Gallipoli

Tag 3 & 4

An da 2 letzta Täg hemers üs guat go loh. Das heisst eifach kli sii und entspanna. Mier sind am Meer gsi, sünnala, reda, kli Calamari essa und bädela. I bi würkli sooo begeistert vu dem Meer, eifach wunderbar. Au zHotel isch würkli mega, das Personal und au zessa isch sehr guat.
Denn: was mr no entdeckt hend sind klini Baby-Katza, sooooo herzigi klini Kätzli am liebsta häti dia gad mithei gno. Dena schiints aber ordentlich zgo, i vermuata zHotel luagt zu dena wel dia sind immer uf dem Areal.

Am Mentigobig hemer üs nomol entschieda zum nach Gallipoli City zgo. Sind den gad nomol is glicha Resti wels so fein gsi isch🤣 Nach em znacht simer no kli go Shoppa. Zerst in LiuJo, dia Brand gfallt mr bsunders guat. Kauft hemer aber nüd. Am Schluss no in Tezenis, döt hemer Bikini und Badhosa probiert. Det hemer üs denn Partnerlook Badesacha postet😍

Am letzta Obig hemer den Sunnauntergang gnossa und üsi Koffara packt für de nächsti Stop Florenz.Read more