10. und letzte Etappe: endlich Meer

Letzti Etappe von Arles nach Le Grau-du-Roi.. 😁. Nume 58 km pedalet hüt. 🚲Mir hei jo d Via Rhona verloh u si i Richtig Le Grau-le-Roi am Meer gfahre. D Strecki dürch s Camargue-Land isch sehr schön gsi. Längi Reisfelder links u rechts, es enorm grosses Wygwbiet, de wieder Öpfel-, Fiege- oder Kiwi-Plantage am Weg.
Dr grösst Teil si mir am Canal du Rhône entlang gfahre, was einersits sehr entspannend gsi isch u anderseits landschaftlich sehr attraktiv. Ou die typische Bilder vo de wisse Camargue-Pferd hei nid gfäut.
Je mehr mir id Nöchi vom Meer cho si, hei sich üs i de Lagune ou no die typische rosa Flamingos zeigt.
Jetzt si mir inere chline Wohnig in Le-Grau-du-Roi, praktisch fasch am. Meer u freue üs uf no es paar schöni Tage hier.Meer informatie