Tetapkan semula carian
Borboas trip
  • Adrian Borboa
  • Jeannine Borboa
  • Marion Fluck

Borboas trip

Pengembaraan 207hari oleh Adrian, Jeannine & Marion Baca lagi
+5
IkutiRingkasanKalendarKongsiKongsiSenarai baldi
Terbaru dahulu
  • Borboas trip

    Mexico Stadt wet eus nöd ga la

    22 Mac 2024, Mexico ⋅ ☀️ 30 °C

    Hüt gats witer uf Guadalajara. Ei Tante und ihri Kinde mit de Familie vom Adi wohnen dete, wo mer möchted go bsueche.
    Am Nami simer mit em Uber los an Flughafe. Us Spass hämer de Fahrer no gfrägt, gell es git da ja nur ein Flughafe, was er eus bestätigt het. Es gäbi eifach en Terminal 1 und en Terminal 2. Am Flughafe acho hämer euse Flug uf de Tafle gsuecht zum usefinde, wo mer euses Gepäck chönd ufge. Aber irgendwie isch euse Flug nöd ume gsi. Wo mer den en Mitarbeiter vom Flughafe gfrägt hend, het er gmeint, mir seget am falsche Flughafe🤦‍♀️😂 ouuu mmaann😂
    De anderi Flughafe isch mit em Uber über 1 Stund entfernt, was mer fix nüme hätted chönne schaffe.
    Aso hämer euse Flug gäg en Ufpriis müsse uf de nögsti Morge umbueche. Zum Glück isch das no gange und mir händ no 2 Plätz chönne ergattere💪
    Glichziitig hämer no es Hotel näb em Flughafe, das mal hämer guet glueget wele Flughafe, gfunde. Nach dem Chaos hämer en Filmabig im Hotel gmacht und händ bim Mc Donalds Esse bstellt. Nach de entüschende Erfahrig in Indie im Mc, isches dasmal defür richtig guet gsi😂    Baca lagi

    Lihat terjemahan
  • Borboas trip

    Guadalajara Guadalajara

    23 Mac 2024, Mexico ⋅ ☀️ 33 °C

    Hüt simmer nach Guadalajara greist. Mer seit, das dass geburtstadt vo de Mariachis isch. Mir hend uu früeh müsse ufstaht will euse flüger am 6 am morgä gange isch🤷🤷. I de nacht hets us de lüftig immer im zimmer klöpfed, so dass mer i de nacht immer wieder verwached sind. Im flüger hemmer also pfüsed. Mir hend au de ganz morgä im Hotel verschlafe 😂😂.

    Am spötere namitag simmer zu verwandte vom Adrian wo er sit 20 Jahre nüme gseh het 😱😱. Sini Tante Lizet, ihre sohn de Luis Hector, ihri Tochter Lizet mit em ma Hernan und de zwei töchtere, Arlet und Alexis. Tochter Lizet het Barbacoa gmacht wo u fein gsie isch. Mir hend eus sehr vill z verzellä ka und sie hend sehr neugierig eus gfröged wie eusi reis lauft. Mir sind am abig na is stadt zentrum vo Guadalajara an en märt go umeluege und öpis chlises go esse. Es isch u en schöne abig gsie und mir sind sehr herzlich vom Adi sine verwandte empfange worde 🙂.    Baca lagi

    Lihat terjemahan
  • Borboas trip

    Tlaquepaque

    24 Mac 2024, Mexico ⋅ ⛅ 30 °C

    Mit de Lizet, am Adrian sinere tante, simmer is viertel Tlaquepaque. Das viertel isch bekannt für lädeli mit figure zum usstellä. Natürlich hemmer zerst zmörgeled imeme märt 😄.
    Tlaquepaque isch ganz es schöns vierteli wo sehr dekortiert isch.

    Am abig simmer zu de Lizet junior zum grilliere oder wie mer uf spanisch seit carne asada. Die ganz familie Borboa chunt us Sonora, en Bundesstaat im norde vo mexiko. Sonora isch bekannt für sis rindfleisch und natürlich chunnt nüt anders uf de grill bi sine verwandte🤣🤣. Mir sind also i zwei verschideni läde gfahre zum fleisch sueche wo passt😂😂. De Hernan, de ma vo de Lizet junior, isch ufere ranch ufgwachse mit öpe 2000 chüeh. Dementsprechend het er es super händli zum fleisch ussueche und grilliere. De Hernan het churzerhand tomate zwieble und chili grilliert und e super salsa zaubered😎. S fleisch us Sonora isch also absolut so fein gsie wies versproche hend. T jeannine het gmeint es sind bi beste tacos wo sie je gesse het 😂😂. Mir hend bis zabig spaat greded und vill glached 🙂.    Baca lagi

    Lihat terjemahan
  • Borboas trip

    Downtown Guadalajara

    25 Mac 2024, Mexico ⋅ ☀️ 28 °C

    Am Adi sini verwante hend natürlich amix au müsse schaffe. T Jeannine und de Adrian hend also am morgä downtown Guadalajara uf eigeni fust unsicher gmacht.
    Am Namitag sind eus am Adi sini verwante go holä cho und mir sind in es giganitsches ichaufszentrum. Mexikaner gönd allgemeim sehr gern i ichaufszentrum 😂😂. Sie hend mit eus zumene chines wellä wo sie u gern hend. Nach dem mer echli go ledelä sind, simmer in es anders ichaufszentrum im "riche teil" vo Guadalajara und ja mer hets de lüt scho agseh das geld hend😅😅. T wohlstandschär isch da in mexiko scho nachli grösser als was mir eis gwöhnt sind i de schwiiz😅😅. Am Abig simmer wieder zu de Lizet junior und hend bis i tnacht gschwätzed🙂.Baca lagi

    Lihat terjemahan
  • Borboas trip

    Tequila

    26 Mac 2024, Mexico ⋅ ☀️ 31 °C

    Hüt gahts ab nach Tequila mit de Lizet und em Hernan. Tequila isch de geburtsort vom alkoholische Getränk mit em gliche name 😂😂. Es isch super turistisch und a allne eggä findet mer cantaritos. Es getränk mit tequila imene tonglas. Natürlich hemmer das müsse probiere 😂😂✌️✌️. Es git 100 usstelligä über t gschicht vom getränk tequila und Mariachis wo musig mached. Zum echli öpis im mage ha, hemmer chips mit maischörner, chili und verschiedene salsas gesse. Uf em zrugg weg simmer bi de cantaritos el guero, was sovill heisst wie cantaritos vom wiise, aghalte. Das isch es bekannts lokal i de nöchi vo Tequila wos 24 h 7 täg i de wuche es fest git😂😂. Es isch lustig gsie de lüt zueluege mit es bitzeli fremdschäme 😂😂🤷🤷. Am abig hemmer eus vo allne verabschided und sind echli. Bedusled go schlaffe 😂😂.Baca lagi

    Lihat terjemahan
  • Borboas trip
    Mir zwei mit de EmmaD Emma schlaft uf em Buch vom Adi🥰Mit de Emma, Gretel, Emilio und de Perla Gisel

    Vo Guadalajara nach Mexicali

    27 Mac 2024, Mexico ⋅ ☀️ 28 °C

    Hüt gats vo Guadalajara nach Mexicali, ganz in Norde, at Grenze vo Mexico und de USA. Dete wohnt de grössti Teil vo de Familie vom Roman.
    Bim Gate simer die einzige Touris gsi, was au de Polizei ufgfalle isch. Eus hends no speziell kontrolliert und eusi Päss gfötelet. Nach de landig ischs gliche wieder gsi. Hend de Polizei ines Rümli derfe folge, Frage beantworte und eusi Päss fötele la. Warum, wüssemer bis hüt nöd so gnau.
    Bim Flughafecafi het den d Perla und de Ruben, de Brüeder vom Roman und sini Frau, uf eus gwarted.
    Als ersts simmer ines Resti gfahre go zmorge esse, Chilaquiles, verschnitteni Tortillas mit enere scharfe Sauce und Käs. Richtig fein!
    Nach dere Stärkig simmer zu ihne hei gfahre, wo mer au die nöchste Täg chönd übernachte.
    Im Verlauf vom Tag/Abig sind d Kind vo de Perla und em Ruben cho Hallo säge. Perla Gisel, die ältisti Tochter mit ihrem Sohn, Draco.
    D Monica mit ihrem Ma, Luis und ihre zwei Kind, Emilio und Gretel.
    Und de Rubencito mit sinere Frau de Sarai und ihrere Tochter Emma.
    It Emma hemmer eus grad verliebt, sue isch soooo es unheimlich herzigs, ufgweckts und chli frächs Meiteli. Sie het eus immer Tio Esposo und Tia Esposa gseit, was soviel heisst, wie Onkel Ehema und Tante Ehefrau.
    Es isch en unheimlich warme und herzliche Empfang gsi und so schön, de Teil vo de Familie derfe kenne zlerne!    Baca lagi

    Lihat terjemahan
  • Borboas trip
    Im Fischresti
    Bi de CeliaIm Lieblingslade vo de PerlaVor em ChinarestiMit de Emma🥰Bim Chines

    Tiempo con la Familia

    29 Mac 2024, Mexico ⋅ ☀️ 29 °C

    Die nögste drü Täg sind ganz im Zeiche vo de Familie gstande.
    D Perla het eus jewils mit ihrne Kochkünst verwöhnt oder/und mir sind i Restis gange go ässe. Natürlich het e Taqueria nöd derfe fehle, dete het mer chöne Zuetate selber schöpfe und zueluege, wie sie s verschiedene Fleisch brätlet.
    Es anders Mal simmer ines super Fischrestaurant, au muy rico gsi😊
    Natürli het en witere Bsuech bim Chines au nöd derfe fehle😅
    Es het au en chline Halt im Walmarct. D Lieblingslade vo de Perla😁

    Näb de Familie vo de Perla und em Ruben, het de Adi no e Tante, d Celia. Sie het drü Töchtere, zwei wohnet i Privadas (izünte Quartier) in Mexicali, sind verhürated und hend 1 resp. 2 Sohn. Die dritt d Luli wohnt mit ihrem Ma und de Zwillingsbuebe in Tijuana/San Diego.
    D Celia het eus i ihres Dihei für en riise Grill iglade, wo mer au ihri zwei Töchtere mit Familie troffe hend. Au das isch en schöne und feine Namittag gsi😊    Baca lagi

    Lihat terjemahan
  • Borboas trip
    1

    Shoppingtime & Steak

    5 April 2024, Amerika Syarikat ⋅ ☀️ 14 °C

    Mit de Cousinene vom Adi simmer hüt i verschiedeni Outlets gange und hend chli gshoppet😁 das muss mer i de USA au mal gmacht ha😅 mir sind beidi guet fündig worde😂

    Am Abig hend eus d Luli und ihre Ma de tato ines Steakresti wele ilade. Sie sind eus mit em Auto bim Hotel go abhole. Bim Resti het de Ma vo de Luli d Autoschlüssel am Concierge zum Parkiere ge.
    S Resti isch super chic gsi u d mir sind beid chli underdressed gsi😅 s Ässe super fein aber au uh tüür.
    Wo mer den wieder gange sind, het de Ma vo de Luli no müsse 22 Doller fürs Parkiere bim Restaurant, wo mer easy viel Geld ligge la hend, no müsse zahle! Ufff det simer mit de Priise scho grad chli uft Wält cho😂 Bsundrigs nach langem Reise, i eher günstigere Länder😂    Baca lagi

    Lihat terjemahan
    Tamat perjalanan
    24 April 2024
  • 2025© FindPenguins
  • Utama
  • Mengenai kami
  • Penjejakan kumpulan
  • Akhbar
  • Terma
  • Privasi & Cookies
  • Pusat Bantuan
  • Cetakan