Reset search
OvernoutOvernout
Satellite
 
Message

Overnout

Joined August 2019 Message
  • OvernoutAppenzell
    Day3

    Seealpsee - Ebenalp

     June 20 in Switzerland ⋅ ☁️ 19 °C

    Usggschlafe und top motiviert simer los für ufe Äscher. Die einte hei üs gseit äs sigi steil und asträngend, die angere hei gmeint ds sigi ä easy Tour, drum heimr niso rächt gwüsst was üs erwartet.😅
    Schlussändlech isches sicher ä schweisstribende Ufstieg abr dr Wäg isch schön gmacht und vo däm här isch d Wanderig am Vortag sichr asträngender gsi.🥵😎

    Ufm Äscher acho, heimr üs natüerlech äs Apero gönnt und die letschte Rundine Frantic gspiut. D Domä hett am Schluss ds Turnier im Appezeu für sich entschide.🏆

    Für abe heimr d Gondle vor Ebenalp nach Wasserauen gno. Dert hättemr für zrügg zum Outo ä öV Vrbindig gha wome e Stung ungrwägs wär gsi. Drum heimr üs äs Taxi gönnt wo üs i ca. 10min uf Brülisau hett gfahre gha.
    Ds Taxi isch ä Testla model S gsi mit Türene wo gägä ufe ufgö. Ha grad no ä spannende Ustusch mitm Taxifahrer gha und bi iz bestens informiert übr dä Chare.😉🏎️

    Fazit: Guet gwanderet, mit guete Lüt, guetem Wätter, guetem Ässe und guete appezeuer Spezialitäte😉👌    Read more

    Hannelore Anwar

    Dir sit ä cooli Truppe ☺. Spannendi Wanderige u schöni Biuder

    6/24/21Reply
     
    Map
  • OvernoutAppenzell
    Day2

    Bollenwees - Seealpsee

     June 19 in Switzerland ⋅ ⛅ 21 °C

    Wanderig churz zämägfasst: steil abe, steil ufe, steil abe😂

    Dank dr Domä wo d Gruppe agfüehrt hett heimr e guete Pace und gnue Pousene gha😝😊

    Aus Belohnig hetts ä Abchüehlig im Seealpsee gäh.🩱

    Ds Berggasthuus Seealpsee isch modern und oh hie si d Lüt mega nätt und ds ässe isch oh super gsi.👌

    Am abe hett dr Senn vo änä am See no dr Aupfride usgrüeft (odr seitme däm singe!?😅🙆‍♀️)

    Ha acho lang nümm so guet gschlafe wie am Seeaupsee. Entsprächend ufdräit bini när am sunntig gsi😂🙈    Read more

     
    Map
  • OvernoutAppenzell
    Day1

    Hoher Kasten - Sämtiser See - Fählensee

     June 18 in Switzerland ⋅ ⛅ 22 °C
    1
    1

    Nach dr 3-Tages-Wanderig letschts Jahr geits dasmau ids Appezeu.
    Mit drbi d Domä, Kerä (dasmau ohni 6. Finger😂🙈) & Tanja.
    Start: Hoher Kasten
    Parkiere chame gratis bir Kastenbahn, Dorf 22, ds Brülisau.

    D Fahrt ufe Höch Chaste isch churz und d Ussicht umso besser.🏞️

    D Wanderig zum Berggasthuus Bollenwees isch gmüetlech mitemne ca. 30' Astieg am Schluss.🥵 Bi öppe 30 Grad im Schatte zimlech ä schweissigi Aglägeheit.🙈

    Zwüschestopp bim Bergsee Nr.1, em Sämtisersee. Äs hett e Füürsteu mit Houz und wes kes meh sött ha, chame em Restauarant Plattenbödeli alüte für Nachschub.

    Ds Berggasthuus Bollenwees ligt direkt am Fählensee. Moderni Ungrkunft mit mega coole Gastgäber und subere Zimmer.

    Natüerlech wird hie nume vom Beste uftischet: Rösti & Appezeuer 🍺    Read more

    See translation
    Hannelore Anwar

    chüeu u früsch ! Isch gwüss ä gueti Idee gsi bi däm heisse Wätter

    6/21/21Reply
    Hannelore Anwar

    Megaschööön

    6/21/21Reply
     
    Map
  • OvernoutBuirebähnli Safari
    Day3

    Alp Oberfeld - Engelberg

     July 18, 2020 in Switzerland ⋅ ☀️ 23 °C

    Wie vermuetet hetts es früechs Erwache gäh. Ir Nacht isches Arschchaut gsi und vo däm här ischs umso schöner gsi am Morge ändlech d Sunne widrmau ds gseh.

    Mir si grad so ufgwachet dassmer dr Sunnäufgang hei chönne luege und ds Wouchemeer vo unger üs isch gsi hei chönne gniesse.

    Zum Zmorge hetts säubrmgachts Yoghurt, Chäs, Miuch u Gonfi gäh. Und me hett ändlech mau widr chönne dussä ässe. Ds hett guet ta nach dene Rägätage...

    Bevor mir los si, hett üs d Rita, d Aupwirtin no Chäs mitgäh womer speter ir Brunnihütte si ga abgäh. Normalerwis müesse si vor Brunnihütte geng ds Fuess cho dr Chäs hole, vo däm här heisi natüerlech dämentsprächend freud gha womer dr Chäs bi ihne hei abgäh.

    Vor Aup Oberfäud us isches aus erschts zimlech Steil dr Bärg ufe gange. Dr Sepp hett zum Abschied nomau Auphorn gspiut und so heimr währendem Ufstieg dank em Echo vo aune Site musilalischi Begleitig gha. Obä acho ischs überne Kretä gange. D Tanja hett ihri Höheangst überwunde und tapfer NID abegluegt.🥳 D Ussicht vo dert Obä isch dr Wahnsinn gsi.

    Nach chlei meh aus ere Stung simer am Walegghüttli vrbi cho. Dr Sepp hett üs scho gseit dassmr dert söue ichehre wüu dert si Kolleg wirtet wo oh Sepp heisst. Wie chönnts oh angers si!?😉

    Dert heimr üs dr 11i Schuss gönnt und mit 5 Type für einisch mau nid Frantic, sondern Hosä abä gspiut. (Isch es Chartespiu😉)

    D Zit isch wie immer bim Gügälä sehr schbäu vrbi gange und drum heimr när mau dr Ufstieg zur Brunnihütte i Agriff gno. Ds Wätter hett widr uf bewöukt u näblig umgschlage abr wenigstens hetts mau nid grägnet.

    Obä acho heimer äs paar Rundine Frantic gspiut und oh da isch d Zit widr sehr schnöu düre gange.

    Drum heimr beschlosse für ds letschte Stück uf Ängubärg ds Sässeli und ds Gondeli ds näh.😊

    Ds Ängubärg acho, heimr ir Skilodge icheckt und üs vode Sache befreit wo nachere Mischig zwüsche Geiss und Schweiss hei gschmöckt und si im Garte vor Lodge ids Apero.

    D Skilodge isch ächt ds empfähle und oh d Drinks si mega fein gsi. Im Winter heisi sogar no Sauna und Hot Pot.🤩

    Aus Abschluss simer im Yucatan ga ässe und ir Gletscherspautä eine ga näh. Womer zrügg zur Lodge si cho, heimer gmerkt dassme nume mitemne Code inechunnt. Dä heimer üs natüerlech nid gmerkt gha.🙈
    Zum Glück si i däm Momänt grad 2 Type usecho und so heimr nomau Glück gha und nid müesse dussä schlafä.😅😂

    Ende gut, alles gut. 😊    Read more

    See translation
     
    Map
  • OvernoutBuirebähnli Safari
    Day2

    Dallenwil - Alp Oberfeld

     July 17, 2020 in Switzerland ⋅ ⛅ 6 °C

    Nach emne Gault Millau Zmorge simer mitm Zug uf Oberrickenbach. Vo dert us simer mitm Buirebähnli uf Brändlen.

    Vo dert us isches de oh grad gäbig ds Loch uf zunere mega schöne Füürsteu wome äuä ä mega Ussicht häät, weme de oh mau öppis würd gsi. Abr oh hüt heimr Rägä und dichte Näbu gha.

    Ungrwägs uf Oberrickebach heimr äs paar Chüeh troffe wosech fasch nümm hei chönne erhole vor Freud dassi üs hei gseh.😂 Vilech heisi oh usemne angere Grund Gmuhet. Wär weiss das scho.😉

    Vo Oberrickebach us heimr ds Buirebähnli gno uf Spis, wo üs ä mega nätte Buur hett empfange. Nachem zahle u es paar Fotos, wo är vo üs hett gmacht simer mitem eutischtä und coolstä Bähnli bis uf Sinsgäu.

    Vo dert us simer bis zum Horror Chloster (Bärgrestaurant Urner Staffel) gwanderet. Äs hett iz zwar nümm grägnet aber wäge de Bäch wo dr Wäg ab cho si und em Matsch si d Füess göich Pflotschnass worde.

    Im Bärgrestaurant Horror Chloster heimr mega fein gässe und d Wirtin hett üs sogar grad no die ganzi Beiz la hüete wüu si schnäu zur nächste Gondelstation öppis hett müesse ga hole. Bi däm Wätter si aber keni Gescht cho, vo dämhär heimr üse Fride gha.

    Gstercht simer witer zu üsere Übernachtigsstation. Dr Alp Oberfeld. Ungrwägs heimr zwüschem Näbu u de Wouke zwüschdüre ä Bitz vom Bannalpsee gseh. Muess wahnsinnig schön si, weme öppis würd gseh.

    Uf dr Aup acho simer mega nätt empfange worde. Dr Sepp, ds isch dr Aupwirt hett no Auphorn gspiut und ds Znacht isch mega fein gsi. Morn am haubi 6i wärde d Geisse gmouche, wo unger üsem Masseschlag im Stau übernachte. Wird äuä äs früechs Erwache gäh morn.

    Wemer Glück hei und ds Wätter besser isch, gsehmer vilech sogar dr Sunneufgang...🌞    Read more

    See translation
     
    Map
  • OvernoutBuirebähnli Safari
    Day1

    Engelberg - Dallenwil

     July 16, 2020 in Switzerland ⋅ 🌧 15 °C

    Mitm Zug vo Engelberg nach Grafenort heimr öppe 15 Minute gha.

    Nach öppe 20 Minute düre liecht Räge simer scho zum erste Buirebähnli cho.

    Dr Sepp isch dr Bähnlichef vo Bielen. Ihm heimer dungä chönne lüte und är hett üs när mega offe dobe i Empfang gno.

    Är hett üs grad erklärt dassme de ab nächsts Jahr bi ihm cha uf dr Alp Bodmen cho übernachte und dasses dert Lamas und Alpakas hett.

    Nachdem mit ä Schnägg pro Person hei zaut hett är üs no ä Tipp gäh, womer am gschidste düre gö und hett üs grad no ä Charte vo Nünzähhundert Schwarzwiss mitgäh.

    Nach öppe 40 Minute düre Rägä simer bim Bähnli ds Diegisbalm acho. Vo dert us simer uf Oberalp gfahre, hei dobä 6 Franke ids Kässeli ta und si witer.

    Vo dert us ischs öppe 20 Minute rächt steil bärguf gange (die angere meine grad verdammt steil😝). Nach witere 10 Minute simer de bim Bärgrestaurant Gummen acho, wome übrigens oh cha übernachte.

    Nach es paar Bier und Mördertee (so heisst hie ds Fröschli) und äs paar Rundine Frantic simer mitem Bähnli abegfahre. Für das heimer em wirt vom Bärgrestaurant oh widr 6 Franke zaut.

    Eigentlech heimr vo dert wöue d Gondle uf Dallenwil näh, aber hei när spontan entschide no öppe 1.5h abedsloufe. Chlei rütschig gsi.

    Mir übernachte im Gault Millau Restaurant und Hotel zum Kreuz. Top 3-Bett Zimmer. Ässe düemr abr iz grad im Bahnhöfli. So iz chunnt d Suppe...adiiiä    Read more

    See translation

    👍 [alusru]

    7/17/20Reply
     
    Map
  • Südafrika 2o2o
    Day22

    Mission Heireis

     March 21, 2020 in Switzerland ⋅ 🌧 10 °C

    Nachdäm üse Diräktflug nach Züri isch gstriche worde, heimr gratis 2 neuii becho. Kapstadt-Münche und Münche-Züri. Leidr isch iz abr dr Flug vo Münche uf Züri oh no gstriche wordä, drum heimr iz e 11 stündige Ufenthaut am Flughafe ds Münche. Nachere Nacht im Hilton geits witer uf Berlin u vo dert us när uf Züri. Äs komisches Gfüeu weme nachemne 11.5h Flug weiss dassme nonid mau d Heufti vor Reis hinger sech hett.😂😝 Apropos komisches Gfüeu...momentan wirdme bös agluegt weme dr Schwizerpass fürepackt. D Schwizer si gd niso beliebt.😝😅

    Nachem Flug uf Berlin ischs richtig losgange mit Mittuauter Feeling. Aso da sisi de ds Südafrika viu moderner. Zersch heimr müesse öppe 20 Minute astah füre Sicherheitscheck. Obwou nume öppe 10 Lüt vor üs si gsi. När ischne i Sinn cho dassme iz plötzlech numeno 1 Handgepäck darf ha. Drbi darfme vor Swiss uf ä Handtäsche und es normaus Handgepäck ha. Aso heimr üses Gepäck haut müesse zämästunggä dasses i eim Platz hett gha. När heisi eim militärisch unfründlech düre Sicherheitscheck gleitet. Mitemne schöne chline Flugi vor Swiss simer när zum Schluss vo üsere Dütschland Tour vo Berlin uf Züri gfloge.

    D Gsundheit isch nie kontrolliert worde, abr Bodyscan und aues heimr iz gseh.🙈    Read more

    Ta Ra

    bi froh heiters itz gschafft 😊 wiukommä daheime! ❤️

    3/21/20Reply
     
    Map
  • Südafrika 2o2o
    Day21

    Kapstadt

     March 20, 2020 in South Africa ⋅ 🌧 9 °C

    2 Täg lang simer in und um Kapstadt ume ungrwägs gsi. Zämä mit de beste Tourguides ever.😍 Wüu d Karina und dr Zaack sech so guet uskenne, heimr i dere churze Zit mega viu gseh.

    Äs Highlight füre Marco isch sichr dr Blouberg Strand bi Sunneuntergang gsi. So viu Kitesurfer uf eim Huufä. Dr Marco wär am liebste gd no e Wuche blibe zum ga kite.

    Mir hett dr Foodmarket ar Waterfront mega passt, dert chönnti mi äuä satt schnouse. 😝😅

    Apropos...mir hei dänkt äs würd üs sichr nid schade, üs mau widr chlei ds bewege. Dr Plan wär gsi ufe Lion's Head ds wandere, wüus aber es paar Täg vorher dert hett brönnt gha, heimer nid ufe dörfe.

    Mir si ja bekanntlech flexibu, aso simer witer nach Kalksbaai. Äs härzigs Fischerdörfli südlech vo Kapstadt. Dert am Hafä hani no es paar Selfies mit Seelöie chönne mache, wo uf dr Hafämuur hei gsünnelet.🤩

    Dr Marco hett när no uf maps.me e churzi Wanderig ufe Kalksbaai Hügu gfunge. Äs sigi e 45 mimütigi Wanderig, vou locker u so, hettr gmeint. Öppe nach 20 Minute isch nümm klar gsi wo dr Wäg isch und mir si regurächt dür ds Gstrüpp gstoglet. Iz gsehni us aus hätt öpper mini Bei uspeitscht, bi dene risige Strieme u Chratzer woni aktuell ha.😂 Für ganz ufe simer no es paar Feuse ufeklätteret, d Ussicht isch uf jedefau super gsi und wisechs ghört heimr dobä äs Bünzlischwizer-Picknick gmacht mit Brot und Biltong (Trochefleisch). Gipfuwy odr -bier heimr leider nid drbi gha. Skandalös, i weiss.🙈
    Nachdäm mir nach öppe 3 Versüech ändlech irgendwie widr die Feuse abe cho si, ohni dasses 10 Meter grad ds Loch abegeit, heimr dä mitm Gipfubier natüerlech dringend müesse ga nachehole.😅🍺 Vorher heimr abr no hurti ä Abstächer uf Simon's Town gmacht zum ga Pinguine luege.

    Dr Marco hettsech no gwünscht gha, am letschte Abä im Hard Rock Cafe ga Znacht ässe. So heimr no e letschte kitschige Sunneungergang am Strand chönne erläbä. Bi Dunkuheit ufe Signalhill ga d Liechter vodr Stadt luege, isch fasch obligatorisch. Dr Wahnsinn.👌

    Üse Abschied heimr de när leidr mit Tee und Softgetränk müesse begiesse. Wägem Coronavirus hett Südafrika äs Aukohou-Usschankverbot ab de 6i verhänkt. Weiss zwar nid wases gnau söu bringe abr okay...

    Üses Apartment zmitts ir Stadt mit Blick ufe Tafubärg und Lion's Head isch übrigens super gsi. Was sehr idrücklech isch gsi, si die 100erte vo Obdachlose wo Schuutere a Schuutere ufem Trottoir rund um üses Apartment hei müesse schlafe. Ds fahrt ächt ih und zeigt nomau wie schön mirs ir Schwiz hei. Mir chöis üs nämlech ussueche, die meischte vo dene Obdachlose Lüt dert, nid.

    Nomau äs grosses Merci für die wunderbare Täg in Kapstadt ad Karina und a Zaack.😘    Read more

    See translation
     
    Map
  • Südafrika 2o2o
    Day19

    Stellenbosch

     March 18, 2020 in South Africa ⋅ ☀️ 24 °C

    Chum simer ds Kapstadt glandet, heimr entdeckt, dass üse Flug gstriche isch worde. Mir hei dänkt mir gö dämfau grad a Schauter am Flughafe zum e neue Flug bueche. Abr ds Büro isch zue gsi und ds Telefon hett natüerlech o niemer abgno bir südafrikanische Hotline.

    Aso heimr beschlosse mau richtig Wyguet ds fahre womer eh hei wöue übernachte.
    Ir Zwüschezit hett mis liebe Schwöschterli aues gäh zum üs e neue Flug ds organisiere. Merci tuusig für di Isatz, Tärlä.😘

    Aus ersts simer uf ds Wyguet Muldenbosch. Dert hetts äs Wine tasting gäh, zämä mit Pizza🍷🍕😍

    När simer zrügg zum LovanE Wyguet. Voauem zum ds Outo "heitue" und bi dere Glägäheit heimr natüerlech dert ono ä Wydegu gmacht.

    Wime üs kennt, hett ds nonid glängt. Drum simer när mitemne Uber no zum Spier Wyguet ga Wy degustiere.

    Mir hei üs aso mega zämä gno und im ganze nume 9 Fläsche Wy, womer iz neu im Gepäck hei. Bis jetz...😝
    Si hüt äxtra no e Täsche ga choufe dassmr de dä oh chöi heinäh. Dr Marco isch vorsorglech no hurti zum Coiffeur wüuer Angst hett, dassr e riise Mähne bechunnt ir Schwiz.😅🧔    Read more

    See translation
     
    Map
  • Südafrika 2o2o
    Day17

    G.R. - Jeffreys Bay & Port Elizabeth

     March 16, 2020 in South Africa ⋅ ⛅ 21 °C
    1

    Jeffreys Bay isch bekannt aus eini vode schönste Surferspots uf dr Wäut. Mir hei dä leider nume bi schlächtem Wätter chönne betrachte, daher hei mir üs fürne Shoppingtour ide Surferoutletstores entschide 😁

    Nachere übernachtig isches de ou scho witer zum Ändi vor Garden Route, nach Port Elizabeth. Dört simer ufem wäg gones VW Museum aluege, wo mir aus VW- Fahrer natürlech super gfaue het 😉
    Im Stadtzentrum heimer de ä kurze Spaziergang gmacht, d Route 67 wome zu Ehre vom Mandela het gmacht.
    Dört simer rächt ufgfaue, da mir die einzige Wisse si gsi ir Stadt.
    Nachdem mir üses Beach Guesthouse am Kings Beach bezoge hei, simer am Strand na go loufe und ufenes Bierli bir Barneys Tavern ikehrt, woi doch tatsächlech no zumne super Pale Ale bi cho 😁🍺    Read more

    Tanja Kobi

    😂😂😂

    3/17/20Reply
     
    Map

Join us:

FindPenguins for iOSFindPenguins for Android

  • 2021© FindPenguins
  • Home
  • About Us
  • Blog
  • Group tracking
  • Press
  • Terms
  • Privacy Policy & Cookies
  • Support
  • Imprint
  • English