Tournon-sur-Rhône und Tain d'Hermitage

Dr hütig Tag hei mir in Tournon-sur-Rhône verbrocht. Mir hei es härzigs chlises Gite z mitts in Tournon. Uf dr andere Site vor Rhone hets ebenfalls es chlies Städtli Tain d`Hermitage mit viele Wychäller und Rebberge. 🍇
Die auti Brügg Passarelle Marc Seguin verbindet die zwei Städtli.
Mit em Velo hei mir de d Route Belvedère gmacht, d.h. dür Rebberg vo de Hermitage-Wyne uf e Berg ufe. Teilwies hei mir de scho müesse Wanderwäge ufe u de natürli ou de wieder abe fahre, aber für üs Senioren u üsne Velos kes Problem.🚲🥴
Vo dr chline Kapelle Saint-Christoph hei mir e einzigartige Usblick gha übers Rhonegebiet und Tournon-sur-Rhône und Tain.

Uf em Rückweg hei mir de e churze Halt gmacht ir Wyhandlig "Cave de Tain".🍷 Leider hets de nüm glängt für e usgiebigi Degustation, aber für e Chauf vomene neue Trinkfläschli für Frank isch no dringläge.🍼

Dr Bsuech vom Chateau-Musee de Tournon-sur-Rhone het üs chlei enttüscht. Mir hei chlei meh erwartet, wenn me vo usse das grossartige Gebäude gseht. 🏰
Morn geits wieder e Runde witer nach Montélimar, das si de ou wieder um die 80 km.
Mir hoffe uf guets Wätter u das im Frank sis neue Trinkfläschli nid scho gli läär wird.🍷🥴Læs mere