Aramayı sıfırla
Borboas trip
  • Adrian Borboa
  • Jeannine Borboa
  • Marion Fluck

Borboas trip

Adrian, Jeannine & Marion tarafından 207 günlük bir macera Okumaya devam et
+5
Takip EtGenel BakışTakvimPaylaşPaylaşYapılacaklar listesi
En yenisi başta
  • Gezinin başlangıcı
    1 Ekim 2023
    Borboas trip

    Hasta Luego!

    1 Ekim 2023, İsviçre ⋅ 🌙 16 °C

    Nache me gigantische salat und eme emotionalä abschied simmer uf em weg zum Gate E56! Mir freued eus us es verruckts abentür mit sprüngli praline im gepäck😉.
    Natürlich hemmer au es rivella und biberli debi. Negsti stop Singapur 🍜🍜

    Mir bedanken eus nomal bi allen für die tolli Hochziit und wenn ihr das lese chönd wüssed mir eusi chärli sind acho😉.    Okumaya devam et

    Çeviriyi gör
  • Borboas trip

    One night in Singapore

    2 Ekim 2023, Singapur ⋅ ☁️ 30 °C

    Ziemlich duregrütlet und mit mehrnere kreis über singapur simer den äntlich erfolgrich glandet😊
    Churz is hostel, wo kei schue erlaubt sind, und den ischs los gange, d Marina Bay go entdecke... Wunderschön und atemberaubend😁 natürli het en welcome drink nöd derfe fehle🥂
    Nachher simmer die bekannte Pilz go sueche😊 und natürli en znacht: Singapor Noodles    Okumaya devam et

    Çeviriyi gör
  • Borboas trip
    1

    Singapore to Bali

    3 Ekim 2023, Singapur ⋅ ☁️ 30 °C

    No bizli vom jetleg kennzeichnet simmer mit emene kafi und emene eierbrötli vom 7/11 in tag gstarted. Mir sind de Gartens by the Bay go aluege. Wüki uh schön und alles im motto vo avatar. Sogar mir sind avatarisiert worde und händ ois drache usgsuecht, mit dem mir händ chöne umeflüge😁
    Uf em weg an Flughafe hämer gmerkt, es isch nöd nur uf de strasse linksverkehr, sondern au uf de rollträppe😅
    Am flughafe het de adi e spacy soup bstellt, uiuiui die muss spacy gsi si, sogar er het en huesteafall becho😂 und da mer da nöd sött schnüütze, het er nachher schnäll es wc müsse ufsueche😅 ich han mich amüsiert😂

    Jetzt sägemer scho tschüüüüs singapur und hello bali😁☀️    Okumaya devam et

    Çeviriyi gör
  • Borboas trip

    Warung 19 ❤️

    3 Ekim 2023, Endonezya ⋅ ⛅ 26 °C

    Acho in bali hämer zerst oisi meeega unterkunft bestunt.
    Natürli hämer no öpis wele go ässe. Nach 3x d strass hin und her laufe und vieli restis, wo scho zue gsi sind, hämers warung 19 am strasserand entdeckt. Wo mer nach em menü gfrägt hend, het de bsitzer uf sin rohe fisch und crevette zeigt und gmeint, this is the menu! Bi fisch und crevette sägi ja nie nei😁. Er hets uf sim grll grilliert und es isch öpis vom beste gsi, wo mir je gässe händ😁 okeee und viellicht schmöckts ässe au chli besser, wenn mer mit de hand isst👌und nur mit de rächte hand ischs nöd emal so eifach😂Okumaya devam et

    Çeviriyi gör
  • Borboas trip
    11

    Lockere tag

    4 Ekim 2023, Endonezya ⋅ 🌙 27 °C

    Nach langem usschlaffe, also weg em jetlag am 6 verwache, simmer zerst mal e rundi go zmörgele. Es het scho nuddle und riisgricht gä, de wahnsinn🍜🍜🤯🤯. De rest vom morgä simmer a eusem privat pool umegläge und hend eus vo de balinesische sunne abrutzlä la. E sim charte poste isch da na e cheibe komplizierti sach, de halbi namitag isch für das druff gange! Zum engerie tanke hemmer mie goreng und snake fruit gesse.
    De abig hemmer bi super feine meeresfrücht und fisch am strand vo jimbaran usklinge la. Musikalisch isch de abig vonere indonesisch band begleited worde, wo de sänger eus imene soloturner dialänk mit "Guete abe" begrüest het, wo er kört het, das mer us de schwiiz sind 😅😅.    Okumaya devam et

    Çeviriyi gör
  • Borboas trip
    2

    Usflug mit emene Möfi

    5 Ekim 2023, Endonezya ⋅ ⛅ 27 °C

    Hüt simmer mit emene Roller dur Bali düset. De Verkehr völlig wahnsinnig, aber de Adi het ois super sicher zum Garuda Wisnu Kencana Park bracht. Äntlich het sich de adi no e Sunnebrülle kauft, vo Porsche für öpe 6.-💪👌 im Park hämer drü riisigi Statue aglueget. Eini isch die 4t grössti uf de Wält. Es isch e Affehitz gsi und händ ois binere Tanzuffüerig chönne chli abchüele.
    Den simmer müed gsi und sind is hotel oise privat pool go gnüüse. Am abig hämer no Nasi Goreng und Mi goreng gässe☺️ peace und out✌️    Okumaya devam et

    Çeviriyi gör
  • Borboas trip

    Pool und Uluwatu Tempel

    6 Ekim 2023, Endonezya ⋅ 🌙 27 °C

    Hüt hemmer so lang gschlaffe das mer sogar s zmörge im hotel verpasst hend. Wie schön das gsie isch! Bis am früeh namitag simmer a eusem privat pool gläge und hend baded oder gläse. Bevor mer abkolt worde sind hemmer na satai spiesli gesse will mer erst zabig spaat retour chömmed. Miteme fahrer hemmer ca 2 stunde brucht um zum Uluwatu tempel cho. Am abig hets e balinesisch show im tempel gä, Kecak füürtanz. Vor de show hemmer na chönd de tempel go aluege. Mer muss wahnsinnig ufpasse das eim t affe i dem tempel nüt stibitzed! Sie chlaued de turis gern brüllene oder es hany🙉🙉. S amphitheater isch mega vollä gsie, gfühlt jede platz zwei mal verchaft, aber es het sich glohnt🙂. Es isch e verruckti ufführig wo e horde männer instument nagmacht het e ganzi stund lang. Würklich e guet gmacht show! Zum znacht simmer nomal is Warung 19 go esse. Eifach de wahnsinn. 😎🤙🤙Okumaya devam et

    Çeviriyi gör
  • Borboas trip
    11

    En fuule tag

    7 Ekim 2023, Endonezya ⋅ 🌙 26 °C

    Bädele, schlafe, läse, massage und fisch ässe - en tolle tag gsi zum fuul si😎

    Çeviriyi gör
  • Borboas trip
    3

    Geburichind Adrian

    8 Ekim 2023, Endonezya

    Hüt het de adrian geburi! Nache me ganz lange happy birthday song vo de jeannine simmer go zmörgele. Mir sind am pool am chille go wos uf ei mal glüted het. De adrian hät gmeint es isch e putzequipe wos zimmer wot mache, aber da isch er ganz falsch gsie! T jeannine het en geburi chueche organisiert und e fläsche rose zum astossä. S hotelpersonal het ihm au nomal happy birthday gsunge😊. Am spötere nami simmer mit zwei Grabs an fischmärt und aschlüssed detä i de umgäbig go umelaufe. Aschlüssend hemmer e bootstour gmacht und de sunneundergang uf em boot gluegt, how romatic! Mir hend znacht imene resti am strand gesse wo black pearl heisst, so fein! Nach em esse simmer volle und liecht beschwibst is bett keit. So en schöne geburi🥳🥳.Okumaya devam et

    Çeviriyi gör
  • Borboas trip

    Bali Belly 😬

    9 Ekim 2023, Endonezya ⋅ ⛅ 30 °C

    Was sölli säge, Bali het mich uf jedere Ebene für sich igno, leider au im Mage-Darm Bereich... De Bali Belly lässt grüssen😬 wos mer gäg de spöter nami eher schlächter als besser gange isch, hämmer beschlosse, oisi witerreis uf ubud um ein tag zverschiebe. Am abig hani den no e noodle-soap gässe, was scho en fortschritt gsi isch🙈 und natürli bini vom adi sehr guet pflägt worde😍Okumaya devam et

    Çeviriyi gör
  • Borboas trip
    De pfui burgerDe jummi burger

    Uskuriere und Überfahrt nach Ubud

    11 Ekim 2023, Endonezya ⋅ ⛅ 25 °C

    Am 10. Oktober simmer nomal e nacht in Jimbaran bliebed, demit sich t Jeannine vo ihrem Bali Belly nachli chan erholä🙉🙉. Es git also schlimmeri ort uf dere welt zum sich uskuriere 🤣.

    Am 11. Oktober isch eus euse fahrer, de Budi, am mittag go hole zum uf Ubud düse. Am Namitag simmer in Sacred Monkey Forest. Die balinesische figure wo götter darstelläd sind de wahnsinn!
    Mit de affe i dem park mummer echt ufpasse, das eim nüt stibitzed🙈🙈. Sie sind herzig aber frech...

    T jeannine het scho de ganz tag sooo lust uf en hamburger ka, also hemmer eus am abig uf t suchi nach eim gmacht. Mir sind in es normals indonesisches restaurant ghöckled. De Adrian het schweinerippli mit riis pstellt und t jeannine ihre heiss ersehnti hamburger. Leider isch de e gigantischi enttüschig gsie 😅. S brötli härt und s fleisch wahrschindlich i de mikrowelle ufgwärt, pfui! T jeannine hets härt agschisse🙆‍♂️🙆‍♂️🙆‍♂️. De Adrian het also ganz schnell müsse usesse demit sie sich uf t suechi vomene aständige hamburger hend chöne mache. T jeannine und de adrian hend sich immene hambuger lade also als zweite znacht je na en cheeseburger inezogä, aber zum nöd übertriebe e portion pomfrit teilt😉🤙🤙. Happy wife happy life!    Okumaya devam et

    Çeviriyi gör
  • Borboas trip
    12

    Uf Erkundigstour in Ubud

    12 Ekim 2023, Endonezya ⋅ ☁️ 28 °C

    Hüt morge isches scho früe los gange. Am halbi 7ni simer uf oise roller ghoket und zu de Riisfälder vo Tegallalang gfahre. Es isch traumhaft schön dete gsi.
    Die Wägli zwüsche de Felder sind rächt schmal, de Adi seit no, ach da muss mer ja ufpasse, dass mer nöd ine gheit. 5 Min spöter rutschi us und lande mit mim Turnschue im Schlamm vomene Riisfäld. Jänu ei Balinesin het mer den de Schue gwäsche, dass er den au so richtig nass vo drinn gsi isch😂😂😂
    Uf em Rückweg simer andere Schaukle verbi cho, natürli hani das müsse grad usprobiere😁😎 Huiiii isch aso schono höch gange😆

    Nachher simer witer zum Tämpel Tirta Empul. Uf em weg det hi, hämer en Balines während em Rollerfahre känne glernt. Er het ois den dethi und zumene Kaffi glotst, wo er natürli schafft😉 Det hämer den e Tee/Kaffi Degustation gmacht und hend de Poo-Kaffi probiert. Jaja es isch e chlini Touri-Falle gsi, aber mir händs mega lässig gfunde😊
    Den simmer in Tempel. Es het sich usegstellt, dass dete vorallem Touris im heilige Wasser badet, das isch so biz naja gsi. De Rest vom Tempel isch aber super gsi😊 Bim Usgang het mer chöne d Durianfrucht alias stinky-fruit chaufe und probiere. Hämer grad müsse mache, aber uiiiii, die isch wüki stinky gsi und für mich gar nöd fein🤢

    Nachher simer witer zum Wasserfall Tegenugang. Uff es isch sooo heiss worde am Nami, sodass mer det grad is Wasser gumpet sind, zum eus abküele.
    Vomene Parkplatzwächter hämer de Tipp becho, dass es ganz nöch e Butterfly-Hous git, aso simer no det hi. Naja würkli umghaue hets ois nöd, jänuu... 😅

    Rächt k.o. simmer den im Hotel acho und sind no ines uh cooös Warung go znacht ässe😊 Good Night    Okumaya devam et

    Çeviriyi gör
  • Borboas trip
    12

    Sunrise Vulcano-Trekking Tour

    13 Ekim 2023, Endonezya ⋅ ⛅ 18 °C

    Hüt morge het de Wecker am 2.00 glüte, will mer biz spöter abgholt worde sind, für Vulcano Trekking Tour uf de Mount Batur. Mir sind glücklicherwis e chlini Gruppe gsi, mit emene andere D/USA-Päärli. Öpe am 3.30 simmer den losglofe, dass mer de Sunneufgang am 6i chönd aluege. Ufff es isch aso schono cheibe sträng und steil 2 stund lang duruf gange. Obe acho isches bitter chalt und sehr windig gsi. Oise Guide het den sogar no en Zmorge für ois parat gmacht, wo mer den de Sunneufgang händ chöne beobachte - wunderschön😍 bim abeweg isch den d herusforderig gsi, i dem Lavastaub nöd uszrutsche😅 une acho händ den all im Auto gschlafe und mir hend im hotel dete grad witer gmacht😅
    De nami hämer den am pool bim fuulänze verbracht🏊‍♀️😎    Okumaya devam et

    Çeviriyi gör
  • Borboas trip

    Letschti Tag in Bali

    14 Ekim 2023, Endonezya ⋅ ☀️ 28 °C

    Uii hüt het scho de letschti Tag in Bali gstarted. Zum de Tag no möglichst uszchoste, hämer en balinesische Kochkurs gmacht. Mir händ öpe 6-7 Gricht/Saucene gmacht. Eini feiner als die ander😁
    Spöter simer vom Fahrer abgholt worde, wo ois uf Kuta bracht het. Vo det us chömer morn den Zfuess an Flughafe.
    De Adi het sich den im Barbershop einisch schääre la, sodass Koreaner nöd verschrecket😅
    De letscht Abig hämer den imene herzige Warung uf emene Lovebench usklinge la...    Okumaya devam et

    Çeviriyi gör
  • Borboas trip

    Ankunft in Seoul

    15 Ekim 2023, Güney Kore ⋅ ☀️ 21 °C

    Nach eimal in Singapur umstiege und ca 8h Flugziit insgesamt, simmer am 10i am abig in Seoul glandet.
    Und scho het die erst Herusforderig, wie chömemer it stadt, agfange. Mir hend 3 ATMs probiert, bi keim isch Geld usecho. Den simer zum Zug für it stadt, tickets chasch nur mit de T-Money Karte chaufe. Aber die charte chasch wiederum nur mit Bargeld chaufe und dete hets kei witeri ATMs me ka. Die Mänsche wo mer gfrägt hend, sind ehrlichgseit au nöd die fründlichste gsi... Aso hämer es Taxi gsuecht. Eini het den es taxi für eus bstellt. De Fahrer het ois nöd eimal agluegt, erst wo er während em fahre oisi Kreditkarte wele het. Als d karte nöd funktioniert het, het er uf de Autobahn uf em Pannestreife ghalte... Ou maan, da hämer aso scho dänkt, uff wo simer da glandet😂😂😂😂
    Irgendwenn hämer den s hotel gfunde und sind in tüfschlaf gheit...    Okumaya devam et

    Çeviriyi gör
  • Borboas trip
    2

    Ersti Tag in Seoul mit Food Tour

    16 Ekim 2023, Güney Kore ⋅ ☀️ 19 °C

    A eusem erste Tag in Seoul hemmer e food tour gmacht zum die kulinarischi siite vo südkorea kennezlerne. Die ersti station isch de Gwangjang Market gsie. Das isch e gigantischi halle mit ganz vill street food ständ und chline restaurant. Mer chunt detä für jede gschmack öpis über. Vo eifache gricht wie en backed sweet potatio, über nudelsuppe i allne formä bis zu sogar live squid 🙉🙉🙈🙈. Als ersts hemmer e portion dumplings mit kimtschi und fleisch probiert.
    Nachher en korean pancake mit rindflisch tatar gmischt mit emene rohe eigelb.
    Zum abschluss hemmer na paar fish cakes, riis-chüechli i rote chili sauce und koreanisches sushi ka. Die fish cakes händ eus bednä nöd so gmundet😅😅. Mir hend alles miteme sweet rice juice abe gspüehlt. Während em umelaufe hemmer verschiedeni chlini snacks ka. Die zweiti Station isch es Hanok-Village gsie mit ganz viellne tradiotionellä hüüsli. Am Schluss vo dere Food Tour simmer na im es Koreanisches Tee-Huus.

    Zum verdaue simmer in stadtteil gangnam, wo aus slied vom Psi gwitmed isch. Detä gits au di bekannti Starfield Bibliothek.

    Zum znacht hemmer e Nudelsuppe imene Resti ka wo sogar verschiedini Michelin Sterne het, verruckt!

    De Abig hemmer bimene Night Marked usklinge la😎🤙.    Okumaya devam et

    Çeviriyi gör
  • Borboas trip
    2

    It Hanbok-Kultur itauche

    17 Ekim 2023, Güney Kore ⋅ ☀️ 20 °C

    Scho biz ufgregt simer verwachet, will hüt gaz zum Gyeongbokgung-Palace und zwar imene Hanbok-Outfit (traditionelli Kleider vo Korea). Grad näm em Palast hemer scho de ersti Lade gfunde, wo die Kleider vermietet. Beidi sind ruckzuck akleidet worde und d Jeannine sogar no frisiert😅 Uf em Weg zum Palast händ scho die erste mit eus wele Föteli mache und sogar de Koreaner hämer es Lächle oder e kurzi Unterhaltig chönne entlocke😊
    De Palast isch sehr schön und riesig gsi. Den simmer witer is Bukchon Hanok Village, es traditionells Viertel mit sehr viel Turis. Nach 3 Stunde hämer den oisi gmietete Kleider wieder chöne abgeh. Als chlini sterkig simer ines ganz chlises Resti go e Dumpling-Suppe go ässe.
    Den hämer ois durt Stadt tribe la und händ vieli spannendi Sache entdeckt, vo Statue zumene Markt bis zunere Wachablösig.
    Churz vor Sunneuntergang simer uf de Seoul Tower, det hämer e grandiosi Ussicht über Seoul bi Tag, während Sunneuntergang und bi Nacht chöne gnüsse.
    Nach soviel umelaufe simmer hungrig an Nachtmarkt und händ ois durch diverses Streetfood gschlemmt, jammiiiii😁    Okumaya devam et

    Çeviriyi gör
  • Borboas trip

    DMZ - demilitarisierte Zone

    18 Ekim 2023, Güney Kore ⋅ ☁️ 11 °C

    Hüt isches mit enere gfüerte Tour it DMZ a de Gränze zu Nordkorea gange. Mir händ aso scho biz Respäkt vor dere Tour gha. Zerst hämer binere Brugg und emene Wasserfall, ohni Wasser - haha, en Halt gmacht. Den isches witer anen Friedensplatz gange mit verschiedene Denkmähler.
    Nachher hämer d Gränze vo Südkorea i die DMZ passiert, wo au e Passkontrolle gmacht worde isch. Es het allgemein unheimlich viel Stacheldraht, Kameras und Militärsache gha, wo mer alles nöd het derfe fötele. Näbete Strass hets riisigi Wälder gha, die alli vermient sind. Die Miene sind alli us Plastik, sodass en Metalldetektor sie nöd findet. Selbst wenn mer die Gränze irgendwenn emal chan ufhebe, ruume vo de Mienene wird chum einisch möglich si.
    In Südkorea het mer au 4 Tunnels vo Nordkorea uf Seoul gfunde. Eine devo hämer chöne go aluege. De isch 73m under de Erde und öpe knapp 2m uf 2m. Es isch aso scho rächt äng gsi und Jeannine isch sehr froh gsi, wo mer wieder use cho sind.
    Bim nöchste Stopp hämer uf e Plattform chöne und händ uf Nordkorea übere gse. Es het au diversi Ferngleser gha, wot Dörfli/Stadt aber au Mänsche uf Velos oder uf Fälder am schaffe gse häsch. Mir münd zuegeh, mir sind vo dem chli hinundher grisse sind. Uf de einte site, isches wahnsinnig spannend gsi und het dem "Nordkorea" es Gsicht geh. Es isch eim nomal meh bewusst worde, dass trotz dene verrückte News i de Medie, es Mänsche sind. Uf de andere Site simmer ois scho chli als Gaffers vorcho, wo die Mänsche beobachted hend.
    D JSA Area isch leider gschlosse imomänt, da im Summer öpert illegal dete uf Nordkorea inne isch.
    Es isch en unheimlich spannende Tag gsi, wo aber au sehr zum nahdänke agregt het.    Okumaya devam et

    Çeviriyi gör
  • Borboas trip

    Ruhig gstartet und wild gändet :-D

    19 Ekim 2023, Güney Kore ⋅ ☁️ 17 °C

    Nach drü sehr spannende, aber au asträngende Täg hämer hüt usgschlafe. Den simmer no einisch a de Street-Food-Markt vo de Food-Tour und händ e Noodle&Dumpling-Soup zum zmorge gässe😊 Den simer no a dem bekannte Stand verbi cho, wo inere Netflix-Doku drüber brichted wird. Natürli hets dete e riise Schlange gha.
    Mir sind au no am Flüssli wo dur ganz Seoul gat go spaziere. S Wätter isch aber nöd so toll und mir rächt müed, drum hämer no es Namittagsschläfli im Hotel gmacht😊
    Bevor mer am Abig aber los sind, hämer mit de Gradi und em Lee chönne telefoniere und eusi zuckersüessi Nichte chönne känne lerne😍 d Brielle hämer ez scho gaaaanz fest is Herz gschlosse❤️❤️❤️
    Nachher isches is Studänteviertel anes Pub-Crowl gange. Mir händ ganz viel Mänsche vo überall uf de Wält känne glernt und händs unheimlich lustig gha🎉😎 es het inere Supermario-Bar agfange, witer zumene Beer-Pong, den i ne Karaoke-Bar und zum Schluss in en HiphopClub.
    Bevor mer hei sind, hämer no e Pizza als Mitternachtssnäck gässe. Det hämer so chlini grüeni Päckli becho, wo usgse händ, als wär es Tüechli fürt Händ drin. Wo de Adi es ufgmacht jet zum d Händ butze, isch aber Parmesan usecho und über sini Händ cho😂😂😂 Mir händ Träne glacht😂😂😂    Okumaya devam et

    Çeviriyi gör
  • Borboas trip

    Busreis nach Sokcho

    20 Ekim 2023, Güney Kore ⋅ ☀️ 15 °C

    Mit em bus simmer at nordost küst vo Südkorea. Mir sind vo Seoul of Sokcho gfahre. Tbüs sind sehr bequem und mir hend beidi es schlöffli gmacht. Spub Crawl vom abig vorher het sini Spure hinderla😅😅.

    In Sokcho acho simmer as Meer go zwei Pagodä und de Fischmärt go aluege. Koreaner essed absolut alles wo us em Meer chunt! A dem Fischmärt het mer au Chugelfisch chöne poste. Das isch zu vill Risiko für eus🙈🙈.

    Am abig hemmer eus uf tsuechi gmacht nache me Restaurant zum znacht esse. Gfühlt i jedem Resti chammer Chräbs esse. Mir hend aber lust ka uf eusi täglichi nuddle suppe. Mer seit ja nöd um sust: A nuddlesuppe a day, keeps the doctor away" 😎✌️.
    Mir sind in es Restaurant ganz i de nöchi vo eusem hotel und hend, wie üblich da in Korea, amene Bildschirm euses esse sptellt. Scho nach ganz churzer ziit isch esse cho wo mir nöd sptellt hend. En eiersalat, muschelsuppe und riis-chüchli i roter sauce. Leider het eusi chälner nöd so super englisch chönd und isch nöd drus cho wo mer ihn gföged hend, ob die vorspiese inbegriffe sind.
    Mir hend via übersetzigs-app mit em cheller müsse kommuniziere und er het gmeint, euses esse wird i de chuchi vorbereited. Am endi hemmer eusi super feini meeresfrücht-nuddelsupper becho und au die paniert crevette wo mer pstellt hend. Mir sind völlig überesse is bett und hend super pfüsled😊👍.    Okumaya devam et

    Çeviriyi gör
  • Borboas trip
    1
    11

    Wandern im Seoraksan-Nationalpark

    21 Ekim 2023, Güney Kore ⋅ ☀️ 13 °C

    Am 6.30 simer uf de ersti Bus für in Nationalpark und es isch bitterchalt bi 6 Grad gsi. Es het aber scho soo viel Lüt dete gha, das de Bus gar nöd zum Igang het chöne fahre. Den simer a dere ewigs lange Autokolone verbi glofe. Oises Ziel isch de Ulsanbawi-Felsä gsi. Ufem Ufewäg simer anere riisige Buddha-Statue, a verschiede Brüggli und wunderschöne Tämpel verbi cho. Am Schluss isches no rächt steil worde und mer sind schono is schwitze cho.
    Obe acho hämer e traumhafti Ussicht bis zum Meer gha und d Wälder sind i sehr kräftige Herbstfarbe taucht gsi.
    Im Windschatte vom Fels händ d Koreaner picknickt, was mer au grad händ müsse mache. Zu eusere Überraschig händs eus verschiedenes Ässe gschänkt wie Guezli, kochti bruni! Eier und Süessigkeite😊

    Zrug im Hotel hättemer no zu de heisse Quelle wele, aber das 5min Powernap vo de Jeannine isch 2h gange, warum mer den nüm gange sind. Defür simer an Strand und händ e feini und scharfi Seafood-Noodle-Soup znacht gässe.    Okumaya devam et

    Çeviriyi gör
  • Borboas trip

    Busfahrt nach Andong

    22 Ekim 2023, Güney Kore ⋅ ☁️ 18 °C

    Vo Sokcho us hemmer eus uf de weg nach Andong gmacht.
    Wo mer sbusbillet posted hend, isch es leider nöd möglich gsie, es billet direkt uf Andong zposte. Mir hend müse en zwüschestop mache und bi dem zwüschestop es aschlussbilet poste. Leider hemer eu nöd chöne sbusbillet online poste, will mer e koreanischi Bankcharte brucht. I viel sache sind Koreaner voll modern i anderna, ja na 😅. Es voll härzigs elters koreanisches pärli, wo in Frankfurt wohnt, hend eus ghulfe tbillet posted. Sie hend sogar für eus mit de dame am billetschalter verhanled😂.
    In Andong acho het scho die negst herusfordig agfange. De busbahnhof isch usserhalb vo de stadt. Für en nicht koreaner isch es au mit internet nöd ganz eifach zum usefinde welä bus wohii fahrt und vo wo🙉🙉. Am schluss het eus en busfahrer ufgabled und mir sind über ganz villi umwege richtig stadt zentrum gfahre. Mir sind im bumler-bus ghocked. De busfahrer isch bi de rotliecht amix ufgstande und het eus tipps gä, wie mer am beste zu eusere underkunft chömmed. Chume isch tample wieder uf grüen gsie isch er füre as stürrad grennt und isch wiiter wie en hencker richtig innestadt grased🙈🙈.

    Am abig simmer es typisches gricht vo Andong go esse, spice chicken mit nuddle. Mir sind an en bekannt foot-marked und hend imene restaurant am bode gesse. Nöd ganz italiä konform hemmer e schär übercho zum tnudle verschiede. Nudle mit stäbli esse isch nöd ganz eifach. Wemmer sich nöd gwönt isch, isch e sauerei unvermiidbar. tjeannine hets gschaft a de frau hinder ihre en fläcke uf tjagge zmache🙈🙈. Die frau hets nöd realisiert und mir hend eus nüt amerke la 😬😬😂😂. Spicy chicken mit nuddle isch de wahnsinn gsie. Zum glück isch es e riese postion gsie und mir hend na en guete zmittag für am negste tag ka. Sparfüchs halt😉    Okumaya devam et

    Çeviriyi gör
  • Borboas trip
    En Kaki-BaumOisi UnterkunftOises BettMaskemuseum

    Hahoe - Historic Village

    23 Ekim 2023, Güney Kore ⋅ ☀️ 19 °C

    Als mer hüt morge verwachet sind, hämer nonig gwüsst, wo mer hüt abig schlafe werdet. Mir händ wele imene traditionelle Huus in Hahoe übernachte, aber online isch alles nur uf koreanisch gschribe gsi. Eini vom Touristic Center het gmeint, mir chöned eifach im Dorf go klopfe ga😂.
    Nach enere Kamikaze-Busfahrt simmer 30 min früener acho, als de Plan gmeint het😅
    Bim Igang hets nomal es Touristic Center gha und die Dame het wüki guet englisch chöne und het ois es Zimmer im Dorf chöne vermittle😊
    E chli erliechtered simmer gsi, dass mer es Schlafplätzli gfunde händ😀💪
    Den hämer en gmüetliche Tag i dem sehr herzige und überschaubare Dörfli verbracht.
    Am Abig hämer no d Uno-Championship eröffnet, wo ich igestah mun, das hüt de Adi gunne het. Morn gits e Revange😎✌️    Okumaya devam et

    Çeviriyi gör
  • Borboas trip
    Oises ZimmerOisi Unterkunft

    Reis nach Gyeongju

    24 Ekim 2023, Güney Kore ⋅ ⛅ 19 °C

    I somene traditonellä dörfi schlaffe isch ja ganz e lässigi sach. Es bedüted aber au, dass mer am bode ufeme dünne mäteli schlaffe muss. Mir hend eus bedi gfreut, dass mer i de negest nacht wieder imene bett chönd schlaffe. De morgä isch neblig gsie und ganz ruhig. Mer het nüt kört ussert es paar vögeli zwitschere.

    In Gyeongju acho, simmer am abig nachli i de stadt go ume laufe und hend öpis zum esse gsuecht. Mir hend bedi Wahnsinnig lust ka uf e nuddelsuppe. Mir sind in es restaurant ghocked wo e schale und essstäbli als lüchtreklame ka het. E elteri frau het eus bedient und het eus versucht z erchläre, dass sie zwei arte vo nuddelsuppe hend. Eini mit "water" die ander ohni. Mir hend je eini gno und na dumplings 🙃. Beidi nudel suppene sind chalt cho, super gschack aber leider nöd ganz das wo mer eus vorgstellt hend. Mir hend eus gfröged wieso mensche e chalti Gazpacho suppe esse, wemmer eifach e warmi tomatesuppe esse chan 🤷‍♂️🤷. T dumplings sind defür de hammer gsie.    Okumaya devam et

    Çeviriyi gör
  • Borboas trip
    Bibimbap

    Velotour dur Gyeongju

    25 Ekim 2023, Güney Kore ⋅ ☀️ 22 °C

    Gyeongju isch bekannt als e Museumsstadt ohni Dach. I de ganze Stadt findet mer vieli historischi Sache. I verschiedene Parks gits grüeni Hügel, wo jede Hügel es Grab darstellt us de Silla Dynastie.
    Also hämer ois es Velo gschnappt und sind ois die Sache go aluege. E chli Velofahre hämer beidi sehr gfühlt, vorallem de Adi uf sim Frauevelo😊
    Mir sind mit em Velo no zum Bahnhof gfahre, dass mer Billet für oisi Witerfahrt hätted chöne chaufe. Det acho hämer de Igang nöd gfunde, aso i de Igangshalle isch es Museum gsi. Imene Lädeli näbet dra, händs ois mit Händ und Füess erchlärt, dass das de alte Bahnhof isch. Somit simmer eimal meh uft Googlemaps inekeit, wo nüm aktuell isch😂 de neu Bahnhof isch vo de Stadt rächt wit weg, darum simer zrug zum Busbahnhof.
    Langsam hämer glaub e Noodle-Soup Sucht entwicklet, darum hets am Mittag e Ramen ge.
    Am Namitag simer no andere schöne Brugg verbi cho und det simer no ines herzigs Kaffi chli go si.
    Am Abig hets den no es feins Bibimbap ge☺️    Okumaya devam et

    Çeviriyi gör
  • 2025© FindPenguins
  • Ana sayfa
  • Hakkımızda
  • Grup takibi
  • Basın
  • Hükümler
  • Gizlilik & Cookies
  • Yardım Merkezi
  • Damga