Üse erst Wanderritt | FindPenguins

Newest first

Trip start
June 25, 2024
Üse erst Wanderritt
Baud geits los d fröid isch riese gross
June 25, 2024 in Switzerland ⋅ ☀️ 15 °C
Nachere erhousame Nacht & amne käffeli am morge geits baud los i üses abentüür 🥳
See translation
3 likes
Üse erst Wanderritt
Mir si ready 😀
June 25, 2024 in Switzerland ⋅ ☀️ 17 °C
Bim parat mache isch aues super gange d Illaga u dr Sony si ruehig am höi frässe u mir chöi derzue packe u parat mache. Bim losgah no d Silvia mit dr Hope troffe fürnes fotis z mache und tschüss z säge.
S Lohn bir Landi schnäu ä haut gmacht mir hei Lust ufenes schoggigipfeli und natürlech 2 rüebli.
Nachder sterchig simer parat zum ritte. Los geits richtig Gerlafingen über WilerRead more
See translation
4 likes
Üse erst Wanderritt
1
Mittagshaut
June 25, 2024 in Switzerland ⋅ ⛅ 21 °C
S Gerlafinge simer über d Ämme. E mega schöni Brügg, wie cool üsi 2 rössli si. Witer richtig Zielebach bis mir den in Recherswil über d Outobahn si oh dert wieder 2i so cooli rössli so viu Lastwäge u e riese Lärme und d Illaga u dr Sony si eifach töifeentspannt.
Baud mau simer uf dr Suechi nachemen schöne plätzli zum öpis ässe das fingemer de oh bimne Waudhuus mit viu feinem Gras und bänkli zum hokeRead more
See translation
Ein schönes Paar! 🐴 [Beate]
6/25/24ReplyTranslate
4 likes
Üse erst Wanderritt
Witer geits richtig Bolken
June 25, 2024 in Switzerland ⋅ ⛅ 25 °C
Gstärkt gömer witer über Etziken richtig Bolken.
Dür viu schöni Wäuder ar Sunne nah. Es het aber oh paar wäge gha womer hei müesse Chehre wous eifach nid witer gange isch. Derfür heimer üse Spass gha derbi und dr Sony het nochli schlamm mitgnoh uf die letzti etape vom Tag.
Nach ca 6 stung ungerwägs simer denn in Bolken bir Härzauerliebste A. acho. D ross hei e duschi übercho und mir feine chueche und es Kaffe uuh heimer das gnosseRead more
See translation
TravelerGseht gmüetich us 😃
6/25/24ReplyTranslate
TravelerEs isch sehr schön
6/25/24ReplyTranslate
Weiterhin ganz viel Spass und gute Reise! 🐴 [Beate]
6/25/24ReplyTranslate
TravelerMerci viu mau 🥰
6/25/24ReplyTranslate
4 likes
Üse erst Wanderritt
Mit viu liebi i nöi Tag starte
June 26, 2024 in Switzerland ⋅ ☁️ 18 °C
Nachemne Gwittrige Abe isch de d Nacht rächt ruehig gsi. So kabut vom erste Tag dene viele ihdrück und dere tolle Gastfründschaft heimer super guet chöne schlafe.
Dr erst blick geit natürlech i stau wome mit sehr viu Liebi empfange wirde.
Dusse vorem chline Schlössli wärde mir mitemne tolle zmorge ar früsche luft begrüesst.
De heissts parat mache, packe und tschüss säge. Danke für die mega tolle gspräch die Gastfründschaft und das härzleche empfah vo üs 4.Read more
See translation
4 likes
Üse erst Wanderritt
Planänderig
June 26, 2024 in Switzerland ⋅ ☁️ 20 °C
Da s wätter sehr unstabiu het gmäudet heimer üs fürne kürzere wäg entschiede.
Mir starte dür schöni Wäuder über Galoppwäge bismer denn e chline abstächer a Burgäschisee hei chöne mache. Wie schön das dert isch gsi am liebest wäri nüme wäg vo dert.
Dr witer wäg füehrt üs in richtig Steinhof über Bollodingen womer e Bahnübergang mit schnäuzüg u güeterzüg überquere. Aues super gange zum Glück grad nume aues vo witer wäg gseh.
Über d Houptstrass geits richtig steil s Loch uf. Üsi rössli hei das sehr starch gmacht und si mit üs ufem Rügge dert ufeglofe wie sie das tagtäglech mache. Vouer stouz simer denn obe acho & de heimer nume no usem waud übert strass müesse und si ufem nächste tolle Hof acho.
E witeri tolli begrüessig erwartet üs 4iRead more
See translation
3 likes
Üse erst Wanderritt
Paradies für üsi Rössli
June 26, 2024 in Switzerland ⋅ ☁️ 21 °C
Ize gits zersch mau e duschi de geits ab uft weid. Zersch mau laang und usgiebig wäuze. Was fürne fröid zue z luege wie puduwou üsi rössli hie si und wie guet das sis dörfe ha.
Für üs gits es käffeli und es güetzi am weide rand.
Was fürnes Paradies d Ruth hie für au ihri rössli gschaffet het und oh üs mit grossem Härz und offete arme in empfang gnoh het. Merci viu mauRead more
See translation
3 likes
Üse erst Wanderritt
Paradies für üs
June 26, 2024 in Switzerland ⋅ ☁️ 23 °C
Mitemne guete Gfüeu geits oh für üs langsam i üses plätzli womer bis am friti dörfe si.
Acho im Äupli oder besser gseid im chline Paradies gits oh für üs e chlini sterchig mitemne käffeli und ganz feinem dessert.
I schöner gseuschaft verbringe mir e schöne nami bismer am 5i nomau schnäu i stau düseRead more
See translation
2 likes
Üse erst Wanderritt
Chli umeblödele
June 26, 2024 in Switzerland ⋅ ☁️ 23 °C
Im stau usch aues ruehig u friedlech d Illaga u dr Sony gniess d freiheit uft weid dörfe z gah wenn sie wei.
Mir mache no es Mash und bringe das uf weid. Das gschmatz isch herrlech.
D idee mir chönte doch so ufs ross ufe gumpe wir grad probiert. Meh schlächt aus rächt geits oh aber mir hei so viu spass derbi und lache so viu das scho fasch dr buch weh duet.Read more
See translation
2 likes
Üse erst Wanderritt
2
Ah lug da e Drahtesu
June 26, 2024 in Switzerland ⋅ ⛅ 22 °C
So de gömer wieder hei.
Mir hei 2 velo deponiert übercho damit mir jederzit i stau chöi fahre und wieder is Paradiesli.
Ah nei nid velo Drahtesle
Im Paradiesli düemer fein grille u dr abe gmüetlech lah usklinge.
Mit au dene härzleche Lüth isches no viu schöner.
Ab is bett mir fröie üs uf üse pouse tagRead more
See translation
Traveler Loufe 🙄🙄🙄
6/27/24Reply
TravelerEs isch nid gange dert 🤷‍♀️
6/27/24ReplyTranslate
4 likes
Üse erst Wanderritt
Pousetag
June 27, 2024 in Switzerland ⋅ ⛅ 22 °C
Hüt gniess mir aui 4i üse Pouse tag.
Am Sony und ar Illaga geits so gurt sie hei viu platz immer viu höi und e grossi Weid.
Oh mir chöme hüt gaar nid z churz
Mir düeh im Paradiesli bädele sünnele music lose und viu Lache. Was fürne schöne tag.
Am nami gits nochli psuech und mir mache no e abstächer zude rössli.
Wie dänkt isch dert aues sehr friedlech und entspannt.
Morn geits richtig daheime vor Illaga uf die für üs 2i letzt etape vore, mit wunderbare momänte prägti Reis.
Ohni öich Sasony wärs nid müglech gsi und oh nid so schön. DANKERead more
See translation
Traveler... und ohni öich wärs genau so nid möglech xi... dir heit das soooo super gmacht u es isch berychernd, mit öich au das dörfe z teile 🙏💕🍀
6/27/24ReplyTranslate
2 likes
Üse erst Wanderritt
Dr letzt Tag
June 28, 2024 in Switzerland ⋅ 🌙 16 °C
Hüt isch für d Illaga und mi leider dr letzt Tag ahbroche.
Am 4i stöh mir uf oder ig de ersch 15 ab woui dr Wecker nid ghört ha.
När es käffeli trinke und de mitem Drahtesu ab i stau.
Im stau heisst de putze Sattle u de parat mache zum abritte.
Die liebi Ruth beleitet üs bis uf Riedwil mit ihrene 2 putzige IsländerRead more
See translation
2 likes
Üse erst Wanderritt
Em het öper shoggigipfeli gseid
June 28, 2024 in Switzerland ⋅ ☀️ 17 °C
Mir loufe fasch näbe dr Landi düre heisst natürlech es isch zit fürne shoggigipfeli
See translation
2 likes
Üse erst Wanderritt
Wunderschöni Natur
June 28, 2024 in Switzerland ⋅ ⛅ 20 °C
Die rueh am morge früeh nume Vögeli wo zwitschere und huuf wome ghört.
Mir ritte dür wunderschöni wäuder schöni Galoppwäge und chöme sehr guet vorwärts. Mir hei 30km vor üs bis daheime.
In Koppigen loufe mir z mitts dürt Öga sone Gartemäss düre. D Illaga u dr Sony düeh beidi nüt dergliche und loufe tapfer witer. Gli mau luegemer fürnes schöns plätzli fürnes pöiseli z mache d ross hei das meh aus verdientRead more
See translation
2 likes
Üse erst Wanderritt
Schlussspurt
June 28, 2024 in Switzerland ⋅ ☁️ 25 °C
Gstärkt nämer no die letzte ca 12km für hei.
Churz nachder pouse geits wieder übert A1 für üs 4i absoluth kei problem und das mau sogar ufem Ross.
Ab dert ah kennemer d Strecki vom erste Ritttag. Mir ritte richtig gerlafinge womer no d Ämme überquere. U de isches gar nüme so wit für hei.
Aber ize heimer müeh mit dä Bräme ize näme sie dr Sony und d Illaga wosie nume chöi.
Baud simer aber d Lohn und vo dert sis no paar galoppsprüngli u de simer daheime.
Ize gits e wohlverdienti Duschi und de chli rueh im Stau.Read more
See translation
1 like

Trip end
June 28, 2024