7. Etappe: Tournon nach Montélimar

Um 9.00h hei mir üs in Tournon-sur-Rhône bi 10° uf die 88 km längi Strecki gmacht. Mir hei scho chlei gfrore u Schichtelook müesse mache.🥶 Und es isch nid unbedingt besser worde mit dr Temperatur. Ou wenns uf de Fotos usgseht, aus wärs schön sunnig u warm, es isch auso dr ganz Tag chaut gsi u e starke Wind isch gange. Zum Glück wieder vo hinge u nid Gägewind👍
D Rhone z überquere uf de viele Brügge mit dem Wind isch teilwies e ächti Challange gsi u die Windböe, mängisch vor Site, mängisch vo vore, het stark a üsere Velo-Balance grüttlet. Im Nachhinein hätt me müesse abstiege und laufe.
Die ganzi Strecki isch abwächsligswis gsi mit viele Sehenswürdigkeiten links u rechts vor Rhone. Es het schöne Naturlandschafte gha, de si mir wieder durch Industriegebiet fahre oder durch chlineri oder grösseri Dörfli gflitzt.
Morn gits wieder e Sightseeing-Tag in Montelimar. Git de sicher ou es Stück Nougat zum främsle.. 🤗Читать далее