Schloss Bodrum

Bodrum Kalesi

Schloss vo Bodrum, au bekannt als d'Sankt-Peter-Festig, isch im 15. Jahrhundert vo de Johanniter-Ritter baue worde. Sie händ es zur Verteidigig gäge s'Osmanische Riech bruucht. Weniger erfolgriech, will spöter isch es vo de Osmane übernoh worde und het im Laufe vo de Ziit verschiedeni Funktione kha, zum Bispiel als Gfängnis. Hüt isch e Museum und beherbergt vor allem d'Unterwasser-Archäologie vo de Ägäis.

Hüt simmer genau das Schloss go aluege, wo mega guet erhalte isch. Au d‘Alag an sich isch sehr pflegt. Vo usse wirkts mega kli, aber mir hend mehreri Stunde drinn inne verbrocht. Het üs sehr guet gfalle. Au de Darinka. Schliesslich het sie sich um a Babykatz könne kümmera.

De z Mittag hemmer dete ignoh, wo mr gester de z Nacht gesse hend, wills üs so guet gschmeckt het und s‘Resti au gad in dr nöchi gsi isch.

Ufem Rückweg simmer no paar klini Mitbringsel go pöstela und i bin zum Barber, während Darinka sich in dere Zit mit de Bilder in Nostalgie gschwelkt het.

De z Nacht hemmer hüt im Hotel ignoh mit wunderschönem Blick über Küste vo Bodrum.Leggi altro