Fuerteventura

Newest first

Trip start
August 1, 2021
Fuerteventura Traveler
Ankommen
August 1, 2021 in Spain ⋅ ☀️ 21 °C
Am Morge am 3.0h isch de Wecker ab. Üses Supertaxi Gropi hed üs pünktlich am 3.30h abgholt und dur de Räge sicher uf Kloten brocht. Mit soviel Mänsche um die Ziit hämmer ned grächnet. Aber nach knapp 40 Minute a stoh, hämmers gschafft gha und alles Anderi isch zügig gange. De Flug wär ruhig gsi, ussert natürlich mini Flugangst ned. Aber nach guet 4 Stund flüge hämmer wieder Bode under de Füess gha. Uff.
DLarissa hed scho uf üs gwartet und hed üs a de wunderschöne Küstestross nach Corralejo brocht. Sie hed so freud gha üs ändlich ihri Surfinsle z'zeige. I de WeikikiBar hämmer de Erich troffe und so isch üses Trüppli komplett gsii. Nacheme wunderschöne Spaziergang am Strand hämmer üses Feriedomizil chönne bezieh und sind alls ersts i üse Pool gumpet. Scho cool jetzt zwüsse das mer eifach 2 Wuuche dörfed do gnüsse und die Insle entdecke.Read more
See translation
7 likes
Fuerteventura Traveler
Strand und Pooltag
August 2, 2021 in Spain ⋅ ⛅ 22 °C
Es Morgekaffee heds für de Stefan und mich scho am Meer gäh. Herrlich. Spöter simmer no i die wunderschöne Düne vor Corralejo as Meer. DWälle sind so höch gsii, es wunderschöns Schauspiel. Mit schwimme isch defür aber nüt gsii. Nachere Siesta simmer am spöter Nomi no inne Strandbar ghöcklet und händ nacher sChemine i gheitzt und es feins zNacht zaubered. Leider hed de Lauro zviel Sunne verwütsch und hed en schlimmi Nacht gha. Au usem nächste Tag, hämmer en gmüetliche Läsetag gmacht. DLarissa isch natürlich goh surfe und de Erich hed sich um kaputti Pneu müesse kümmere.Read more
See translation
5 likes
Fuerteventura Traveler
Entdecken und geniessen
August 4, 2021 in Spain ⋅ ⛅ 22 °C
Täg vergönd vell zschnell. Mir sind die wunderschöni alti Hauptstadt vo Fuerteventura goh a luege Betancuria und sind süscht no schöni Stränd und Klippe goh bewundere. sWätter isch eifach herrlich. Es god immer es Lüftli. Tapas ässe, läse, spaziere und dLarissa, de Erich und au de Lauro sind natürlich goh surfe. Hed mega freud gmacht au bim zu luege. Mir händ Fründe und Surflehrer vo de Larissa känne glehrt und verstönd immer meh werum sie sich so i die Insle verliebt hed.Read more
See translation
7 likes
Fuerteventura Traveler
Inselrundfahrt und Corralejo
August 9, 2021 in Spain ⋅ ⛅ 22 °C
Am Sunntig hed de Erich leider wieder zrugg i dSchwiiz müesse und mer händ Corralejo unsicher gmacht. De ganzi Strand abglofe, sHotel goh a luege wo dLarissa süscht isch, go Lädele und Aperos goh näh.. und und und... am nöchste Morge simmer früh los gfahre. Nach dem mer d Berta, üses Mietauto, gwäsche und tankt händ simmer über Betancuria dur dBärge a südlichsti Zipfel gfahre. Die armi Berta hed ganz viel Schotterstross müesse über sich loh ergoh. Mir händ Streifehörndli beobachtet, wunderschöni Stränd und Klippe gseh, sind im türkisblaue Wasser goh bade. Es isch en wunderbare Tag gsii wo mer miteme super feine zNacht in Corralejo abgschlosse händ.Read more
See translation
6 likes
Fuerteventura Traveler
Einfach in den Tag leben
August 13, 2021 in Spain ⋅ ☀️ 24 °C
Jede Tag isch Einzigartig. Mer entdecked jede Tag wieder es schöns Eggeli vo Fuerteventura... spaziered dur Corralejo... sind uf dInsle Lobos... en richtigi Wanderig goh mache und uf Ajuy Caves goh Höllene a luege. Mer händ aber au viel gläse oder sind am Obig a Strand go de Sunneuntergang luege, händ üse Pool gnosse, Scopa gspielt und üs mit Tischtennis gfordered... das isch ziemlich lustig gsii, da dLarissa und ich öppe glich viel Talänt händ🤣🤣oder au ned. De Lauro und dLarissa sind im Surffieber und händs so gnosse. Morn isch scho üse letschti Tag. Langsam heissts Abschied näh.Read more
See translation
7 likes

Trip end
August 15, 2021

Ankommen

Strand und Pooltag

Entdecken und geniessen

Inselrundfahrt und Corralejo

Einfach in den Tag leben