Puebla intenso

Puebla het eus richtig I sin Bann zoge. Wo mer am Morge en Kafi bim Zocalo (Hauptplatz) sind go trinke, sind sicher über 100 Fraue am Aerobic/Salsatanze mache gsi und die meiste Violett agleit oder händ öpis violetts debi gha. D Jeannine hets natürli sehr beidruckt und gfreut, isch die Frauebewegig au in Mexico so präsent und sichtbar😊
Plötzlich isch uf de andere Site en Umzug losgange, wo Mänsche mit emene riiiisige Sombrero und enere Maske umetanzt sind. Mir händ gar nüm gwüsst, wo mer jetzt sölled go luege😂😂😂

Nachher simer mit emene Turibus e Rundi go fahre. Er het eus Egge vo Puebla zeiget, wo mer nonig gse hend und het eus zumene Ussichtspunkt bracht. Dete hämer en u schöne Usblick über d Stadt gha und händ sogar no de Vulkan gse, wo vor es paar Täg aktiv gsi isch. Hüt het er nur es paar Wülchli gha, vermuetlich no biz Restrauch oder so🤷‍♀️😅

Nachher simer no an Markt chli go dureschlendere und händ imene Kafi eusi Blogg Biiträg gschriibe. Sind wiederemal im Rückstand grate😂

Am Abig simer s traditionell typische Mole vo Puebla go ässe und wils so fein gsi isch, hämer nomal d Spezialität Chiles en nogada wele ässe. Mir händ es Resti uf TripAdvisor gsuecht, wo Föteli vo dem Gricht gha hend. Wo mer den dete gsi sind und händ wele bstelle, hends gmeint, es segi nöd Saison und sie hegets imomänt nöd🤷‍♀️ haha mir händ demfall so ziemlich s einzige Resti in Puebla gfunde, wo das Gricht nöd händ😂 jänu, Mexiko het zum Glück no viel meh feins Ässe😊Read more