Hierva de Agua

Hüt machemer en Tagesusflug uf Hierva el Agua. Dete söttis so Naturpools ge und versteinerti Wasserfäll.
Wo mer bi dere Agentur acho sind, het sich es Päärli zu eus umdreit und gmeint, oh au Schwiizer😁 so hämer de Usflug grad zvierte verbracht😁 zerst het de Bus en Halt inere Bäckerei gmacht und händ verschiedeni Pan Dulce, aso süessi Brötli chöne probiere.
Nach enere weitere Fahrt vonere knappe Stund, simer bim Hierva el Agua acho. Mir hend zerst de Wanderwegloop gmacht, wo öpe ei Stund duret. Die Sunne het so riiichtig fest abebrännt und bim duruflaufe, isch eim amigs fast d Luft wegblibe. Wo mer den bi dene Pools respektiv bi dem Pool acho sind, isch d Abchüelig sehr willkomme gsi😅
Für uf de Rückweg und au zum chli Bödele hämer e Torta kauft zum teile, das isch e Art Mexiko Sandwich. Richtig fein🤤
Zum Bödele, will nämlich isches nacher zunere Mezcal Destilleri gange, wo mer eus dur all die Mezcals händ chöne dure probiere😊 Mezcal isch eigentlich wie Tiquilla, aber us enere andere Region. Und er schmöckt rächt rauchig, bizeli a BBQ😅 Näbe 4 Mezcalsorte, wo unterschiedlich lang glageret worde sind, hämer au Mezcal-Liquers i diverse Gschmäcker chöne probiere.

Nach dem Usflug hämer eusi Wösch wele bi de Wäscherei go abhole. Sie isch aber nonig fertig gsi, drum simmer den uf die halbi 8i nomal gange. Wo mer d Wösch den dihei händ wele ufteile, het de Adi gemerkt, uf da fehlet no ganz viel Kleider vo ihm. Aso simer nomal zrug it Wäscherei und die Dame get gmeint, sie segi no en Kleidersack am Wäsche, wo sie nöd weiss, wem de kört😂 ja, es isch euse gsi😂😂😂 Viva Mexico!😂

Nachher simer den schnäll witer ines Resti, will mer mit dem CH-Päärli zum Znacht abgmacht hend. Oaxaca isch sehr bekannt für sini Mole. Das isch e Sosse mit gaanz viel Zuetate und eini defo usch Cacao. Aso e Art Schoggisosse mit Chilli und ganz viel Gwürz. I dem Resti hämer e Mole-Degustation chönne mache und händ 7 Moles chönes probiere. Am Adi het die Classisch am Beste gschmöckt und de Jeannine eini mit no Tomate und eini mit ganz viel Krütli.
De Abig z Vierte hämer sehr gnosse und uh lässig gsi😊Leggi altro