Pemuteran

Hüt morgä hanni zum erste mol s gym vo pemuteran usprobiert, sehr chli aber het eigentlich alles wome brucht. Denoch bini nomol uf eh hügel mit tämpel glofä wo grad zimli viel los gsi isch und ich als einzigi usländischi ha natürli wieder ganz viel fründlichi blick becho. So härzig wie sehr die ihheimische sich immer freue wenn öbber sich für ihri kultur intressiert aber natürli chunnt immr die glichi frog : "are you alone?" und denn sin si ganz erstuunt dass eh frau cha elläi unterwägs si. Isch no sträng gsi nach sonere lange ziit mol wieder so viel stäge z laufe aber s het sich glohnt. Denoch bini denn wieder zrugg ins homestay und ha d räste vom znacht zum zmittag gwärmt. Am nomidag bini denn ine resort öbbe 15 minute fahrt vo do woni denn ind sauna und ins iisbad bi und zum erste mol das joor eh kokosnuss drunkä ha. Ich versuech grad wirkli mim körper z hälfe sich ganz fest z erhole aber mir fallt das halt schono schwer, drum bini jz zimli stolz wie guet dassi hüt zu mim körper gsi bi. Jz bini wieder zrugg im homestay, wo jz immer wie meh vo de bekannte ihheimische uftauche und spöter mache mr denn wieder die traditionelle sate wie mrs letzt joor au immr gmacht hän.Læs mere