Anreise Rom

In Rom hemer üsers Hotel im Stadtviertel Trastevere. Mier sind am früeha Nomitag ako, zerst natürlich hemer üs igrichtet im Hotelzimmer. Noch dem simer gad mol Stadtviertel go erkunda. De Erol so organisiert wie er isch het er schu mol as Resti ussagsucht natürlich immer schön Google-Bewertiga abchecka😂 Zum zmittag hemer üs gad dia ersti Spezialität gönnt - Cacio e Pepe. Spaghetti mit Pecorino Romano und schwarzem Pfeffer – cremig, würzig. Noch dem feina Essa simer gad a Paar Sehenswürdigkeita go abklappara. Zersta isch Basilica di Santa Maria, dass isch dia ältisch Kircha vu Rom. Sehr idrücklich gsi, i bi amigs so faziniertt vu dena Molkünst und natürlich auch vu dem viela „Glitzer/Gold“. Au döt hani nomol as Kerzli azündet. Witzigerwis het ma döt gad kontaktlos mit dr Karta zahla könna. Danoch hemer an längera Spaziergang gmacht zum Gianicolo Belvedere. Döt het ma eina vu da schönsta Panoramablick über Rom. Ufm Weg döt hi hani wunderschöni Bluama gseh, döt hani natürlich as Föteli brucht💜🌸 Bim Gianicolo Belvedere hemer kli dSunna gnossa und i han mier no as Magnetli vu Rom kauft, mis Ziel isch es vu jedem Ort as Magnet mithei zneh😁 Uf dem Platz isch a mega cools Autöli parkiert gsi, mit dem wäri au gern go umadüsa (siehe Foto).
Znacht hemer üs zur nächsta Spezialität gwogt - Carciofi alla Giudia sind knusprig frittierte Artischocken. Isch Ok gsi, müemer aber kai 2tes mol ha😬Read more