Gili meno

Hüt hanni de search and recovery teil chönne abschliesse. Da ich de versteckti gegestand durch glück schnäller als dänkt gfunde ha hämmr denoch no ganzi 50 minute gha zum gniesse. Ich ha denn zum erste mol de tauchgang chönne füehre und zeige dassi mi mittlerwiile scho gnueg guet uskenn dassi eh riff cha finde wo 5 minute schwümmdistanz über eh sandfäld ohni ahhaltspünkt entfärnt vom andere riff isch. Das het zimli guet klappt und mir hän mega viel spannendi neui sache entdeckt und somit eh wunderschöne tauchgang gha. Es het anschienend de ganz tauchgang lang vollgas dure gschüttet und gwitteret aber vo däm hän mir nüt mitbecho und sin bi sunneschin wieder uftaucht. Die letzte täg hets fast jedi nacht heftigi gwitter geh und drum hanni zimli guet chönne schlofe🤩. Sone gwitter ufere insle isch nomol eh anders level als ufere sac-hütte obwohli gmeint ha das goht gar nüm heftiger😅. Nachdäm mir gester d Haiökologie (inkl. 2 whitetip reefshark sichtige) hän chönne abschliesse gits denn morn no eh wiiterbildig in Meeresökologie und wirbellose meerestier. Langsam chönne mr immer meh vo de Liste striiche, hüt hanni zum biispil au no de letzti vo de 3 verlangte schwümmtests chönne mache. S ässe ufem föteli isch mi Znacht gsi gester zobe und heisst ayam masak pedas, isch für mi au mol öbbis neus gsi und isch eigentlich nüt anders als grillierts gschnittenes poulet anere zimli scharfe tomatige chili-chnobli-zitronegras sauce, de salat inkl. sauce wos dezue geh het isch tatsächli au sau guet gsi.Read more