Ausflug zu den Carabinieri😮‍💨

Ha also lang öberleit öbi de Post söll mache…. Geschter hämmer de Gad im Zemmer gloh ond send go zmörgele. De cha mer es Magnet met Hund ad Tör tue das niemer inegot. Wo mer zrogg cho send esch sch s Zemmer grad fertig potzt gsi- kei Gad ome. Woni si gfrogt ha wo de Hond sig seit si-d Töre sig sperangelwiit offe gsi ond kei Hond im Zemmer!!!! De Schreck! S ganz Hotel abgsuecht-nüt. Of de Öberwachigskamera händs de gseh das er usem Hotel use esch….
Also semmer ofd Suechi- all Wäge abgloffe wo mer normal gloffe send. Lüt aquatscht-met em Auto go sueche- nüt!
Noch öber 3 Stonde hani de Marianne aglüte. Chorz drofabe lütet si zrogg ond meint- s het ne öpper metgnoh-lüt de Polizei a. Met Helf vo de Hotelbsetzeri hämmer de äntli d Polizei in Sand in Tauffers am Telefon gha- rede nor italiänisch- aber händ de metteilt öbercho das en Hond abgeh worde esch. Also los is Auto! Wo mer be de Carabinieri acho send säges öis er sig wiiters of Bozen is Tierheim. Ersch grad chorzom abgholt worde. Zom Glöck esch de Tierartz wosi zuezoge händ zwöisprochig gsi! So händs dere Dame vom Tierheim aglüte i sell weder chehre….
Denn eschs au wörkli de Gad gsi😅.Aber s goot no wiiters! De riisig Papierchrieg! Impfbüechli natürli im Hotel-also hole….
Am 15:00 semmer alli gschafft im Hotel gsi.
De Gile het jetzt met de Frog z kämpfe: hätt s Heidi au so lang noch mer gsuecht……😉Baca lagi