Gallipoli/Lecce

Tag 2
Am Samstig simer am Vormittag nach Lecce. Lecce nennt ma au Florenz des Südens. Ehrlich gseid hani mier nüd unter Lecce vorstella könna. Umso mehr simer positiv überrascht gsi. Es isch as subers und ruhigers Städtli au dLüd sind sehr nett. Altstadt beidruckt mit barocker Architektur. Bsunders faszinierend ischd Basilika Santa Croce, so a detailverliebti Fassada hani nonia gseh. Mit jedem heraluaga hani öpis neus entdeckt a dera Fassada. Bim Duomo simer au verbi, leider hemer in beidi Gebäude ni inna könna do Hochziita gsi sind. Uf em Platz vum Duomo het an Herr sehr schön Klavier gspielt. Das het dem ganza a mega schöni Atmosphäre geh. Lecce het vieli verschiednli Gässli, dia sind sehr nostalgisch.
Apulien isch au sehr bekannt fürs Olivenöl, mier hend üs den ufd suachi gmacht mit google wos zbesta Olivenöl git zum kaufa. Hend a herziga Lada gfunda ka wo üs dia Dama au Olivenöl geh het zum probiera. Hend den gad as paar Fläschana kauft. Am Nomitag hemer üs entschieda zum wieder is Hotel go kli go bädala. Ufm weg det hi simer no z Auto go putza den das hets nötig ka (paar Stunda spöter hets wieder ähnlich dreckig usgseh🤣).

Tag 3
Sunntig hemer vor ka zum go jogga, doch als de Wecker so früeh gschellet het hemer beidi ni ufmöga. Schlussendlich hemer sicher no über 1h gschlofa und sind ni go jogga do den schu zheiss gsi isch. Ja nu i denka den hets de Körper brucht zum erhola, denn mier hend schu täglich sehr viel neui Idrück und den no dia schön wärmi.
De Vormittag bis kurz nach Mittag simer am Beach gsi. I bi eifach immer vu neuem so fasziniert vu dem Wasser, kann amigs eifach döt im Sand stoh und zMeer beobachta.
Am Nomitag simer den richtig Santa Maria di Leuca, wel das üs dass a paar Lüd empfohla hend. Und heiliga bimbam es isch sehr sehr heiss gsi, üs isch de Schweiss nur am Tropfa gsi. Leider hemer ufm Weg det hi au diversi Bränd gseh. Es schiint sehr trocha si und mini Thesa isch dass es Pfösta vu Menscha git wo Zigi ussaschmeissend..
Uf jedafall het üs ez persönlich Santa Maria di Leuca ni gross beeidruckt. Vielleicht ischs aber au dera Hitz schulda und es het glaub auf ufgrunddessaa kum Menscha umamand ka.
Spontan hemer üs entschieda wieder zruck fahra aber den gad nach Gallipoli Centro. Das Städtli wiederum sehr schön, Promenade mit Lädeli und alles drum und dra. De zNacht hemer den au det gessa, au sehr fein gsi.Läs mer