2 Tage Luang Prabang

In Luan Prabang simmer gester Namittag nachere lange rumplige Busfahrt ahcho. Es hed so vill Schlaglöcher gha das mer praktisch ned hed chönne schlafe. Defür hed mer wieder mal ufs Neue die wunderbari Landschaft chönne gnüsse mit ganz villlll Chüeh (Heimatfeeling 😍😍).
Am spötere Namittag simmer uf de Ussichtspunkt ufegloffe (Phou Si Bärg) zum de Sunneundergang ahluege. Wie fast überall heds eifach immer z‘vill Touris, trotzdem hani es schöns Föteli für d‘Erinnerig chönne mache. Nachher simmer a Nightmarket go Ässe. Es hed ganz vill Ässeständ mit verschidnige Sache gäh, ich ha Früehligsrolle und ChickChick (chlini Poulet ähnlich wie Nuggets) gholt. Sehr fein gsi. Am Night market ischs au sehr schön gsi, die Iheimische händ praktisch alles vo Hand sälber gmacht und gnäiht!

Am 2. Tag in Luang Prabang simmer am Morge am 8i zum Kuang Si Wasserfall. Det heds sogar Bäre gha, natürlich i ihrem Resort ihghaget. Zum Wasserfall ufe hed mer denn au no chönne ufelaufe, wasi mer natürli ned ha entgah lah. Au vo dobe isches richtig schön gsii. Im Wasserfall hed mer sogar chönne go bade! Da de Ägerisee alig no chälter isch, isch das für mich easy gsi, die einte oder andere händ de ned inewelle. 😂 Am Namittag simmer no 3 Tempel ahluege (Wat Xienthong, Wat May und Royalpalace) und am Fluss en Apero go näh, jez issi grad Yellow Chicken Curry bim Streetfood. 😋
Da mer morn miteme Boot 9h ohni Strom&Wifi (au die nächste 2 Täg) a nächsti Ort fahred und i verschidnigi Dörfli gönd zum binere Gastfamilie schlafe und luege wies läbed, chund die nächste 2 Täg öpe nüd meh vo mier. 🤣✌🏽Read more