8. Etappe: Montélimar nach Avignon

102 km hüt abgstramplet. 😳D Strecki isch super gsi. Schöni Region mit viele, leider halt scho verblüehte Sunnebluemefelder🌻 links u rächts . Im Département Drôme hets de ou bereits abgärneti Lavendelfeld er gha. Sicher im Hochsummer e Genuss mit dere Farbepracht.
De hei mir wieder schöni u idrücklichi Brügge gseh über d Rhone. Mir hei (fasch) immer dr Wind im Rügge💨 gha u d Sunne im Gsicht🌞. So starke Wind han ig no selte gha. Ir Schwiz gäbs sicher e Warnig, dass me dr Wald sötti mieden, bi dem Wind. U tatsächlich hei mir i Waldgebiet ou einige abrochene Äst u sogar chlinere Bäum müesse uswiche.
60- bis teilwies 80 km/h Wind u immer wieder starki Windböe, wo üs uf em Velo wegdrückt hei, mängisch isch das scho chlei gfährlich gsi.
Am spätere Nomitag si mir de in Avignon acho und mache Morn Sightseeing.Read more