Sanur

9.April
Ahkunft in Denpasar->taxi nach Sanur ins Hostel. Müed hungrig verschwitzt und scho vollgschnurrt vom erste Hostelmitbewohner gangi ändlich go dusche nachdämi vor 24 stund vo dehäi los bi. De flughafe isch das mol zum glück nit so voll gsi wienis kenn und bi tatsächlich fast nit ahgschnurrt worde vo de taxifahrer, wenn doch hanni uf indonesisch antwort geh und denn hän si mi in rueh gloh. Da ich nach dere ganze fliegerei zimliche Bewegigsdrang ha, laufi no an Strand wos denn im erste warung (iheimische "restaurant") ändlich eh lang ersehnts tipat cantok (grüens gmües mit tofu riischlümpä chili und ärdnusssauce chalt zuebereitet)git. In bali het sich abgseh vo de viele Tourirestaurants nüt gänderet siit letzt mol... d buebe löhn am strand loh drache stiige, d männer spiele inere grosse rundi am bode chartespiel ,d fraue schwätze in de chuchene vo de warungs zämme und überall hets hünd wo uf striicheleinheite warte. Denoch hanni denn no meh hunger und gang no an Nachtmärt vo Sanur wos denn no eh Soto Ayam git (pouletsuppe mit riisnudlä). Bevori denn ändlich ins bett cha wirdi nomol vom hostelmitbewohner mit sim mega coole irische akzänt( das isch aber au so zimli s einzig spannende an dere unterhaltig gsi) zuetextet, immerhin hetr znacht denn nit au no gschnarcht.Read more