🇳🇦

    D’Fahrt isch vo ändloser Wiiti, rote Ärde u ungloubleche Landschafte begleitet worde. Churz vorem Ziel het sich d’Kulisse no verändert – plötzlich hei üs wunderschöni Hügle u Felse erwartet. 😍

    Bir Lodge acho hei üs absoluti Rueh empfange. Wunderschön gläge, z'midst ir Natur – genau dr richtig Ort, zum eifach mau düre schnuufe. 🌿

    Später geit’s no ufne Nature Drive. Mir si gspannt, was üs hüt no alles über dr Wäg louft. 🦒🐾    Read more

    See translation
  • Namibia 🇳🇦
    1521

    was fürne Abe 🦏🦓

    July 9 in Namibia ⋅ ☀️ 22 °C

    Mir hei hüt am Abe ä wunderschöne Nature Drive gmacht. 🌅

    Mir hei es wiisses Nashorn, es paar Zebra u no viu meh Natur dörfe erläbe. 🦏🦓

    Wo mir zrügg i d’Lodge cho si, isch öppis passiert, womit mir nie grächnet hätte…

    Lueget’s euch säuber aa. 🤯

    Eifach nume: atemberoubend. Wow! ✨    Read more

    See translation
  • Namibia 🇳🇦
    1222113

    Düne 45

    July 10 in Namibia ⋅ ☀️ 12 °C

    Am 5i am morge isch dr Wecker gange & mir hei üs ufe Wäg gmacht für üsi Sossusvlei - Tour.

    Dr erscht Stopp womer gmacht hei isch bir Düne 45 gsi. D'Düne heisst übrigens nid wäg dr Höchi so sonder wäg dr Distanz zum Sesriem-Tor. Si isch öppe 170m höch - nid die höchsti aber drfür sehr bekannt.
    Dr orange Sand isch übrigens Millione alt u bi Sunneufgang eifach magisch.✨    Read more

    See translation
  • Namibia 🇳🇦
    133Big Daddy

    Deadvlei & Big Daddy 🏜️

    July 10 in Namibia ⋅ ☀️ 24 °C

    Nach dr Düne 45 si mir ids wäutberüehmte Deadvlei witer. Die abgstorbene Böim uf em wiisse Lehmbode vor de riesige Sanddüne si eifach faszinierend gsi. 🌳🏜️

    Dr Big Daddy het über allem thront. Ufgstiege si mir hüt nid – mir hei ihn lieber vo wiitem bewunderet. Bi dere Hitz isch das definitiv di richtig Entscheidig gsi. 😅 Es isch eifach ungloublich, was d’Natur da erschaffe het. 🇳🇦☀️Read more

    See translation
  • Namibia 🇳🇦
    121

    Ändlosi Kilometer bis ads Meer 🛻💨

    July 11 in Namibia ⋅ ☀️ 19 °C

    Hüt si wieder es paar Kilometer meh ufem Tacho drzue cho. 🛻

    Um 08:15 si mir vor We Kebi Lodge losgfahre. Mitemne churze Halt in Solitaire hei mir d’Reis wiiter dür die ändlosi Wüeschti gmacht. Kilometerlang gradus, fasch kei Mönsch – nume Wiiti, Sand u ungloublechi Landschafte. 🏜️

    Unterwägs hei mir dr Gaub-Pass u dr Kuiseb-Pass überquert. D’Ussichte über d’Namib-Wüeschti isch sehr schön gsi – nach jeder Kurve (het nid viel ka) het e nöii Kulisse uf üs gwartet. ⛰️

    Nach guet 8 Stunde Fahrt si mir am 16:15 z’Swakopmund acho. Nach all däm Sand u dr Wiiti isch früschi Meerluft e richtig schöni Abwächslig. 🌊🇳🇦    Read more

    See translation
  • Namibia 🇳🇦
    2Robbe wo üs ufem Boot empfange het
    2Robbe wo üs ufem Boot empfange het36Saline vo Swakopmundgmischte SandBuckelwalschädel126213Schabrackenschakal

    🌊 Vom Meer id Düüne 🏜️

    July 12 in Namibia ⋅ ⛅ 10 °C

    Hüt hei mir bir Walvis Bay e Bootstour gmacht – u das het sich würklech glohnt! 🌊⛵

    Mir hei Delfine gseh, e riesigi Kolonie Robbe u ungloublech viu Flamingos. 🐬🦭🦩 Leider si o e Huufe toti Qualle am Wasser gsi. Üse Guide het erklärt, dass das wahrschinlech am Suurstoffmangel im Wasser gläge het, usglöst dür e sehr starchi Planktonblüete.

    Nach em Mittag isch ds nächschte Highlight cho: Sandwich Harbour. 😍 Mit em 4x4 simer quer dür d’Düne gfahre – steili Uf- u Abfahrte, Sand ohni Änd u immer wieder dr Blick uf ds Meer. Ds isch würklech es unvergässlechs Erläbnis gsi!

    So nah binenand: dr Atlantik uf dr einte Site u riesigi Sanddüne uf dr andere – eifach typisch Namibia. 🧡🏜️🌊    Read more

    See translation
  • Namibia 🇳🇦
    2211üses Zimmer für 2 Nächt1

    Vor Küschte nach Khorixas 🏜️

    July 13 in Namibia ⋅ ☀️ 8 °C

    Hüt hei mir Swakopmund hinger üs gla u üs uf d'Socke nach Khorixas gmacht. 🚙

    Üse gröscht Stopp isch d’Spitzkoppe gsi. Die mächtige Granitfelse, wo eifach usem Bode use rage, si würklech ungloublich iidrücklich. Da heimer scho nid schlächt gstuunet. ⛰️🧡

    D’Fahrt isch zwar läng gsi, aber Namibia überrascht üs immer wieder mit nöie Landschafte.

    Am Schluss si mir i üserer chline, versteckte Oase bi Khorixas acho. Ganz ruehig, z'midst ir Natur. 🌿✨    Read more

    See translation
  • Namibia 🇳🇦
    12

    🐘 Uf Elefante-Jagd i Twyfelfontein

    July 14 in Namibia ⋅ 🌙 7 °C

    Hüt het dr Tag früeh agfange – Tagwach! 😅 Mir hei üs uf d Socke gmacht für üsi Tour i Twyfelfontein. 🚙

    U mir hei Glück gha: scho relativ früeh hei mir die erschte Elefante gseh! 🐘😍 Chli später isch o no e Giraff drzue cho – eifach ungloublich, die Tier so frei & entspannt z'erläbe. 🦒

    Chirzum hei mir ä Pouse gmacht mit mega Ussicht uf s’Bergpanorama – richtig schön zum düre schnuufe. ⛰️

    Nachhär si mir nomal uf d’Suechi nach de Elefante gange – u si definitiv fündig worde. Also: Mission voll erfüllt! 😄

    Ds Pirschfahrzüg isch allerdings… naja 😅 nüm ganz so bequem gsi. Am Schluss het üs s’Füdle weh ta u chalt isch’s oh gsi. 🫠

    Aber ganz ehrlich: für das Erläbniss nimmt me das gärn i Chouf. 🧡    Read more

    See translation
  • Namibia 🇳🇦
    1111

    Safari-Namitag im Etosha 🦁

    July 15 in Namibia ⋅ ☀️ 28 °C

    Hüt si mir vor Lodge im Damaraland wiiter zur Etosha Safari Lodge gfahre. 🚙

    Churz icheckt – u när direkt witer i Etosha. 🐾

    Üse Guide het e richtig starchi Tour gmacht, u mir hei unglaublich viu Tier gseh: Elefante, Zebras, Geparde, Warzeschwein, e Löwin u sogar Black Rhinos! 🐘🦓🐆🦏

    So viu i so churzer Zyt – würklech mega iidrücklich. Jede Egge het öppis nöis bereit gha.

    Namibia zeigt sich vo sire wilde Site – u mir si mittendrin. 🧡    Read more

    See translation
  • Namibia 🇳🇦
    13

    🦁 Zwüsche Wasserloch & Löie

    July 16 in Namibia ⋅ 🌙 12 °C

    Hüt hei mir über üsi Lodge e Full Day Safari gmacht – u perfekt zur Gate-Öffnig si mir i Etosha ine. 🚙🐾

    U es het nid lang duuret: wieder überall Tier! Zebra, Elefante, Geparde… eifach nonstop Action. 🦓🐘🐆

    Aber när – ganz im hinderletschte Egge – hei mir plötzlich Löie gseh. U nid nume das: sogar es Männdli! 🦁😍 Das isch würklech so e Momänt gsi, wo me nid vergisst.

    Z’Mittag hei mir bimne Wasserloch verbracht. ruehig, friedlech… bis plötzlich 2 Elefante eifach si cho u sich d’Bühni gnoh hei. 🐘💦 Mega Spektakel!

    Aber ganz ehrlich: so iidrücklich das gsi isch – d’Löie hei hüt alles toppt. 🧡

    Itz gniesse mir no dr Sunneuntergang uf dr Lodge-Terrasse u när git’s es feins Znacht. 🌅✨    Read more

    See translation
  • Namibia 🇳🇦
    Schakal
    SchakalHose-Vogel (benennt nach Naat) Original heisster Sekretär😂Black RhinoZebra wo meh schwarzi aus wissi streife het.😍Kudu1

    Self-drive düre Etosha

    July 17 in Namibia ⋅ 🌙 9 °C

    Hüt hei mir Etosha uf eigeti Fuscht erkundet.

    Dr Park isch riesig. Würklech riesig. U ganz ehrlich: es git nid „dä eint richtig Wäg“. Also si mir eifach losgfahre – chli chrüz & quer, immer dert häre, wo z’Gfüehl grad passt het. 🗺️

    U genau das het’s speziell gmacht. Hinder jedere Kurve het öppis Neus gwartet: Tier, wo plötzlich usem Nüt uftoucht si aber oh ändlosi lääri..🦓🐘

    Kei fixi Route, kei Druck – nume mir irgendwo im Etosha ungerwägs. 🛻💨    Read more

    See translation
  • Namibia 🇳🇦
    1
    1111

    Löwin vor dr Linse 🦁

    July 18 in Namibia ⋅ ☀️ 28 °C

    Hüt si mir vor Etosha Safari Lodge über Outjo zur Mokuti Lodge gfahre. 🚙

    Unterwägs hei mir i Outjo no e churze Halt bimne dütsche Beck gmacht u üs mit chli Proviant für d’Fahrt iideckt. 🥐☕

    Nach öppe 4½ Stunde si mir ir wunderschöne Mokuti Lodge acho.

    Eigentlech hei mir eifach chli wölle erhole… aber churzum hei mir entschide, no einisch i Etosha z’fahre – diesmal dür s’Namutoni Gate.

    U huut ab… mir hei eifach nume gstuunet. 😍 Mir hei wieder eis e Löwin gseh u ds Highlight isch es fröidigs Elefäntli gsi, wo verspiut umegrennt isch. 🦁🐘 Das z’erlebe isch eifach unbezahlbar.

    Iz gniesse mir zNacht i üsere wunderschöne Lodge.    Read more

    See translation
  • Namibia 🇳🇦
    1

    zum Abschluss no einisch Etosha 🦁🐘🦒

    July 19 in Namibia ⋅ 🌙 9 °C

    Hüt isch leider scho üse letscht Tag in Namibia. 🧡🇳🇦

    Am Morge hei mir no einisch e gfüehrti Tour düre Etosha gmacht u am Namitag si mir no uf eigeti Fuscht düre Park gfahre. 🚙🐾

    Üsi heimlichi Hoffnig? E Leopard z’finde. 🐆 Leider het das hüt nid söue si.

    Mir hei no einisch ungloublich viu Tier dörfe erläbe: Löie, Elefante, Giraffe, Dikdik u no viu meh. 🦁🐘🦒

    Was fürnes Land. Was für unvergässlichi Momänte. Namibia het üs vo Aafang bis Schluss begeistert u wird üs no lang i Erinnerig bliibe. ❤️

    Morn geit’s hei – mit ganz viu Erinnerige, tuuuuusigi Fotos u em Wunsch, irgendwenn wieder zrügg z’cho.    Read more

    See translation
    Trip end
    July 21, 2026