Gili meno

Hüt hannis mol chli gmüetlicher gha. Am morgä hämmr zwar au wieder eh tauchgang mit eher starker strömig gha und die einti chundin het mi währendem tauchgang no rächt gforderet... usem nüt luegt si mi komplett panisch ah und macht s "out of air" zeiche, ich ha gwüsst dass es fast nit möglich isch dass si kei luft meh het abr ha denn eifach so schnäll wie möglich reagiert und ihre mi zweite atemregualtor geh und si denn versuecht z beruhige. Denn hanni gluegt wie viel luft dass si tatsächlich no het und denn durch ihre regulator gschnuuft zum zeige dass alles no funktioniert. Noch däm si sich chli beruhigt het und checkt het dass si no gnueg luft het hämmr denn alles widr zruggtüschlät und de tauchgang langsam beändet. Bi also hüt mol so richtig gforderet worde in minere ufgob als divemaster, da de instruktor in dere situation z wiit wäg gsi isch und vo all däm gar nüt mitbecho het. Isch cool gsi mol z gseh wie ich in so situatione reagier und ich glaub ich has zimli guet und ruhig chönne bewältige. Am nomidag hanni denn noch dämi de instruktorin mis divebriefing ha müesse vorfüehre, no elläi eh chlini lektion im pool gmacht zum unterschiedlichi sache üebe und bi denn ufs boot richtig gili air. Do blibi jz für 1 nacht zum ändlich mol widr eh warmi und vorallem nit salzigi duschi z gniesse. Morn gniessi denn mi freie tag mit guetem kaffi, langer massage und vorallem viel feinem ässe. Jz sitzi grad ineme zimli schöne ,fast chli influencer mässige restaurant und wart uf mi burger😋.(jä au ich bruch zwüsche dure mol öbbis anders als riis)Leggi altro